انا ياجماعه مكسرره شديييد في ولد جيرانا هو سمح و حلاتو كدهه و انا الحمد لله لا جمال لا مال 😂💔 اكبر بايره في السودان عمري سته وعشرين سنه ولوني افتح من الزيتونه بشوييه بس و بعد ده ما عندي اي اهتمام بي نفسي .. اي نحنا في عالم الفسخ والجلخ و النضافه بس انا بعيييده كل البعد عن العالم ده ولا يوم فكرتا اخترع تسريحه سااي لي شعري .. استوب 😳 هو ده اذا في شعر اساسا في حاجه كدهه نااشفهه واقفه في نص راسي مليااانه لبيك و اي شي قمل زاتو شكلو في ... اي حاجه ممكن تخطر على بال الواحد بيلقاها جوه شعري😂😂 مره باكل و بحك فيهو كده طلعت لي قشه طويييله جات من ويين ما بعرف 😳 .. الاكل عندي اهم حاجه في الدنيا بقيت حاجه كده مربعه من فوق و تحت و كاشه ماشه .. بصحى الصباح كالعادهه بعد اصلي واشرب الشاي بجرري جرري ادخل في عبايه سمييينه كده و واسعه قدري و ديك يا الشرابات السود كمان 😂 الطوييله و الجونتات السود و الشعر ده بربطو بس بي بانده كده بالغصب ولو اتجهيييت شديييد كده يعني بمسح وشي بي فازلين و بجوط معاهو الخشم و الحواجب .. و يجي مدردقه نازله بالسلم بتصبح بي الوش السمح ده يا يمى 😍 الريحه بشمها من و انا جوه البيت و كل ما أقرب لي باب الشارع بشمها زياده 😍 الزول السمح النضييف القيافه مل يوم بقيف زي الهبله ورا باب بيتنا بشوفو و هو بركب عربيتو و ماشي💗 بقرب اجري اكشح مويه وراهو عشان يجيني راجع ساالم غاانم كده ❤️ و بسطتي دي دائما قاطعاها لي صحبتي الوحيده في الدنيا دي اسمها زهره 💗 و ياخ هي لكن ما زهره اسم و جسم و وش مبتسم 💗💋 بالله تشوف وشها الصباح لما قلبك ينشرح نضييفه نضاافه الشعر و االميك اب الكامل و اللون النضييف 💗 ياخ بت ترد الروح مضيعه قروش ابوها كلهاا في اهتمامها بنفسها .. اي نحنا نفس الوضع 😂💔 بس ما عارفه انا ليه ما بحب الاهتمام و ما عندي اخلاق ليهو .. هو انا لكن فاضيه من اجي من الشغل و اجدع الشراب بتاع البايرات ده بجري البلكونه بقيف متنحه اراقب أسمر❤️ من فووق كدهه يومي كلو ضاايع في المراقبه ماشي و جاي و شايل لابتوبو بكتب .. و على كده قصه حياتي بتنتهي .. زهره دي وااقفه لي عارض من يومها 😂 لازم تديني محاضره الصباح و احنا ماشيين في الشارع يابت اهتمي بي روحك يا بت الكريم الجبتو ليك ما مسحتي مالك ! يا زفته انا ما مره اقول ليك مسحي شعرك ياخي ارحميهو وارحمينا معاك 😒 ريحتو طلعت زين ابونا زاتو .. و لا حياه لمن تنادي ، بوسه باليمين وبوسه بالشمال بودعها و هي بتبكي امجاد للشغل .. وانا يا المواصلات و المدافره جاك زول 😍 .. زهره تعاين لي بالشباك و تكورك يا عواليقق نفسي اعرف قروش ابوك دي بتوديها وين 😒😒 اتمرمطي اصلك شبه المرمطه .. وانا ولاا كأنوا يتكلموا معاي ادي داك لزه و دي عفصه و الوراي خبته و القدامي قرصه و اركب الحافله محافظه على شرفي و سمعتي و سط البشر😂💔 لحدي ما اصل للمكتب صباح الخير للبواب وصباح الخير لخالتو نفيسه ست الشاي و طوالي بحمااس كده للمكتب .. بلقى القضايا قااعده منتظراني طبعا شغاله عند محمامي شااطر كده و بتدرب معاهو شغل المحاماه .. اها مكتبنا ده فيهو تلات مكاتب صغيره و تلاته محاميين و نحنا بالصلاه على النبي كده كلنا محاميات بايرات💔😂 نمارق و هنادي و انا .. الفرق هم بنات و انا محمد ولد .. بدخل المكتب بلقى اي وحده مجلبطه حاجه في يدها بالله لما اسلم على الوحده بقرب اتزحلق من النعووميه 😍 و انا يايمى اول سؤال يسألوا اها الليله فطورنا شنو ! طبعا نمارق دي حنكوشه كييف ردها عجيب كدهه بصوت رنان كده نحنا ما جعانين هسي و بعدين ممكن نجيب زبادي عشان انا عامله رجيييم .. طيب ياختي هلي الرجيم ينفعك😒 اساسا المكسلني من الاجتهاد انو العرسان كان بجوا بالجيهه كان جوا للمعولقه نمارق دي 😂💔 .. بقعد لي زي ساعتين كده و بنزل تحت بامل مع عمو موسى وخالتو نفيسه بوش كااارب كده 😍 بظبطوا لينا بتاع الدكان و بنجيب داك يا البيبسي القزاز و نسطلها التلاته كده مع بعض 😂💔 اطلع للمكتب مرررخمه القتل اخوهو اقول ليهم طلعوا و الشرق قروش اقول ليهم ادوهو .. و بي كدهه يومي العولاق بخلص و بتبدا رحله المعافره و المدافره للرجوع 😂 عاد لكن المره دي دايره اجتهاد و انا بكون اتسطلتا بالبوش .. بقعد كده و بفرش جريدتي في نص الاستاد و لما الله يحن علي و يرسل لي واحد من اولاد الجامعات يكون فرقي منو يومين او شهرين يناديني بكل ادب كمان قال يا 😳خاله .. خاله في عينك يا كلب 😒👏 المهم انو في زول غبرني في هذا العالم البائس الفقير.. بجري اركب قبل ما تعحبوا ليك وحده من الخالات المجيهات .. بالله بتمدد في الحافله و الكرسي ده لااازم اخلص التلاته جنيه حقتي فيهو التقول حقت ابوي 😂💔 و لحدي ما اصل كده بكون اخدتا لي شخره شخرتيين اكسب زمني من معطه الكبري و شكله الكمساري مع الراكب الورا .. بنوم و بصحى بلقى نفسي وصلتا البيت بنزل مااشه حته حته عشان المح أسمر 💔 بلقاهو ما جا و العربيه مافي بدخل البيت وجرري على الثلاجه افتش في شنو بياكلوا بالله الوش بقى قدر طبق البيض 💔😂 .. بكون ختيت لي صحنين كده ضربتهم لحدي ما اصلي المغرب و اقيف في البلكونه بلقى السمح سيد الناس وصل 😍💗💋
