فى كام حاجة كنت عايزة اوضحها.
النقطة الاولى، اللى شاف منكوا الفيل الازرق، احمد مراد كاتب رائع مفيش كلام. فى تشابه شوية بين روايتى دى (ليلى) و بين رواية احمد مراد (الفيل الزرق) بس التشابه ده فى المكان بس اعتقد، لان انا قصتى مختلفة تماما.
نقطة تانية، انا العربى بتاعى ضعيف لظروف خارجة عن ارادتى. انا اصلا مش بكتب بالعربى، معظم اعمالى، سواء قصص، اشعار، او خواطر، بكتبهم انجليزى. و هتلاقوا عندى فى الوال هنا كزه حاجة كدة، و فى منهم محقق نجاح. بس انا حبيت استغل موهبتى و خيالى فى حاجة عربى، لعل و عسى. انا بقول كده عشان تعذروا الاخطاء الكتابية اللى عندى. و انشاءالله لما الاقى وقت هرجع اراجع الفصول اللى فاتت و اصححها.
نقطة تالتة، انا كتابة الفصل بتاخد معايا من اربع لست ساعات لانى بكتب بالعربى و ده بالنسبالى ماساه. ف يا رييييييييت، بعد اذنكوا يعنى تتفاعلوا، اقل حاجة تقولوا الفصل اللى نزل ده كويس ولا كنتوا متوقعيين احسن من كده. والله انا مش بعض. و هبقى مقدرة جدااااااا لكل الاراء اللى بتيجى. السلبية قبل الاجابية.
نقطة رابعة، (ليلى) دلوقتى وصلت للمركز التانى هنا على الواتباد فى فئة اعمال #الخيال_العام و دى حاجة حلوة اوى و انا فخورة بيها جدا. شكرا بجد ليكوا. بس هى لسه ورا اوييييييييي فى فئة الاعمال #الرومانسية و السبيل الوحيد انها تتقدم انكوا تعملولها شير و تقولوا لاصحابكم او اى حد بيحب يقرا عليها، و كمان انكوا تعملوا فوت، تصوتوا للقصة عن طريق انكوا تدوسوا على النجمة اللى على اللمين فوق او لو انتوا بتقروا من الموبايل فى اخر الفصب تحت هتلاقو كلمة تصويت و جنبها نجمة فاضية، لما تدوسوا عليها يبقى كده صوتتوا..
بالنسبه للناس اللى بتقرا القصة من على تويتر او كده، بلييييييز اعملوا حساب على الواتباد، بجد الموضوع سهل و مش هياخد دقيقة، ممكن تعملوا اكونت او حساب على الواتباد باستخدام حتى الفيسبوك بتاعكوا. ارجوكم صوتوا ل (ليلى) . بجد صوتكوا هيفرق، مش زى كلام الانتخابات، انما هنا بجد والله هيفرق.
نقطة خامسة، انا اختكوا، انا هنا بشارك معاكوا اكتر حاجة انا بحبها و بستمتع بيها و هى الكتابة. انا اولا بشكركوا انكوا بتدونى حبه من وقتكم و بتقروا ليلى، اللى اتمنى انها تكون عجباكوا. ثانيا، انتوا كلكم اصحابى و اخواتى من غير م اعرفكم. فى اى وقت تحتاجوا حد تتكلموا معاه او تسالوه عن حاجة، انا موجودة ٢٤ ساعة. متفكروش ازاى تبداو الكلام او هتقولوا ايه، بس اتكلموا و متحملوش هم، طبعا كلامكوا مش هيخرج بره لان انا فعليا معرفكوش، كمان انا مستحيل هحكم على اى حد فيكوا من خلال اى حاجة هيقولهالى. انا نفسي شفت كتير و عملت اكتر، لو عندكوا مشكلة ايا كان نوعها او تصنفها، تعالوا احكزلى و متخفوش و انا انشاء الله هقدر اساعدكوا.
بخصوص (ليلى) بقى نفسها، ركزوا معايا شوية عشان هندخل فى الجد...
- الفصل ده بيحكى من وجهة نظر ليلى.. يعنى مش خال اللى بيحكيه، لا، ليلى اللى بتحكى.
-هنزل الفصل بعد التنويه ده.
-حاولوا تتخيلوا د.خالد على انه محمد امام. د.هدى على انها رانيا يوسف. د. معتز على انه عمرو سلامة. ليلى على انها..... نستنى شوية على ليلى؟ او انتوا قولوا اقتراحتكوا، شايفين مين من الممسلات يليق عليها دور ليلى اكتر؟!؟!؟!
- هيبقى فى حلجة اسمها (vote goals) من هنا و رايح عشان تنزيلى للفصول يبقى منتظم. يعنى ايه؟ يعنى هحط رقم معين للتصويتات اللى جاية على القصة، اول ما توصلوا للرقم ده، هنزل الفصل الجديد خلال ٢٤ من تحقيقكوا للهدف ده. متقلقوش، مش هحط ارقام كبيرة ولا حاجة.
طب ناس تسال لو الهدف ده متحققش؟ هقولهم، هنزل الفصل الجديد برضو بس بعد فترة، هاخد راحتى فى الوقت يعنى لان مفيش حاجة ورايا جابرة انة احمل الفصل الجديد انهارده مثلا، انما لو الهدف اتحقق هبقى انا ملزمة انى انزل الفصل الجديد خلال ٢٤ ساعة.
اشطة ؟ اشطة.
-الفصل الخامس هينزل انهارده. كمان ساعة بالكتير.
قراءة ميمونة. و ورونى تعليقاتكوا الحلوة .
١٨/٨/٢٠١٤
٦:٣١ صباحا
أنت تقرأ
ليلى
Romanceلكل قصة قصة... تدور أحداث القصة فى اخر عام 2010 و بداية عام 2011 حتي حاضرنا. القصة يرويها خالد و ليلي عن كيفية استخدام الحب كعلاج لكل مشاكل العقل و النفس... لكن هل يتعين علي مثل هذا الحب أن يستمر أم أنه مجرد دفعة للأمام ليحظي كلا منهما بمستقبل أفضل...
