البارت 21
اهات ودموع يتيمه
صعدت للغرفه واني نار وعصبي والسبب مو لان حجت ويانه هيج لا بالعكس اني عصبي من نفسي شلون هيج وافقت وخليتها تخدم عند ناس غربه دخلت للحمام ولكيته مو جاهز مثل كل مره الغرفه مهوسه الصراحه هي معيشتنه ملوك كل النريده تنفذه بدون منطلب منها طلعت من الحمام ولكيت نور منتظرتني وبدون ملابس عبالها راح افرح واتقربلها اجت شبكتني وكلتلي يله حبيبي وين صرت منتظرتك كتلها وخري من يمي لا ابتلي بيج روحي طالعه كلتلي شدعوه عيني كل هاعصبيه ع مود وحده كح......
لزمتها من شعرها وكتله شكم مره كتلج لاتحجين عليها كدامي وتكولين كح..... كلتلي حبيبي والله موقصدي بس اتخبل من الكيك عصبي هديتها وكتلها يله انزلي جهزي الغده كلتلي والخدامه شنو شغلها كتلها مو هي هاي الردتيها تخدم عند الناس دكليها منا ورايح ملابسي وغرفتي انتي تتكلفيها ونزلت جوه لكيت ماما مسويه غده وهي ولاكانو بيها شي اتوقعتها راح تنام بغرفتها بس لا لكيتها تجهز بالغده صبتنه وراحت طلعت بره صحت عليها هيييي وين تردين كلتلي اريد اغسل الكراج كتلها عوفي مو اليوم لان كلت اكيد تعبت عند العالم خطيه خل ترتاح كملت غداي والصراحه اكل ماما طيب بس مو مثل زهراء اكلها اله نكهه خاصه كلش طيب جنت قبل لتجي اكل كله بالمطاعم بس من اجت صدفه اروح مطاعم وشربت جاي وصعدت للغرفه دخلت لكيتها دتنظف بالغرفه مبدله الفرشه وتغسل بالملابس طبعا الحمام الي بغرفتي جبير بي غساله بداخله لكيت الغساله مشغلتها وتفتر بالغرفه تنظف اني محجيت شي حبيت اتفرج عليها وهي تنظف تمددت ع فراشي وهي تمسح بالمري مالت الكنتور اتنوع لوجها مورم كله راسها مبين علي ملفوف اكيد تاذت من الطبله صفنت كلت لحد الان مشفت منها شي لا ايد طالعه ولا رجل طالعه ولا شفتها فد يوم بلا حجاب وتصرفاتها ثكيله بشكل كلت معقوله اطلع غلطان بحقها بعدين كلت لا هاي تصطنع البراءه كملت بهدوء واخذت الملابس تشرهن ورادت تطلع حبيت استفزها نزعت تيشيرتي وبقيت بس بالفانيلا التعلاكه كتلها تعاي دلكيلي ظهري لان تعبان حيل حبيت ايدها تلمسني هي بقت جامده بدون حركه كتلها شنو طرمه مسمعتي كلتلي اعذرني مااكدر هذا شغل نور زوجتك كملت ع حيلي وبديت اتقرب عليها وهي ترجع لورا انحصرت يم الباب اتقربت عليها وقربت وجهي يمها احس انفاسنا اختلطت بس سمعت دكات كلبها قوي يمكن خايفه كتلها ليش بس نور زوجتي وانتي شنو ابد مرفعت عيها بعيني مدنكه سحبت نفسها بحركه وكلتلي اني موزوجتك اني خدامتك دفعتني ع كيف وفتحت الباب وركضت فركت وجهي ورجعت تمددت ع فراشي وافكر بيها لويش اني مااتقربلها احس اكو مانع قوي يمنعني يعني واذا خطأت المفروض اسامحها لويش اني كاعد اسوي هيج بيها
زهراء : صعدت لفوك انظف بغرفتهم ومثل كل مره هاي نور وسخه بشكل العود متكيسه من الكاع شغلت الغساله وبديت اغسل بملابسهم ورجعت انظف دخل احمد وتمدد ع فراشه اني تضايقت حيل احسه ديراقبني وين مااروح استعجلت ونشفت الملابس وردت اطلع اشو هذا صاحني وكلي تعاي دلكيلي ظهري تعبان اني جمدت بدمي لا وفوكاها نزع التيشيرت مالته اني تصنمت سكتت اشو هذا كام وكال شنو طرمه مسمعتي شكلت كتله اعذرني مااكدر هذا شغل نور زوجتك اشو هذا اتقرب عليه اني خفت وارتبكت هو يتقرب واني ارجع للخلف لحد ماانحصرت وره الباب صار قريب عليه حيل خفت وبنفس الوقت ارتبكت شعور غريب اول مره احس بي قرب وجها عليه واختلطت انفاسنا سويه اني كلبي يدك حيل احس كل الي بالبيت يسمعونه كلي ليش بس نور زوجتي وانتي شنو كل هذا واني عيني مرفعتها ابد مدنكه واحجي سحبت نفسي بهدوء وكتله اني موزوجتك اني خدامتك بس شنو كوه طلعت الحجي مني وفتحت الباب وركضت صعدت لفوك اشر الملابس
طبعا اجمل مكان عندي هو السطح لان احس قريبه ع ربي وازور مولاي الحسين واخيه ابا الفضل دائما هالمره كلت مااريد ازور اريد ادعيهم وفعلا دعيت كلت كون ابد ميفكر بيه ك زوجه اله لان اموت اذا صار هذا الشي كل معاناتي بسببه نزلت لكيت الكل بغرفته رحت كلت خل ارتاحلي شويه واحنه هسه بداية شهر العاشر بده الوقت يتغير ومحرم قرب تقريبا بعد اسبوع خفت انام خاف يروح عليه الوقت اتوضيت وقريت قران وهديته لاهلي وصليت وراها جهزت الهم العشا واتعشوا وراها كلمن راح لغرفته اني كملت شغلي ورحت كبل انام لان حيل تعبانه وكلت بلكي اكعد من وقت حتى اطبخ مرگ باميا ويبقه بس تمن خالتي تطبخه
وفعلا بس حطيت راسي نمت كعدت من الصبح طبعا اكعد بدون منبه يوميه وي الاذان اتوضيت وصليت وطبخت الباميا وحظرت الريوك وبدو يكعدون اني حضرت عباتي والبوشيه وانتظرتهم كعدو يتريكون وكلمن يصيح شنو هالريحه الطيبه من الصبح خالتي كلتلهم عيني النادره طابخه قبل لتروح تخدم بالبيوت تفكر بالكل بس محد يفكر بيها اني فرحت من كالت هيج الكل سكت بس عمو حجه كله احمد اني مقابل ابد بتصرفك هذا واذا صار شي احملك كل المسؤليه حيل ضجت كلت خوش ريوك من الصبح كله بابا هنه شكم يوم وتكعد وان شاء الله ميصير شي ويتنوعلي من فوك لجوه وخلص وكال يله الحكيني ردت اصعد ورا جرني من ايدي حيل وشمرني بالصدر يمه وطبك الباب حيل كلي ميت مره اكلج اني مااشتغل عند الخلفوج وتصعدين وره كتله مو هذا قصدي بس اخاف اشوه سمعتك من اكعد بصفك مااحس اله ع حراره بخدي وراسي انركع بالجامه كلي ولج اشو صاير لسانج طويل من يمته وانت تراددين سكتت كلي الظاهر انتي بعدج ينرادلج كرصت اذن زينه وراج حساب بس الله اليعلم بي
بجيت وكلت بكلبي هو اني شحجيت لو مثل نور احجي ويا شيسوي بيه اشو ولا يحاجيها شخطت السياره حيل ووصلني وراح
احمد كعدت الصبح اشتميت ريحه طبخ كلش طيبه سالت كلتلي امي النادره طابخه مرك قبل لتروح تخدم لان تفكر بالكل وهي محد يفكر بيها استغربت من امي شغيرها هيج وجانت تكرها كره اكثر مني كلت لازم اليوم افهم منها شنو الفلم
