البارت 15
اهات ودموع يتيمه
انغمه عليها شلتها وطببتها للصاله رشينه عطر ماكو فايده قست ظغطها لكيته حيل هابط رحت بسرعه للصيدليه جبت كانولا ومغذي مالح شكلتلها كانولا بصعوبه لان ماعدها وريد وشكلتلها مغذي وره شويه صحت
زهراء : حيل انهضمت وبجيت هواي ع ماما والضوجني اكثر محد قبل ياخذني اشوفها اخاف مقابله عليه لو مصدكه اني مو زينه لازم ابرر موقفي امامها قبل لتموت وبديت اصلي وادعي الها كون تكوم بسلامه
الظهر رجع احمد من الدوام وصعد اول مره ميخزرني ولا يرزلني الحقيقه اتفاجأت صعد لفوك اني كاعد اجهزلهم بالغده مااحس اله نور تكلي البقيه بحياتج ماتت بيبيتج ومراضيه عليج اني حسيت شلون واحد وضربو ع راسه عيوني غوشت اني صارلي يومين مماكله كلشي بس شي خفيف لان ماالي نفس مقهوره ع ماما ماحسيت اله نايمه بالصاله وبايدي الكانولا ومشكليلي مغذي كمت ابجي كتله فدوه كلي نور تجذب لاتكلي ماتت فدوه خاف زعلانه عليه خاف مشتاقه الي كتله والله مااسامحك فد يوم كلشي ولا يجيك يوم وتطلب السماح مني هو ساكت مدري شعجب سحبت نفسي بهدوء وطبيت لغرفتي بقيت ابجي واتوضيت وقريتلها قران لحد ماصار الليل ابد ماطلعت وراها ندك الباب عليه طلعت كوه اسحل بنفسي كلولي حظرينه العشا حتى بهيج موقف ميتركوني سكتت ماحجيت خوفا من احمد دائما يركع راسي بالحايط طلعت وره شويه دخل اخو الوسطاني حسن طبعا بيته باربيل مستقر هو وزوجته بس هو غثه مثل اخو عكس علي حباب كلش
وراها اجه علي وزوجته واطفاله التمو سويت عشا وراحو جابو كباب وكص ودجاج شافني علي ابجي كلي خيرج زهوره شبيج احمد عيونه تريد تاكلني كتله ماما انطتك عمرها دار وجها لاحمد وكله ليش مااخذتها خطيه كله احمد ماعندي مجال وهيه ماتت بعد شتفيد الروحه كام يغلط ويحجي يكله ولك شنو من كلب كلبك خالو وزوجته طبكو وي احمد وكلوله لتدخل
رجل وزوجته انته ليش تتدخل علي زعل وراد يطلع مخلا جدو كله اكعد علي عيب عليكم تتعاركون وع شنو ع وحده كح..... متستاهل
سكت علي ودنك بس يهز بايده بما معنى ماراضي
كملت عشاهم واتعشوو علي دزلي علاكه بيد ابنه باسني وكلي ليش تبجين
كتله ماابجي حبيبي بس مدري شنو طب بعيني
طلع الولد ودخلي احمد بسرعه واخذ العلاكه يدور بيها شكو لكه بيها حلويات وجيس حفاضات نسائيه تخبل وكلي لا هاي هيه من اكول كح..... تلومني الناس ولج انتي شنو من بشر ضربني راجدي وبعدين ركعني بوكسي كام الدم يجري من حلكي وخشمي وكلي ماتستحين توصينه ع حفاضات اني دنكت كتله والله مموصيته هو من ذاته يجيبلي اخذ العلاكه وكلي والقران اذا اخذتي من علي شي ولو طلبتي يجيبلج ادفنج عدله
راح من يمي ودخل عليهم مااعرف شحجه وراها صارت العيطه وعلي اخذ زوجته واولاده وطلع
طبعا حسن مذكرت شي عنه لان مويمنه هو بغير محافظه ثاني مره اشوفه لان اول يوم الاجيت بي شفته شويه وراح بالليل وهو من النوع الشايل خشمه ابد مايوم حجه وياي لابزينه ولا بمو زينه بس هسه اتفاجأت بي من صاحني وكدام الناس وسالني
حسن : اسالج وجاوبي بدون لف ودوران اني مدنكه مرفعت عيني ابد بس الخوف اكلني كتله اسال كلي انت كاعد توصين علي ع شي لو من ذاته يجيبلج كتله والله من ذاته يجيبلي بس مره وحده من توفت بيبي انجبرت اوصي ع ملابس سود كلي اكو يوم وصيتي زوجج ومجابلج كتله لا كلي ليش كتله اني متاكده يرفض كلي شنو اليخليج متاكده كتله هيج وحدي كلي تدرين صارت مشكله جبيره من وراج هسه واكيد احنه نذب الصوج بيج لان اي احد بمكان احمد ميقبل اخو يجيب الزوجته حفاظات اني بهاي اللحضه غطيت بملابسي من العرك استحيت حيل محجيت ولا شي كلي منا وجاي لو توصين امي لو توصين رجلج ومن يرفضون الج حق توصين علي لو غيره طبعا عجبني شي واحد بحسن يحجي بهدوء عكس احمد وعلي اعصاب وخله الكل يسكت بلحضات كلي روحي شوفي شغلج
احمد : حيل حسيت بذنب من ماتت بيبيتها واتمنيت بس كون احد يحاجيني منا منا حتى اتعارك ويا واذب حركتي بي كل مره من اتعصب من اي شي اذب حركتي بيها هسه مااكدر استخطيتها بس اجانه حسن وفرحنه بي وبعدها اجه علي وحضرونه العشا وجبتلهم من السوك مشاوي وجبت ببسي ونضحك ونسولف بس ثار انتباهي ابن علي بيده علاكه سالته المن كلي لعمه زهراء وراح انطاهيا طبعا لحد الان ماندري بيها تاكل لا
لان ابد منعزل الها يجوز توخر من البدايه لو من نكمل تاكل هيه مااعرف ولا يهمني اعرف
وراها اجيتها للغرفه ولكيتها بس تبجي اخذت العلاكه منها وشفت بيها حلويات وحفاضات نسائيه اني بهاي اللحضه فقدت واتخبلت هاي شتكله اجتني العاده الشهريه وماعندي حفاضات لو شتكله شنو هالميانه بين علي وبينها ركعتها راجدي وضربتها بوكسي دم كام يجري من حلكها وخشمها وكتله والقران اذا اخذتي من علي شي اله ادفنج وانتي عدله
اني اثق باخويه ثقه عمياء واعرفه مستحيل يفكر بيها غير اخت بس هي لا مااضمنها بس يبقى الشيطان قوي لعب براسي ودخلت للصاله كمت اصيح اطشر بالحفاظات وكتلهم تقبلوها اخوي يجيب لزوجتي حفاظات بصفته شنو انتو كلولي كلي علي بصفت الانسانيه انسانه مخليها بگن يجوز حتى الحيوانات متقبل تسكن بيها لا احد يسالها اكلتي شربتي لبستي ماتملك بس دشداشتين تغسل وحده وتلبس وحده اكو احد كال هاي خطيه غريبه ابينه ويتيمه تجيها العاده مفكرتو منين تجيب حفاضات اذا انتوا هاملها غصبن عليه شالتني الغيره اجيبلها غصبا ماعليك اتلاغينه اني وعلي وظربني راجدي لاول مره بحياتي واني كمت افور دم كتله ع مود وحده كح ..... تظربني بس اني الكم رجع راد يضربني ولزمو حسن وابويه وطلع زعلان اخذ زوجته واطفاله طلعو ورا حسن وابويه بس مقبل يرجع طبعا جدو من توفت بيبي لحد الان تراجعت صحته وبقه ملازم الغرفه حتى الفندق همله كمت اني اروح اتابعه
رجع حسن ودز عليها واتنوعلها ولو يطيح بيدي اشرب من دمها هاي الساقطه وبده يسالها وكللهه هم كايله لرجلج ع شي وماجايبه الج كلتله لا طبعا بيها طبع رغم انكسارها وذلها احسها قويه وبنفس الوقت مطخ راس لاحد مايوم طلبت مني شي ابد ويجوز حتى لو تطلب ماانفذ الها بس هسه لا لازم اني اجيب الها مثل علي لان محسوبه عليه
وفضت الطلابه وكلمن راح لغرفته بس اني ماكدرت انام واخوي لاول مره يضربني رحت للغرفه ودفرته حيل
ليش هيج التفاعل ميساعد يعني متعجبكم لقصة 💔😢
