البارت 8
اهات ودموع يتيمه
سمعت صوت هز المطبخ ههههههههي شكاعد تسوين التفتت شفته المزعج
كلت بكلبي وكتها من خوفي ايدي كامت ترجف اجه ضربني راجدي خل الدنيه تفتر بيه الجهاز وكع من ايدي كلي ولج كح...... ويامن تردين تحجين كتله والله وي اهلي بس اطمنهم عليه حتى يطمأنون
كلي والقران اذا شفت جهاز بيدج اله انهيج وانسي اهلج لا والقران افجر البيت عليهم واخلص اني متنفست بعد بس دموعي تجري وكال راح ابدل وانزل الگي الاكل جاهز
وره شويه اجه عمو وجدو وراهم اجت نهى كلولي اصعدي كعدي مها هي وابنها الصراحه اتفاجأت معقوله لهسه نايمه وليش عدهم المهم صعدت ومااعرف ياغرفه بيهن اكو 4 غرف وكفت وايدي ترجف كوه دكيت الباب وسمعت صوت اكثر شي اكرها ادخل اني جمدت بدمي من ورا الباب كتله العفو عبالي مها الغدا جاهز سكت ورحت دكيت الغرفه الثانيه طلعت هي بس عيونها حمر مبين عليها باجيه كتلها الغده جاهز يصيحوج كامت تصيح اي هسه انزل وايالج وابالج تزعجيني مره ثانيه انهضمت والله حيل كلت اني المدلله هيج يصير بيه
نزلت صبيت الهم الاكل كلهم صاحو شنو عالريحه الطيبه اني بقيت بالمطبخ اغسل الگدوره والمواعين والسنك ع مايكملون محد صاحني ولا واحد كال اكلتي لا خدرت الهم الجاي وصاحوني رحت لكيتهم كلهم ياكلون بس احمد لا كال روحي سويلي كبه وطماطا بالطاوه لان الصراحه معجبني اكلج كله عمو والله يابابا لحد الان مماكلين هيج اكل طيب حسيت زوجة عمي راح تنفجر بس سكتت اني رحت طلعت كبه وكليتها وطماطا ورحت وديتهن اله كعد ينقش تنقش بالجذب ياكل مبين مايشتهي بس حب يخبث وياي
كملو ولميت السفره وجهزتلهم الجاي رجعت للمطبخ غسلت المواعين واكلتلي شويه
وراها كلها طشت بالغرف ونامو بقيت اني ياربي ملل شاسوي طبيت للغرفه ارتاح شويه نمت وره شويه سمعت صوت المزعج رحت اركض كلي اني شكتلج كتله والله كلشي ماعندي لاشغل ولا غير شي كلي ماالكيج بغرفتج بس بالليل لاتعرفين شاسوي كمت احجي بيني وبين نفسي اليسمعه يكول غرفه صدك مو گن كلي هذا الموجود طلعت ادور حجج ع الشغل وهكذا مشت الايام التاليه يوم انكتل يوم اترزل يوم انحرم الاكل بس اتعودت ع الحياة الجديده بانتظار الامل عله وانه تطلع الحقيقه
مر اسبوعين من قدومي لهنا واتفقو باجر يرحون يخطبون للمزعج
اني الصراحه فرحت كلت بلكي يفتك مني ويلتهي بزوجته وبنفس الوقت خايفه خاف يتقربلي صدك والله اموت اذا صار هذا الشي
اجاني وكلي حظري نفسج لليل ب9 بالليل انتي بغرفتي الكيج عافني ومشه
احمد : الصراحه من يوم الاجت بنت عمي لليوم مااطيق البيت واكرها كره مو طبيعي وقسيت وياها حيل لان تستاهل طبعا الصراحه طبخها حيل طيب اطيب من طبخ امي واخواتي بس مابينت الها ابد ودائما مااكل واطلب منها تسوي غيره اتمنى محد يلومني ليش اكرها لان اتشوهت سمعتنه كدام الناس واختي مها خطيه زوجها رجعها علينا من سمع الخبر وراد يطلكها ورغم ماهو ابن خالي بس مشاكل هواي صارت بسببها والحمد لله رجعت لزوجها بعد معاناة اني هاي البنيه اموت منها واحقد عليها للموت والصراحه محظر الها مفاجأه بيوم الي اتقربلها مريت من يمها وكتلها حضري نفسي لليل اني ماحاب قربها ابد بس لازم اطاوع اهلي حتى يخطبولي نور حبيبتي اني متاكد راح ترخص نفسها هواي كدامي لان متعوده ع هذا الشي بس اني عندي قنبله محظرها الها
من اشوفها مدري شيصير بيه اتقزز منها واالمصيبه لابسه دشداشه يمكن 3 يدخلن وياها جنها مخبله طالعه اموت ظحك عليها عود تريد تمثل دور البرائه خل نشوف الى متىراح تقاوم
زهراء : متت خوف من حاجاني معقوله هيج راح يكون زواجي معقوله يتقربلي
واحتمال يصير عندي طفل وهو راح يتزوج ويعوفني شنو ذنب الطفل راسي راح ينفجر من التفكير لا والمصيبه يريدني اتحظر ياربي ساعدني كعدت فرشت سجادتي وبديت اصلي ودموعي تجري صليت ركعتين لمولاتي ام البنين تسهيل امر ونخيتها كون ميتقربلي ابد كملت صلاه وحظرت العشا واتعشو وشربو جاي واني مااكلت لان مااشتهي من الخوف والقلق غسلت المواعين وكملت شغلي صاحولي بيبي وعمو وجدو وزوجة عمو حجه جدو
كلي جدو لازم تبيضين وجهنه لاترفضين ابد من يجيج احمد اثبتي براءتج حتى تعيشين معززه مكرمه اني متت خجل ودموعي تجري شعوري شعور طفل اول ابتدائي اول يوم يداوم ويمنتحنونه شلون يخاف اني هيج
هزيت راسي وكتلهم ان شاء الله
صاحتني بيبي وانطتني ثوب ابيض وكلتلي اصدي جهزي نفسج ولتخافين بيبي كتلها ان شاء الله
نخيت ربي يخلصني من هاي الشده صعدت فوك واني كلبي احسه يريد يطلع من مكانه طبيت لغرفته اول مره اشوفها لان ممنوع ادخلها شفتها مرتبه حيل وحلوه غرفه تركيه حيل نازكه لون ماروني والبرده نفس اللون والفرشه كذلك بقيت صافنه ع الغرفه ونسيت همي شويه ذبيت الثوب الابيض وكلت مستحيل البسه ابقه بملابس احسن صارت ب9 واني بديت ارجف واتوترت حيل بس مااجه انتظرت ساعه وهم ماكو كيفت كلت بلكي مايجي لل10 ونص حسيت الباب انفتحت واني كلبي كام يدك حيل احسه راح يطلع من مكانه
