البارت 3
اهات ودموع يتيمه
وره دقائق صار هدوء وكعدو يتفاهمون وي جدو واني قطرة دم ماكو بيه وراها اجه خالو وماما اجتني ماما ولكتني ارجف وابجي حضنتني حيل وكامت اطبطب ع ظري وحجت حبيبتي زهوره اسكتي والله قطعتي قلبي كتلها ماما شلون اذا قتلوني لو اخذوني بيت عمو اموت ولا اروح وياهم كلتلي اهدي حبيبتي صيري قويه واطلعي واجهيهم واتفاهمي وياهم بدلت ملابسي لان جنت لابسه دشداشه قصيره لبست بنطرون جينز ماروني وفوكا قميص ردن طويل لونه اوف وايت لبست كب اوف وايت وشال ماروني ونزلت سلمت عليهم
زهوره :السلام عليكم الرجال المتوسط الي هو عمو جاوبني وعليكم السلام
بس الولد الي هو وي عمو مااعرفه منو بس يخزر بيه حيل خفت وارتبكت كعدت وكلولي يله احجي الصار وياج
زهوره : جهازي ضاع مني وره فتره بده شخص يبتزني وهددني لو اروحله للفندق لو ينشر صوري ولان رفضت هيج سوه والله اغلبية الصور مفرمكه احس عمو صدكني بس الولد يهز بايده ويكلي عيوني هاي السوالف متعبر علينه كتله هذه الحقيقه صدكت واله لا ميهمني اهم شي ماما وجدو وخالو مصدكيني هو طفر وكال والله فضحتينه كدام الناس وفوكاها لسانج طويل اله اربيج من جديد كتله اول شي اني مربايه احسن تربيه وثاني شي منو انت حتى تربيني مااسمحلك هيج تحجي
هو ضاج وصار عصبي كال ثواني تجيبين جنطتج وملابسج وتجين ويانه كمت اصيح كتله لو اتموتون مااجي وياكم ابقى وي اهلي الي ربوني واحتووني اصلا مااعرفكم انتو منو صارت ضجه عفت ومشيت ورا شويه اجتني ماما
ماما: تبجي وتحجي حبيبتي عمج خيرج تنقلين لكربلاء واتكملين كليتج هناك بس بشرط تتزوجين احمد ابن عمج اني راسا كمت ابجي وكتلها
زهراء : مستحيل اتزوجه واعوفكم مو بكيفهم اني مااعرفهم ولا احبهم اكتل نفسي ولا اقبل
ماما : حبيبتي مجبوره تقبلين لان بس ترفضين لازم اتركين كليتج ومو بس هيج بيت عمج هم ياخذونج وتبقين عدهم اني انصحج ماما توافقين ع ابن عمج حتى تضمنين مستقبلج كعدت تقنع بيه بس اني بغير عالم شلون اعوف اهلي واروح لناس عمرهم مسالو عليه او حاولو يشوفوني رغم اني بنتهم
كتلها اوافق بس بشرط احاجي لابن عمي واني ويا نتفق ع شرطي كلتلي كومي احجي ويا
غسلت وجهي ونزلت بس يخزر بيه لكيت ماما حاجيه وياه كلي عمو كومي بنتي احجي ويا واتفقو طلعنه بالحديقه وحجيت كتله عندي شرط يله اقبل بيك راسا قاطعني وكلي هم الج عين وتتشرطين انتي كلج خلك كح.....
اني ضجت حيل منه وكتله اني اشرف منك ومن عائلتك كلها بعدني ممكمله ماحسيت اله ضربني راجدي من قوتي وكعني للكاع اول مره بعمري انضرب اتخبلت كمت اصيح علي اطلع بره مااقبل بيك لو اموت كلي مو هو بكيفج غصبن عليج توافقين وتجين ويانه بموافقتج او بالقوه ميهم بس انصحج نصيحه وافقي احسن حتى تظمنين كليتج واي شرط مااقبل بي
احب اعرفكم بنفسي اني اسمي احمد ابن عم زهراء عمري 28 سنه اني حاليا دكتور مواصفاتي حنطاوي وعيوني ملونه طويل وجسمي حلو معضل لان دائما العب رياضه احب بنت خالتي اموت عليها واحنه حاليا متفقين ع الخطوبه اني سامع عندي بنت عم بس ماشايفها ابد ولااعرفها لان سامع من اهلي عمو ابو زهراء حاب وحده من بغداد وجانت كلش جميله راد يخطبها بس جدو عارض كله لازم تزوج بنت عمك عمو رفض اخذ ناس معروفين وخطبها وقطع علاقته نهائي بينه وره فتره سمعو خبر استشهاده اتخبلو وسوله فاتحه بكربلاء لان احنه عايشين بكربلاء بس رفضو يتقبلون بنته وهمه اساسا ميطيقون اهلها لزوجة عمو لان يكولون لو خوش ناس جان رفضو من اجاهم بدون امه وابو من وعيت ع الدنيه همه حاقدين عليهم
لحد مااجه اليوم المشؤم الي انشرت صورها لبنت عمو واسمها كامل الصراحه اني مااعرفتها بس من قريت الاسم مابقه عقل براسي كمت اصيح واغلط كتلهم انفضحنه بين الناس شلون اداوم بالمستشفى ويعرفون بنت عمي كح.....بعد مداولات عده قرر ابويه انو اتزوجها بس بالاسم ونجيبها يمنه ونبطلها وتبقى امام ناضرنه طبعا رفضت رفض قاطع كتلهم مستحيل اوافق ع وحده ساقطه صورها منتشره بالفيس
جدو كلي عادي بس ترفض راح نقاطعك مثل مقاطعنه عمك ولا احد من عدنه يخطبلك ونتبره منك اني اتخبلت عفتهم وطلعت لليل اني بس افتر وخابرت بنت خالي الي هي اسمها نور سولفتله كلشي واتخبلت كلتلي بس توافق اتركك واكتل نفسي اتخبلت بالزايد بعدين اتفقنه اني وياها
احمد :اني راح اوافق بس بشرط اتفق وي اهلي اخليه خدامه الي والج واكللهم اي احد يسالنه عليها نكول خدامه واخيرا قنعتها حبيبتي ووافقت رجعت للبيت مرتاح لكيت اهلي كلهم كاعدين
حجيتلهم
احمد : اسمعو جدو وانت بابا اني اقبل بس بشرط اعقد عليها بس مااتقربلها واحسبها خدامه الي والكم لان مثل هالساقطه حرامات نعاملها زين واهم شي تكعد بالمطبخ الحار نسويله باب وتصير غرفتها غير هذا الملام ماعندي عفت وطلعت اتذكرت مديت راسي عليهم وكتلهم ورا مااعقد عليها ثاني يوم تخطبواي نور صاحني جدو كلي ابني ميصير هيج وشنو تبقه خدامه مهما يكون هاي تبقه حفيدتي من دمي ولحمي اني اتعصبت حيل كتلهم روحو شوفولكم واحد مكرن يبقه بيها هاي الكح......
عفتهم وصعدت لغرفتي
