البارت 12
اهات ودموع يتيمه
صحتها وكتلها ارجعي حضري الحمام وانزلي اريد بس تحجي دخلت للحمام طبعا من ضمن غرفتي حمام لكت الخولي وكل شي محظر كلتلي كلشي جاهز بصوت يادوب ينسمع اشبه للهمس كلت بكلبي واخيرا حجيتي كتلها يله وبعد ممنوع احد يزعجنا بقينا اني ونور بس اكو شي معجبني بنور هي الي تبادر المفروض البنيه تبقى ثكيله والرجال هو الي يبادر ويغازل بس هنا شفت العكس بس رغم كلشي مهتميت كلت لان متعوده عليه وسلمت نفسها دون مقاومه وامتلكتها واصبحنا جسدين بروح وحده نمنه وكعدنه من وقت لان موعد طيارتنا راح نسافر لبنان مدة شهر وفعلا كعدنه واجوني اهلي وسلمو عليه وباركولي وطبعا امي فرحتها متنوصف لان نور بنت اخوها وتحبها وكتلها ماما خلي الخدامه تجيب الريوك هم يله نلحك نجهز وفعلا وره شويه اجت وجابت الريوك الي هو بيت خالو دازي وهم اجو باركولنا وبقو حتى يرحون ويانا للمطار حتى يودعونا وفعلا كملنا ورحنه للمطار وطارت الطياره وقضيت اجمل ايام عمري عيشتني بجنه حبيبتي ومخلتني افكر بغير شي بس هيه وبس ونسيت حتى اهلي بس بقيت اتصل بيهم واطمأن عليهم بس حسيتهم مو طبيعيين ضليت عايش بقلق ثاني يوم موعدنا نرجع
زهراء : طبعا بيوم العرس من خلصت الهوسه ورحت بسرعه للغرفه اخاف يضايقني زوج مها وره دقايق اجتني نهى وكلتلي كومي احمد يكول خل تحظر عشانا وتصعده لفوك اني كمت حظرت وصعدت دكيت الباب كلولي ادخلي فتحت الباب ولكيتهم واحد حاضن الثاني اني بسرعه حطيت الاكل ع الطبله ودرت وجهي اريد اطلع صاح بوجهي هييي تعاي ابقي هنا لمن نكمل ياربي والله استحي اذا همه ميستحون اني لا اني مربايه وبنت اوادم والله استحي رجعت بس دنكت ابد مانضرت الهم هم ياكلون لا ماادري بيهم بس اسمعهم يتغازلون بينهم اني حيل ضجت كلت وصلت دناءته لهيج شي مع الاسف عود مثقفين لعد شنعتب ع الجاهلين ماعرفت قصده شنو المهم هملتهم ولا كانو شي كدامي صاح عليه وكلي يله شيلي الصينيه ردت اطلع كال تعاي جهزي الحمام هزيت راسي اني لهسه مانطقت ولا كلمه رحت للحمام ولكيته مجهز من كلشي معرفت شنو قصده طلعت وكتله بصوت ناصي جاهز وطلعت اني اي شعور اتجاها ماعندي حتى دعاء علي مادعيت دعائي الوحيد ع الشخص الي شوه سمعتي ونشر صوري
رجعت نمت وكعدت الصبح وجهزت الريوك وصعدته وراها سافرو العرسان لقضاء شهر العسل وراحو الاهل وياهم يودعوهم اني بقيت ع حالي ماكو فرق من هو هنا لو لا لان نفس المعامله من اهله متغيرت وخالو لازم يبصق بوجهي يوميه واني نفس الروتين كل يوم بس فرق خدي مو احمر منضرب من هو ماهو وراها بيبي اتخربطت حيل ودخلوها مستشفى وكلولهم صايبتها ذبحه قويه وحالتها خطره حيل اتوسلت بيهم ياخذوني الها كلت خطيه من وراي ولازم ابرر موقفي كدامها بس الكل رفض بقيت بس ابجي كمل الشهر وموعد رجوعه للمزعج باجر اجو مطلعين بيبي ع مسؤليتهم هي كايلتلهم اريد اموت ابيتي وخطيه من شفتها حيل ضجت ومنعوني افوت عليها ثاني يوم اجه المزعج واول مشافني وعرف ابيبي كام يغلط ويفشر ويضرب ويكلي من وراج اذا صار شي عليها اله اندمج سكتت ودخل لجوه وره دقايق صاحتني نهى كلتلي بيبي تريدج وتبجي يمكن انفاسها الاخيره كمت كيفت رحت اركض بس اتفاجأت الكل بره وبس يبجون ومحد يمها اشرولي ادخلي دخلت بس شفتها انفجرت كمت ابجي وشبكتها حسيتها بادلتني وره لحضات بعدتني عنها وكالت احجي يمه اريد اسمع منج ماحبيت اموت اله اطمأن عليج صدك بيبي انتي مو بنيه بس شنو حجيها مقطع كوه تحجي كتلها بيبي وروح بابا وماما ومااحلفزبيهم جذب لو اموت الطير مالامسني ولا شايف طولي اني اشرف منهم كلهم بيبي بس احمد هددني لو اسكت لو يكتلني ويروح يفجر اهلي واني سكتت حسيتها ارتاحت وابتسمت وره لحضات اتخربطت حيل كمت اصيح وابجي لحكو بيبي حتموت اجو يركضون خنكني احمد ولج شسويتيلها وخليتها تموت انتبهو الها بس تضحك وتاشر عليه شبكتني والكل صافن بوجهي وسلمت نفسها للباري بين اديه ماتت صحيح اني حقدت عليهم بس بيبي لا غير شي الوحيده الحسيت بيها حنينه عليه وهي الوكفت وياي حتى من ماتحاجيني بالليل احسها تدخل عليه مرات بدون متحسسني وتجيبلي حفاضات نسائيه كميه كل شهر كمت ابجي واشهك وخروها مني وكامو يبجون وصار الصايح احمد تخبل ايام الفاتحه كلهه هوبس يصيح ويغلط ويكلي من وراج ماتت اني ماعندي اسود البس كلهم لبسو اسود حتر نور زوجة احمد بس اني ياربي المن اكول رحت لزوجة عمو كتله فدوه خاله اريد دشداشه سوده كامت ضربتني ع راسي وكلتلي ماشفت احد يقتل القتيل ويمشي بجنازته كتلهه فدوخ خاله والله عيب من الناس حتلو قديمه عندج رفضت حيل واني استحي اطلع كدامهم خلص اول يوم لليل اجو الولد تعبانين واستلمتهم زوجة عمو كلتلهم فضحتنه كدام الناس بالالوان اكلها البسي اسود تكلي لا وعليمن هو اني اصلا مااحبكم اني فاكه حلكي وعيوني مصدومه اجيت احجي بعدني باول حرف سحلني المزعج سحل وداس ابطني ودك دفرات وبوكسيات اني اتعودت مااجاوب ولا ادافع عن نفسي لان متاكده محد يصدكني يفشر ويغلط وكوه جرو اخوته مني وكلي علي ابن عمي ميصير يااختي المفروض حتى لو تكرهينها لازم تلبسين اسود كتله والله يااخويه ماعندي لسود واتوسلت بيهن محد قبلت تنطيني كلي انطيني قياسج كتله اكسين لارج بس اهم شي ردن طويله كلي تدللين هم محتاجه شيكتله ولو مستحيه منك بس ماعندي فلوس انطيك كلي عيب هذا الحجي انتي بمقام اختي ردت اوصي ع شال اسود بس استحيت اكله طلع وراها رحت غسلت شفت وجهي خرائط ازرك وبنفسجي واحمر كمت ابجي واشهك بالمطبخ مااحس اله شخص ينطيني كلينس وكال
