البارت 10
اهات ودموع يتيمه
احس عظامي متكسره واحس بكسر كلبي اكبر من كلشي اتمددت شويه مكدرت اكوم لحضات واندفر بابي كوه اتنوع شفته احمد صاح كومي اني شكايلج مو بس بالليل يله ادخلين هنا كعدت بس كوه متكسره غسلت وجهي من الدم كوه يوجعني جبت دشداشتي وطبيت اسبح وغسلت دشداشتي حتى تيبس لان مااملك بس هذني الدشداشتين طلعت شريتها ورحت صبيت الهم غده بس احسهم كلهم يردون يشربون من دمي كملت وسحبت نفسي للمطبخ طبعا همه عدهم مكان خاص للاكل بالصاله طبله وكراسي الغده والعشا بي بس الريوك بالمطبخ
انتظرتهم بالمطبخ لمن كملو رحت شلت المواعين وغسلتهن حتى ممبقيلي اكل بالعمده هو اني اساسا مااشتهي
احمد طلعت شويه اجيب جكاير ورجعت لكيت ابوي ضاربها كيفت كلت واخيرا صرتو تكرهوها مثلي بس هدئت بابا وكتله بابا عوفها اتركها عليه ولاتضربها ابد اني اعرف شلون اعيد تربيتها رحت دفرت غرفتها وصحتها بس شفت وجها خرايط نوعا ما استخطيتها بس بعدين كلت لاوالله تستاهل
من صبت الغده كتلهم حاولو متخلولها اكل اكلو كله سويت نفسي مااحب اكلها بس مجبور اكل بس الحقبقه لا اكلها كلش طيب ويفتح النفس ترتب السفره بشكل كلش حلو مثل المسلسلات التركيه
زهراء : بقيت انظف وطلعت للكراج انظفه وخلصت صار العصر والكل طلع بقيت بس اني حتى بجي مااكدر بعد جعت حيل كليت طماطايه وطلعت خبزه وكعدت اكل كوه اكدر لان وجهي كله يوجعني كملت وغسلت مواعيني واذن صليت وناجيت ربي ودعيت كون يخلصني منهم لليل ولا واحد بين صارت ب10 اجو وامه بس تهلهل وفرحانه عرفتهم خاطبيله بس اني ولا اهتميت رحت سالتهم اسويلكم عشا محد يجاوب الكل انسحب بهدوء كتله وانت متريد كلي هو اليشوف خلقتج يشتهي بعد عافني وصعد
رجعت لغرفتي والله كاعد اختنك كلش نمت ودموعي تجري حلمت لن ماما وبابا يمسحون ع راسي وكلتلي ماما اصبري حبيبتي واحنه وياج بكل مكان والله اذيتينه من تبجين شبكت ماما وبابا وكتلهم فدوه اخذوني وياكم مااريد ابقى هنا عافوني ومشو واني اركض وراهم لحد ماابتعدو طفرت من نومي لكيت نفسي ابجي ياربي تعبت والله بس مابيدي شي
ونفس الروتين اليومي كل يوم ويوميه احصل كتله من المزعج وبسقه من عمو مايوم نسو ابد وبده البيت ينخبص لان قرب موعد زواجه واخوته يجون دائما همه وزوجاتهم بس محد يحجي وياي ولاواحد يتنوع بوجهي اني سلمت امري لله واتجاهلت كلشي حتى بيبي الي جانت وياي لاتتنوع بوجهي ولاتحجي وياي ابد صحيح انقهر بس شاسوي مو غريبه عليه اذا اهلي امي وابوي اتخلو عني وتركوني وراحو بغير عالم وبعدها بيت جدو الي مصدكو خلصو مني بالجذب محد خابر عليه او حاول يجي يطأن عليه اريد اتامل بذوله الغربه الي من وعيت ع الدنيه لحد مااجيت ماشايفه ولا واحد منهم ولا اعرفهم اريد هسه يدافعون عليه
بعد مرور فتره صارت الحنه بالقاعه وكلهم راحو وبقيت بس اني وحظرت العشا للكل وهواي اجت ناس اني سويت كباب وكبه وسمبوسه وهمبركر وكليت بتيته وشويت دجاج وسويت انواع المقبلات طبعا صارلي 3 ايام احظر بالاكل وضميته بالمجمده واليوم بديت من طلعو ولهسه ممكمله اكلي واذن وخلص وحتى صلاه بعدني وره شويه طبو الرياجيل بالاستقبال والنسوان بالصاله اجوني كلولي يله صبي العشا هو اصلا محد كلف نفسه وكلي سوي هيج لو هيج والصراحه اني مااعرف بهيج مناسبه شيسون لان محاظره ولا عرس لحد الان حتى اذا صار عرس عند اقربائنا اني ارفض اروح اضوج من الهوسه
حضرت العشا وصبيت واجو الولد يردون يشيلون ضلو كلهم صافنين بوجهي شنو هاي شمسويه وين التمن وين المرك وين اللحم اني كمت ابلعم كتلهم محد كلي اسوي ماحسيت اله واحد هجم عليه مثل المخبل عرفته المزعج احمد كام يضربني ع راسي حيل بالحايط ولج كح..... بنت الكح......
شنو تردين تفشليني كدام العالم كوه اخوته جرو مني وبعدوني عنه كمت ابجي كتله لعلي اخو والله مااعرف ومحد علمني اني كلت اسوي نواشف وشويت دجاج بالفرن كلي خويه مصار شي تعاي كملي خل نودي عيب من العالم همه دازين ع خبز حار وجابو كملت بس دموعي منشفن واحس واسي موتني حتى عيوني ثكلت من كثر الضرب طب علي وكام يصيح عليهن اجت امه واخواته كلمن تصيح يا عزه شمسويه هاي اني سكتت علي كل لامه ماما لويش مامعلمتها شتسوي هي شمعرفها قابل گلتله امه هاي شمعرفها ام الزلم ولك مكسره كحوف الدنيه ع راسها اني اسمع ودموعي تجري طب زوج بنتهم مها وسلم اني سحبت نفسي بسكوت وطبيت لحد الان محد شايفني من اقرباءهم وره شويه طلعو واني طبيت ع النسوان حظرت الهم العشا وكلمن تسال منو هاي كلتلهم زوجة عمو هاي الخدامه مالتنه
اني نهضمت حيل صدك ضجت
عفتهم وطلعت سمعتهن يكللها وين لكيتوها جنها اجنبيه حليوه
مااعرف شجاوبتهم رحت للمطبخ اعزل بي واغسل المواعين اجاني علي ابن عمي كلي ولج زهوره عاشت ايدج كلهم اتعجبو وكلونه عفيه عليكم احسن من التمن والمرك اني فرحت حيل همزين راح ينكبسون ضحكت وي ضحكتي دخل المزعج وخزرني علي غسل وطلع وكلي الجاي فدوه زهوره
كتلي من عيوني اشو هذا ركعني راجدي كلي ولج شعندج وي اخوي تضحكين لو عاجبج تفرين عقله وتقشمرينه والله ادفنج وانتي عدله اني ضليت صافنه معقوله هذا تفكيره وسخ لهالدرجه عافني وطلع بدو يرجعون المواعين صفيتهم وغسلتهن وهو اصلا ممبقين شي من الاكل صبيت الجاي واخذو صاحني النسوان ويتامرن عليه هم لكيتهن كلشي ممبقيات بالجذب محد ذكرني وكال خطيه هاي تعبت طبعا بيبي صحتها حيل تعبت من اخر مره حجه وياهم احمد عليه لحد الان ماتطلع من الغرفه نادرا اشوفها بس متباوع بوجهي شكد اتوسلت بيها حتى بس تتنوع بوجهي تعوفني وتطلع ومتقبل اني انطيها العشا احظره ويجي احد ياخذه الها اجتني مره علي واخذت مني الصينيه وتتنوعلي بطرف عينها ومعاجبها الوضع سوو الولد حفله بسيطه ابينهم خلصت وكلها نامت اله اني الليل كله انظف وافتر اخاف بي شي صارت ب2 اجيت اغسل وسمعت همس باذني زهوره اني جمدت بدمي صوت اول مره اسمعه بنات توقعاتكم منو الشخص الي همس بأذن زهراء
