البارت 5
اهات ودموع يتيمه
اني جمدت بدمي كتلو ششششنو كالي عيني اول شي انتي جبناج هنا خدامه واي احد راح يسالنه عنج نكللهم انتي خدامتنه وثاني شي انطيني ملازمج اخذهن ومزقهن كدامي كتله لا فدوه بس انطيني فرصه اشرحلك واوضحلك كلي اس ولانفس دوام ماكو وثالث شي راح تعيشين بالمطبخ الحار نطلع منا الغراض وتنامين بي ورابع شي من الباب ما االج طلعه لو تموتين خاف اطلعين وتفضحينه واخيرا حسج مااسمعه لو شيصير لان كل مااسمع صوتج ااذيج وابسطج الكل ساكت ولا واحد حجه شي وكال قسما بالله الي تشتغل بالبيت غيرها لهاي الساقطه متلوم اله نفسها حتى ملابسجن هيه مسؤله عنهن الكل ساكت واني فقدت كتله مو بكيفك احنه اتفقنه وع هذا الاساس قبلت اتزوجك هسه ترجعني لبيت جدو كام يضحك ههههههه لج من كل وعقلج اقبل بوحده كح...... مثلج اني بس حبيت اربيج من جديد لان الظاهر محد مربيج زين هذا الموجود تقبلين زين ع زين متقبلين مراح تخسريني غير طلقه وحده بكلبج ومحد راح يذكرج اوعدج بهذا الشي اني كمت ارجف وكوه تطلع مني الحجايه كتله ياريت تقتلني لان الموت ارحملي بهواي من عذابك كلي اشفتي من عذابي اتقرب الي واني بديت ابتعدت خفت منه وكلي بدون لغوه اختاري هسه تردين توافقين لو تردين طلقه بلعت ريكي وكتله اكيد اختار طلقه بس بالحقيقه متت خوف قطرة دم مابقت بيه هو ركض لفوك واخوته ادخلو وركضو ورا بس محد كدرله اجه طلقه ووكف فوك راسي وحط المسدس وسحب اقسام اني بداخلي اشاهدت وسلمت امري لالله بس صارت ضجه حيل عمو مقبل وكله اتبره منك وجدو كله والله اذا لمست شعره منها هم اتبره منك اخواته يصيحن لتوسخ اديك بهاي القذره اخر شي اجت بيبي كلتله اذا تريد اقتلني اني بالاول شبكتني صدك حسيت بحضنها بالامان بس هو فقد بالزايد كال والله لوتركوني اقتلها ومحد يدخل واخلص من عارها لو اقتل نفسي واريحكم منها بقت تتوسل بيه بيبي فدوه لعينج طاوعي والله فتره ويهده وهسه تشوفين اني استسلمت للامر الواقع وكتله موافقه بس دموعي تجري
كلي من هاي اللحضه استلمي شغلج وايالج وابالج تفكرين تهربين ثقي بالحسين ادفعج الثمن غالي ادز جماعه ع بيت جدج وافجرهم كلهم تخبلت كتله لاوالله مااهرب
مسحت دموعي بيبي وكعدتني يمها وهو صرخ ههههههي ممنوع تكعدين بمكان احنه بي وممنوع تكعدين تاكلين ويانه لان نستنكف منج انتي كلج خلك خدامه كح.....
مجاوبته كمت ودخلت للمطبخ غسلت وجهي والدم تارس وجهي من الضرب كلشي مااندل ومااعرف زين ملابس ماعندي شالبس والمن اكول دخلت عليه بيبي وكلتلي بنتي اسمعيني زين حتى لو كنتي مظلومه اسكتي ولاتراددينه لاحمد لان هو عصبي ويحب بنت خاله ويريد يخطبها بهاي الايام وفجأ صار الي صار يعني شتتوقعين اكو احد ينطي بنته لواحد عاقد ع بنت عمه هو مظطر يكول خدامه حتى يوافقون علي وشويه شويه اكسبي لرجلج وانتي ماشاء الله عليج شايله حسن ومبينه عليج عاقله اني اسمع ودموعي تجري معقوله الكل موافق دون اعتراض بان اصير خدامه فجأه سمعت صوته المزعج ههههي سوي جاي هزيت راسي بمعنى موافقه بديت افتر بالمطبخ حتى اندل شكم شغله سويت الجاي وصبيته الهم ورحت للهول انطيهم سمعت اخوته يحجون ويا يكلوله ميصير هيج مو كلشي بالصايح شويه شويه ربيها وعلمها الصح من الغلط مو بالصياح والبسط بالهداوه طبيت اني سكتو كلهم انطيت لجدو وبيبي وراها لعمو هذوله ال 3 حسيتهم متعاطفين وياي بس البقيه لا يردن ياكلوني اكل انطيت للولد اخذو مني وصلت للمزعج جان يشمر الصينيه بوجهي وكلي مااشرب من ايدج النكسه يا ساقطه دنكت المهن واجتني دفره منه كلي كومي بدلي مو لابستلي بنطرون وتفترين بالبيت لاعبالج بيت الخلفوج وبكيفج جان اسمع صوت هز اركان البيت طلع جدو كله هذا بيتها حالهه حالكم غبصآ ع الجميع اني بس ابجي وهو عافنه وطلع كتله كلي عمو فوتي بويه لغرفته بدلي اني دنكت كتله عمو مو ماجبت شي ويا طفرت زوجته وكالت
عمه : ليش عيني مجبتي ملابسج خاف صدكتي من صدك عروس ونجهزج لاعيني نجوم الظهراقربلج من تصيرين زوجته كلتلهه بيبي عوفي هذا الحجي وروحي للمول جيبيلها شكم دشداشه كالت لاوالله لااروح ولا الي دخل بيها مكفاها شوهت سمعت ولدي وبناتي كتلهم والقران جذب جهازي ضاع مني وانشرن صوري طفر ابن عمي الجبير وكلي عيوني ذني سوالفج احجيهن وي غيرنه ميصرفنه هذا الحجي احنه مو اطفال ونتقشمر سكتت كتلهم وين غرفتي اريد ارتاح شويه كلتلي عمه مكانج المطبخ الحار مثل مكلج حمودي اني صفنت ذوله معقوله يحجون صدك لو ديشاقون بعدني ع فد وكفتي سمعت صوت المزعج يكول لحد يطلع جبت ولد يسوي المطبخ وصارت هوسه بالمطبخ اني بقيت ابجي والكل راح لغرفته صاحتني بيبي تعاي بيبي طبي لغرفتي طبيت وياها وكتلها بيبي اني ماجايبه ملابس وياي لان مقبلو اجيب كلشي كالت اني اطلع اجيبلج كتلها فدوه اريد ملابس عريضه وردن لان استحي منهم كالت ميخالف بيبي نيمتني ع فراشها مااحس اله اجاني المزعج جرني من ايدي حيل وكال شكلت اني مو كتلج انتي خدامه والخدامه مستحيل تدخل للغرف حتى ترتاح كتله يعني انته تحجي صدك لو تتشاقه مااحس اله راجدي فرني فر كلي شنو شفتيني طفل واتشاقه وياج سحلني سحل وبيبي تصيح يكلها والقران الي يدخل يعم عليها كلما تدخلون كلما ابسطها وااذيها سكتت وجرني شمرني بالمطبخ
