البارت السابع
اهات ودموع يتيمه
من حجيت هيج مااحس اله ع دفره من احمد وكلي ديري بالج اني كاتل نفسي عليج واله اتزوجج ولج لو تموتين مااتنوع بوجهج مو ادور اتزوجج انتي خدامه وهواي عليج
كله جدو ماكو زواج اله تنفذ الكتلك علي وبعدين نتاكد اذا البنيه مضلومه ومحد متقربلها تغير معاملتك وياها وتريد تخليها بذمتك تريد اطلكها وتبقى بالبيت حالها حال اختك
احمد : زين واذا طلعت مو بنيه وتطلع صدك كح.....
جدو كله هاي تبقى يمك شتسوي سوي بيها محد يدخل
همه يحجون واني دموعي تجري كتلهم والله انتو مستحيل احسبكم اهلي ومستحيل اصدك بابا صدك ابنكم
شنو هالحجي والله جدو اني شريفه واشرف من الشرف ومستحيل اخلي هذا المعقد يتقربلي اجه هد عليه يريد يضربني كام يصيح اني اعلمج منو المعقد وكف بوجها جدو كله عوفها ماعدنه غير هذا الحجي الكل كال عين الصواب والتفت الي جدو وكلي بنيتي اثبتي برائتج وخلي ع راحته كتله والله جدو اموت ولا اخلي يتقربلي
احمد : جدو الكتاب مبين من عنواني لو ما متاكده من نفسها وسخه مارفضت لا عبالج ميت عليج بس مجبور لان اريد اتزوج حبيبتي
انس سكتت وكلت لجدو موافقه
كال جدو من باجر تعقدون محكمه هو اعترض كال بس عقد السيد كافي وراها لو اطلكها لو اقتلها ماكو غير حل
ككللهم بس مو هسه اخطبولي واتاكد متقلبون عليه يله اتقربلها الكل وافق شربو جاي وكلمن راح لغرفته بقيت اني اغسل المواعين وانظف المطبخ ودموعي تجري دعيت ربي كون تتحقق معجزه وميتقربلي اموت منه والله رحت لغرفتي او كني حتى فراش ماكو فتحت العلاكه الي جايبتها بيبي لكيت دشداشتين ردن وياهن ملابس داخليه وشالات اريد اسبح شلون خايفه اخاف هم ممنوع عليه سحبت نفسي بسكوت وطلعت خاف احد يسمعني لكيت بيبي وجدو ضايجين ويكولون ميصير هيج يعاملوها واذا بيتهم ناخذها ونطلع بغير بيت شافوني صاحوني بقو يبوسون بيه ويكلولي اتحملي واصبري لمن تثبت براءتج نطلع بوحدنا اني فرحت حيل وبوستهم كالولي تعاي نامي يمنه اني مقبلت اخاف هذا الغثه يبسطني كتلهم لا انام جوه بس اريد مخده وفراش اني راح اسبح صدكت سبحت ولبست الدشداشه طولها زين بس حيل عريضه جني مخبله بيها كلت ميخالف هم استر وهم مااريد هذا الغثه يكول تحاول تغريني رجعت للغرفه لكيت فراش ومخده وهمزين مصادف نهاية شتاء وبداية ربيع الجو حلو لان مابي مروحه ولا اي شي فرشت فراشي يادوب بقه مجال شويه بس مااكدر انام هم مكاني متغير وهم اخاف لان البرده تول اخاف احد يشوفني مااكدر اخذ راحتي ضليت كاعده وابجي واتذكر جدو وماما وخالو هسه شلونهم بدوني متاثرين حيل ع غيابي زين ماما هم صعط ظغطها لا ماحسيت اله غفيت ماحسيت غير ع دفرة الباب حيل سمعت صوت الغثه يله عيني كومي سوي ريوك وبعد ممنوع تكعين وره ال6 الصبح قبل هذا الوقت انتي لازم كاعده سكتت كعدت وجهي مورم وعيني زركه غسلت وسويت ريوك بيض وكيمر وجاي وجابو صمون حار كعدو اتريكو الكل كاعد واني عفتهم وطلعت انطف ابيتهم خلصو وراحو كلمن وشغله عمو مهندس ويداوم بدائره وجدو عنده فندق يم الحرمين ونهى طالبه كليه بس مااعرف ياقسم واحمد دكتور بقينه اني وبيبي ومرت عمو كتلها بيبي شاسوي غده كالت والله ماادري كلتلها ام علي شوفي شتحبون للغده خل البنيه تطبخلكم كلتلهه عمه هيه بيضه كوه دبرتها ترديها تسوي الغده وينشمر بوجهنه كلتلهه عمه اكعدي هنا وعلميها تدرين بابنج مخبل لا يكتلها والله حرام عليكم خطيه كلتلها ياعمه احنه كنالها روحي العبي بروحج وكل ساعه وي واحد شكل بجيت كتلها والله خاله جذب وان شاء الله تثبت برائتي واني اصلا خاله كلشي اعرف اطبخ صحيح ماجنت اطبخ عند اهلي بس والله كلشي اعرف جربيني وشوفي وهم انتي ارتاحي سكتت كالت سوي بكيفج شنو اطيب طبخه عندج وخل نجربج كتلها اريد دجاجه اكو كالت اي بالمجمده بس متكفي وحده سوي 2 كتلها اوك
فرحت حيل كلت خل اكسبهم بلكي يعرفوني ع حقيقتي
طلعت الدجاج وتبلتهن ونكعت التمن وهنه بس صافنات عليه كللي شراح تسوين كتلهم مندي ماعرفو شنو بس سكتن دلني باشياء المطبخ وحطيت التمن وبهاراتهبگدر ويا مي وغلفته بسيلفون وثقبته وبعدين لفيت الدجاج بالسيلفون وحطيته فوك التمن ودخلته للفرن ع نار هادئه وبعدين سالتهم ع ملابس وسخه وانطونياهاوغسلت وشريتهن ونظفت الغرف بس فوك ماصعت خفت خاف المعقد ميقبل وره ساعتين فتحت الفرن وسمعتهن يحجن بينهن بيبي ومرة عمو تكلها اشوف اليوم نبقى بدون غده دخلت سكتن كلتلي بيبي احنه نريد تشريب لان منكدر ناكل اله نكع الخبز ع مود سنون ماكو كتلها بلي طلعتلي بيبي لحم وسويت الهم سوب سلكت اللحم وحطيت ويا بتيتا وطماطه صغار وبصل ونومي بصره وفتحت النار وراها وره شويه فتحت الفرن طلعت ريحه كلش طيبه بيبي كالت شهيتيني ع هالريحه الطيبه فتحت السيلفون من الدجاج وخليتها تتحمص وحطيت دبس الرمان صار لونها حلو الصراحه اني مااطبخ ابد بس انظف واعشق التنظيف بس اتعلم طبخ من اليوتيوب
جهزت الغده ومنتظريهم كلت لبيبي فدوه خل اخابر ماما اطمأن عليها صفنن بوجهي هي وزوجة عمي شنو امج كتلهن اني اصيح لبيبي ماما
انطتني جهازها بيبي وسجلت الرقم ودكيت بعدهي ممجاوبه وسمعت صوت هز اركان المطبخ
