البارت 18
اهات ودموع يتيمه
اكلو بس رغم كلشي كالت خاله طيب مدري صدك مدري تشجعني كتله يعني باجر هم اخبز كلتلي اي فرحت
احمد: شفتها هي وامي يجهزون التنور واني كمت افور يعني معقوله اكو هيج شخص مايعترض ابد وفعلا خبزت صحيح ضحكنه عليها بس بداخلي اكول بطله هاي البنيه ماعدها شي مستحيل بس دخت شلون راح افاتحه بموضوع صديقة نور
زهراء: اتعدت الايام عليه وبديت اعرف اخبز وخبزي صار يخبل وابد مااتعاجز لان بس اريد التهي بشغل البيت وين انطي وجهي صارلي سنه ونص هنا ولايوم طلعت من الباب مااعتقد اكو شخص يتحمل عيشتي عاي بس اني اي اتحملت واتعودت واهلي مايوم نسيتهم واتمنى احصل خبر عنهم بس بدون جدوى واجذب عليكم اذا اكلكم اني ممرتاحه هنا هسه تستغربون ليش
اني اكلكم ليش لان بطبيعتي اكره جنس ادم كلهم مااحب اتزوج زواج حقيقي اكدر اطالب بالطلاك بس خفت بس اطلك اخاف يزوجوني لواحد يطلع اضرب من احمد ع الاقل خليني وي المزعج اهم شي ميتقربلي مثل ميكولون شين التعرفه احسن من زين المتعرفه بدت علاقتي وي زوجة عمي تتحسن شويه شويه اهم شي متصيح عليه فد يوم اجتني خالتي وكلتلي خاله تعاي اتصلي بجدج لو بخالج اني مستوعبت الكالته كتلها شنو خاله كلتلي تعاي احجي وي اهلج شبيج خاله انثولتي دموعي تجري بدون مااحس مدري فرحه مدري صدمه مدري خوف اذا حس بيه احمد كتله خاله اخاف احمد يذبحني اذا عرف كلتلي خاله محد يكله واني مراح احجي كتله خاله اشكرج هواي من كل كلبي وربي يسعدج دنيا واخره بس اعذريني خاله مااكدر اخابر كلتلي ليش ومستغربه كتلها خاله اني زوجة احمد امام الله الرضيتو والمارضيتو هذا واقع واني اخاف الله مااكدر اعصي ربي والله ميقبل الزوجه تسوي شي يغضب زوجها حرام ظلت صافنه كلتلي تحجين صدك انتي كتلها اي والله خاله حرام عليه بس اريد منج خدمه انتي قنعي خليني اخابربرضاته كلتلي خاله والله عجيب امرج رغم السواه بيج انتي كاعد اطيعينه طاعه عمياء اني احاجي واقنعه ان شاء الله
ثاني يوم اجتني خالتي وكلتلي خاله قبل خابريهم فرحت حيل وفعلا دكيت الارقام لان حافظتهن ع الغيب دك ع جدو مقفول دكيت مرتين ماكو مقفول وبعدين دكيت ع خالو طلعلي مفصول عن الخدمه كمت ابجي كلت الله مكاتبلي الفرح وره دقايق اجتني كالتلي ها خاله كتلها محصلتهم جدو مقفول جهازه وخالو مفصول كلتلي خاف غلط كتلها متاكده منهم حافظتهم
عدت ايام العطله وبدت سنه جديده بالدراسه وكلما يقترب موعد الدراسه كلبي ينقبض واتذكر كليتي حرامات فوكاها طب لو غير شي ماانقهر
بدت نهى تتقربلي شويه شويه وكامت ادز عليه للغرفه ونسولف اني وياها بس ابد مندهل بخصوصيات البعض لااني احجي ولا هي ومحد تسال الثانيه
سالتني هم حافه كتلها لا ابد محافه كلتلي خل احفلج رفضت كتلها هو المثلي ملازم تفكر بنفسها طبعا الاسود ذبيته واني ماعندي غير دشداشتين ابدل بيهن كلتلي تدرين انتي دافنه نفسج وانتي عدله كتلها ادري كلتلي ليش حتى الاتراكات الجبتهن الج والدشاديش النص ردن والقصيره ابد ملبستيهن كتلها استحي وعيب من احمد وعمو كلتلي ولج عوبه اكو وحده تستحي من زوجها لو عمها وهو اصلا حلال مو حرام كتلها كلامجرينطبق لو صدك زوجته بس اني خدامه لاتنسين هذا الشي كلتلي تدرين مها لويش تضوج منج ومكاعد تجينه اله صدفه كتلها لاوالله كلتلي من وره زوجها شايفته يتغزل بيج عدة مرات كتلها صحيح بسرالله شاهد ابد ممنطيته مجال كلتلي ادري بي هو واحد ساقط وعينه زايغه ويور نسوان شكم مره اجت زعلانه ومره اكتشفته متزوج بالسر من جبناج النا بالبدايه كتلها لويش متطلب الطلاك كلتلي اهلي ميقبلون ع حساب ابنها خطيه وهسه تخاف تجي لان لازم يبات وتكول اخاف يتحارش بيج ويحس بي احمد وتصير كاتل ومكتول
كتلها والله كليلها بس تجي اقفل الباب عليه ابد مااطلع خطيه خل تجي احاول ابد ماالتقي بي ولو هو يضوجني حيل بقينه نسولف هواي ونزلت نمت وفعلا بعد شكم يوم اجت مها بس ووجها ثكيل عليه حتى سلام متسلم بس زوجها احسه يريد ياكلني حضرت الهم العشا ورحت لغرفتي قفلتها عليه لمن حسيتهم نامو يله كمت غسلت مواعيني ونظفت المطبخ ع السريع مااحس اله ادين حاوطتني اني صرخت صم حلكي وكام يشتم بركبتي اني تخبلت ولعبت نفسي بس مكدرت اصرخ صام حلكي كلي اش خل استمتع بهالعطر الطيب كمت ادفره برجليه حيل هدني كلي والله كلمه منج اريحج وانسيجً همج حتى احمد انسيجيا بصقت بوجه وكتله كلب حيوان والله اذا عدتها مره ثانيه اله اكل لاحمد وهو يتصرف وياك كام يضحك ويكلي كليله عادي مراح يصدكج لان يعرفج انتي شنو وجايه تبيعين ثكل علينا والله ياالله ويهز بايده الصراحه متت خوف ورحت اركض للغرفه وقفلتها عليه اخاف يرجعلي ياربي شلون بيه والله تعبت ومليت المن اشكي لازم باجر احاجي مها وهي تتصرف ويا كوه نمت وكعدت الصبح قبل الكل وحظرت الريوك وخبزت خبز حار هاي اوامر الست نور اشو كاعد اخبز واسمع احمد يسب ويغلط كملت الخبز ودخلت اشو هذا هجم عليه مثل المخبل مااعرف الضربه منين تجيني غير ركعات راسي اريد افتهم شنو السالفه لحد مدخلت خالتي وعمو وزوج مها لزمو وهو يكلهم خلوني اربيه صارلها سنتين ابسطها مثل الحيوان ولاكانو سمعت زوج مها يكله عوفها يااخي شسوت قابل اني غريب اني مثل اخوها وتدلل عليه زهوره اني بس دموعي تجري كتلها خاله والله ممسويه شي بس فهموني شنو الموضوع كلتلي خاله
منتظر الي هو زوج مها كايله البارحه بالليل وصتني زهراء ع بقلاوه واني مااندل الليل كله افتر ومااندليت جبتلها موطا وقشمرتها بيها كتله والله خاله جذب ورجعت كلتلي خاله والله ادري بس اسكتي لخاطر مها اخاف يتعارك هو واحمد وتوكع بيها مها يطردها ويطلكها وخطيه ابنها
رجع احمد التفت عليه وكلي اني شكتلج ذاك اليوم مو كتلج اذا احتاجيتي شي وصيني عيني وكعت بعين مها وهي تتوسل بعيونها بان اسكت دنكت وسكتت وهو جرني وسحلني سحل للغرفه
