البارت 4
اهات ودموع يتيمه
صعدت فوك لغرفتي واني بس افكر معقوله اتزوج وحده ساقطه اكيد عدها علاقه ويا الشخص الي نشر صورها نمت وكعدت الصبح اريد اروح للمستشفى لكيت اهلي كاعدين
احمد : صباح الخير الجميع صباح النور كلي بابا احمد لااداوم اليوم راح نسافر لبغداد نجيب بنت عمك واحنه موافين ع الكلت علي اخذت نفس وجاوبتهم اوك بس بداخلي خايف حيل من هاي الخطوه سافرنه لبغداد اني وبابا واني اتوعد اذا اشوفها اشرب من دمها وصلنه ولكينه جده بالبيت وضلي اصيح وهيه ماطلعت بعدين طلعت عود تبرر موقفه واتفاجأت بيها لسانها طويل وتدعي جهازها ضايع طبعا اني مااصدكها ولا راح اصدكها لان اعرف سوالف البنات اخر شي اتفقنه ع الزواج وي جدها وماانطيناهم مجال يرفضون او يبدون راي لان ماالهم حق بعدين دخلت وطلبت احجي وياها ع انفراد ووافقت كلتلي عندي شرط ماانطيتها مجال وضربتها راجدي طبعا هي مجبوره توافق اني متاكد ع مود مستقبلها بس متدري شنو اتفاقنا هناك اضطرينه نكول تكمل كدامها وكدام اهلها حتى يوافقون ومن ناخذها لهناك يصير غير حجي طبعا هيه جميله جدا بس بعيني اشوفها اقبح واقذر وحده
رجعنه كعدنه كدامهم كلتلهم موافقه بس اهم شي اكمل دراستي كالو عادي موافقين دزو ع شيخ وعقدنه من سالني الشيخ اهيس الكلمه كوه تطلع مني ووافقت كلي عمو جيبي ملابسج وتعاي احمد طفر لا ماكو داعي مانريدهن ملابسها اكيد مايليقن بينا اني صدك ضجت لان ملابسي كلهن محتشمه ماحجيت اني بس دموعي تجري وشابكه ماما خالو اعترض كله عيب هذا الحجي واساسا هيه محتشمه ضحك احمد باستهزاء عود ممقتنع كلي كلشي متجيبين وياج بس ملازمج الي تخص الكليه احنه مناك نشتريلج ملابس سكتت ماحجيت شي صدت بغرفتي والم غراضي وصعدو وياي امي وجدو ويبوسون بيه وجدو يكلي حبيبتي زهوره هذوله اهلج ومن حرصهم عليج هيج سوو لوما يحبوج ميقبلون ابنهم يتزوججً ويستر عليج لاتنسين الصار مو هين واي دليل ماعدنه جهازج كسره خالج وراحت الرسائل بس ان شاء الله ميضيع حقج بنيتي الله ينتقم منه واهم شي اكسبي زوجج واحترميهم لعمج وجدج وبيبتج واثبتيلهم العكس بان انتي اشرف من الشرف اني بجيت كتله والله جدو مااحبهم واني حاقده عليهم معقوله ماحنو الي بيوم وكالو خل نشوفها عايشه ميته هسه طلعو اهلي ميخالف باباتي انسينه وانسي عندج اهل لان ميقبلون نجيج وميقبلون يجيبوج عله وان يحن رجلج عليج ويفكر يغير رايه ويجيبج ودعتهم واني بس ابجي ردت اطلع سالت عن خالو كالو متحمل يودعج طلع ضجت حيل وخاصتا خالو اعتبره صديقي قبل لااطلع طلبت منهم ماما ان يديرون بالهم عليه ولايتسرعون بالحكم عليه كللهم عمي ماشي يصير خير صعدو عمو بالصدر واحمد يسوق واني وره وماكدرت اخذ اي شي بس الاشياء الي تخص الدراسه الطريق كله احمد يحجي ويتوعد اله اربيها واله اعيد صياغتها من جديد اني بالي مو يمهم بالي ع المستقبل المجهول الي ينتضرني محجيت ولا اي كلمه فجأه وكفت السياره انتبهن احمد نزل يم مول نسائي وره شويه طلع جايب بيده علاكه شمرها عليه وكلي يله طلعي ولبسي فتحتها لكيتها عباية راس وبوشيه تخبلت كتله تموت ماالبسهن شنو حراميه اني واريد اتخفه دار وجهه عليه وكلي قسم بالله اذا ملبستي هسه احطت جوه السياره وادعمج حسج مااسمعه لان ميشرفني وحده ساقطه وكح.... تصعد وياي ولتنسين هسه انتي صرتي مشهوره محجيت شي طلعتهن وحجيت وي عمو كتله عمو الله يخليك والله مااعرف البسها كلي عمو فدوه لعينج حاولي تلبسيهه واتجفي الشر لبستها ومااعرف كل ساعه وتفلت مني وهو كام يكفر ويتوعد خل اوصل واعلمج البسي البوشيه واستري علينه لبستها واختنكت مااكدر اتنفس بس مجبورهبقينه هدوء لحد ماوصلنه حسيت بي نزل يفتح الباب كلي عمو اتحملي فدوه شيكلج كليله اي كتله اوك عمو دخلنه اني بقيت بالحديقه لحد مااجاني صوت طفرت من مكاني
احمد :ههههي انتي شمتانيه عيني ادخلي يالشريفه انهضمت حيل دخلت جوه ولكيت كبالي مره جبيره كلت بكلبي اكيد هاي بيبي وبصفها رجال جبير اكيد جدو وشفت بنات اثنين وحده بعمري ووحده بيدهاطفل واكو اثنين ولد شباب سلمت عليهم
حسيتهم اكلوني بعيونهم كلهم محد رد السلام بس المره الجبيره والرجال كلولي هله بيج بنيتي طبي طبعا مااعرف ولا احد بيت بالاخير عرفت اخوات احمد يعني بنات عمي وحده مها متزوجه ابن خالهه والصغيره نهى بعدهي طالبه والشباب علي الاخ الاكبر متزوج وعنده اطفال اثنين والاخر حسن متزوج وعنده طفل وامهم هم عرفني عليها بس حسيتهم الكل ممرتاحلي والصراحه اني هم ممرتاحتلهم كلت اهم شي دراستي كلتلي بيبي تعاي بنيتي خل ابوسج بيج ريحة الغالي دموعي جرت وكلت لو بابا موجود مصار بيه كل هذا وتجيبوني غصب ماحسيت اله بوكسي خله وجهي وخشمي ينكط دم اتفاجات صراحه ممتوقعه راح انظرب بعد صاح احمد
احمد : ولج عار هم الج عين وتراددين الاكبرمنج اله اندمج والله وادفعج الثمن غالي وهسه تعاي نتفاهم ع كلشي
