اهات ودموع يتيمة
رونق
ماما زهوره تعاي اتريكي واتوكلي ع الله واهم شي كوني طبيعيه ولاتتوترين اي ماما جايه نزلت اتريكت بشكل طبيعي شربت حليب واكلت شي قليل بوست ماما وبوست جدو وكتلهم ادعولي لان اليوم اخر يوم الي بالمدرسه
احب اعرفكم عن نفسي اني زهراء من بغداد يتيمة الابوين اهلي استشهدو بالطائفيه انقتلو ماما وبابا واخويه الاي هو اكبر مني بابا مهندس وماما مهندسه ااتذكر جنت صف ثالث ابتدائي ورادو يرحون ماما وبابا واخويه لاربيل سفره اني من سوء حضي رفضت اروح وياهم حبيت ابقى يم بيت جدو الي همه اهل ماما بقيت يمهم وره ساعه اجانه الخبر باستشهادهم ناصبين كمين سيكره وهميه وقتلوهم بالسياره مااسولفلكم شصار بينه بوقتها لان تعرفون اصعب شعور انك تفقد كل عائلتك بنفس الوقت بقيت عايشه ابيت جدو اهل ماما جدو صايغ معروف بالعراق وبيبي مدرسه وعندي خال دكتور وحاليا يدرس دكتورا اما اهل بابا مااعرف اي شي عنهم من زغري لحد الان كل الي اعرفه انو ماما وبابا بينهم علاقة حب واهله رافضين هاي العلاقه اني حاليا سادس علمي واليوم اخر يوم الي وصلني خالو للمدسه طبعا اني مواصفاتي بيضه وعيوني رصاصي وطولي متوسط وجسمي رشيق يعني مواصفات اي بنيه تتمناها لهذا السبب اهلي يخافون عليه هواي بيدهم يوصلوني ويرجعوني ماعندي ولا صديقه مقربه يسموني بالمدرسه المغروره بس بالحقيقه اني مامغروره بس مااحب اتعلق بشخص هواي اخاف افقدهم مثل مافقدت اهلي اني مدلله بمعنى الكلمه واهلي منطيني مطلق الحريه بس بنفس الوقت اني مااحب اطلع ولا احب اجامل ولا عندي صداقات بالموبايل ولا بالفيس لان جان هدفي بس اطلع طب حلم ماما وبابا بس وبنفس الوقت ماخذه قرار ع نفسي مااحب ولا تزوج ابد اخاف اتزوج ويصير عندي طفل واموت ويبقه مثلي لان شعور اليتم حيل يأذي بيبي ابد محسستني باليتم وكلتلي صيحيلي مام لاتصيحيلي بيبي
خلصت امتحاني وكالعاده متاكده 100ولاغلطه عندي اني شاطرهوذكيه حتى ممخليه مدرسين خصوصي ابد رجعت للبيت فرحانه راح ارتاح من الدراسه ومتاكده اطلع طب لكيت بيبي وماما بعدهم مراجعين اتصلو بيه وبشرتهم وفرحو هواي رحت لغرفتي واخذتي شاور وارتاحيت ونمت لحد ما صاحتني ماما للغده نزلت يمهم وفرحانه وكلي جدو هديتج احدث سياره انتي تختاريها وماما كلتللي احدث موبايل الج وخالو كلي عيادتج بالمستقبل عليه وفرحت حيل وفعلا طلعت القبولات وكان معدلي 99،8 اكيد طب ونفذو وعدهم الي وطلعنه لشمال وقضيت اجمل ايام عمري واشتريت كل ملابسي مناك طبعا اني محجبه وخلصت العطله وبده الدوام اول يوم الي كنت مرتبكه حيل وماعندي اي صديقه كعدت وحدي واجت بنيه كعدت بصفي واتعرفت عليها وبمرور الايام صرنه 4 صديقات مناكل اله سوى ولانشرب اله سوى وطبعا ماسلمنه من المضايقات من الولد بس اكو مجموعه ولد وبنات ماارتاحينالهم ابد يجون يمنه يسلمون احنه منرد السلام نعيفهم همه اتخبلو عملو المستحيل حتى ياذونه ويفرقونه بس مكدرو بس بدو يتمادون اكثر رحنه للعماده وقدمنه شكوى ودزو علينه محد قبلت تواجهم بس اني واجهتهم ومترددت ولا دقيقه اجاهم فصل مدة اسبوع وبقوا يتوعدون بس مهتميت ابد مرات يجيني خالو نكعد اني ويا احبه خالو واعتبره صديقي وهو هم يحب وحده مسيحيه يموت عليها واهلها رافضينه وهو قافل عليها بدت تجيني بنات وتكولي دزني عليج فلان وحاب يتعرف واني راسا اسكتها وماانطيها مجال
يوم من الايام كنت جالسه وحدي واجو الشباب نفسهم الي انفصلو مشو من يمي واحد منهم كب العصير عليه ع اساس ممتقصد اعتذر كال اسف بالغلط ويضحك تلف ملابسي صدك اتعصبت بس محجيت شي هو مات قهر بعده حلو يتقربلي يدز ناس مانطيت مجال حاول يشوه سمعتي بالكليه وع اساس عندي علاقه وي احد منهم مهتميت صراحه لان ماكان عندي هدف غير الدراسه مااهتميت لاي شي ثاني بقو يضايقوني حيل يضحكون من امر يمهم لو يكول واحد منهم هاي جانت حبيبتي وتركتها لان اكتشفتها مغروره وخشمها للسما رافعته اني مو من النوع الي ارادد لو ادافع عن نفسي قررت اصارح اهلي وهمه يتصرفون وفعلا رجعت وخبرتهم بكلشي قرر خالو يدخل وثاني يوم دز عليهم العميد وانطاهم اخر انذار وبعدهي ينفصلون همه اتخبلو بعد ميكدرون يضايقوني بس من الكليه اريد للبيت اني عندي سياره اروح بيها اتفاجأت بسياره وكفتني مديت راسي واتفاجأت بيهم واحد منهم كلي والله اله اندمج وادفعج الثمن غالي حيل خفت ومشيت الصراحه اني ممركزه بالشكل رجعت للبيت وخايفه وبعدين كلت قابل شيردن يسوون وبعدها صار هدوء مدة شهر حتى ملمحت واحد منهم وارتاحيت بهاي الفتره وره شهر من الحادث جنت امشي بالكليه اني وبنيه من قسمي انطخيت ببنيه حيل وكعت جنطتي واتبعثرت دنكت ردت المهن مقبلت هيه لمتهن واعتذرت مني وراحت خلصنه دوام وردت اطلع جهازي ادور ماكو ردت اتخبل لان بي صور شخصيه الي هواي واغلبيتهن بملابس بيت برموده وسترابلس
دكت عليه صديقتي كلتلي مغلق اني اتخبلت معقوله ضاع .....
