تأكدت مهناك حد وطلعت من باب الخدم ومشت ع رجلاها...
كانت المسافه بعيده شويه لحوشهم وشافت الشارع فاضي بدت تجري لين وصلت...
خشت سلمت ع امها وقعمزت بحداها لين سمعت اذان الفجر ناضت وتتلها فطورها ولبست عبايتها وطلعت ...
لقت سواق هنادي يستنى ركبت ومشت للقصر...
وصلت ودخلت لكن انصدمت بالي واقف و مكتف ايديه...
أحمد : اوو تطلع اخر الليل وتولي ع الآذان شكلك واخذتها عاده يا خوفي تجيبيلنا مصيبه لاني من حد ماشفتك مرتحتلكش صح وجهك بري لكن شكلك متع ال ***...
مشت لدارها وهي تسمع في كلامه الجارح لكن معندها مادير لازم تتحمل ع خاطر امها....
دخلت لدارها ورقدت شويه باش تنشط لانها تعبت واجد...
~~~~~~~~~~~~~~~~~~~~~~~~~~~~~
دخل لحوشهم لقي أسيل في الصاله ...
أسيل " بهزوة " : روحت بسرعه ...
وسيم : عندي خدمه...
أسيل : اها نحاول اني نصدقك...
وسيم : واضح نكذب...
أسيل : ههههه واجد...
وسيم : مشيتلها...
أسيل : من هيا !؟! ...
وسيم : براءة ...
أسيل " بصدمه " : من براءة .. انشالله البنت هاكي ...
وسيم اشرلها ايه وهوا يشرب ...
أسيل " بشك " : وسيم تحبها...
وسيم : لا لكن نحس فاها زيك انتي...
أسيل : كيف ؟...
وسيم : يعني نحس فاها كانها اختي شفت ناس واجد فقيرين لكن هيا مش عارف نحس فاها غير...
أسيل : غريب ،، المهم شفت خدامه عمي...
وسيم : الخدامه هذه نحس في روحي شايفها ...
أسيل : ههههه شكلك شايف الناس كلها انت...
وسيم : لا لا لكن مش عارف وجهها مش غريب عليا...
أسيل : حلوة مشاء الله علاها...
وسيم : ايه واجد لكن مش طالع علاها خدامه...
أسيل : ايه صح...
وسيم : حق نسيت بنقولك ترا قولي من شفت توا قدام حوشها...
أسيل : مني؟ ...
وسيم : سيمارا !! ...
أسيل : سيمارا الي تخدم عند عمي !! ...
وسيم : ايه ودخلت للحوش ...
أسيل : غريبه علاش ماشيه غادي...
وسيم : مرات تساعد الناس ...
أسيل : مرات لان رغد تقول تحب تتبرع كل شهر بمبلغ بسيط...
YOU ARE READING
لأجل أمي أصبحت خادمة🌺
Romanceبنت عايشه مع أمها ع صدقات أهل الخير وأمها عندها سرطان المعدة -عافنا الله- واضطرت للعمل خادمة وترك دراستها لتوفر مبلغ علاج امها ولكن أمها توفت قبل أن تتمكن من توفير المبلغ ،،،، فكيف ستعيش لوحدها ?، وأين والدها ؟! تنويه / هذه الرواية منقولة للكاتبة شا...
البارت الخامس
Start from the beginning