#عديل_الروح
همس القوارير
(بيج قصص همس القوارير)
البارت ١٥ والاخير
يوم من الايام گاعد واجه مروان يحجي وياي
مروان
معتز شبيك
معتز
سلامتك ليش
مروان
اشو مالك خلگ وين راحت سوالفك المزعجه والضحك مالتك شبيك شايل الدنيا على راسك
معتز
ما بيه شي بس شوي تعبان نفسيا
مروان
اني مو اخوك ليش ما تحجيلي
معتز
ماكو شي حبيبي سلامتك والله لا تفكر بيه
طلع من محجيتله شي وهو همين ما لح عليه بقيت هيج معتزل بالغرفه وجهازي مغلق لحد ما فد يوم تقريبا ورى ١٢ يوم من جيت مسار ألي كنت گاعد اباوع فلم ومندمج وياه علمود انسى شويه اجتي زهراء اختي
زهراء
عزوز اصدقائك ومروان يردونك بالاستقبال
معتز
اصدقائي منو
زهراء
منو غيرهم سيف وعلاء
معتز
وشجمع مروان وياهم
زهراء
والله ما ادري اجه مروان وگالي صيحي لعزوز گوليليه اصدقائك يردوك واجيت ابلغك
معتز
ماشي روحي وهسه اجي
رحت لگيت علاء وسيف ومروان گاعدين سلمت عليهم وگعدت
علاء
ما جنت اتصور هيج اني عزيز عندك والله انت اخوي يا ابو العز والي ما ارضاه الي ما ارضاه عليك ميصير كلنا نعيش بهم لازم واحد منا يرتاح
معتز
الله يريح بالك يا خوي بس شنو مناسبة هالحجي
علاء
راح اسولفلك السالفه كلها اجاني سيف وگالي شفت عزوز بحاله ما ينحسد عليها بسبب مسار وحبه الها وهو تركها علمودك والولد منهاره اعصابه بالبدايه ضجت منك وعليك لان اني همين جربت الحب والاذيه
طبعا اني منزل راسي وما ارفعه خجلان منه حيل
كمل كلامه
علاء
نقهرت عليك گلت مهما يكون هذا اخوي وما ارضاله القهر عفت السالفه ورحنا لمسار وحجينا وياها اني وسيف وگالت معتز حضرني وميحجي وياي بالرغم خطبتي الشهر الجاي وهو بدل ميوگف وياي عافني واشتراكم انتم كلش اثرت بيه كلماتها گتلها ارفضي الخطوبه واحنا راح نتصرف والبارحه اجه مروان يستفسر من عدنا وگالي شبيه معتز انتم اصدقائه لازم تعرفون اخوي حالته حاله لا ياكل ولا يشرب ومتغير وماله خلگ روحه واني ما اگدر اشوفه هالشكل لازم تحجولي شنو السالفه
مروان
معود اسكت لا ينفش ريشه علينه خيولي كلب ومات شنو يعني ههههه
ضحكنا كلنا على كلام مروان
كمل علاء كلامه
علاء
خلاص معتز احنا راح نخطبلك مسار ممستعدين نخسرك وخلاص هي مرة اخوي وتحرم عليه وعلى غيري ويمكن راح اتزوج واسافر ما ابقى
معتز
مستحيل ليش انت تضحي اني اختياري غلط واني غلطت وانت لازم ترتاح
علاء
والله يا خوي مو بكيفك احنا قررنا وراح نزوجك مسار وهي رفضت الخطوبه هسه وتواعدنا الخميس نجي نخطبها
معتز
لا مو بكيفكم اني ما أگدر كافي سدو الموضوع
علاء
معتز لا تكابر عيونك فضحتك خلاص وربي اني مخلي وحده ابالي واتمنى ما ترفضون
مروان
وليش نرفض شنو دخلنا
علاء
اني اريد اخطب اختكم زهراء اذا ما عدكم اعتراض ولا حسبالكم استغل الوضع لا والله انتم اخواني واني احب اناسبكم واتقرب منكم اكثر والنعم منكم ومن اصلكم
بقينا اني ومروان واحد يباع عالخ
مروان
والله الشرف ألنا انت ماكو منك بس خلينا ناخذ راي الوالد والاهل ويصير خير ان شاءالله
احس مي بارد وگع على گلبي معقوله راح ارتاح
وفعلا رحنا وخطبت مسار وجانت حفله كلش حلوه هسه حسيت باصدقائي شگد يحبوني وهسه حسيت هم يستاهلون التضحيه عشنا اني ومسار احلى قصه حب وصارت عندي أمنيه حبيبت گلبي سميتها امنيه لان زواجي من امها كان امنيه وتحققت وام مسار يوم عدنا ويوم عند ابنها وبالنسبه لعلاء تزوج زهراء اختي وطلعوا لتركيا عاشو هناك وسيف تزوج بنت خالته وصار عنده ولد واما مروان تزوج حبيبته ساره وحاليا حامل بولد ولحد الان متواصل ومتقارب ويه اصدقائي سيف وعلاء والي قصدته بعديل الروح هم اصدقائي الي احبهم والحمدلله والشكر الدنيا ما فرقتنا
الى هنا تنتهي قصتنا اتمنى ان تكون نالت اعجابكم ومسامعكم
ودمتم سالمين 💕💕
