#عديل_الروح
همس القوارير
(بيج قصص همس القوارير)
البارت ٥
بلگوه عافني مروان ونزل وهو يدردم عليه
مروان
والله مخبل والله مو صاحي راح توگع بشر اعمالك
معتز
ههههههه ماشي مقبوله منك ضلع
نزلنا لگينا خالي عباس گاعد سلمنا عليه وگعدنا نسولف ونضحك ونتشاقى وامي سوت العشى وتعشى ويانا وبقى يمنا ل١١ تقريبا من راد يطلع گال
خالي عباس
معتز خالي امشي وياي اريدك بسالفه
معتز
اي خالي جايك
طلعنا نتمشى وهو يسولف وياي
خالي
اگلك خالي ليش ما تشتغل وياي اني وابو ابراهيم مديركم
معتز
خالي وشنو شغلكم
خالي
والله خوش شغله وتطلع مصرفك ومصرف اهلك همين يعني تبيضلك ذهب
معتز
خوش خالي علواه اذا هيج شغله شكو بيها بس شنو طبيعة الشغل
خالي
بس مجرد تجيب امانه وتودي امانه وتاخذ اجرك
معتز
منين اجيب والمن اودي وشنو طبيعة هالامانه شنو بيها يعني
خالي
الحجي بينا الشغله خطره ويرادلها واحد سبع مثلك
معتز
خالي فهمني بس لا الي ابالي
خالي
وشنو ابالك خالي
معتز
خالي انتم تهربون شي ممنوع لو تجيبون شي ممنوع
خالي
تقريبا
ضليت واگف بمكاني وعيوني عليه
معتز
خالي شنو تهربون
خالي
معتز هاي بيها كسر رگابي لازم نكون حذرين الحجي بينا حبوب كرستال
بقيت صافن بوجهه
معتز
حبوب كرستال تقصد المخدرات لو شنو
خالي عباس
