عديل الروح

8

#عديل_الروح

همس القوارير

(بيج قصص همس القوارير)

البارت ٨

دخت من اعترفتلي مسار ياربي شنو الحل التفتت عليها هي ساكته

معتز

وهسه المطلوب مني شنو

مسار

معتز اني ما أگدر اعوفك اعرف هالشي صعب علينا بس لازم نواجه العالم

معتز

يا عالم معوده لو واحد غريب اشلع عينه واخذج منه بس هذا صديقي مستحيل ما أگدر اخون

مسار

معتز اني اسفه هذا قراري ومستعده احارب وما اتنازل عن حبي

معتز

مسار لا تخبليني عوفيني بحالي منين اجيتيلي انتي

مسار

معتز گول ما أحبج ولا اريدج گول اكرهج حتى لو گلت ما اصدگك لان الي اشوفه بعيونك حب وشوگ ولهفه عليه ومتاكده من حبك

معتز

اي ودايس على گلبي لعيون علاء وما اخونه ولو اعرف اگطعه لگلبي قطع وارميه للجلاب ما اخون العشره

مسار

واني لو تگطعني قطع وكل قطعه ترميها بمحافضه ما اعوفك احبك معتز وما اعيش من غيرك

معتز

مسار لخاطر الله لا تورطيني وتخليني اضعف عوفيني اذا تحبيني صدگ

فريت السياره وحركت وگضيتها سكته وعيني عالدرب

مسار

احبك معتز انت حلم عمري ولازم احققه انت روحي اني ما اعيش من غيرك ميهمني اي شخص ثاني انت حياتي كولها

اني ساكت ما احجي بگلبي طاير من الفرحه من كلامها هيج تحبني واني ما ادري وعقلي يگولي لا تاخذ شي مو ألك ومسار من الاول مو ألك وصلنا لفرعهم ونزلت وعينها عليه طبگت الباب

مسار

مستحيل اتنازل عنك افتهمت لو لا

عفتها ومشيت ياربي اني وين وهالسالفه وين هسه شسوي شلون اعالج الموقف شحجي وشأگول شراح اكون بنضر علاء وسيف والناس ما اگدر اخسر اصدقائي علمود مره هذول عشرة عمري واخوان دنيا رجعت للشغل بس ايدي متاخذ شغل عقلي مشغول والف حسبه ابالي كملت شغلي وعزلت ورحت للبيت هستوني دافوت للبيت وخابرني علاء ضليت اباوع عالموبايل بيا وجه احجي وياه

معتز

هلا حبيبي شلونك

علاء

هلا ابو العز وين انت

معتز

والله هستوني دأفوت للبيت اتعشى وانام

علاء

تعال يمنا للساحه انه وسيف گاعدين ضايجين

معتز

لا والله يخوي حيل تعبان خليها غير مره

علاء

دتعال شوي وارجع خلينا نسولف شوي

معتز

لا والله تعبان وراح انام باجر اشوفك ان شاءالله

علاء

براحتك يخوي

سديته من علاء ودخلت للبيت سلمت ورحت بفراشي لا تعشيت ولا شي افكر بروحي والموقف الي نحطيت بيه مسار حبي الاول وحلم عمري وعلاء اخو دنيا وصديق طفولتي اختيار صعب لازم اضحي بواحد بيهم والاثنين احبهم وما أگدر استغني عنهم شويه ودگ مسج فتحته لگيته من مسار

احبك وما اتخلى عنك لو اعرفها توصل للرگاب

صفنت ياربي شلون ورطه هذه

دزيتلها مسج

معتز

مسار لا تتوقعين هالشي عليه هين بس حبي لعلاء اقوى من حبي الج اعذريني ما اخون

مسار

معتز لا تعذبني اني ما عرفت الحب اله وياك وانت عيوني الي اشوف بيها من شفتك وگتلي اني صديق علاء وكلمني عنج واني گلبي تولع بيك من شفتك اول مره وشفت نضرة عيونك وشگد شايله حب وشوگ واني گلبي نبض الك معتز لا تحرمني حبك شفت اهتمامك وشفت شلون تسرق النضرات وشفت خوفك وحرسك عليه انت حسبالك اني ما احس بيك هسه عرفت الي بيني وبين علاء مو حب مجرد فراغ وهروب من الحياة احبك معتز احبك انت ميهمني لا علاء ولا غيره

معتز

وعلاء شنو راح يكون موقفه

مسار

يوم يومين وينسى

معتز

ما اگدر اجرحه هذا اخوي

مسار

بس بالبدايه صعبه تالي يصير كوله سهل بس انت تقبلني راح اموت

معتز

صعبه مسار مو هينه عليه راح ينجرح ويتأذى وبالاخص من يعرف اني الي خنته

مسار

لا تگول خيانه هو علاء عمره ما حبني راد يگضي وقت وياي  بس هوايه جرحني

لحكايتي بقيه 💕💕