#عديل_الروح
همس القوارير
(بيج قصص همس القوارير)
البارت ١١
ما رجعت للبيت مسار دزتلي مسج
مسار
مو مهم تحجي وياي اهم شي انت بخير من شفتك ردت روحي مشتاقتلك
معتز
مسار لازم نحجي ونخلي حد للموضوع
مسار
معتز اني كلي الك والي تريده والي تتمناه يصيرلك بس لا تعوفني ما اتحمل غيابك
معتز
كافي تعذبين بروحي وتصعبين عليه المسأله
مسار
معتز الله يخليك كافي اني تحملت هواي اريد ارتاح وياك
معتز
كافي مسار لازم ننهي الي بينا ما أگدر اشوف علاء يتعذب تعبت ونفسيتي تعبت احبج واتمناج واحب صديقي وما أريد اخسره
مسار
صديقي وصديقي وصديقي كافي لخاطر الله فكر بيه مره على الاقل
معتز
مسار ما أگدر اخون فهميني علاء صديق طفولتي اخوي الي ما جابته امي عشنى احلى ايام عمرنا بحلوها وبمرها جانوا سند ألي سيف وعلاء من راح يعرفون بعلاقتي بيج اكيد راح يعوفوني واكون خاين بنضرهم
مسار
زين وأني ما فكرت بيه
معتز
لازم نفترق ورجاء بعد لا تراسلين. لا تدگين لان دتعبيني
سديته منها وكلي قهر وحسره احبها يا ناس احبها وما اگدر اعوفها اعشق كل تفاصليها اعشق عيونها وروحها وجها ولمسة ايدها اعشق طولها ومشيتها كلشي بيها حلو اووف يالقهر نمت ولأول مره تنزل دمعه على وجهي نمت بس مو نوم لا كل دقيقه افز واحجي ويه الليل خلاص كافي ياليل طولت شوكت يطلع نهارك واطلع بلكت شوي التهي وانسى نمت قريب الفجر وگعدت بالسته نزلت يم اهلي
مروان
شبيك عزوز صاير شي اشو تعبان واسود جوه عيونك شنو منايم
معتز
سلامتك حبيبي بس سهرت شويه عالنت وما حسيت عالوقت
امي
يلا يوم تعالوا تريگوا تاخرتوا
مروان
امشي خويه امشي امك دومها عدها احنا متأخرين
معتز
ههههههه
طلعت من البيت على الكليه داومت بس بداخلي مكسور ومالي خلك روحي بقيت افتر منا ومنا لحد ما كمل الدوام ورجعت هيج بقت حياتي تقريبا اسبوع كامل اني هذا حالي مكسور وتعبان وما اتصلت على مسار ولا هي اتصلت بقينا واحد يراقب الخ من بعيد اشوفها تنزل حالات ومشاركات كلها حزن وحده اراقبها عالفيس وعالوتساب وكل البرامج الي بالنت اشوف احوالها اكيد مو احسن من حالي علاء وسيف ما شفتم مرتين خابرني سيف علمود نطلع ومقبلت وكل مره حجه شكل لحد ما فد يوم رجعت من الكليه خابرني علاء
علاء
معتز شنو سالفتك تشرد منا شراده اريد اشوفك مشتاقلك
معتز
سلامتك حبيبي بس مشاغل ودراسه والاسواق مالت ابويه ومدالحگ
علاء
فرغ نفسك يوم ألنا ميصير هيج خلينا نشوفك ونگعد مثل قبل
معتز
ان شاءالله عن قريب
سديته منه وكملت الغدى مالتي يا دوب نمت نص ساعه وطلعت لأسواق گعدت اراقب وافوت عالنت ما احس اله مسار دخلت واجت عليه گبل اني وگفت اوووف شگد مشتاقلج شگد ردتلي روحي يا بعد روحي فاتت واجت يمي
مسار
شلونك معتز
معتز
اهلا وسهلا بخير انتي شلونج
مسار
وداعتك ما بقالي لون معتز محتاجتك
معتز درت وجهي ورجعت باوعتلها
مسار كافي انتي دتدمريني صدگيني
مسار
اني الي جاي اتدمر مو انت معتز امشي نطلع ونحجي
معتز
وين نروح خلينا هنا وبعدين كلشي حجينا ما بقى شي نسولف بيه
مسار
لا اكو حساب ولازم نصفيه لازم نحجي ومو هنا
معتز
ما أگدر اعوف الاسواق
مسار
حسن موجود امشي معتز لا تشلع گلبي
سحبت ايدي وهي معصبه وتريد نطلع من الاسواق صحت على حسن
معتز
دير بالك حسون شويه وجاي
هستونا دنطلع من الباب وهي كامشه ايدي ودخل علاء شافها شلون كامشه ايدي ويخزر بيه وبيها اني وياها ضلينا صافنين بوجه علاء وبسرعه سحبت ايدي منها بس بقيت ما حركت ساكن
لحكايتي بقيه 💕💕
