#عديل_الروح
همس القوارير
(بيج قصص همس القوارير)
البارت ٧
من بعد ما داومت كليه كلش تغيرت حياتي ورتبت نفسي وشكلي اكثر وصرت حيل وسيم اني اصلا من البدايه مرتب ونازك بس هسه زدت شوي تعرفت على هواي بنات وزملائي همين هوايه گمنا نسوي گروبات وجمعات بس مشلت مسار من راسي حاولت اشغل نفسي وتفكيري بالدراسه بس مگدرت من اشوفها او احجي وياها احس الدنيا كولها ملك بأيدي وما اريد من الدنيا شي غيرها ومن اشوفها تحجي ويه علاء نار وتشب براسي وبگلبي بين فتره وفتره اخابرها وسأل عليها بدون علم علاء ومرات اگوله حجيت وياها ومرات هو يطلب مني هالشي طبعا بالكليه افترقنا علاء حقوق واني علوم وسيف بعدله سنه ويتخرج ومقرر يجي وياي علوم حياتنا عاديه بين دوام وبيت والاسواق واكل ونوم لا جديد نفس الروتين وهيج عدت الايام وصرت ثالث كليه واني مسار ساكنه بروحي وبعقلي وباقي على تواصل وياها صديقي ما اگدر اخونه كتم حبي بگلبي وساكت ابلع المر من وراها وهي متدري لحد ما فد يوم اني بالاسواق داراجع حسابات واسجلها عالكمبيوتر حسيت خيال وگف گبالي رفعت راسي وشفتها مسار اني گمت من مكاني وضليت صافن بوجها
مسار
شلونك معتز شخبارك
معتز
هلا وغلا شلونج شخبارج
مسار
اريد احجي وياك ممكن
معتز
اي ممكن تفضلي
مسار
لا مو هنا خلينا نطلع لمكان عام
معتز
ماشي اسبقيني وجاي وراج
صحت على حسن
معتز
ابو علاوي رايح بشغله شوي وارجع عينك عالحلال
حسن
اخذ راحتك ابو العز بطن عيني
طلعت لگيتها واكفه اخذت سيارة ابويه وصعدت يمي بالصدر تفاجئت من گعدت يمي باوعت عليها بس حركت وضليت امشي بالسياره
معتز
وين تحبين ترحين
مسار
خلينا بلسياره احسن
معتز
اوكي براحتج تفضلي سولفي
مسار
معتز اني تعبت من علاء يفكر بس بنفسه واحتاريت وياه احاول ارضيه بكل طريقه مديرضى احجي وياه ميفيد دائما يبجيني تعبت منه وبعد ما اتحمل خلاص لهنا وكافي
معتز
بس هو يحبج ويريد خاطرج تحملي شوي
مسار
ما اگدر اگولك اناني يفكر بس براحته معتز اني ما احبه
معتز
شلون متحبينه والي بينكم شنو الي ديصير
بديت اخفف بالسياره حتى اركز بكلامها
مسار
يعني يمكن كان مجرد اعجاب او من كثر ما أذاني صرت ما أحبه
معتز
بس الي يحب يصبر ويتحمل
مسار
اي الي يحب اكتشفت اني ما احبه واحب شخص ثاني
وگفت السياره على جه وباوعت عليها بعصبيه
معتز
والمطلوب مني شنو اروح اخطبلج حبيبج لو ادزله رقمج لو شنو
مسار
لا طبعا لا هاي ولا هاي ميحتاج اگولك اتصرف بكيفي
معتز
يعني انتي جايبتني من شغلي ومخليتني افتر بيج شتردين مني بالضبط اني علاء ما أگدر اگوله حبيبتك تحبلها واحد وثاني وعوفها وانساها لان ما أگدر اجرحه
مسار
ولا هاي اريدها منك
معتز
حيريتيني يا بنت الناس شتردين مني بالضبط
مسار
اريدك انت
معتز
شنو تقصدين
مسار
اي اني احبك انت
ضحكت التفت اباع من الجامه واضحك ورجعت اباوع للستيرن اضحك واهز براسي التفت عليها
معتز
اكيد تشاقين
مسار
لا طبعا حبيتك من اول يوم شفتك بيه وحاولت اجبر نفسي ابتعد عنك ما گدرت حاولت احجي ويه روحي واگول لا عوفيه هذا صديقه ميصير هذه خيانه بس روحي متقتنع
هي تسولف واني بغير عالم والله ما ادري اضحك لو ابجي اي معتز هذه الفرصه انت كنت تنتضرها هذه مسار حبك الاول بس لا مستحيل درت وجهي عالشارع واتخيل عيون علاء لا اني ما اخون ما أگدر هذا خويي ورفيق طريقي هذا من الابتدائيه واحنا سوه وما افترقنا والله ما اعرف دخت احتاريت شجاوبها
لحكايتي بقيه 💕💕
