#عديل_الروح
همس القوارير
(بيج قصص همس القوارير)
البارت ١٢
من شافنا علاء بهالوضع واني الف كلمه جانت ابالي بس طارت الكلمات موقف محرج ومقهر بنفس الوقت شافها وهي لازمه ايدي بقى صافن بوجهي وتغيرت معالم وجهه ويباوع على مسار بحقد هي بسرعه ختلت وراي
علاء
كلشي توقعت بحياتي بس عمري ما فكرت انحط بهيج موقف
معتز
لا تفهمنا غلط بس اسمعني
علاء
اسمع شنو يا خويي وصديق روحي ورفيق عمري اسمع شنو كلشي واضح مثل الشمس ما اعتب عليج انتي يا حثاله لان كلشي اتوقع منج يوميه بحضن واحد بس اعتب على اخوي الي عاف بنات الدنيا كلها وعشگ حبيبتي
معتز
لا علاء الله عليك لا تضلمني بس اسمعني خليني اشرحلك والله ماكو شي بينا
علاء
تكذب على منو معتز يا اخوي تكذب على منو وحتى لو كلامك صدگ شلون اثق بيك بعد هالمنضر وانتي حسابج راح يكون عسير والله اله اخليج تبجين دم
مسار
كافي علاء اني عمري ما حبيتك خلاص لازم نخلي النقاط على الحروف اني احب معتز وما اعيش من غيره انت الحجره الي واكفه بسعادتي انت الحجره و العثره الي حالت بيني وبين معتز
ادنى عليها وراد يضربها ولزمت ايده
مسار
اي اضرب استقوي على مره اني ما احبك دمرتني ضيعت نص عمري وشبابي اني احب معتز
حسيت بعلاء صار بركان من القهر لا مو بركان صار جهنم الحمره ضرب جامه المعرض بأيده وكسرها وطلع لزمتني مسار من ايدي عفتها وطلعت وراه بقى گلبي عنده يمشي وامشي وراه
معتز
بس اسمعني علاء والله خليني افهمك والله ما خنتك بس خلي اسولفلك
علاء بعلو صوته
معتز عوفني ما اريد اسمعك ولا اريد اضربك
معتز
لا اضربني اني استاهل شسوي بيه سوي بس لا تنقهر
علاء التفت عليه
انت اخر واحد بالدنيا توقعته يخوني عوفني معتز انسى عندك صديق اسمه علاء عيش حياتك بس اني اگلك مراح ترتاح لان كسرتني. ومشى سريع
معتز
اوگف بس اسمعني وربي فاهم غلط والله نهيت كلشي لعيونك ما اريدها ولا اريد غيرها اريدك انت اخوي علاء علاء بس اوگف
عافني وراح وخلاني بحسره وقهر خليت ايدي على راسي والتفت منا ومنا مشيت ورحت للبيت دخلت غرفتي وسديت الباب بدت مسار تدگ وتراسل تريد تعرف شنو صار
بس اني القهر موتني موت احس غصه وعبره بصدري تتكسر ما اتحمل هيج علاء ياخذ موقف نسيت مسار وكرهت حبي ألها گعدت افكر وافكر اريد حل للمشكله تعبت تذكرت سيف لازم احجيله وهسه خابرت عليه
معتز
الووو سيف شلونك حبيبي
سيف
هلا ابو العز شخبارك
معتز
سيف تعالي للبيت هسه محتاجك بسالفه
سيف
خير صاير شي قلقتني
معتز
ماكو شي تعال وتعرف
مجرد ما نزلت جوه اجه سيف فات للديوان وگعدنا وسولفنا كان حيل قلق ويريد يعرف شنو السالفه
گعدنا وسلمنا وسولفتله كلشي
هو بقى صافن عليه
سيف
اعذرني معتز انت غدرت بعلاء
معتز
والله ادري بس مو بيدي حبيتها غصبن عني وقررت انهي كلشي بس لخاطره
سيف
انت كسرته معتز والي ينكسر ما يصلح وحتى لو تصلح ما يرجع مثل الاول
معتز
اووف صدگ كلامك بس الحل شنو
سيف
عوفه يهدئ شويه وبعدين اني احجي وياه
معتز
اي والله ياريت وشنو يريد اني اسويله يريدني اعوفها همين اعوفها بس خلي يبقى وياي
سيف
معتز ترى صعبه الله يعينه وبعده معصب منك اصبر شويه بلكت يتفهم الوضع
معتز
ماشي اصبر وأشوف
لحكايتي بقيه 💕💕
