#عديل_الروح
همس القوارير
(بيج قصص همس القوارير)
البارت ١٤
على فراگنا شهر اني ومسار فد يوم اني گاعد بالاسواق ودأرتب بالبضاعه الجديده رفعت راسي وشفتها واگفه گبالي ضليت صافن بوجها اووف شگد متغيره وضعفانه وجها اصفر ودموعها بعينها مشتاقلها بگد رحمة الله ما صدگت من شفتها تمنيت اضمها لصدري واطبع بوسه على جبينها اووف شگد احبج
مسار
مشتاقتلك
معتز
ليش اجيتي
مسار
هذا استقبالك ألي على الاقل گولي شلونج شخبارج ميته لو عدله
ضليت ارتب بغراضي
معتز
داشوفج الحمدلله كلشي ما بيج
مسار
معتز متت بغيابك مكافي لخاطر الله بعد ما اتحمل هذا حدي
معتز
مسار انسيني وشوفي حياتج
مسار
الشهر الجاي راح يجون بيت عمتي من تركيا ويخطبوني واروح وياهم معتز لو كان باقي الي معزه زاويه من گلبك اخذني لان اموت من غيرك
اني هنا ضربتني صاعقه ما أگدر اگولها تزوجي ولا أگدر ابقى وياها حرت لا من هلي ولا من حبيبي
مسار
احجي معتز لا تخليني بحيرتي الك مهله شهر معتز وراها بعد متشوفني للابد اترجاك تحجي تگولي ابقي مسار احبج وراح اخطبج
اني ساكت ما حجيت شي بس الدمعه بطرف عيني
مسار
لخاطر حبنا الي مات بعينك احجي گلي شسوي
معتز
شوفي حياتج
وانطيتها ضهري حتى لا اشوف عيونها واضعف
خلتني وطلعت مو بس هي طلعت روحي طلعت وياها وشبت نار بضلوعي احس صخنت وشبيت نار ضليت اروح وارجع دفرت الكارتون برجلي وطلعت وين اروح وين انطي وجهي اريد اصرخ يا ناس احبها ما اگدر ولا اتحمل احبها من دون ما احس دموعي صبت گاعد امشي بالشارع وحسيت ايد لزمتني التفت وداضربه بوكس وعيوني كلها جمر ودمع لگيته سيف
سيف
شبيك معتز شصاير شبيه وجهك صارلي ساعه اصيح وراك ما تسمعني شبيك تعال وياي بالسياره
جرني وصعدني وياه بالسياره من صعدت دموعي صبن وحسيت بحرگه بيه نار وهي مو كل نار نار ابجي ما ينزل دمع يطفر شرار
سيف
ابجي ارتاح انه راح انزل واخذ راحتك
نزل سيف واني بجيت وبجيت لحد عدت نص ساعه واجه سيف گعد يمي
سيف
شبيك معتز السالفه وراها مسار مو
معتز
اي راح تتزوج الشهر الجاي واجت تبلغني
سيف
بعدك تحبها
معتز
وعمري ما راح انساها وراح تبقى حلم عمري
سيف
والله حاس بيك واتمنى اساعدك والله لو الموقف وياي اني اروح اخطبها بأيدي الك ولا اشوفك بهالحال
معتز
اخذني للبيت تعبان
وصدگ دخلنا للبيت گبل رحت للحمام سبحت وبدلت وسويت روحي نايم علمود لا ادخل بسين وجيم غلقت جهازي وبقيت صفنه تجيبني وصفنه توديني ما گمت من فراشي حسيت على مروان اجه باوع عليه وطلع نص ساعه واجه نام واني همين بين دموعي والحسرات نمت ما گعدت اله ١١ وهمين منزلت بقيت بالغرفه دخل مروان
مروان
هلا بالضلع شلونك
معتز
الحمدلله
مروان
شبيك ابو العز شنو مريض
معتز
اي شويه تعبان ممكن تروح ويه ابوي لاسواق هالايام لان تعبان اريد ارتاح كم يوم
مروان
ماشي حبيبي بس شبيك اريد اعرف
معتز
سلامتك
مروان
اليوم مهدي وحبيبت گلبك مهجه غداهم يمنا
درت وجهي وگتله هلا بيهم طبعا مهدي اخوي الكبير ومهجه بنته الوحيده حسيت بمروان استغرب مني وطلع من الغرفه بقيت على هذا حالي اسبوع اكل قليل نوم ماكو ارهاق وتفكير وتعب وقهر ونوم مالي خلگ نفسي فد يوم اني گاعد واجاني مروان
لحكايتي بقيه 💕💕
