#عديل_الروح
همس القوارير
(بيج قصص همس القوارير)
البارت ٦
من بعد ما نحكم خالي ٧ سنوات هو والمدير بقت حياتنا هدوء فد يوم من الايام بليل جنت هستوني غافي ودگ عليه علاء
علاء
الوووو ابو العز شلونك حبيبي
معتز
شلوني نايم وانت زعجتني
علاء
اسف حبيبي ما ادري بيك نايم لو ادري جان همين خابرتك عادي ههههه
معتز
هههه اخصمها شتريد
علاء
انت مو اخوي وصاحبي وضلعي الماينشلع
معتز
حافضها هالمقدمه الي وراها شنو
علاء
اريدك تخابر مسار تگولها تخف عليه شويه شنو عبالك شرطي لا طلعه ولا طبه
اني مدري شصار بيه گمت من حيلي مدري ليش حسيت مسار تخصني وعلاء يريد ياخذها مني
معتز
انت من كل عقلك مو عيب عليك هذن بنات ناس شنو تطب وتطلع بكيفك
علاء
هاي شبيك هي بحكم خطيبتي هسه يعني اطب واطلع بكيفي لان احبها واريد اخطبها وهي تدري
اني هنا انتبهت على نفسي
معتز
ماشي حبيبي هسه اخابرها
علاء
هلا هلا بالضلع عشت حبيبي يلا مع السلامه
لزمت موبايلي بيدي اني شديصير بيه هذه حبيبة علاء وعلاء مو بس صديقي هذا اخوي هذا عشرة عمر وصديق طفولتي هذا هو وسيف من احنا بالاول ابتدائي اصدقاء معقوله هسه نتخارب على مود بنيه ضليت صفنه تاخذني وصفنه تجيبني وبيني وبين نفسي ادگ لو ما ادگ دست على گلبي ودگيت
مسار
ألووو
معتز
شلونج مسار
مسار
اهلا وسهلا منو وياي
معتز
اني معتز صديق علاء
مسار
اهلا وسهلا اخويه شلونك تفضل
معتز
اني اعرف بالموضوع الي بينج وبين علاء واعرف على شنو متخاربين وكلفني احجي وياج
مسار
والله ما ادري شگولك يا خوي مدنتفاهم اني وعلاء كوله زعل وغلط واني ما اتحمل اسلوبه ولا يگدر يعوفني ولا يخطبني واحتاريت وياه
معتز
حقج صديقي واعرف طبعه مو هذا موضوعنا هسه هو كلفني احجي وياج علمود تطلعين وياه
مسار
خويه انت شلون ترضاها ألي اني همين عندي اهل واخاف على سمعتهم اطلع وياه بصفتي شنو ما اگدر اشوه سمعتي وسمعت اهلي
معتز
والله والنعم منج ومن تربيتج اصلا اني مقبلت افاتحج بالموضوع بس هو اصر لان الي ما ارضاه لاهلي ما ارضاه الج
مسار
مشكور خويه ما تقصر من رخصتك اروح اشوف امي
معتز
الله وياج وعذريني على تدخلي
بقيت افكر بيها ونعم التربيه والاخلاق وفوگ هذه كله شايله جمال الله يستر عليها
دگيت على علاء وگتله مقبلت ضل يغلط عليها ويحجي وضاج كلش اني همين ما عجبني لان يغلط عليها يمكن بديت احبها وعلاء شلون والله ما اعرف شسوي المهم جان وقت امتحانات عدنا وجانت اخر سنه ألنا والحمدلله تخرجنا وقدمت على علوم وبديت اداوم للكليه واني اشوف الحياة غير والوضع اختلف اشوف بنات اشكال وألوان واستغرب تصرفات معضم البنات
