#عديل_الروح
همس القوارير
(بيج قصص همس القوارير)
البارت ٢
وصدگ من طلعنا من الدوام مريت على خالي قبل لا اروح لبيتنا
معتز
شلونك خالي شخبارك
خالي عباس
هلا خالي شلونك انت شعجب دربك علينا تعال خالي تغدى
معتز
لا والله خالي اريد اروح بس المدير ابو احمد يريدك تمرله يكول لان يريدك بشغله
خالي عباس
اي خالي امرله ما گتله موبايلي عطلان
معتز
بلي خالي گتله هو ينتضرك اگلك خالي شنو الشغل الي بينكم
خالي عباس
خالي محتاج مني شغله وان شاءالله مگضيه
المهم سلمت عليه وطلعت رحت للبيت لگيت ابوي والبنات وامي ومروان ديتغدون
معتز
بس اريد اعرف محد يسأل عليه ينتضرني يگول وين راح ميت عدل ما يهمكم غير بطنكم
مروان
والله اني سئلت عليك وگالت امي اليوم متاخر مو عاداته گلت خاف يجيبونك شهيد ما بيه حيل ابجي واني جوعان خلي اكلي لگمه احسن
امي
يااا اسمالله بيش تطلبه
معتز
اشوفج انتضرتيني على الاقل گولي ابني ليش تأخر وانت كل همك بطنك
امي
عود صدگ يمه ليش تأخرت
معتز
بعد وكت اكلي يمه اكلي اخذي راحتج
ابوي
معتز تغدى ونام شويه وامشي وياي العصر جايب بضاعه
معتز
ماشي يابه تدلل
تغديت ونمت والعصر سبحت وبدلت وطلعت ويه ابويه خلي اوصفلكم شكلي اني ابيض وعيوني سود ووساع وشعري دائما اخففه وطويل وجسمي حلو نرجع لسالفتنا من وصلت للاسواق لگيت العامل دينضف الاسواق واثنين بنيه ومره كبيره يفترن ويتفرجن شفت المره الكبيره اخذت علبة جكليت جواهر وخلتها جوه عباتها انتبهت گلت خلي اشوف شنو السالفه البنيه اجت دفعت الحساب وطلعت بقت المره الكبيره انتضرتها اجت خلت مسواگها گتله لحسن
معتز
حسن عوف اني احاسب حجيه حسابج ثمانيه وتلاثين
المره
شسالفه يمه هن حلويات ميتجاوزن ٢٠ ألف
معتز
حجيه حلوياتج عشرين وعلبة الجكليت الي ضميتيها وانتي متدرين سعرها ١٨
هي بقت صافنه عليه وتباوع يمنه يسرى
معتز
احسلج لو تدفعين لو ترجعينها بمكانها
شويه ودخلت بنيه تدور منا ومنا اسمها مسار
مسار
اوووف يمه والله غلبتيني صارلي ساعه ونص ادور عليج متگوليلي وين صرتي
الحجيه
انتي شجابج وراي مو گتلج ما اعرفج شتردين مني
مسار
اعذرني اخوي شكد حساب الحجيه
معتز
والله حسابها ثمانيه وتلاثين وهي مصره عشرين لان شفتها اخذت علبة جكليت جوه عباتها
مسار
اوووف يا امي اعذرني اخوي وسامحني حسابك كوله انطيه الك اني لان والدتي مريضه وعدها انفصام بالشخصيه وتسوي شغلات تفشلنا اعتذر مرة الخ نيابة عنها
معتز
لا مصار شي ربي يشفيها ان شاءالله
انطتني حسابي وطلعت بس والله حلوه ونازكه كلش عجبتني بس اتصور حالتهم زينه مبين عليها هالشي كملت شغل ويه ابويه ونزلنا بضاعه جديده والتهينا بيها ونسيت السالفه بس كلش تعبنا بيومها اني وحسن العامل تاخرنا بليل رحت يا دوب قريت شوي ونمت حتى دراستي ما كملتها اجتي امي كالعاده تصحيني مثل كل يوم گعدت سبحت ورحت على كنتور مروان داخذ منه قميص واطلع شفت مخلي بكنتوره علاگه مالت هديه باوعت يمنه يسرى ماكو احد لزمتها گلت خلي افضحه دومه فاضحني خلي اشوف شبيها هالعلبه هستوني لازمها بيدي وكمشني مروان من ياختي
مروان
شدسوي بكنتوري
اني گمزت للسگف من الخرعه
معتز
شبيك حتى الهوى طار گمزتني
مروان
جيبها هالعلبه لا تفتح كنتوري
معتز
مروان الله عليك شنو بيها هالعلبه والله ما گول لاحد
مروان
انت ما تگول لاحد انت اصلا مينضم عندك شي انت بخور السوگ
معتز
اخوك اني شبيك
مروان
ما عندي اخوان يلا اشطح
قفل الكنتور واخذ المفتاح وطلع وخلاني الفضول يقتلني هيج طبعي فضولي وما عندي صبر متسرع
لحكايتي بقيه 💕💕
