عديل الروح

13

#عديل_الروح

همس القوارير

(بيج قصص همس القوارير)

البارت ١٣

بقينا نسولف اني وسيف ونحجي هواي بالموضوع وخلاص قررت اترك علاء فتره وارجع احجي وياه وقررت انهي علاقتي بمسار لان من البدايه كانت غلط من طلع سيف رحت لفراشي لگيت مسار داگه وراسله هواي رسايل گلت خلاص لازم انهي الموضوع ماكو مجال للعواطف

معتز

اعذريني يا اغلى الناس لا تتوقعين فد يوم اگدر انساج انت كنتي حلمي ونبض قلبي بس مع الاسف من البدايه كانت علاقتنا غلط ونبنت على فد شي غلط عذريني مسار لهنا حدي اني مو قوي ولا اگدر ادافع عن حبي الج لان حبي لعلاء ولضميري اقوى مني ومنج عمري متخيلت انحط بهيج موقف انتي راح تبقين حلمي لاخر يوم بعمري اترجاج انسيني واتركيني وشوفي حياتج ومستقبلج اتمنالج السعاده مع السلامه يا اغلى الحبايب

دزيت هالرساله وحضرتها من كولشي من اي برنامج عندي عفتها لمسار واني كلي حسره وقهر وضيم ودمع دست على گلبي وضغطت على روحي احس اختنگت وضاگت بيه الوسيعه كنت من واحد يگولي اختنگ اگول شلون الواحد يختنگ اني اليوم مو بس اختنگت احس دتطلع روحي ما نمت ولا غفيت انتضرت الصبح يطلع وعيني عالشباك طلع النهار ورحت داومت للكليه ورجعت مالي خلگ يا دوب اكلت لگمه ونمت گعدت ورى ساعتين ابوي رادني اروح للاسواق گتله اليوم تعبان خلي مروان يروح گعدت شويه يم امي وبعدين طلعت بره دگيت على سيف بعد السلام والتحيه

معتز

هاا سيف بشرني شنو الاخبار حجيت ويه علاء

سيف

والله ادگ عليه ما يرد خليه اليوم يرتاح وباجر أمرله للبيت

معتز

گوله عفتها وعفت حبي لعيونه واي مره ما تغير بيني وبينه

سيف

معتز لا تضوج الله يحلها ماكو شي ماله حل

معتز

اي حبيبي صدگ الحمدلله والشكر انت تفهمت الوضعيه لان ضربتين بالراس توجع واني كافي عليه علاء ما مستعد اخسرك

سيف

لا يا خوي انت اخوي وعلاء اخوي وهذا سوء تفاهم وان شاءالله ينحل

معتز

اوكي حبيبي انتضر منك خبر

بقيت هيج تقريبا اسبوع مسار ما منها خبر لان خضرتها من كل وسائل التواصل وعلاء لحد الان محاجي وياه ذاك اليوم گاعد اني بليل ودگ عليه سيف

سيف

معتز حجيت ويه علاء وفهمته الوضع وکتله انت تركت مسار ويمكن بده يتقبلك

معتز

الله يبشرك ما طول شويه بده يتفهم اترك الباقي عليه

سديته من سيف وبديت ادز لعلاء صورنا من كنا طالعين سفره وعدنا صور فوتغرافيه واحنا صغار طلعتها وبديت اطگلهن صور وادزهن اله وكتبتله

معتز

اني اسف اني غلطان اني تجاوزت على شي مو ألي اني عرفت غلطي وتندمت وصلحت غلطي وعفت مسار انت اخوي وحبيبي ومالي غنى عنك مستعد اتخلى عن الدنيا لعيونك ولا تخلي مره تغيرنا انت اخوي وصديق عمري ياريت ترضى عني

دزيتها وبديت انتضر شفته فتحها وقراها بقيت انتضر ماكو منه رد گلت بعده مراضي والله ما اعرف شسوي ورى نص ساعه دزالي رساله

علاء

تعالي للبيت اريدك

اني من قريت الرساله ما صدگت كولشي ما خطر ابالي نزلت اركض فتحت الباب وصاحت امي

امي

عزوز وين رايح يمه

معتز

نص ساعه وراجع يوم

رحت لگيته واگف اباب بيتهم حضنته وبجيت وهو همين حضني وبجى وبده يشاقى ويخنگني حسيته رضى عني بوسته واعتذرت منه وگال خلص موضوع انتهى وراح وبعد لا تفتحه ونعتبر مصار شي شگد حسيته گلبه طيب اوف يا خوي مكانك خالي بروحي كانت عندي فد مقوله سمعتها من ابو رقيه الي سولفتلكم عنه كان يگول

صاحب صديقك سنه ورى السنه جربه احجي عليه بزعل واذا ما زعل صاحبه

هيج ينعرف الصديق المهم تراضينا ورجعنا مثل ما كنا نكطعت علاقتي بمسار نهائيا بس مستحيل يعدي يوم اذا ما افكر بيها مستحيل يعدي يوم اذا ما اتخيلها عروسي تعبت من التفكير بس ما أگدر ارجعلها لان انطيت كلمه للولد ما ارجعلها بعدها ونحافظ على صداقتنا وصارت العطله ورجعت للشغل ويه ابوي يوميه اروح مر على فراگ مسار شهر كامل واني ما اعرف شخبارها لحد ما فد يوم من الايام

لحكايتي بقيه 💕💕