Witchcraft

Tale 42

“Ang swerte mo Javen!! For sure magiging isa kang super powerful na Healing Mage!!!” masiglang saad ni Aliya to lighten the mood

“Ikaw Aliya, magtraining ka kasama si Alivia, mula ka sa pamilya ng mga Montregomie, side branch kayo ng pamilya Lockwood sa labas ng Bloodwood. So in short, kamag-anak mo ko. May natutulog na kapangyarihan sa loob mo. Wag mo ipahiya ang angkan natin. Kahit mukang wala ka nang pag-asa, mabuti na ding i-try mo. Shoo. Dun ka kay Tiny.” Pagtataboy ni Eclipse kay Aliya na ikinasimangot ng huli.

Makikita sa isang sulok ang batang si Alivia na abalang nagmemeditate habang nasa ibabaw ng kanyang ulo si Tiny, ang maliit na pagong na isa sa apat na pamilyar ni Eclipse. Hindi malinaw kung anong klaseng training ang ginagawa nila sapagkat muka lang isang normal na pagong si Tiny na trip lang tumambay sa ulo ng batang si Alivia.

“Bilisan nyo pa ang pagtakbo! Ano ba? Mga pagong ba kayo? No offense Tiny. Bilisan nyo!!” sigaw ni Damnable, ang pulang ibon na Familiar ni Eclipse habang lumilipad ito sa ibabaw ng ulo nina August at Tanisha. Masakit na ang mga binti ng mga babae subalit pinilit nilang bilisan pa ang pagtakbo.

“Sa tingin nyo ba lalakas ang magic nyo kapag lampa yang mga katawan nyo?! Nananaginip kayo ng gising mga bata! Kung gusto nyong makagamit ng mga spells na ituturo ko, palakasin nyo pa ang katawan nyo! Bilisan nyo pa ang pagtakbo!!! Walang gagamit ng Enhancing Magic! Takbo! Takbo!!!” sigaw pa ni Damnable at halos maiyak na ang dalawa sa nakakabinging boses ng ibon. No wonder pinangalanan itong Damnable ni Eclipse.

“May napakalaking potensyal ka na maging isang malakas at tanyag na mago. Mayroon kang talento sa Summoning Magic, hindi ko tuloy maiwasang hindi maalala ang binatilyong aking nakilala isang daang taon na ang nakararaan. Sya ay may napaka husay na talento sa Summoning Magic tulad mo. Naging maingay ang kanyang pangalan subalit sya ay maagang pumanaw sapagkat masyado syang naging kampante na walang makatatapat sa kanya haanggang isang araw, nakaharap nya ang isang makapangyarihang Evoker. Such a waste of talent.” Buntong hininga ni Blabbermouth, ang madaldal na butiki na isa din sa mga Familiar ni Eclipse, nasa harap nito si Flay na pilit pinapahaba ang pasensya para makinig sa kadaldalan ng butiki.

“Importante na matutunan mong ma-master ang Summoning Magic at pati na rin ang Evocation Magic. Kung may sapat pang panahon, ituturo ko din sayo ang Celestial Magic. Bihira lamang ang mga taong may sapat na talento para mamaster ang tatlong Contractual Magic na ito. Syempre espesyal na kaso ang Dragon Princess sapagkat nananalaytay sa kanyang ugat ang dugo ng pinakamakapangyarihang lahi. Ikaw ay may pambihirang talento at ang kapalarang nakaguhit sa palad mo ay hindi rin ordinaryo. Bigla ko tuloy naalala ang nangyari limang libong taon na ang nakararaan. Nakilala din namin ang isang dalagang may malalim na kaugnayan saamin at kay Eclipse, sya ay naging reyna ng isang nasyon. At ang babae tatlong libong taon na ang nakararaan, sya ay isa lamang tagapag-silbi sa isang matandang kaharian subalit dahil ang kanyang kapalaran ay may malalim na kaugnayan saamin, sya ay naging isang emperatris na sumakop sa mga karatig na kaharian. Kaysarap balikan ng mga alaala ng kahapon.” Buntong hininga pa ni Blabbermouth at hindi na maipinta ang muka ni Flay. Namamangha sya sa mga kwentong kanyang naririnig subalit sumasakit na ang kanyang ulo sa kadaldalan ng butiki sa kanyang harapan.

“Anyway, ang nais ko lang sabihin ay dapat mo ring pagtuunan ng pansin ang elemental attribute mo. Kahit pa hindi kabilang ang Lightning Attribute sa Main Elemental Attribute, hindi nangangahulugan na ito ay mahina. Bagkus ito ang isa sa pinakamalakas na elemento. Bibihira lamang ang mga taong may ganitong Attribute tulad mo. Naaalala ko pa noong minsan kong nakasalamuha ang isa sa pinakatanyang mong ninuno, si Freya Walker, naging isa syang kilabot na mage dahil sa isang napakalakas na magic spell na tanging sya lamang ang nakakagamit. Nakapanghihinayang na hindi nya naipasa sa mga sumunod na henerasyon ang sekreto saa likod ng kanyang spell na Dance of the Thousand Lightning. Such a shame. What a shame.” Naiiling na saad ng butiki at kahit pa masakit na ang tenga ni Flay sa pakikinig sa kadaldalan ng butiki, napukaw nag pansin nya sa huli nitong sinabi.