لأجل أمي أصبحت خادمة🌺

البارت الاول

براءة : قسما بالله كان صارت لأمي حاجه وانت سببها لما اتشوف شن اندير...

د. أحمد : ههههه شن بديري يعني بتشتكي... اني أحمد الراشد نقلب المستشفى كله ع راسك وراس اهلك ... اوه لا نسيت انتي بلا اهل ولكن حتى لو بلغتي عن تهديدي بتجي فوق راسك لانك تعالجي في امك في مستشفى خاص وبدون اوراقي رسميه واصلا من بيصدقك وحنزور اوراقي نخليك ادوري رضاي باش نساعدك "وبصوت حاد" فهمتي...

براءة دموعها نزلو من كلامه الجارح ومشت بدون ماتقول ولا كلمه لانها خافت اينفد كلامه و زي ماقال مش حتقدر اتهدده لكن قررت انها تحاول ادبر المبلغ...
وخدت فونها واتصلت ع صاحبتها...

**********************************************
في مكان اخر/

كانت متمدده ع السرير ومكسده
شافت الساعه لقتها 2ص

هنادي : اوووووف غدوه بنمشي للمدرسه ولي توا مباش يجيني النوم ...
وغمضت اعيونها اتحاول ترقد لين رن فونها فتحت عيونها  وردت

هنادي : هلا براءة شن الجو ...

براءة : هنادي امي بتموت لو قعدت سنتين بلا علاج ....

هنادي" بحسره" : حاق!! وعلاش مترفعيهاش للدكتور الطيب...

براءة" بحزن" : شن طيب باللهي عليك اليوم اهاني قدام الناس وقعد يعلق ع فقري و قال ساعدك هلبا لكن مش معناها تستانسو وكل شويه جاييني ...

هنادي"بحزن" : والمستشفى الحكومي؟...

براءة : باللهي قعدت اسابيع  نستنى في الفحص امانا كيف بيكون العلاج...

هنادي" تنهدت" : باهي قداش يبي العلاج بالك بويا يقدر يساعدك....

براءة : مستحيل يقدر قاللي الدكتور اقل شيء 100الف صعب حتى ع بوك...

هنادي"بصدمه " : هلبببااااا...

براءة : هنادي معاش عرفت شن بندير...

هنادي" بحزن " : وكلي امرك لله...

براءة : والنعم بالله ... لكن مهلة العلاج طويله ولازم اندبر المبلغ باسرع وقت...

هنادي : باهي توا شن بديري...

براءة : اسمعي ان توا بنروح للحوش وامتا نوصل تو انكلمك...

هنادي : انتي ماشيا بسيارة...

براءة " ضحكت" : سيارة شن ي هنادي بنروح ع رجليا لين نوصل ...

هنادي : والله خايفة عليك استني دقيقة تو انوض بابا ...

براءة : لا هنادي صحيتي تو نروح الحوش مش بعيد هلبا...

هنادي : باهي كل دقيقة ديريلي رنه...

براءة : تمام بسلامه...

هنادي : بسلامة...

سكرت فونها وخدت الكرسي متع امها الي جايبهولها بوهنادي باش يساعدها لما تبي ترفع امها لمكان...
وطلعت برا المستشفى وجاها هواء بارد حست بقشعريره وطاح طرف الوشاح الي لافاتا ع وجهها وشافتها امها...

امها : بنيتي غطي وجهك خايفه عليك من اولاد الحرام...

براءة  : ماما عادي شوفي الشارع فاضي ...

امها اقتنعت بكلامها وسكتت...

براءة : ماما انتي صقعانا...

امها : ايه اسرعي بنيتي باش نوصلو للحوش فيسع...

براءة نحت الدجاكه الي لابستها ع العبايه وحتطها ع اكتاف امها...

امها : لا يا بنيتي خوديه صقع عليك مرات تمرضي وعندك مدرسه غدوة....

براءة : ماما عادي اني نحب الشتي و جسمي متعود ع الصقع...

امها : بارك الله فيك...الله يرضى عليك يا بنيتي...

براءة قعدت ساكته وادف بامها وجسمها يرعش من الصقع وخشمها بدي وردي...

################################

وصف الشخصيات :-
براءة :عمرها 17، بيضا وعيونها لوزيه ناعسه لونها عسلي فاتح، شفتيفها ممتلئه وورديه، شعرها لنهايه ظهرها لونه قهوي فاتح وناعم ،طولها متوسط، وضعيفه شكلها طفولي، وحيده امها ...

هنادي :عمرها 17،برونزية، شعرها لي كتافها اسود، ملامحها هادية لكن مش زي جمال براءة...

ام براءة :ريم عبدالله عمرها 45،لكن من كثرة التعب والمرض الي فاها كانها في عمر 80، راجلها " بوبراءة" تعرفه هي بس لكن بنتها متعرفاش لان خطر عليها كان عرفت اسمه الحقيقي ، وامها زورتلها اسمها باش ادخلها للمدرسة...

################################

قطعت براءة الشارع الاول ومزال شارع باش توصل للحوش وكانت خايفه من الظلام والهدوء لان امخر هلبا...

قعدت اتفكر بكلامه الجارح وسرحت في التفكير ...
لين سمعت صوت سيارة ادير في منبه وصوت الفرينو متعها...
غمضت عيونها وهما يرعشو خلاص بتضربهم السيارة...

~~~~~~~~~~~~~~~~~~~~~~~~~~~~~

في افخم الاحياء وتحديدا في قصر الراشد افخم قصر في الحي كله...
وصل القصر وفتحله بودي "السواق" باب السيارة...

بودي : اهلا استاد أحمد...

أحمد : اهلا...

دخل احمد بكل غرور للقصر فتحوله الخدم الباب وسكروه بعد مادخل...

سيمارا "مديرة الخدم لبنانيه" : هلا استاد أحمد...

أحمد حرك ايديه بمعنى اهلا وفات شاف للصالة مالقي حد..
أحمد : وين امي...

سيمارا : الكل نام بكير...

أحمد : وعلاش انتي ماروحتيش لتوا...

سيمارا : انا هلا بروح وبرجع ع الساعه 9ص...

أحمد : تمام...

ومشي لجناحه واتكي ع السرير ورقد ع طول بعد دوام طويل في المستشفى...

يتبع،،،،،،

++++++++++++++++++++++++
انشالله تكونو انسجمتو مع الرواية😍

تفاعل + تصويت = بارت جديد😌😜
شن تتوقعو يصير مع براءة 😨😞

سلاماااااااات 💕