ပြိုင်ဘက်...(အပိုင်း-၉)
===============
မော်လမြိုင်လေဆိပ် လေယာဉ်ပြေးလမ်းဘေး အနောက်အရပ်သို့ကားလမ်းမအတိုင်း တည့်တည့်မောင်းလာပြီးသည်နှင့် လေယာဉ်ပြေးလမ်းအဆုံးဘယ်ဘက်တွင် ဗုဒ္ဓဝင်ပေါ်တက်သည့်ကတ္တရာလမ်းသည်ဖြောင့်ဖြူးသာယာလို့နေသည်။လမ်းဘေးဘယ်ညာတွင် သစ်ပင်သစ်ရိပ်များစီတန်းလျက် စိမ်းလန်းစိုပြေနေသည်။ဗုဒ္ဓဝင်သို့အတက်လမ်း၏ဘယ်ဘက်တစ်နေရာတွင် ရေအိုင်ကြီးကြီးတစ်အိုင်ရှိသည်။ထိုရေအိုင်ကမ်းစပ်တွင်အရိပ်အာဝါသကောင်းလွန်းလှသည့်ညောင်ပင်ကြီးတစ်ပင်ကြီးလဲထီးထီးကြီးရှိသည်။ရေအိုင် ညောင်ပင်နှင့်ခပ်ဝေးဝေးမှဗုဒ္ဓဝင်မုဒ်ဦးဝသည်ပနံတင့်ကာလှပ၍နေသည်။
(စကားချပ်-အဲ့နေရာမှာ ရေအိုင်နှင့်ညောင်ပင်ရှိမရှိတော့မသိဘူး...မမှတ်မိတော့လို့မော်လမြိူင်ရောက်မှပြန်ကြည့်ပြီးပြန် edit လုပ်ပေးမယ် ဇတ်လမ်းမှာလိုလို့ထည့်လိုက်တာပါ....:-) :-) )
ထိုညောင်ပင်အခြေတွင် လင်းနိုင်ဆိုင်ကယ်ကို ထိုးရပ်လိုက်သည်။
ဧဒင်အသာအယာဆိုင်ကယ်ပေါ်မှဆင်း၍ ညောင်ပင်အရိပ်ကျနေသည့်ကမ်းစပ်နားသို့လျှောက်လှမ်း၍သွားသည်။ဧဒင်၏အနောက်မှ လင်းနိုင်လိုက်သွားသည်။ကျောခိုင်းထားသောဧဒင်အား....လင်းနိုင်မှစ၍စကားဆိုသည်။
"ဧဒင်...မနက်ကကိစ္စနဲ့ကိုယ့်ကိုစိတ်ဆိုးမပြေသေးဘူးလား..."
ဧဒင်နောက်သို့မလှည့်အသာအယာခေါင်းရမ်းပြသည်။
"မဟူတ်ဘူး....ညီစဉ်းစားနေတာနှစ်ခုရှိတယ်..."
"ဘာကိစ္စလဲ..."
"မနက်ကမြင်တွေ့လိုက်ရတဲ့မြင်ကွင်းနဲ့ညီရဲ့ကိုလင်းနိုင်အပေါ်ခံစားချက်..."
"ညီပြောတာကိုနားမလည်ဘူး...."
ဧဒင် လင်းနိုင်ဘက်သို့လှည့်သည်။ဧဒင်မျက်နှာလေးသည် မှုန်ရီပြာမှိုင်း၍နွမ်းနယ်သယောင်ရှိသည်။
"မနက်ကကိုလင်းနိုင်ဘေးနားမိန်းမတစ်ယောက်နဲ့မြင်တွေ့လိုက်ရတယ်....ညီစိတ်ထဲတစ်တစ်ခုခုတော့ဝင်စို့သွားရတယ်...ဒါပေမဲ့အဲ့ဒါကအချစ်ကြောင့်ဖြစ်တဲ့သဝန်တိုမှုမဟုတ်ဘူး....ညီ့အချစ်ကိုတောင်းဆိုထားတဲ့လူတစ်ယောက်က မိန်းမတစ်ယောက်နဲ့ဖက်လဲတကင်းဖြစ်နေတယ်ဆိုပြီးအရင်ကခံစားချက်အဟောင်းပြန်ဝင်လာတာ....အဲ့ဒီခံစားချက်ကလဲကိုလင်းနိုင်အပေါ်ထားတဲ့ခံစားချက်မဟူတ်ဘူး..."
