ပြိုင်ဘက်...(အပိုင်း-၅)
===============မေထူးချွန် သီဟကိုဒေါသမျက်လုံးများဖြစ်ကြည့်ကာ လျှောက်လှမ်းလာသည်။
မေထူးချွန်ကိုကြည့်ရသည်မှာ ဧဒင်အတွက်ကြောက်စရာသတ္တဝါတစ်ကောင်လိုဖြစ်၍နေသည်။
မေထူးချွန်သည် အပေါ်ကတီရှပ်ခပ်ပွပွကိုဝတ်ဆင်ထားပြီး...အောက်က ရှော့ပင် တစ်ထည်ဝတ်ဆင်ထားသည်။မျက်နှာမှာလဲခက်ထန်မာကြောမှုအပြည့်ဖြစ်နေသည်။
ဧဒင် အနောက်သို့ကိုယ်ကိုဆုတ်ကာ သီဟ၏ရင်ကိုကျောကပ်လိုက်သည်။သီဟ ဧဒင်၏လက်ကိုဆွဲကိုင်ကာ ဆုပ်လိုက်သည်။မေထူးချွန် သီဟတို့အရှေ့တွင်မတ်တပ်ရပ်သည်။ပြီးနောက်အသံမာမာဖြစ်စကားဆိုသည်။
"ဒါကဘာတွေဖြစ်သွားတာလဲ...."
မေထူးချွန်ကို ဖြေရန်အားနာ၍ဧဒင်ခေါင်းလေးငုံ့သွားသည်။သီဟဧဒင်၏ပုခုံးကိုဖက်ကာသူ၏ရင်ခွင်အတွင်းသို့ဆွဲသွင်းလိုက်သည်။
ထိုမြင်ကွင်းကြောင့် မေထူးချွန်မျက်လုံးများပို၍ကျယ်လာတော့သည်။
"အား....ကုန်ပါပြီ....ကုန်ပါပြီ...သွားပြီဘာမှမရှိတော့ဘူး..."
မေထူးချွန်၏အော်ဟစ်မှုကြောင့် ဧဒင်ရောသီဟပါတုန်၍သွားသည်။
"မေထူးချွန်...ဖြေးဖြေးအော်စမ်း..ပတ်ဝန်းကျင်ရှိသေးတယ်...."
သီဟ၏စကားကြောင့် မေထူးချွန်ပတ်ဝန်းကျင်ကိုတစ်ချက်ကြည့်သည်။လမ်းသွားလမ်းလာများကသူ့ကိုကြည့်နေ၍အနည်းငယ်တော့ရှက်မိသည်။
"သီဟ....မင်းတို့ကတကယ်ချစ်သွားတာလား..."
သီဟ ပြောရန်ပြင်လိုက်စဉ် မေထူးချွန်သူမ၏စကားကို ပြန်၍ပိတ်ကာ ဧဒင်ဘက်လှည့်မေးသည်။
"မင်းကိုမမေးတော့ဘူး...ဧဒင်ကိုပဲမေးမယ်...မင်းတို့တကယ်ချစ်သွားကြပြီလားဧဒင်..."
ဧဒင်စကားမပြန် ခေါင်းကိုအသာအယာညိတ်ပြသည်။
မေထူးချွန်မျက်နှာတစ်ချက်ရှုံ့မဲ့ကာသွားသည်။ပြီးနောက်ငိုသံတွေအနည်းငယ်ရောရှပ်နေသောအသံဖြစ်စကားဆိုသည်။
"ငါ့ကိုစကားနဲ့ပြော......ဟီး..."
"မေထူးချွန်...ငါနင့်ကိုအားတော့နာတယ်..့ငစန.ငါ့နှလုံးသားကရွေးချယ်ခဲ့တာပါဟာ...."