Since You've Been Gone

SYBG 49

🤍🤍🤍🤍🤍🤍

Since You've Been Gone

"Miranda's Fall"

🤍🤍🤍🤍🤍🤍

"WHAT are you doing here?" Hindi maubos maisip ni Siege kung papaanong nakapasok ito sa bahay nila. Natatakot siya para sa mga anak.

"Tita Miranda..." Napatda si Brielle nang mapag-sino ang nakatayo sa harapan ng asawa. "Paano kayong nakapasok dito?" Tanong ni Brielle na inaatake na ngayon ng nerbyos.

"Please. Pakinggan n'yo muna ako. I didn't come here to make trouble. Ayoko na. Pagod na ako." Halata sa boses nito na napapagod na nga ito.

"Kung hindi ka naghahanap ng gulo, ano ang ginagawa mo dito?" Mahinahon ngunit galit na tanong ni Siege. Napahigpit ang hawak ni Brielle sa braso ng asawa.

"Paano kang nakapasok?!" Pilit na tanong ni Brielle. Galit na siya. "Sagutin mo ang tanong ko! Paano kang nakapasok sa bahay namin?!" Halos pasigaw nang tanong ni Brielle. Napapitlag si Miranda.

"I snuck in from the back when she threw the trash. Please, do not get mad at her, she didn't know. Nilagyan ko lang ng kalang ang gate sa likod hanggang sa tumunog ito na parang nag-lock. Gusto ko lang talaga kayong makausap ng hindi kaharap ang mga magulang n'yo." Pahayag ni Miranda at bigla na lang itong lumuhod sa harap nila. Napaatras si Brielle at nagtago sa likod ni Siege.

"Ano ang motibo mo, Miranda?" Tanong ni Siege. "Siguro naman hindi ka na magsisinungaling ngayon." Sa totoo lang natatakot silang pareho ni Brielle dahil hindi nila alam kung may kasama ito o wala. Yung mga anak nila at ang katiwala nila ay nasa baba. Maaaring nanganganib ang mga ito.

Kung naiplano ni Miranda noon ang sinapit nila at ng iba pang miyembro ng pamilya nila, maaaring ding may pinaplano itong hindi maganda ngayon at yung ang kinakakaba nila. Oo nga at pwedeng magbago ang isang tao, pero si Miranda ang pinag-uusapan dito. Si Miranda ang kaharap nila ngayon, mukhang hindi naman yun applicable sa babaeng ito.

Kung humarap na lang ito sa kanila na galit at naghahangad pa ring maghigante ay maaaring alam pa nila kung paano ito haharapin, hindi yung ganito na parang maamong tupa tapos bigla ka na lang palang dadambahin na parang gutom na lobo. Yun ang mas nakakatakot. Yung ang mas hindi nila mapaghahandaan. Gayun pa man kailangan pa rin nilang mag-ingat. Mahirap na.

"Ano ang ginawa mo sa mga anak ko?" May diin na tanong ni Siege habang si Brielle ay nagtatago sa likod ni Siege ay nagtetext siya sa kanyang Kuya Virgil. She needs help. They need backup. They need it NOW.

"Wala akong ginawa sa mga anak n'yo. Ayoko na. Pagod na ako." Umiiyak na sabi ni Miranda. Ayaw pa rin nilang maniwala. Kahit na paulit-ulit na nitong sinasabi na pagod na ito. Na ayaw na niya.

"Marami ka nang ginawang kahayupan sa pamilya namin, Miranda. Hindi ako naniniwala sa iyo. Isang tanong pa, Miranda! Ano ang ginawa mo sa mga anak ko?!" Pinipigil na lang ni Brielle si Siege dahil alam niyang masasaktan nito si Miranda.

"Nagsasabi ako ng totoo. Wala akong ginawang masama sa mga anak n'yo. Please, Timothy, maniwala ka. Pagod na akong maghiganti. Gusto ko nang manahimik. Kung ipapakulong n'yo ako, papayag ako. Pero bago yun, gusto ko lang humingi ng tawad sa inyong mag-asawa. Ayaw akong kausapin mag-ama ko hangga't hindi ako nakakahingi ng tawad sa inyo. Umiiwas sa akin si Ryelee. I can't blame her. I manipulated her. I ruined her and her father and everyone around us." Masaganang tumutulo ang luha nito sa kanyang mga pisngi.