Since You've Been Gone

SYBG 37

🤍🤍🤍🤍🤍🤍

Since You've Been Gone

"Family As One"

🤍🤍🤍🤍🤍🤍

"HELLO?" Bati ni Alvin sa tumatawag matapos kunin ang cellphone kay Ryelee. "Yes, this is her husband." Dugtong pa niya at in-on ang speaker.

Nakatitig lang siya sa ina. Ayaw niyang magalit ang ina sa asawa dahil wala na itong kakampi dahil parang inabandona na rin ni Ryelee ang ina. Wala na masusulingan pa ang asawa kung pati siya ay masusuklam din dito.

"We have Ezekiel Regalado here at the emergency room." He sustained a gunshot wound on the left shoulder." Panimula ng nasa telepono.

Nanlambot ang mga tuhod ni Ryelee sa narinig. Mabuti na lang at nakasunod lang pala si Alex sa kanila, nasalo nito si Ryelee. Mabilis niyang dinaluhan si Alex para kunin ang asawa dito. Naguguluhan siyang hindi niya maintindihan.

Una ang daddy niya, si Redentor Montemayor, tapos ngayon ang biyenan namang si Ezekiel Regalado. Sino ang kasunod? Kinuha ni Dean si Rylan mula kay Alvin para maalalayan ng maayos ang asawa.

"What is going on here? Kani-kanina lang ang daddy mo, ngayon si Ezekiel naman? Baliw na talaga yan ina mo, Ryelee!" Puno ng galit na sambit ni Emilia. Napanganga na lang si Alvin sa tinuran ng ina. Alam niyang galit lang ito kaya ganun ang lumalabas sa bibig nito.

"Tita, Em, wag naman sana muna tayong tumalon sa conclusions. Wag muna tayong padalu-dalos t basta na lang magalit." Malumanay na pahayag ni Siege. Hindi nakakibo si Emilia.

Naisip ni Emilia, kung si Siege na nakaranas ng hindi pa niya maintindihan na pangyayari at buhay itong nakatayo sa harap niya, ay kayang ikalma ang sarili para sa manugang, bakit hindi niya kayang gawin? Simple lang ang nasa isip at puso ni Emilia, ang ina ng manugang ang kagagawan ng nangyayari ngayon sa asawa. Si Miranda ang dahilan ng pagkakabaril ng asawa dahil sa kung anong dahilang hindi niya maintindihan.

Para kay Siege, kahit na pang kalokohan na ang ginawa ng ina ni Ryelee, lalo na sa kanila ni Brielle, hindi naman siguro tama na ang kaibigan ang sumalo ng kasalanan ng ina. Hindi kailangang pagbayaran ni Maria ang kasalanan ni Juana, sabi nga ng mga matatanda. Pero sadya sigurong nasa isipan na natin ang kasabihan na kung ano ang puno ay siya rin ang bunga.

Hindi naman lahat pero yan ang takbo ng kaisipan ng karamihan. Kaisipang minana pa natin sa ating mga kanunu-nunoan at mahirap nang baguhin ito. Kahit na ilang milyong beses pang mapatunayan ng isang taong ang kredibilidad na tama sila, sa mata ng nakararami ay hindi pa rin yun sapat.

Ang tanging sasabihin ng tao ay — Pinagbabayaran lang niyan ang masasamang ginawa ng magulang. Again, pinatutunayan lang ng tao na kung ano ang puno ay siya ring bunga. Hindi na iniisip ng tao na ang ginto at diamante ay lupa galing, marumi, minsan ay maputik. Naputol ang pagmumuni-muni ni Siege nang tawagin ni Alvin ang kanyang pangalan.

"Siege, please talk to them." Iniabot ni Alvin ang cellphone ni Ryelee sa kanya. Mabilis namang sinambot ni Virgil yun kaya mataman niyang lang na tinitigan ang cellphone na dumaan sa harap niya. Bahagyang yumukod si Siege kay Virgil bilang pasasalamat sa tinuran ng bayaw.