Since You've Been Gone

SYBG 3

🤍🤍🤍🤍🤍🤍

Since You've Been Gone

"Siege and Brynn"

🤍🤍🤍🤍🤍🤍

"DADDY! Daddy! Daddy!" Tili na naman ng kanyang pinakamamahal na bubwit.

"I'm in the library, Princess!" Balik sigaw naman niya.

"Hi, daddy." Bati nitong nakasilip ang itaas na bahagi ng katawan nito sa pinto na may malaking ngiti. Kita ang bungal nito.

"Hi. What are you doing?" Tanong niya na kunwari ay hindi alam kung ano ang pinaplano ng anak niya. Paniguradong may surpresa na naman itong mga stars at smiley faces stickers sa kanyang papel galing ng school.

"Are you busy?" Pasimple nitong tanong. Ngumiti ito na kita ang ibabang bungal nitong ipin. Natawa siya at napapailing na lang. Mana ka talaga sa mommy mo, makulit. Bahagya siyang nalungkot dahil sa kanyang naisip. Parang hindi nawala ang asawa sa kanya, hindi lang sa isip kundi pati na rin sa presensya dahil nandiyan si Brynn.

"Daddy, I will be six soon." Paalala nito sa kanya. Nakangiti ang maganda niyang anak na nakalabas pa rin ang bungal nito.

"Yes, you're right. You are going to be six." Pagsang-ayon niya sa kanyang anak. "What do you want for your birthday, sweetie?" Dugtong niyang tanong. Kinandong niya ito at hinalikan pa.

"If I ask you for something important, Daddy, will you give it to me?" Tanong nito. She's batting her eyes sa ama.

Ganyan naman talaga ang mga anak na babae sa mga tatay nila. Ang mga tatay naman ay tunaw agad ang mga puso pagdating sa kanilang mga anak na babae. Simple. Hindi na kailangang pagtalunan pa yan, oo kaagad ang sagot niya, kahit ano pa ito.

"I will and I would if I could." Sagot naman niya. Pinangunutan siya ng noo ng anak. Hindi nito naintindihan ang ibig niyang sabihin. napailing at napatawa na lang tuloy siya. Minsan kasi nakakalimutan niyang bata pa pala ito. Para din kasing matanda kung makipag-usap sa kanya ang anak kadalasan.

"What do you mean by that, Daddy? You will or you won't?!" Naguguluhang tanong ni Brynn sa kanya, nakataas ang isang kilay. Tahimik na napatawa si Siege dahil sa tinuran ng anak. Alam niyang malapit na itong magmaldita.

"What daddy meant was, I will if I can manage to do it and if I can afford it." Masuyo niyang hinaplos ang tuwid na buhok ng kanyang anak. Tumaas ang uli kilay nito na parang kilay ng ina. Mapait lang siyang nakangiti.

"Oh goody, daddy." Pumalakpak pa ito. "You can do this. It is easy." Sabi nitong titig na titig sa mata ng ama. Hinaplos nito ang pisngi niya.

May namumuong luha sa gilid ng kanyang mata na pinipigil niyang kumawala. Ganitong-ganito ang paraan ng paghaplos ni Brielle sa pisngi niya. Puno ng pagmamahal at pag-iingat. Alam niyang hindi pa yun maiintindihan ni Brynn kung sakaling sabihin niya att habang hindi pa nagtatanong ang anak tungkol sa mommy niya ay hindi siya magkukwento.

"Daddy, are you being sad again?" Malungkot na tanong nito sa ama. Ngumiti siya at agad na umiling. Hindi siya makapagsalita dahil sa kung anong namumuong bara sa kanyang lalamunan.