“I will try.” Matipid na sagot ni Shion saka tumungga ng alak. “Pupunta muna ako sa counter.” Paalam nito na hindi man lang dumadaan sa kaniya ang mga mata nito.
“Eris, gagawin ko ang lahat para magka-ayos kayo. Okay?”
“Chernin tama na. Hayaan mo na siya. Hayaan mo muna siya sa ngayon.”
“Pero aalis na siya bukas. Don’t worry, may magagawa pa ako. Kumukuha lang ako ng tiyempo dahil hindi na rin niya ko kinakausap kapag nag-o-open-up ako ng tungkol sa’yo.”
“You should understand him Chernin. May karapatan naman siyang magalit.”
“Oh my god. Nakakainis iyong mga babaeng kung maka-lingkis kay Shion daig pa ang mga ahas.” Wika ni Freida.
Napatingin siya sa counter kung saan naroon si Shion. Seeing him kissing other woman makes her heart melt. Inialis niya ang tingin roon bagkus ay tumungga ng alak. Pinili niya iyong hard liquor. Gusto niyang malasing. Gusto niyang maging manhid kahit sa gabing iyon lamang. Hidni niya kayang makita si Shion na may ibang babaeng ka-lampungan. Wala naman siyang magawa.
“Eris, mahina ka sa hard. Tama na iyan.” Awat ni Chernin.
“No, hayaan niyo naman ako kahit ngayong gabi lang?” hindi na niya iniinda ang luhang tumutulo sa pisngi niya. Muli siyang napatingin sa dako ni Shion and boom! Daig pa niya ang sasabog ng makita kung paano hawakan ni Shion ang katawan ng babaeng ngayo’y naka-kalong na rito.
“Eris, huwag mo nalang silang tingnan.” Ani Freida.
“Okay lang. Mabuti nga iyon para mas masaktan ako.” Aniya saka muling tumungga ng alak. Nakakaramdam na siya ng kaunting hilo. Wala siyang pakialam kung malasing man siya.
Inagaw ni Chernin ang kopita ng alak mula sa kamay niya. “Eris, stop this. Pinahihirapan mo lang ang sarili mo!”
Nanlalabo ang mata niya sa luha niya. Nahihilo na siya ngunit alam pa rin niya ang nangyayari sa paligid niya.
“I’m sure, makakalimutan na ni Shion ang nararamdaman niya para sa’kin. With that girls around him? Limot na limot na niya ‘ko.” Binawi niya ang alak kay Chernin saka mabilis na tumungga. “Ang sarap palang magpakalasing. Para akong namamanhid.” Tumawa siya sa pagitan ng pagluha.
“Eris, tama na iyan.” Pilit siyang pinipigilan ng mga kaibigan.
“Shion, pigilan mo naman si Eris. Lasing na siya.” Napatingin siya kay Shion na nakabalik na pala sa table nila. Binalewala niya ito. Ayaw niyang kausapin ito dahil lalo lang siyang masasaktan.
Kinuha niya ang bote ng alak at doon tinungga. Napatingin na lamang siya sa kung sinong umagaw ng bote sa kaniya. “Tama na iyan. Mas mabuti kung magpapakasaya ka ngayon.” Seryosong saad ni Shion na walang emosyong nakatingin sa kaniya.
Inagaw niya rito ang bote. “Masaya naman ako. See?” ngumiti siya. “Masaya ako, sobra.” Kasunod niyon ang pagtungga niyang muli ng alak.
