رواية بنت بمدرسة عيال اغنياء

"مئة وعشره"

السلام عليكم ورحمة الله وبركاته
.
.
مئه و عشره بنت بمدرسه عيال اغنياء
.
.
   
ما احلل النقل دون ذكر المصدر واسم الكاتبة
.
.

                 [قــلــب يتكسر]   
.
.
اعتذر على الاخطا الاملائيه   ×__×
.
.
-زينب.
نادتني بنفس نبرتها الي ماتغيرت.

رفعت راسي وناظرتها.

-تعالي.
مدت يدها لي مديت يدي ومسكت يدها البارده.
كانت تمشي وانا امشي وراها بالظلام حتى بديت افكر بنفسي واسال نفسي انا وين.

-وصلنا.

وقفت قدام باب اسود بزخارف حمرا من الجانب.

ناظرتني وقالت-تبين تطلعين؟.

أمت براسي وهي ارجعت ناظرت الباب لثواني وبعدها اتركت يدي وتراجعت لورا ودفتني للباب.

ناظرت وراي ولاكانت موجوده استغربت ورجعت نظري لباب مديت يدي وفتحته بدون تردد.
صوت الباب وهو ينفتح كان الصوت الوحيد الموجود بالمكان الي انا فيه.
غمضت عيوني بعد مادخل نور قوي وحطيت يدي على عيون.

بعد لحظات ابعدت يدي وفتحت عيوني و شفت ظهر شخص.
جالس على رجلينه و على الارض.

مشيت بخطوات بطيئه بقلب متسارع وخايف.

وقفت وراه نزلت نظري له وتاملت شكله من ورا بعدها جمعت قوتي و نزلت يدي وحطيتها على كتفه.

/وش فيك؟.
قلت وانا اطبطب على كتفه.

كان حاط يده على وجهه ومنزل راسه ويبكي صوت بكاءه اوجع قلبي .
ابعدت يدي عنه وراحت للجهه الي اقدر اشوف فيها وجهه والي كان مغطيه بيدينه.

جلست قدامه وحطيت يدي على يدينه احاول ابعدهم عن وجهه.
لكن ولاكاني احرك شي.

حطيت يدي على قلبي وانا ابلع غصتي من صوت بكاءه الحزين.

ابعدت يديني عنه وقلت/احد مات؟.

مدري ليه قلت هالكلام الا انه فجأني يوم وقف عن صوت البكاء بعدها عرفت ان اجابتي صحيحه.

/مين؟.
سالت

شفت دموعه تنزل ف بديت اهديه بالكلمات.

لحظات حتى ابعد ايدينه عن وجهه.
تفاجأت وانصدمت.
حتى اني ماقدرت ابعد عيوني عن عيونه كان يناظرني بملامح تقطع قلبي ودموع خلت روح تنزف.

"شخص مثل هذا يبكي؟"

كان دايم يبين لي انه القوي والضخم والي مايهزه شي وكان الاضخم من بينهم حتى ان ضخامة جسمه تعادل ضخامه جسم مهند وكان الشخص الكتوم من بينهم.
مايبين مشاعره لهم ولا لي.

حسيت اني ببكي معاه.
قربت يدي لدموعه وبديت امسحها
لكن
كانت تنزل وحده ورا الثانيه.