Since You've Been Gone

SYBG 43

🤍🤍🤍🤍🤍🤍

Since You've Been Gone

"Conflict or Dust-up?"

🤍🤍🤍🤍🤍🤍

NATAPOS ang kanilang bakasyon. Well, not really. Napilitan silang bumalik lahat sa Manila dahil sa report na natanggap mula kay Ramon. May nakakita raw kay Miranda sa bahay nito sa Cavite. Mabilis ngunit maingat na nagkanya-kanya ng uwi ang mga iba, maliban kay Aling Carmen.

Hiniling ni Don Fausto na iiwan na lang si Carmen para makasama ng ama ng medyo matagal. Pumayag naman ang ginang at naunang umuwi si Erica at Ella kasama si Virgil at Dean tuluy-tuloy ang mga ito sa bahay ni Virgil. Kasama naman ni Aaron at Margaret ang anak na si Quinn na naging mas tahimik simula ng humingi ito ng nagkagulatan tungkol sa annulment nito. Simula ng araw na yun ay sa Makati na rin ito umuuwi at hatid-sundo mismo ni Siege sa eskwelahan.

Umuwi ng condo ni Brielle sila Alvin, Ryelee at Rylan dahil na rin sa pag-aalalang baka nandun pa ang inang si Miranda sa mansyon nila sa Cavite. Si Siege, Brielle, Ethan at Brynn ay magkakasamang umuwi sa bahay nila sa Parañaque. Nakasunod naman sa isang pang sasakyan si David, Amanda at Mang Asyong.

Oras na para harapin ang totoong buhay, harapin si Miranda. Mabuti na lang at inilipat na nila ng ospital si Ezekiel. Well, actually, inilabas nila sa bansa si Ezekiel nang walang nakakaalam. Sa darating na mga ilang linggo ay lilipad sila Ryelee, Alvin at Rylan pabalik ng Japan. Doon na muna sila titira sa bahay ng mga Villasis hanggang sa mahuli na ang ina at para na rin mapatakbo ng maayos ang Paperkutz - Japan.

Nalusutan nila Ryelee at Erica ang board meeting na yun at nakuha nila ang buto ng walang kahirap-hirap. Gusto lang palang malaman ng tatlong board ang totoong pangyayari. Dahil si Ryelee na mismo ang sumagot ng kanilang mga katanungan ay wala nang mga tanong-tanong pa, agad-agad na pumirma ang mga ito at isinuli ng walang hinihinging kapalit na kahit ano. Masaya na silang wala na ang kamay ni Miranda sa mga ulo nila. Gayunpaman ay itinuloy pa rin nila ang pagpapaliwanag ng proseso ng pagre-reorganize ng Scottsdale Empire.

Bagaman nagulat ang mga ito nang napalitan na ang pangalan ng kompanya mula sa pinaghiwalay na Scottsdale Corporation at Sebastian Ventures sa Scottsdale Empire, masaya namang nagpaalam ang mga ito bilang miyembro ng board at lahat sila ay sang-ayon sa ganda ng plano ni Siege para sa kompanyang pitong taong pinatakbo ni Miranda na halos mawala ang lahat ng mga yun sa Scott.

"Brielle, what do you have in mind. Masyado kang tahimik eh." Tanong ni Siege sa asawa. Tiningnan muna ni Brielle sa rearview mirror ang mga bata bago tumingin sa asawa.

"I don't know. Hindi ko alam kung ano talaga ang iisipin ko." Panimula nito. "Kinakabahan ako. Hindi ko alam kung ano ang mangyayari kapag hindi pa siya mahuli ngayon." Puno ng pangambang pag-amin nito. Hindi man aminin ni Siege, hindi lang pag-aalala ang nararamdaman niya, puno siya ng takot sa bawat oras ng araw.

"I just hope she won't do anything dangerous to herself." Nabigla si Brielle sa sinabi ni Siege. Parang noong nakaraang dalawang linggo lang ay gustong ilagay ni Siege si Miranda sa sako at palu-paluin na parang piñata habang inapuyan sa impyerno, anong nangyari? Napangiti ng lihim si Brielle. Alam din naman niyang masyadong puso si Siege at hindi nito kayang gawin ang sinabi. But hearing those words coming out of his mouth? She felt different. Different good.