Since You've Been Gone

SYBG 6

🤍🤍🤍🤍🤍🤍

Since You've Been Gone

"Memories"

🤍🤍🤍🤍🤍🤍

"DAD, ano ang ibig sabihin nito?" Nakasigaw na bungad ni Siege sa amang nagulat. Nandidilat ang mga matang nilingon ang humahangos na anak. Maging ang ina at anak ay nagulat din.

Naaawa ang inang nakatitig kay Siege. Nanglalamin at magang-maga ang mga mata, pagal na pagal ang anyo, sabog ang buhok na wlang gupit, makikita na ang tubo ng balbas nito at halatang hindi pa ito nakakatulog. Ni hindi nga yata nakakapagpalit ng damit dahil hanggang ngayon ay nakapantulog na hindi nakabutones ng maayos. Ito pa rin ang suot pa mula pa noong isang gabi.

"Susmaryosep, Timothy Siegfried! Ano yang suot mo?" Saway ng ina nitong may kataasan ang boses. Hindi man lang siya nilingon ni Siege pero tiningna naman ang suot. Marahang tinapik ni Aaron ang asawa sa likod.

"What is it, Siege?" Malumanay at kalmadong tanong ni Aaron sa anak na nakikitaan ng di mawaring galit. Mukha itong litong-lito.

"This." Sabay paypay ng litrato na hawak nito. Tiningnan ito ni Aaron kahit nahihilo sa ginagawa ng anak. Napaarko ang kilay nito.

Wala namang kakaibang nakita sa litrato kundi ang larawan ng walang buhay nang mag-inang Brielle at Timmy.

"What about it, son?" Hindi kasi nito alam kung ano ang gusto tukuyin ni Siege. Basta iwinawagayway lang ang larawan at tumulo uli ang luha.

Para namang pinipiga ang puso ng mga magulang sa ayos at porma ng anak. Nawala na yung tikas at angas nito. Nawala na rin ang tatag nito. At para na itong isang batang inagawan ng kendi at itinulak pa sa putikan.

"Ano ang ibig sabihin nito? Bakit ganito ang pangalan ng anak ko? Sino si Ethan Siegfried?" Nangunot ang noo ni Aaron.

"Ethan Siegfried?" Hinablot ni Aaron ang litrato mula kay Siege at tinitigan ang litrato. Wala siyang nakita kakaiba.

Pinaka titigan niyang mabuti ang picture, maging si Margaret ay naki-usyoso na rin, pero pareho silang walang nakita. Walang panahon at tiyaga si Siege ngayon, kung baga ay short fuse ito kaya hindi na niya natiis at hinablot ang larawang hawak ng ama at binaligtad ito. Voila! Nakasulat sa pulang tinta ng ballpen:

Baby Boy Scott
Ethan Siegfried

"This can't be. Your son's name is Ethan Timothy, at least that's what was put on the newspaper's obituary section." Pahayag ni Aaron ngunit maging ito ay napaisip. "Unless nagkamali ang nagsulat nito." Dugtong pa nito na labas naman sa ilong.

"Mom, have you seen this before?" Wala sa sariling tanong ni Aaron sa asawa. Inagaw ni Margaret ang hawak ng asawa at tiningnan iyon.

"Hindi ko ito napansin noon. Kaninong pangalan ito?" Tanong nito, salubong ang kilay, nalilito. Nagkapalitan sila ng tingin na may hindi maisatinig na tanong. "Kaninong sulat kamay ito?" Hindi niya kilala ang penmanship na yun. Pare-pareho silang natahimik.

Si Siege naman ay pilit na kinikilala ang sulat-kamay na yun. Pamilyar na pamilyar ito sa kanya. Nang bigla ay parang isang maliwanag pa sa mga ilaw sa Lacma ang tumama sa kanya, ganun din ang ama.