رواية بنت بمدرسة عيال اغنياء

التاسع والتسعين

افتحت عيونها بكسل وهي تتثاوب ناظرت بعيون ابوها ف قام بسرعه وراح لسلامه واللي كان جالس جنبه محمد وقال وهو يضحك/شوفو شوفو افتحت عيونها.

قرب حمد لهم وناظرها بعبوس ف قال سلامه/ماخذه عيونها من خالها.

ناظره محمد بسخريه وهو يقول/خالها؟ قصدك عمها.

سلامه/محمد انت على جنب واضح انها تشبه عيوني انت عيونك صغار انا عيوني كبار .

محمد/طيب انت عيونك كبار طيب المهم.
ناظر زينب ف قال وهو يلوح ب اصبعه وب ابتسامة/حبيبتي انا عمك الكبير وقريباً ابو زوجك.

حسين ناظر محمد وهو يرفع حاجب/ابو زوجك؟لمين؟!! لحمد.

محمد/اي شفيها.

حسين/ان كان حبت ولدك ابد خليها تتزوجه.

حمد/مابي اتزوج طماطم خربانه.

سلام/حبيبتي شجعي النصر:).

حسين ومحمد/لا الهلال.

سلام/خلي بطلك المفضل باتمان.

محمد/لا سوبر مان اقوى.

حسين/سبيدر مان يغطي عليهم بقوته.

سلام/لا تسمعينهم هذولي يبون الشخصيات الضعيفه شوفي الرجل الخفي وباتمان كلهم اقوياء.

محمد وحسين/لا سبيدر مان/سوبرمان اقوى.

حمد بنزعاج/هذي بنت.

ناظرو حمد بغباء ف اضحكوا وقال سلام/خلاص شوفي الحوريه مره حلوه.

وكمل وهو يبتسم ويمسك يدها/وترا انا خالك الصغير انا اللي راح يصير ابوكِ الثاني ومهند اخوكِ الاول والاخير.

محمد/وانا ابو زوجك المستقبل.
..

ابو زوجك؟.

من وانا صغير كنت اسمع هالكلامات من ابوي وعمامي معدا عمي حسين اللي كان رافض فكرة اني اتزوجها الا اذا حبتني.

كنت اشوفها كائن مزعج ف بديت اتجاهلها وابعد عنها.

كنت انا القوى والمسيطر بعد فزاع كنت الشي اللي ما يقهره شي حتى ان الناس لو شافتني تأذيت يقولون

"هذا حمد! يعني هو بخير".

كل يوم تزداد قوتي مع سماع كلامتهم كل يوم يتزايد عندي اعتقاد اني انا الافضل والاقوى ومافي شي يهزني.

لكن.

كل اعتقاداتي اختفت بعد ماطحت بالمسبح.

زينب اللي كان عمرها4 سنوات جت لمي تركض وهي خايفه علي وبكل واقحه سالتني

/انت بخير؟جاك شي؟.

هاه؟انا!!

انا قوي انا الافضل انا اللي مايهزه شي.
كيف تسالني؟؟.