[COMPLETED] When I'm with You (Romance/Mystery)

🍦 five 🍦

Naramdaman niya ang pag-init ng mga pisngi niya pati na ng ulo sa sinabi nito. "What are you trying to imply?"

Nagkibit-balikat lang ito. "Wala naman, just wondering."

Ngalingali niyang kalmutin ang nakakasar nitong mukha. "Para sa kaalaman mo kaya ako hindi lumbas agad ay dahil hindi ko pa nasasabi sa'yo na may bisita ka sa baba!"

Kumunot ang noo nito. "Bisita?"

"Oo, bisita," ulit niya. "A girl who look like a—" Pinigil niya ang bibig na sabihin ang salitang slut. Hindi pa niya kilala ang babae, hindi niya ito dapat agad na hinuhusgahan.

Pero hindi niya maintindhian kung bakit unang kita pa lang niya dito ay naalibadbaran na siya sa ayos nito. Marahil dahil may pagka-konserbatibo pa siya. Ngunit nang sabihin nito na ang pakay nito ay si Rolf, may naramdaman siyang hindi niya maintindihan.

And it was awful enough.

"A girl who look like what, Tinley?" pukaw sa kaniya ni Rolf.

Hinamig niya ang sarili. "Ewan. Ikaw na ang tumingin.

Tutal naman magkakilala kayo, babain mo na lang. babalik na ako sa pagtulog ko," mataray niyang sabi, pagkuwa'y nagmartsa na palabas ng silid nito.

-0-

Nang bumaba siya ng bandang tanghali sa sala ay nadatnan niya pa ang babae na kasama si Rolf at ang kaniyang ina.

Masayang nagkukuwentuhan ang mga ito. Wala siyang makitang mali doon, ngunit nakadama siya inis. Napabuntong-hininga siya. What's wrong with her?

"Tinley, anak, gising ka na pala," wika ng kaniyang ina na napansin na siya na nanatiling nakatayo sa may hagdan. "Bumaba ka rito nang makilala mo naman itong kaibigan ni Rolf."

"Hi!" masiglang bati ng babae nang makababa siya. "Hindi ako nagkaroon ng pagkakataon na magpakilala sa'yo nang pagbuksan mo ako ng pinto. Ako si Savannah."

Nakangiti ang babae at nakamasid sa kaniya ang ina kaya ginantihan niya din ito ng pilit na ngiti. "I'm Tinley, it's nice to meet you."

"Totoo palang maganda ka tulad ng kuwento sa amin nitong si Rolf—" naputol ang sinasabi ni Savannah nang tumikhim si Rolf. Nalilitong nilingon ito ng una. Tila may mensaheng dumaan sa pagitan ng mga tinginan ng mga ito na naiba na ang sunod na sinabi ng babae. "Ang ganda mo, retoke 'yan?"

Natigilan siya sa tanong nito. Habang si Rolf at ang kaniyang ina ay nagpipigil ng tawa. "H-Hindi, natural 'to," naisagot niya na lang.

"Pagpasensyahan mo na 'tong si Savannah, may pagka-prangka. Tinatanong niya kung anong gusto niyang itanong basta naisipan niya. Pero wala naman siyang masamang ibig ipagkahulugan sa mga tanong niya," paliwanag ni Rolf. Nilingon pa nito si Savannah. Hindi nakaligtas sa kaniya ang fondness sa mga mata nito nang ngitian nito ang babae.

Hindi niya inaasahang makadarama ng pinong kurot sa puso sa nakikita sa mga ito. obvious na malapit na malapit ang dalawa sa isa't isa. Once upon a time, Rolf looks at her the way he was looking at Savannah now.

A foreign feeling crept to her heart. Damdaming kailanman ay hindi niya pa naramdaman kay Rolf sa tagal ng kanilang pagkakaibigan: Jealousy.