بركان أنشقاقي

* الفصل التاسع و العشرون *

نادين:الملف ده بخصوص شغل الدكتور ثروت مع الدكاتره دول .. و الملف ده بخصوص شحنه الحبوب المخدره اللي استلموها في أسوان ، و الملف ده بخصوص نضال ابن ثروت و بيثبت انه بيشتغل معاهم
القاضي:تمام
نادين:اما الملف ده بقي ، بخصوص حاجه برا القضيه ، بس دي حاجه بتدين مدام مادلين و دكتور ثروت .. حاجه كده بيخالفوا بيها القانون ، و ماكنش حد يعرفها خالص
القاضي:ملف ايه ده ؟
نادين:ملف بيثبت نسب نضال لأب غير الدكتور ثروت
فجأأأه اول ما قالت نادين الجمله دي .. قامت مادلين وقفت ، و في ثواني اغمي عليها ....
( روايات بسوم )
خبط القاضي عشان الصوت ، و امر انهم ياخدوها و يفوقوها ، و امر نادين تكمل كلام ....
القاضي:كملي كلام ، و ارجو التوضيح
نادين:حاضر يا سياده القاضي .. المستند ده حضرتك هتلاقي فيه شهاده ميلاد نضال الاصليه اللي بتنسبه لأب تاني ، اللي هو ابوه الاصلي .. اما بقي الشهاده اللي ماشي بيها دلوقتي ، فهي شهاده عملهاله ثروت بيه عشان ينسبه ليه و يكتبه علي اسم مادلين ، بحكم المشاكل اللي بينه و بين اخواته و انه مش حابب انهم يورثوه و المشكله انه ماكنش بيخلف ، عشان كده عمل كده
القاضي:ازاي يعني !! و اب الولد ده فين ؟
نادين:موجود يا سياده القاضي ، انا لما سألت عرفت انه عايش ، بس هو عاجز و مش بيتحرك ، و مراته ماتت و هي بتخلف ابنه ده .. فحطه في ملجأ عشان ماكنش ليهم حد ، و عرفت بردو ان ثروت لما راح يتبناه كلم والده و قاله انه هيحافظ عليه ، بس كان في اتفاق بينهم انه ما يغيرش اسم الولد و انه يخليه يشوفه .. و طبعا هو خالف كل ده ، حرمه منه و كتبه بأسمه
القاضي:و لييه كل ده !!
نادين:مش عارفه ، بس كل اللي اعرفه انه مش عايز اخواته يورثوا حاجه من فلوسه بعده ، و خصوصاً يعني ان كانت مراته مادلين هانم بتذن علي ودانه عشان ماكنتش بتحب اخواته و في بينهم مشاكل
القاضي:و انا ايه اللي يثبتلي الكلام ده
نادين:الملف ده في كل حاجه يا بيه ، و الفلاشه دي عليها تسجيل بصوت ابو نضال الحقيقي و هو بيحكي كل حاجه كمان
القاضي:تمام .. عندك اي حاجه تانيه حابه تقوليها ؟
نادين:لا يا بيه ، خلاص كده
القاضي:ماشي اتفضلي
مشيت نادين و قعدت .. و كل ده بيحصل و نضال في صدمه ، و مش قادر يستوعب اللي بيحصل ....
نده القاضي علي فارس عشان يشهد .. قام فارس و طلع وقف قدام القاضي ، و القاضي اتكلم ....
( روايات بسوم )
القاضي:قول و الله العظيم اقول الحق
فارس:و الله العظيم اقول الحق
القاضي:اتفضل قول اللي تعرفه
فارس:اللي انا اعرفه ، اني كنت صاحب قريب جداً من الصحفي بيبرس العساف و مراته الصحفيه لوسيندا ، و ثروت و الدكاتره دول كلموني عشان ماكنوش هيعرفوا يدخلوا لبيبرس إلا عن طريقي ، و طبعا اغروني بالفلوس عشان انفذ لهم طلباتهم
القاضي:و بعدين ؟
فارس:انا طبعا كنت غشيم و وافقت ، خصوصاً اني لسه محامي صغير و الظروف كانت قاسيه عليا شويه
القاضي:بعد اذنك ما تخرجش عن صميم الموضوع
فارس:حاضر .. المهم الدكاتره دول اتفقوا معايا اني احطلهم بيبرس و لوسيندا في المصيده ، و قبل ما يسافروا أسوان بيوم ثروت كلمني ، و اتفق معايا أسهرهم معايا و آخرهم .. و فعلا ده حصل ، سهرنا كلنا مع بعض في أسكندريه .. و أخرتهم ل الساعه 2 الصبح ، و لما جم يمشوا عشان يسافروا ، حلفت اني لازم انا اللي أوصلهم للمحطه اللي هيركبوا منها
القاضي:و بعدين ؟
فارس:فعلاً نزلوا و ركبوا معايا ، و بدأت انفذ الخطه اللي كان ثروت متفق معايا عليها
في اللحظه دي قام بيبرس و لوسيندا وقفوا ، و بصوا لبعض و اتكلموا ....
بيبرس:ازاااي !!
لوسيندا:مش ممكن
بيبرس:انت اللي عملت فينا كده يا فارس ؟ انت !!!
خبط القاضي جامد عشان الصوت ، و اتكلم ....
القاضي:مش عايز صوووت في القاعه ، اتفضلوا اقعدوا بعد اذنكم و ألا هضطر اخرجكم برا
حاولت تتماسك لوسيندا و قعدت ، و بيبرس قعد جنبها .. و هما الاتنين في صدمه و ماحدش فيهم قادر يصدق اللي بيتقال .. و القاضي بص لفارس و اتكلم ....
القاضي:اتفضل ، كمل كلامك
فارس:....
( روايات بسوم )
*************فلاش باك**************
فارس سايق عربيته ، و بيبرس قاعد جنبه ، و لوسيندا قاعده ورا .. و بيتكلموا ....
لوسيندا:السهره كانت تحفه .. اهو احنا كده خرجنا من المود فعلا ، و هنقدر نشتغل بقي بزمه
ضحك فارس اوي ، و اتكلم ....
فارس:علي أساس يعني انكوا لو ماكنتوش سهرتوا ماكنتوش هتشتغلوا بزمه .. ده انا ما شوفتش حد بيشتغل بزمه كده زيكوا
بيبرس:خليك انت افضل بس قُر علينا كده ، لما هنترفد من نقك ده
فارس بضحك:هههههههه انا بردو ، ده انا غلبان
بيبرس:انت هتقولي
ضحكوا كلهم ، و بعدين فارس اتكلم ....
( روايات بسوم )
فارس:ده في عصير اهو كنت جايبه الصبح و ناسيه ، تشربوه ؟
بيبرس:هات يا سيدي ما يضرش
بص فارس للوسيندا ، و اتكلم بضحك ....
فارس:و انتي ايه ، هيضر ؟ اوعي تكوني مش عايزه
لوسيندا:يا عم عايزه ، هاته بس و اسكت
فارس:ماشي يا سيتي .. بتشربوا انتوا مانجه طبعاً ، مش كده ؟
بيبرس:اها يا اخويا ، ما انت عارف اهو
فارس:لازم اعرف طبعاً
ضحكوا كلهم .. و عطاهم فارس العصير ، و مسك العصير بتاعه فتحه و بدأ يشربه .. و لوسيندا اتكلمت ....
لوسيندا:لسه بتشرب عنب بردو ؟
فارس:هو انا عمري شربت غيره !
لوسيندا:يعني مش ناو ربنا يهديك
فارس:في ايه يا بنتي ، ده عصير .. ما تشوف مراتك يا عم
بيبرس بضحك:هي بصراحه عندها حق .. و بعدين اللي يشوفك بتتكلم كده ما يتخيلش ابداً ان ازازه الويسكي ما بتفارقش ايدك
فارس:ههههههههههههه ده انا بتهزق تقريباً
بيبرس:تتهزق ! لا يا عم خالص
قال بيبرس الجمله دي ، و بص ل لوسيندا بضحك ، و اتكلم ....
بيبرس:ده شكله بيفهم
( روايات بسوم )
ضحكوا كلهم و شربوا العصير ، و بعد دقايق لوسيندا اتكلمت ....
لوسيندا:ايه ده ، في ايه ؟ بيبرس
بيبرس:ايه يا لوسيندا ، هو في ايه صح !!
لوسيندا:مش عارفه ، انا دايخه
بيبرس:و انا كمان
في اللحظه دي وقف فارس بالعربيه ، و اتكلم ....
فارس:شكل العجل فيه حاجه ، العربيه بتتقل مني .. ثواني يا جماعه هنزل ابص عليه
بيبرس:ماشي ، روح
نزل فارس علي الطريق ، و الشارع كان هادي جداً و السكه ساكته .. بدأ يبص علي عجلات العربيه بخبث .. في اللحظه دي ، ركنت عربيه چيب كبيره وراهم ، و نزل منها اتنين بادي جارد ، و فتحوا عربيه فارس علي بيبرس و لوسيندا و نزلوهم و مسكوهم .. حاول بيبرس و لوسيندا يدافعوا عن نفسهم بس ماقدروش لانهم كانوا دايخين جداً .. لفوا الاتنين دول ايد بيبرس و لوسيندا علي ورا و مسكوهم من ظهرهم ، و نزل واحد من العربيه ، و ضربهم علي دماغهم بطريقه حرافيه موثوق منها جداً انهم هيفقدوا الذاكره .. و بعد ما اغمي عليهم ، سابوا بيبرس مرمي مكانه و اخدوا لوسيندا معاهم في العربيه ، و فارس ركب عربيته و مشي بسرعه ....
( روايات بسوم )
************************************
القاضي:و انت اللي كنت حاطط لهم المخدر في العصير ، صح ؟
فارس:ايوه ، انا
القاضي:طب كمل كلامك
( روايات بسوم )
فارس:الراجل اللي ضرب بيبرس و لوسنيدا ده كان ثروت .. و كان عارف هو بيعمل ايه طبعاً لانه كان دكتور مخ و اعصاب .. المهم بعد اللي حصل ، اخد لوسيندا معاه ، و كلف ناس يسفروها علي القاهره ، و طبعاً اللي حصل بعد كده مدام نادين قالتله لحضرتك .. اما بقي بالنسبه لبيبرس ، كان في عربيه تانيه في الانتظار ، اول ما مشيوا هما جت بسرعه و نزلوا منها ناس تبع ثروت بردو ، و اخدوا بيبرس علي المستشفي اللي بيشتغل فيها ثروت .. و طبعا كل ده حصل عشان يفقدوا بيبرس و لوسيندا الذاكره ، و يمنعوهم من الشهاده في المحكمه ، و كمان عشان يستلموا شحنه الحبوب و مايبقاش في عيون عليهم .. و سفروا لوسيندا القاهره ، و اخدوا بيبرس علي المستشفي اللي بيشتغل فيها ثروت ، عشان يعرفوا يتحكموا فيهم كويس و يبقوا تحت عينيهم ، خصوصاً ان ثروت اصر يشغل لوسيندا عنده خدامه يعني عشان تبقي تحت عينيه و تحت اديه كمان
القاضي:اممممم تمام .. عندك اي كلام تاني ؟
فارس:لا ماعنديش .. انا كده حكيت كل حاجه ، و اعترفت انه انا اشتركت في اللي حصل لبيبرس و لوسيندا ، بس انا فعلاً ندمان و عايز أتأسفلهم قدام عداله المحكمه
القاضي:ماشي يا أستاذ فارس ، اتفضل اقعد
( روايات بسوم )
مشي فارس ، و قعد جنب أيسل .. اول ما قعد بصتله أيسل بفرحه ، و اتكلمت بصوت واطي ....
أيسل:بحبك
فارس:و انا مش عايزه اي حاجه من الدنيا غيرك
أبتسمت أيسل بفرحه ، و بصت في الأرض ....
في الوقت ده .. كان ماهر محامي بييرس ، قام وقف قدام القاضي و بدأ يترافع ضد المتهمين .. و بيبرس بيتكلم مع لوسيندا بصوت هادي جداً ماحدش يسمعه غيرهم ....
بييرس:باذن الله هياخدوا حكم تقيل اوي .. خصوصاً انهم دكاتره و بيستغلوا شغلتهم في انهم يعملوا كده ، و خانوا اليمين اللي حلفوه
لوسيندا:يارب يا بييرس ، ربنا ينتقم منهم
بيبرس:هينتقم ، اصبري بس .. انتي عارفه يعني ايه دكتور نفسي بيستغل المرضي بتوعه و بيبع ليهم مخدرات !! بدال ما يعالجهم يأذيهم .. و مدير مستشفي بيضُر كل المرضي و الدكاتره اللي في المستشفي بيساعدوه ، دي مصيبه
لوسيندا:منهم لله .. بأذن الله الحكم هيكون عادل
بيبرس:إن شاء الله ، أنا واثق
لوسيندا:يارب
( روايات بسوم )
سكتوا هما الأتنين ، و خلص المحامي كلام مع القاضي و قعد .. و القاضي اتكلم ....
القاضي:الحكم بعد المداوله
قام القاضي و المستشارين و وكيل النيابه و مشيوا .. و خرجوا شويه من اللي في القاعه ، و شويه بيتكلموا .. و حاولت أيسل و سيرين يصلحوا الوضع بين فارس و بيبرس و لوسيندا عشان بيبرس و لوسيندا كانوا مش قابلين أسفه ليهم .. بس بعد محاولات كتير و كلام من فارس ليهم ، سامحوه و اتكلموا عادي .. و بعدها اتجمعوا كلهم في القاعه و مادلين رجعت و قعدت مكانها ، و دخل القاضي ، و اتكلم ....
القاضي:محكمه
قاموا كلهم وقفوا ، و بعد ما شاور لهم القاضي بالجلوس قعدوا .. و بدأ القاضي يتكلم ....
القاضي:حكمت المحكمه حضورياً علي المُتهمه " مادلين رأفت العسيلي " بالسجن ستة أشهر
( روايات بسوم )
في اللحظه دي صرخت مادلين و قامت وقفت ، و قبل ما تتكلم اخدوها العساكر و حطوها في القفص .. و القاضي كمل كلامه ....
القاضي:و علي المُتهم " نضال ثروت دُرغام " بالسجن خمسة عشر عاماً
صرخت مادلين بصوت أعلي ، و وقع نضال في مكانه .. و كمل القاضي كلام ....
القاضي:و علي المُتهم " عدنان نايف عدنان " بالأعدام شنقاً
صرخوا كل اللي في القاعه من الفرحه .. خبط القاضي جامد عشان يهدوا ، سكتوا كلهم و كمل القاضي كلام ....
القاضي:و علي كل من " طلال السيد غازي " و " فادي محروس زُهير " بالأشغال الشاقه المؤبده .. رُفعت الجلسه
( روايات بسوم )
قام القاضي و المستشارين و وكيل النيابه و مشيوا ، و بدأت الصحافه تصور ، و كل اللي في القاعه كانوا فرحانين جداً .. و قبل ما يخرجوا وقف محامي المتهمين قدام فارس و اتكلم ....
- مش هتعديلك علي خير
قال جملته و مشي .. وقف فارس مكانه مصدوم ، فأتكلمت أيسل ....
أيسل:سيبك منه ، ده هيموت عشان خسر القضيه .. كبر دماغك
فارس:ماشي
أيسل:ماتخافش
فارس:مش خايف ، و مش بخاف
أيسل:انا عارفه يا حبيبي .. يالا بينا بقي
بيبرس:ايوه يا جماعه يالا بينا ، كبروا دماغكوا من الهبل ده .. احنا خلاص اخيراً أرتاحنا
كلهم:الحمدلله
( روايات بسوم )
مشي بيبرس و معاه لوسيندا و فارس و أيسل و سيرين ، و ماهر المحامي و تيسير و نادين .. و بعد ما خرجوا سلموا كلهم علي بعض ، و مشي المحامي و مشيت نادين و معاها تيسير .. و وقف فارس و اتكلم ....
فارس:استنوا انتوا بقي عشان عايز أيسل في موضوع مهم
سيرين:الله بقي ، نمشي يعني ؟
فارس:لا طبعا ، انا عايزها في الموضوع ده قدامكوا .. عايزكوا تبقوا شاهدين
لوسيندا:لا بقي ده شكل الموضوع كبير .. طب اتفضل قول
في اللحظه دي ، حط فارس ايده في جيب بدلته و خرج منها علبه حمره صغيره ، و فتحها قدام أيسل .. اتصدمت أيسل أول ما شافتها و حطت أديها علي وشها بفرحه ، و فارس اتكلم ....
( روايات بسوم )
فارس:بحبك و عايز أتجوزك ، و مستعد اعمل اي حاجه عشانك و عشان ابقي جنبك .. موافقه تتجوزيني ؟
سقفولهم كلهم ، و ضحكت أيسل بفرحه و هزت رأسها بالموافقه .. مسك فارس أديها و لبسها الخاتم و باس أديها ، و اتكلم ....
فارس:خديلي ميعاد من عمتك أول ما تروحي النهارده ، عشان لازم اقابلها قبل ما ارجع القاهره
أيسل بفرحه:حاااضر
باس فارس أديها ، و قرب علي وشها عشان يبوسها من جبينها .. و هو بيقرب منها سمعوا صوت صدمهم كلهم .. و فجأأأأه !!!!....
........................
#بسمه_ممدوح