بركان أنشقاقي

* الفصل السادس *

في بيت عمار ..........
صحي بسام من النوم .. و كان عمار في المطبخ بيحضر الفطار ، و بعد دقايق خرج و حط الفطار علي الترابيزه ، و قعد جنب بسام و أتكلم ....
عمار:صباح الخير يا أبني
بسام:صباح النور
عمار:أيه بقي .. عامل أيه النهارده ؟
بسام:الحمد لله تمام
عمار:طيب الحمد لله .. قوم بقي أغسل وشك كده و فوق ، و تعالي بسُرعه علشان نفطر
بسام:ماشي حاضر .. بس كنت عايز منك خدمه كده يا عم عمار
عمار بإنتباه:أؤمر يا أبني
بسام:الأمر لله يا حج .. انا بس عايزك تشوفلي أي شغلانه كده .. لو هتقدر يعني
عمار:بس كده .. عنيا ليك يا أبني حاضر .. نفطر بس و هشوف لك موضوع الشغل ده
بسام:ربنا يخليك يا حج
عمار:و يخليك يا أبني .. يالا بقي بسرعه علشان مستنيك
أبتسم بسام ، و مشي دخل الحمام .. و بعد ما خلص رجع مكانه ، و قعد هو و عمار يفطروا ، و بعد ما خلصوا فطار .. عمار أتكلم ....
عمار:هلم الفطار و نغسل أيدينا ، و هشوف لك الموضوع بتاع الشغل
بسام:ماشي .. صحيح هي فين روميساء ؟
ضحك عمار ، و أتكلم ....
عمار:الأكل من أيدي مش عاجبك ولا أيه
رد بسام ب خجل ....
بسام:لا و الله ده الأكل زي الفل .. تسلم أيدك يا حج .. انا بسأل عادي فضول يعني
عمار بضحك:في الكليه .. نزلت الصبح
بسام بفهم:آه .. ماشي يا حج
( روايات بسوم )
ضحك عمار و شال الأكل .. و بعد ما خلصوا دخل عمار غير عبايته ، و خرج من الأوضه و هو بيكلم بسام ....
عمار:بص يا بني .. في قهوه قريبه مننا في نفس الحاره هنا .. المعلم بتاعها لسه ممشي الصبي من يومين ، و لسه ما جابش صبي تاني .. توافق تشتغل عنده ؟
بسام بتفكير:أمممم ماشي ما فيش مشكله .. أهي أي شغلانه و خلاص
عمار:طب تمام .. تعالي بقي نروح له دلوقتي
بسام:خلاص ماشي .. يالا بينا
قام بسام وقف ، و مسك الجاكيت بتاعه علشان يلبسه .. و فجأه و هو بيعدله وقع من الجيب فلوس .. أتفاجئ بسام من اللي حصل و لم الفلوس ، و بص في الجيب تاني و طلع باقي الفلوس اللي فيه و بص فيها ب إستغراب ، و أتكلم ....
بسام:أيه الفلوس دي !!!
بصله عمار ب إستغراب ، و أتكلم ....
عمار:مش فلوسك يا أبني ؟
بسام:ما أعرفش .. انا مش معايا أي حاجه ، ولا محفظه ولا موبايل ولا أي حاجه .. أشمعنا الفلوس دي معايا !!
في اللحظه دي .. ضحك عمار لفهمُه ل الموقف ، و أتكلم ....
عمار:موبايلك و محفظتك و كل حاجتك أتأخدوا ، و اللي أخدوهٌم كانوا عايزينهم علشان معلومات مهمه .. لكن ما كانوش محتاجين الفلوس في حاجه ، و الفلوس ما فيهاش معلومات مهمه .. فهمت ؟
بسام بإستغراب:معلومات !!
عمار:...
( روايات بسوم )
___________________________________
في مبني الصحافه ............
قاعده سيرين الصحافيه في مكتبها .. ماسكه موبايلها و سرحانه ، و بعد ما فاقت من سرحانها بدأت تتصل ب لوسيندا أكتر من مره ، و بعد ما فقدت الأمل في أنها ترُد أتصلت ب أيسل .. و ردت أيسل علي طول ....
أيسل:ألو
سيرين:أيه يا أيسل
أيسل بإستغراب:أيه ده .. مال صوتك ؟
سيرين:قلقانه .. مش متطمنه خالص
أيسل:ليه بس ؟!
سيرين:انا أتصلت ب لوسيندا دلوقتي .. أتصلت بيها كتير بس موبايلها غير متاح
أيسل:فعلاً موبايلها غير متاح
سيرين:يا تري حصل أيه !
أيسل بتفكير:مش عارفه .. بس أكيد هنعرف
سيرين:يااارب نعرف ، و ربنا يستر بقي
أيسل بقلق:يااارب
( روايات بسوم )
___________________________________
بعد ساعه ...........
عند عمار و بسام .....
قاعدين  عمار و بسام في قهوه المعلم غسان ، و بيتكلموا معاه ....
عمار:يعني خلاص كده يا معلم .. بسام هيبدأ شغل معاك من بكره ؟
غسان:و من النهارده لو عايز
أتكلم بسام ب إندفاع ....
بسام:ياريت ، و انا موافق
غسان:خلاص يبقي أتفقنا
عمار:يعني هتبدأوا من أمتي كده ؟
غسان:من دلوقتي .. يروح بس يغير هدومه الشياكه دي و يجيلي
ضحك بسام جداً ، و أتكلم ....
بسام:هدومي الشياكه دي تقريباً ما عنديش غيرها
غسان:يا خبر .. هتشتغل بيهم أزاي دول
بسام بتفكير:مش عارف
عمار:خلاص يا أبني .. تعالي نروح البيت عندي و هديك هدوم من هدومي تنفع ل الشغل
أبتسم بسام ، و أتكلم ب شُكر و خجل ....
بسام:ربنا يخليك يا حج عمار ، و الله انا ما عارف أقولك أيه
عمار:ما تقولش حاجه يا بسام .. أنت زي أبني
بسام:الله يخليك يا حج
أبتسم عمار .. و بص ل غسان ، و أتكلم ....
عمار:هنمشي طيب أحنا دلوقتي يا معلم ، و بسام هيجيلك بعد ساعه ب الكتير
غسان:ماشي .. ما فيش مشاكل
عمار:علي خيره الله .. بعد أذنك
غسان:أتفضلوا
قام عمار و معاه بسام ، و راحوا علي بيت عمار ....
قعد بسام ، و دخل عمار يجيب له هدوم من أوضته .. و بعد دقايق خرج و معاه الهدوم ، و بيديها ل بسام و هو بيتكلم ....
عمار:أهي الهدوم يا أبني .. يارب بس تعجبك و ترتاح فيها
أخد بسام الهدوم من عمار ، و أتكلم ب رضا ....
بسام:أكيد طبعاً عجباني يا حج .. كفايه تعبك بس ربنا يخليك
عمار:ربنا يكرمك يا أبني
أبتسم بسام ، و كمل عمار كلامه ....
عمار:انا هدخل بقي أرتاح في أوضتي شويه ، و هسيبك عشان تغير براحتك
بسام:ماشي يا حج
عمار:بعد أذنك يا أبني ، و أعتبر البيت بيتك
بسام بإبتسامه:أتفضل
دخل عمار أوضته و قفل الباب .. و بسام برا بيلبس ....
لبس البنطلون اللي أخده من عمار ، و قبل ما يلبس التي شيرت باب الشقه أتفتح ، و دخلت روميساء ....
أتصدم بسام و ما قدرش يتكلم ، و روميساء كمان وقفت في صدمه و كسوف و ما عرفتش تتصرف .. بس كان كُل تفكيرها و شرودها في شكله اللي مستغرباه و عاجبها .. تقسيمه جسمه ، و لون بشرته القمحاوي ، ملامحه الشرقيه و طبع الحُسن اللي في دقنه ، دقنه الخفيفه المتحدده و شعره الناعم ، نظرته الخجوله ، و عضلاته و طوله .. كُل حاجه فيه ....
لحظات من الصمت قطعها صوت بسام القوي ....
بسام:انا أسف جداً .. انا كُنت فاكرك مش جايه دلوقتي ، و كُنت بلبس علشان رايح شغل .. انا أسف جداً بجد
شردت روميساء في صوته أكتر ، و أتكلمت ب سرحان ....
روميساء:شغل !
رد بسام ب جديه ....
بسام:آه .. هشتغل في قهوه المعلم غسان
بصتله روميساء ب تفكير و ما ردتش ، و بسام أتكلم ....
بسام:علي فكره انا أسف تاني
ردت روميساء ب خجل ....
روميساء:ما حصلش حاجه
في اللحظه دي .. لبس بسام التي شيرت بسُرعه ، و أخد فلوسه .. و خرج علي طول من غير ما يتكلم ....
أبتسمت روميساء ب فرحه و خجل ، و أتكلمت بصوت هادي مع نفسها ب شرود ....
روميساء:كسوفه .. حلو أووي كسوفه
أخدت روميساء نفس كبير ، و قفلت باب الشقه و دخلت علي أوضتها .. سابت شنطتها و كتُبها علي المكتب ، و راحت علي أوضه عمار علشان تطمن عليه ....
في نفس الوقت ......
وصل بسام القهوه ، و بدأ غسان يعرفه شغله و يعلمه هيعمل أيه ، و بدأ بسام شغل ....
( روايات بسوم )
___________________________________
بليل عند أيسل في البيت ..........
قاعده أيسل مع نفسها و سرحانه ....
************ فلاش باك ***********
في كُليه الأعلام .....
ماشيه أيسل ب هدوء لوحدها ، و فجأه خبطت فيها بنت و وقعت كُل الكتب اللي في أيديها .. أتعصبت أيسل جداً و أتكلمت ب إنفعال و صوت عالي ....
إيسل:أنتي حمااااااره .. ما فيش أي أندهاااش كده .. أنتي عاااميه
ردت البنت بعد ثواني ....
- مُتأسفه ما أخدتش بالي
أيسل بإنفعال:سااااعه علشان تردي .. أيه البرود ده
ردت البنت ب هدوء ....
- بأكُل .. هتكلم أزاي و الأكل في بوقي يعني
أيسل بغضب:لا و الله !
في اللحظه دي .. أبتسمت البنت ب هدوء ، و نزلت علي الأرض و أخدت كُل الكُتب ، و طلعت عطيتهم ل أيسل و هي بتتكلم ب أدب ....
- أتفضلي ، و أسفه
سكتت البنت بعد ما عطيت ل أيسل الكُتب .. و مشيت علي طول في صمت و هي بتكمل الساندويتش بتاعها ....
قبل ما تبعد .. زعلت أيسل من نفسها جداً و ندهت عليها ب إندفاع ....
أيسل:لو سمحتي .. بصي يا أنسه .. يا قمر
وقفت البنت ، و بصت لها و أتكلمت ....
- انا ؟
أيسل بخجل:أيوه أنتي .. انا أسفه علي أسلوبي معاكي
أبتسمت البنت في الوقت ده ، و ردت ب هدوء ....
- ولا يهمك .. حصل خير
أيسل:يعني مش زعلانه ؟
- آه
أيسل:بجد ؟
- آه و الله
أبتسمت أيسل ب فرحه ، و أتكملت ....
أيسل:طب ممكن أعرف أسمك أيه ؟
أبتسمت البنت و ردت ....
- لوسيندا
أيسل:...
( روايات بسوم )
*******************************
فاقت أيسل من سرحانها ، و علي وشها أبتسامه ، و أخدت نفسها ، و أتكلمت ....
أيسل:ربنا يطمنا عليكي يا لوسيندا ، و يرجعك ب السلامه يارب
سكتت ، و قامت علي طول راحت علي المطبخ .. عملت النيسكافيه بتاعها ، و بعد ما خلصت فتحت البلكونه و طلعت قعدت مع نفسها ....
( روايات بسوم )
___________________________________
خلص اليوم عليهُم كلهم .......
و تاني يوم الصبح .. في بيت مادلين .....
صحيت چمانه الساعه 10 الصبح .. قامت بسُرعه فتحت الباب و خرجت من الأوضه .. و أول ما خرجت !!....
.........................
#بسمه_ممدوح