بركان أنشقاقي

* الفصل الخامس و العشرون *

الساعه 5 المغرب .. في المستشفي اللي فيها بيبرس .....
واقفه لوسيندا و جنبها روميساء ، و بيبصوا علي بيبرس من باب الغرفه اللي قاعد فيها .. و هما سرحانين و بيبصوا عليه بدأ يفوق تدريجياً ، و فجأه اتكلم بصوت مقطع بس سمعوه ....
بيبرس:لو س ين دا ، لوسين دا .. لوسيندا
اتصدمت روميساء .. و فرحت لوسيندا جداً و دخلت الاوضه عنده بسرعه ، جريت عليه و مسكت اديه ، و باستها .. و قعدت جنبه تكلمه و هي بتعيط ....
لوسيندا:وحشتني اوي ، وحشتني يا بيبرس .. اتبهدلت من غيرك كتير
بيبرس بدموع:بتعيطي ليه يا لوسيندا
لوسيندا:عشان تعبانه اوي ، تعبت من غيرك
بيبرس بحزن:بس انا معاكي اهو
لوسيندا:انت فاكرني ؟
بيبرس:ايوه ، فاكرك
لوسيندا:يعني افتكرت كل حاجه !!
سكت بيبرس شويه ، و اتكلم بتفكير ....
بيبرس:لا ، بس فاكرك انتي .. قلبي فاكرك
قام بيبرس قعد و سند راسه علي ظهر السرير و كمل كلامه ....
بيبرس:احساسي مستحيل ينساكي
اترمت لوسيندا في حضنه ، و انهارت من العياط ....
اول ما شافت روميساء اللي حصل ، جريت علي برا ، و خرجت من المستشفي خالص و هي بتعيط ....
( روايات بسوم )
عند بيبرس في الاوضه ، لوسيندا بتعيط في حضنه و بتتكلم .....
لوسيندا:مانسيتنيش و اتجوزت غيري !! طب ازاي !?
بيبرس:مش عارف يا لوسيندا .. انا مش عارف اي حاجه
حست لوسيندا بكسرته ، فحاولت تداري زعلها ، و اتكلمت عادي .....
لوسيندا:مافيهاش حاجه يا حبيبي ، كل حاجه هنعرفها و هنصلحها في الوقت المناسب .. المهم دلوقتي صحتك عندي ، اهم حاجه انك تكون كويس و ترجعلي بيبرس بتاع زمان تاني
بيبرس:انا معاكي ، بس انتي ما تسيبينيش
لوسيندا:مش هسيبك
( روايات بسوم )
___________________________________
بعد نص ساعه .. في الحاره .....
وصلت روميساء الحاره ، و هي بتعيط .. و قبل ما تدخل علي البيت شافت عمار جاي عليها ، و بيتكلم .....
عمار:مالك يا بنتي في ايه ؟
روميساء:انت كنت فين يا بابا !
عمار:ما انتي عارفه اني كنت في مشوار برا .. في ايه يا بنتي ! بتعيطي كده ليه ؟ و جايه منين ، و فين جوزك ؟
روميساء:طب ممكن يا بابا ندخل البيت و نتكلم جوا
عمار:ماشي يا بنتي ، تعالي
( روايات بسوم )
دخلوا البيت ، و قعدت روميساء و هي منهاره من العياط و اتكلمت ....
روميساء:بسام يا بابا
عمار:ماله يا بنتي !!
روميساء:بيحب واحده غيري
عمار بصدمه:مين قال كده ؟!!
روميساء:انا شوفت بعيني
عمار:ازاي يعني !?
روميساء:......... و حكيتله كل اللي حصل
( روايات بسوم )
عمار:نعم !! و سيبتي جوزك في المستشفي لوحده و مشيتي !? هي دي التربيه اللي ربيتهالك ! اخص عليكي يا بنتي
روميساء بعياط:بعد اللي حكيتهولك ده ، بتقول كده يا بابا !!
عمار:ايوه طبعا .. انا مش شايف اي حاجه في اللي حكيتيه ده بصراحه
روميساء بغيظ:ازاي يعني يا بابا !! كل ده و مش شايف حاجه !?
عمار:انتي ليه بتظلمي يا بنتي بس ! ما تصبري لحد ما تعرفي الحقيقه .. مش يمكن تكون اخته ؟
سكتت روميساء شويه ، و اتكلمت ....
روميساء:لا ، حضرتك قولت لما سألت عليه انه عايش مع والدته لوحدهم
عمار:مش يمكن اخته و متجوزه .. مش يمكن اخته من الاب مثلا ، مش يمكن في اي ظروف تخليها تكون قريبه منه كده غير الحب و الكلام الفارغ ده
روميساء:مش عارفه بقي
عمار:استهدي بالله يا بنتي ، و مش كل ما تشوفي حاجه تعملي عليها قصه من دماغك .. و حتي لو نفرض انها حبيبته زي ما بتقولي ، دلوقتي هو متجوز مين !!
بصت روميساء في الارض و سكتت ....
عمار:متجوزك انتي ، يبقي المفروض ما تسيبيش حد ياخده منك .. صح ولا انا غلطان ؟
روميساء:صح
عمار:يبقي تعقلي ، و تستهدي بالله كده ، و تقومي معايا عشان تروحي لجوزك المستشفي .. و ما تخرجيش من المستشفي غير و هو معاكي و راجعين علي بيتكوا ، رجلك علي رجله
روميساء:حاضر يا بابا
عمار:يالا بينا يا بنتي نروحله ، ربنا يهديكي
روميساء:حاضر
عمار:.....
( روايات بسوم )
___________________________________
الساعه 6 .. في كافيه في القاهره .....
وصلت ايسل الكافيه ، اول ما دخلت شافت فارس .. راحت لحد عنده و وقفت ، قام وقف اول ما شافها و بصلها بفرحه و اتكلم ....
فارس:اخيراً .. وحشتيني
بصت ايسل في الارض و ابتسمت بكسوف .. قرب منها فارس و مسك اديها ، و مشي معاها خطوه و شد ليها الكرسي عشان تقعد ، و اتكلم ....
فارس:اقعدي
قعدت ايسل ، و رجع فارس قعد علي الكرسي بتاعه ، و بصلها بفرحه و اتكلم ....
( روايات بسوم )
فارس:انا مبسوط اوي
ايسل بكسوف:اشمعنا يعني
فارس:عشان شوفتك ، و قاعد معاكي .. انا مش مصدق ، كنت فاكر ان خلاص كده مش هنشوف بعض تاني
ايسل:و كنت هتقدر تبعد عني ؟
فارس:كنت هموت
ايسل:بعد الشر عليك
فارس:انتي مش زعلانه مني ؟
ايسل:ماحدش بيزعل من حد بيحبه
فارس:يعني مسامحاني علي اي حاجه عملتها معاكي زعلتك ؟
ايسل:مسمحاك ، بس تتغير يا فارس
فارس:انا اتغيرت و الله ، و عمري ما هزعلك تاني باي طريقه .. اقسم بالله هتشوفي التغير ده بنفسك
ايسل:و انا مصدقاك ، و هسيبلك الفرصه
فارس:يعني هنرجع زي الاول ؟
ايسل:علي كلامك ده ، يبقي هنرجع احسن من الاول
فارس:ياريت
ايسل:خلاص انا معاك و هنرجع كل حاجه مع بعض
فارس:و انا موافق ، بس عايز اسألك سؤال
ايسل:اسأل طبعاً
فارس:لو كنت عملت اي حاجه ممكن تهز صورتي قدامك و جيت حكيتلك عليها و انا ندمان بجد ، هتسامحيني ؟ ولا هتفقدي الثقه فيا و تتخلي عني و تسبيني ؟
سكتت ايسل شويه ، و فارس كمل كلام ....
فارس:شوفتي ، يبقي مش هتسامحيني
اندفعت ايسل في الكلام ....
ايسل:لا ، ما قولتش كده .. انا بفكر بس في نوع الحاجه دي ، هتكون ايه !!
فارس:اكيد هتعرفي
ايسل:ما تخافش ، مش هتخلي عنك .. بس ياريت تحكيلي كل حاجه
فارس:انا هحكيلك عشان ندمان ، و عشان اتغيرت بجد .. بس اوعي تخليني اندم اني حكيت
ايسل:ما تخافش ، مش هخليك تندم ابداً .. بس احكيلي و فهمني ، في ايه ؟
فارس:هحكيلك كل حاجه
ايسل:و انا سمعاك
فارس:......
( روايات بسوم )
___________________________________
في المستشفي ، في اسكندريه .....
وصلوا روميساء و عمار .. دخلوا بسرعه علي المكان اللي فيه بيبرس ، و كانوا كلهم قاعدين في الاستراحه .. وقفوا هما الاتنين ، و روميساء اتكلمت ....
روميساء:لو سمحتي يا ....
قاطعتها لوسيندا:اسمي لوسيندا
روميساء:عارفه سمعت بيبرس و هو بيندهلك
لوسيندا:تمام
روميساء:انتي قاعده برا ليه ؟ هو بيبرس كويس ؟
لوسيندا:اها هو كويس ، بس الدكتور قالنا نسيبه عشان هيبدأ معاه بأول جلسه
روميساء:يعني هو دلوقتي بيعمله الجلسه دي ؟
لوسيندا:ايوه .. هو معاه جوا ، عشان كده قافل الباب
روميساء:اها .. طب هو ما سألش عليا خالص ؟
لوسيندا بغيظ:سأل
روميساء بلهفه:قال ايه ؟
لوسيندا:قالي فين روميساء ، و كان عايز يشوفك .. بس انا قولتله ماعرفش ، عشان لقيتك كده اختفيتي فجأه
روميساء:اها ، روحت اقول لبابا لانه ماكنش يعرف
لوسيندا:اها ، طيب
سكتت روميساء ، و مشيت .. وقفت بعيد شويه و سندت ظهرها علي الحيطه ، و وقف عمار جنبها .. و اتكلمت بحزن ....
روميساء:شوفت يا بابا بتكلمني ازاي ؟
عمار:كبري دماغك يا بنتي ، ما تخصناش في حاجه
روميساء:بس انا متضايقه
عمار:كبري دماغك بقولك ، اهم حاجه دلوقتي عندنا جوزك يبقي بخير
روميساء:يارب يا بابا .. الدكتور قال انه بالجلسات دي هترجعله الذاكره
عمار:يارب يا بنتي ، عشان يرجع لحياته بقي ، و يعرف حياته ماشيه ازاي
روميساء:يارب يا بابا
عمار:.....
( روايات بسوم )
___________________________________
الساعه 6:30 المغرب ، في المستشفي اللي كان بيشتغل فيها ثروت ، في اسكندريه .....
قاعد عدنان مدير المستشفي في مكتبه ، و باب المكتب خبط ....
عدنان:ادخل
فتح طلال الباب ، و دخل هو و فادي و قفلوا الباب .. و عدنان اتكلم ....
عدنان:ايه ده ؟ لحقتوا تروحوا القاهره و ترجعوا !!
طلال:ايوه طبعا ، احنا ماشين من 9 الصبح ، و الساعه دلوقتي 6:30
عدنان:امممم تعالوا اقعدوا طيب
دخلوا قعدوا ، و عدنان اتكلم ....
عدنان:عملتوا ايه ؟ فين ثروت ؟
بص فادي في الارض ، و طلال اخد نفسه بخنقه .. استغرب عدنان جداً من رد فعلهم ، و كمل كلام ....
( روايات بسوم )
عدنان:هو في ايه !! ما تتكلموا
طلال:ما احنا مش عارفين نقول ايه
عدنان:اتكلموا عاوز افهم
طلال:ثروت مات يا دكتور
قام عدنان وقف ، و اتكلم بصدمه ....
عدنان:انت بتقول اييييه !!!
طلال:ده اللي حصل ؟!
عدنان:ازاي ده حصل !! و امتي ؟!
طلال:مش عارف
عدنان:يعني ايييه ماتعرفش .. و الشغل ! و الجلسه اللي خلاص فاضل لها كام يوم ، كل ده !!!
طلال:حكم ربنا ، هنعترض !!
عدنان:انتوا اكيد بتهزروا
فادي:و هي دي حاجه فيها هزار يا دكتور
عدنان:مستحيييل يكون ده حصل ، دي تبقي مصيبه .. ده هو اللي بيجبلنا كل الاخبار
طلال:بس مش هنغلب من غيره يعني
عدنان:انت بتتكلم بالبرود ده ازاي !!!
طلال:مش قصدي
عدنان:بقولكوا ايه ، امشوا .. امشوا من وشي ، كل واحد فيكوا يروح يشوف شغله ، انا مش طايق نفسي
قام طلال وقف ، و اتكلم ....
طلال:مش احنا اللي موتناه كمان .. يالا بينا يا فادي
عدنان:غوووروا من وشي دلوقتي
قام فادي و مشي مع طلال .. هبد عدنان ايده علي المكتب بعصبيه ، و فك الجرافات بتاعته بخنقه ، و قعد علي المكتب ، و سند ايده علي راسه .. و التفكير و الخنقه بيقتلوه ....
( روايات بسوم )
___________________________________
في الكافيه .....
بعد ما خلص فارس كلامه ، قامت ايسل وقفت و مسكت شنطتها .. قام فارس من مكانه و اتكلم بصدمه ....
فارس:هتعملي ايه يا ايسل !! هتبعيني صح ؟
ايسل:انا مصدومه ، مش قادره اصدق
فارس:لا عشان خاطري ، اوعي تتخلي عني .. انا حكيتلك عشان ابقي صريح معاكي في كل حاجه
ايسل:بس انا حاسه اني بحلم ، انا مصدومه بمعني الكلمه .. انت يا فارس ؟ انت تعمل كده !!
فارس:مش عارف ، مش عارف ازاي عملت كده ، ايه اللي خلاني اعمل كده اصلا !! مش عارف و مش فاهم .. بس كل اللي اعرفه اني اتغيرت ، و عشان كده حكيتلك
ايسل:اتغيرت ! بعد ايه ؟
فارس:ايسل ، ابوس ايدك ما تسيبينيش
ايسل:ازاي !! هكمل معاك ازاي !? هأمن علي نفسي معاك ازاي ؟
فارس:اقسم بالله اول مره في حياتي اكون كده ، و اتغيرت و ندمان اوي
ايسل:مش مصدقاك يا فارس
فارس:اديني فرصه واحده ، و لو حسيتي مني باي حاجه ممكن تخوفك ، ابعدي عني فوراً و مش هقولك ساعتها بتعملي ايه
ايسل:مش قادره يا فارس
فارس بخوف:حاولي ، انتي لو سيبتيني هموت ، مش هقدر اتحمل .. يا اما هنتحر و هيبقي ذنبي في رقبتي
ايسل بعصبيه:لو سمحت يا فارس ، ما تحملنيش اي حاجه ماليش ذنب فيها
فارس:ايسل
ايسل:عايز ايه ؟
فارس:بعد اذنك اهدي ، و تعالي نمشي من هنا عشان الناس بدأت تتفرج علينا
بصيتله ايسل بحزن ، و اتكلمت ....
ايسل:هستناك برا
مشيت ايسل و وقفت برا الكافيه ، و حاسب فارس علي العصير و خرج لها .. اول ما شافته اتكلمت ....
ايسل:ياريت تتفضل و تخلص اي كلام عايز تقوله عشان عايزه اروح
فارس:ماشي يا ايسل ، تعالي نتمشي شويه و احنا بنتكلم .. بس ياريت تفهميني
ايسل:اتفضل يا فارس
( روايات بسوم )
مشيوا هما الاتنين جنب بعض ، و فارس بيتكلم ....
فارس:انا محتاجلك جنبي يا ايسل ، و مستعد اعمل اي حاجه تخليكي تسامحيني
ايسل:مش باي حاجه يا فارس ، الصدمه اللي اخدتها فيك كانت كبيره اوي
فارس:و انا كمان مصدوم في نفسي ، بس ندمان .. و عايزك تسامحيني
سكتت ايسل ثواني ، و بعد تفكير اتكلمت ....
ايسل:فارس ، انت عندك استعداد تعمل اي حاجه عشان ما ابعدش عنك بجد ؟
فارس بإندفاع:اها و الله
ايسل:اي حاجه اي حاجه يعني ؟
فارس:اي حاجه و الله
ايسل بتفكير:امممممم خلاص انا مستعده اسامحك و ما ابعدش عنك خالص ، بس بشرط
فارس:شرط ! شرط ايه ده ؟
ايسل:هقولك بس لو هتنفذه
فارس:اعرفه و هنفذه
ايسل:لا ، تقول الاول انك هتنفذه
فارس:قبل ما اعرفه ؟
ايسل:ايوه ، عشان انت لو عايزني هتعمل اي حاجه و هتوافق علي اي حاجه
فارس:خلاص يا ستي ، و انا موافق علي الشرط ده مهما كان
ايسل:اكيد ؟
فارس:و الله اكيد .. ممكن اعرفه بقي
ايسل:.....
.........................
#بسمه_ممدوح