بركان أنشقاقي

* الفصل الرابع و العشرون *

وصل بيبرس عند الباب ، و وقف قدام لوسيندا ، و اتكلم ....
بيبرس:اهلا و سهلا ، مين حضر ....
في اللحظه دي سكت بيبرس .. و وقفت لوسيندا في صدمه ، و فضلوا باصين لبعض و ماحدش فيهم قادر يتكلم ، و فجأه بدأ بيبرس يدوخ ، و ذكريات في دماغه كتير متلغبطه ، و مشاهد متداخله في بعض .. و وسط كل ده لوسيندا اتكلمت و عنيها مدمعه ....
( روايات بسوم )
لوسيند:بيبرس !!!
اول ما لوسيندا قالت اسمه ، وقع بيبرس و اغمي عليه .. صرخت لوسيندا بأسمه ، و قعدت روميساء علي الارض بسرعه و حضنته و هي بتنادي عليه و بتحاول تفوقه ....
روميساء:بسام ، بيبرس .. قوم يا حبيبي ، مالك ؟ ايه اللي حصلك .. يا بسام يا حبيبي
روميساء بتعيط و لوسيندا كمان بتعيط و قعدت علي الارض و بتحاول تفوقه معاها .. في الوقت ده اتصل تيسير بالاسعاف ، و بعد وقت قليل وصلت ، و اخدت الاسعاف بيبرس علي المستشفي ، و كلهم راحوا معاه ....
( روايات بسوم )
___________________________________
في القاهره .. في بيت مادلين .....
بعد ما صحيت مادلين و نضال ، و قلبوا الدنيا علي لوسيندا و مالقوهاش و سألوا عم صبري عليها و انكر انه شافها ، يأسوا و استسلموا للامر الواقع .. و بعد نص ساعه من اللي حصل ، باب الفيله خبط .. كان قاعد نضال مع مادلين في المكتب ، سابها و قام فتح الباب .. و واحد من اللي علي الباب اتكلم علي طول ....
( روايات بسوم )
- نضال .. اذيك ؟
نضال:دكتور طلال ، انا كويس الحمدلله .. اذيك انت ؟ و انت يا دكتور فادي ايه اخبارك ؟
طلال و فادي:بخير
نضال:طب هتفضلوا واقفين علي الباب كده ! اتفضلوا
دخلوا طلال و فادي قعدوا ، و نضال اتكلم ....
نضال:نورتوا القاهره و الله و نورتونا .. بس خير ؟ ايه سبب الزياره المفاجئه دي ?
اتكلم طلال بجديه ، و بنظره حاده جداً ....
طلال:فين ابوك يا نضال ؟
بصله نضال و سكت ، و بص في الارض ....
طلال:رد عليا يا نضال ، فين ثروت ؟ ثروت اختفي فجأه ليه !! هو مش عارف ان في بينا شغل مهم و انه ماينفعش يغيب الفتره دي ابداً ، ولا هو هيلعب علينا بقي .. لا ما انتوا تخلي بالكوا بقي ، احنا نلعب مع بعض اها بس ما نلعبش علي بعض .. عشان لو حد فكر يلعب علي التاني ، هنطربقها عليها واطيها ، و هيبقي هو الخسران ، اظن فاهمني كويس
بصله نضال بهدوء ، و رد عليه ببرود ....
نضال:خلصت كلامك ؟
طلال:دلوقتي تقريباً ، لكن بعدين هيبقي في كلام كتير يتقال ، و هتبقي افعال بقي مش كلام
قام نضال وقف و بص ل فادي و اتكلم ....
( روايات بسوم )
نضال:في ايه يا دكتور فادي ؟
فادي بقلق:مش عارف .. ما تهدي بقي يا طلال ، مش كده
طلال بعصبيه:لا كده و ابو كده كمان
في اللحظه دي ضحك نضال بهدوء ، و بص ل فادي و كمل كلامه ....
نضال:روح يا دكتور فادي دلوقتي علي مستشفي ****** في شارع **** و اسأل فيها عن بابا ، و ماتنساش تاخد دكتووور طلال معاك ، و ابقوا بلغوني اللي عرفتوه
انتبهوا اوي لكلام نضال ، و طلال اتكلم ....
طلال:يعني ايه !!!
تجاهل نضال كلام طلال خالص ، و وجهه كلامه ل فادي ....
نضال:روح يا دكتور فادي ، و لما تتأكد من المستشفي بنفسك ، ان بابا مات و اننا مستنين علي دفنه بس تقرير الطبيب الشرعي ، ابقي خلي دكتور طلال يروح يصفي معاه حساباته هناك بقي
اتصدموا الاتنين من كلام نضال ، و قاموا وقفوا و اتكلموا ....
طلال و فادي:ماااااات !!!
نضال بتحدي:ايووه مات ، و ماعنديش كلام تاني اقوله .. اي حاجه تانيه عايزين تعملوها ، اعملوها بعيد عني .. و اظن القرارات بتتاخد من الريس بتاعكوا ، مش منكوا لنفسكوا
بصلوا طلال بقرف ، و سابهم و مشي .. و فادي اتكلم ....
فادي:انا مش عارف اقولك ايه و الله ، الباقيه في حياتك
نضال:حياتك الباقيه
فادي:استني يا طلال .. بعد اذنك يا نضال
نضال:اتفضل
جري فادي بسرعه ورا طلال .. و قعد نضال علي الكرسي ، و اخد نفسه بضيق و غمض عنيه .....
( روايات بسوم )
___________________________________
بعد ساعه .. في المستشفي اللي بيبرس فيها ، في اسكندريه .....
فاق بيبرس و الدكتور كشف عليه ، و خرج من الاوضه ، و وقف يتكلم معاهم برا ....
تيسير:حالته ايه يا دكتور ؟
روميساء:اها و النبي يا دكتور طمني عليه
لوسيندا:هو ماكنش بيفوق ليه يا دكتور ؟
الدكتور:ما تقلقوش خالص يا جماعه ، خير ان شاء الله .. كل الحكايه انه جاتله صدمه مفاجأه فقدته الوعي ، بس الحمدلله هو دلوقتي بخير ، بس عنده مشكله
نادين بإندفاع:ايه المشكله ؟
الدكتور:انتوا اكيد عارفين انه فاقد الذاكره مش كده ؟ ولا ما تعرفوش
اتصدمت لوسيندا ، و روميساء اتكلمت ....
روميساء:ايوه يا دكتور ، عارفه
الدكتور:طب كويس .. هو دلوقتي عقله و ذاكرته مستعدين انهم يستعيدوا كل حاجه .. بس لازم نعمله جلسات علي المخ
( روايات بسوم )
سكتوا كلهم ثواني ، و لوسيندا اتكلمت ....
لوسيندا:يعني ايه ؟ و هتاخد وقت اد ايه دي ؟
الدكتور:يعني جلسات هنعملهاله علي مخه عشان تساعده انه يستعيد الذاكره .. و الوقت مش كتير ، هما يومين بس باذن الله و هيبقي تمام
اتكلمت روميساء بحزن ....
روميساء:يارب ، يارب يبقي كويس و يقوملي بالسلامه
بصت لها لوسيندا بغيظ و اتكلمت ....
لوسيندا:يعني هو اكيد هترجعله الذاكره يا دكتور !! انا محتاجه اتكلم معاه في حاجات مهمه جداً
الدكتور:باذن الله هترجعله يا انسه .. ما تقلقوش يا جماعه ، خير أن شاء الله
كلهم:يارب
لوسيندا:ينفع نشوفه يا دكتور دلوقتي ؟
الدكتور:لا هو دلوقتي نايم .. انا مديله حقنه منيماه ، عشان يقدر يستجيب معايا للجلسات لما يفوق
لوسيندا:طب هو هيفوق امتي ؟
الدكتور:ساعتين كده و هيفوق باذن الله
لوسيندا و روميساء:يارب
ابتسم الدكتور ، و سابهم و مشي .. و قعدوا كلهم في الاستراحه ، و كل واحد فيهم في وادي ....
( روايات بسوم )
___________________________________
بعد ساعتين في المشرحه ، في القاهره ....
وصلوا نضال و مادلين هناك ، و قابلوا الدكاتره عشان يستلموا تقرير الطب الشرعي .. و بعد ما استلموه ، قعدوا مع واحد من الدكاتره و اتكلموا معاه عشان يفهموا سبب الوفاه .....
( روايات بسوم )
نضال:يعني مات ازاي ؟
الدكتور:موتة ربنا
مادلين بإندفاع:ازاي يعني !!! بعد البهدله اللي اتبهدلها دي كلها ، و تشريح و تعب و مرمطه ، و جاي تقول دلوقتي بعد كل ده موتة ربنا !? طب ما كان من الاول
الدكتور:يا هانم احنا كان عندنا شك ، و كان لازم نتأكد منه ، عشان لو المرحوم ليه حق ياخده ، و ما نبقاش ظلمناه .. و بعدين احنا اخدنا موافقه حضراتكوا
مادلين بعصبيه:لا انا ماكنتش موافقه
نضال:جرا اييه يا ماما !! انا وافقت ، و الموضوع اتقفل خلاص .. ماحصلش حاجه لكل ده
مادلين:بتزعقلي يا نضال ! بقي كده ؟
نضال:انا مش بزعق لحضرتك ، انا بوضحلك الامور بس مش اكتر
مادلين:ماشي يا نضال
بصلها نضال و دور وشه ، و كلم الدكتور ....
نضال:احنا اسفين يا دكتور .. معلش ممكن تفهمني اكتر اللي في التقرير
الدكتور:ولا يهمك .. التقرير اللي باين فيه انه مات نتيجه تجلط في شراين القلب ، و مافيش سبب محدد .. اخر حاجه شربها حليب .. مافيش اي دليل يثبت ان سبب الوفاه جنائي ، هو مات موته طبيعيه ، جتله جلطه من عند ربنا
نضال بتفكير:اممممم ماشي يا دكتور .. ربنا يرحمه
قام الدكتور وقف و اتكلم ....
الدكتور:ربنا يصبركم
نضال و مادلين:يارب
نضال:معلش يا دكتور ، نقدر نخلص ورق الدفن و نستلم الجثه عشان ندفنه امتي ؟
الدكتور:تقدروا تخلصوا كل الاجرائات النهارده ، و تستلموه بكرا الصبح باذن الله و يتدفن الظهر
نضال:تمام يا دكتور .. شكرا جداً لحضرتك
الدكتور:الشكر لله ، تحت امركم
نضال:...
( روايات بسوم )
___________________________________
في مبني الصحافه .....
قاعده ايسل مع سيرين في مكتبهم ، و بيتكلموا ....
سيرين:اخيراً رضيتوا علي بعض شويه
ايسل:الحمدلله يا سيرين ، انا مش مصدقه نفسي
سيرين:الحمدلله ، يارب ترجعوا زي الاول بقي ، عايزين نخلص منكوا
ايسل بضحك:ليه يا اختي احنا قاعدين علي قلبك
سيرين:ههههههههه لا قاعدين علي دماغي
ايسل:ههههههه ماشي يا اختي ، هنقوم من عليها
ضحكت سيرين جامد ، و ايسل اتكلمت ....
ايسل:نفسي الساعه 6 تيجي بسرعه عشان اشوفه بقي
سيرين:هتيجي يا اختي ما تستعجليش .. بس و النبي ابوس ايدك ، اوعي تخربي الدنيا
ايسل:لالا باذن الله المره دي مش هخربها ، باذن الله نتصالح .. بس يارب يتغير ، نفسي اوي يتغير
سيرين:بالهداوه يا ايسل ، هيتغير بالهداوه .. و مادام انتي بتحبيه يبقي هتغيريه
ايسل:بحبه اووووووووي
سيرين:ياعيني علياااا
ضحكت ايسل ، و مسكت الموبايل بصت فيه ، و اتكلمت سيرين بضحك ....
سيرين:كفايه بقي بص في الساااعه ، طول ما انتي بتعدي الدقايق كده الوقت مش هيعدي
ايسل بضحك:مش قادره يا بت ، هتجنن
سيرين:اهدي يا حبيبتي ربنا يهديكي .. الصبر حلو
ايسل:ههههههههه حاضر
سيرين:حضرلك الخير يا موزتي
ايسل:....
( روايات بسوم )
___________________________________
الساعه 5 المغرب .. في المستشفي اللي فيها بيبرس .....
واقفه لوسيندا و جنبها روميساء ، و بيبصوا علي بيبرس من باب الغرفه اللي قاعد فيها .. و هما سرحانين و بيبصوا عليه بدأ يفوق تدريجياً ، و فجأه !!....
.........................
#بسمه_ممدوح