بركان أنشقاقي

* الفصل السادس و العشرون *

ايسل:فارس ، انت عندك استعداد تعمل اي حاجه عشان ما ابعدش عنك بجد ؟
فارس بإندفاع:اها و الله
ايسل:اي حاجه اي حاجه يعني ؟
فارس:اي حاجه و الله
ايسل بتفكير:امممممم خلاص انا مستعده اسامحك و ما ابعدش عنك خالص ، بس بشرط
فارس:شرط ! شرط ايه ده ؟
ايسل:هقولك بس لو هتنفذه
فارس:اعرفه و هنفذه
ايسل:لا ، تقول الاول انك هتنفذه
فارس:قبل ما اعرفه ؟
ايسل:ايوه ، عشان انت لو عايزني هتعمل اي حاجه و هتوافق علي اي حاجه
فارس:خلاص يا ستي ، و انا موافق علي الشرط ده مهما كان
ايسل:اكيد ؟
فارس:و الله اكيد .. ممكن اعرفه بقي
ايسل:اللي حكيتهولي ده كله تقوله في المحكمه
اتصدم فارس من كلام ايسل ، و سكت و ايسل كملت كلام ....
( روايات بسوم )
ايسل:سكت يعني ؟ ماشي يا فارس ، بعد اذنك
فارس بإندفاع:استني بس رايحه فين ؟
ايسل:رايحه في داهيه ، مالكش دعوه بيا
فارس:استني بس ، انا ماسكتش عشان رافض
ايسل:اومال عشان ايه بقي !
فارس:عشان بفكر ، انا كده ممكن البسها معاهم
ايسل:بالعكس ، انت كده بتشهد عليهم .. و ده حتي لو انت مُتهم فيها هيعتبروك شاهد ملك ، و انت اصلا مالكش دعوه بحاجه .. بس لما تقول الكلام ده هتكبر في نظري و في نظر نفسك ، و علي الاقل هتحسن موقفك قدام اللي انت عملت فيهم كده .. و بعدين المفروض انك محامي يعني و فاهم ، مش انا اللي هفهمك .. و بردو القرار في الاول و الاخر ليك انت
فارس بتفكير:ماشي يا ايسل ، و انا موافق
ايسل:و لو رجعت في كلامك ؟
فارس:مش هرجع يا ايسل في حاجه قولتها
ايسل:لما نشوف يا فارس ، عشان دي هتكون اخر فرصه ليك معايا
فارس:و انا مستعد اعمل اي حاجه عشان بس تفضلي معايا
ايسل:ماشي
فارس:فكي بقي عشان خاطري ، انتي وحشتيني اوي
ايسل بكسوف:ماشي يا فارس
فارس:بقولك وحشتيني
ايسل:اعمل ايه يعني
فارس:ردي و خلي عندك دم
ايسل:ههههههههه و انت كمان وحشتني
فارس:طب بقولك ايه
ايسل:قول
فارس:تعالي نتمشي علي النيل شويه .. وحشتني اوي التمشيه علي النيل معاكي
ايسل بتفكير:امممممممم
فارس:اوووعي تقولي مش موافقه
ايسل:لا موافقه
فارس:بجد ؟
ايسل:اها و الله
فارس:طب يالا بينا
قرب فارس منها و مسك اديها ، و راحوا علي النيل مع بعض .. اتمشوا كتير و هما بيتكلموا ....
فارس:مش مصدق نفسي انك معايا
ايسل:عارف لو اتغيرت بجد ، هفضل طول حياتي معاك
فارس:و الله اتغيرت
ايسل:فارس
فارس بإنتباه:قلب فارس
ايسل:بحبك
فارس بفرحه:اييييه ؟
ايسل برقه:بحبك
في اللحظه دي شالها فارس قدام كل الناس و لف بيها جااامد و هو بيتكلم ....
فارس:انا فرحان اوووووي ، و بحبك اوووووووووي
ايسل:نزلني يا مجنوووون
فارس:بقولك بحبك
ايسل:و انا كمان اقسم بالله بحبك اوووي ، بس نزلني
ضحك فارس بكل فرحته ، و حضنها و هي متعلقه في رقبته بحكم فرق الطول اللي بينهم .. بدأت تدمع ايسل في حضنه ، فنزلها وقفها قدامه و مسك اديها ، و اتكلم ....
فارس:ماليش غيرك و مش عايز غيرك و مش شايف غيرك .. انا همووووت من غيرك
بصتله ايسل علي فوق بنظره دلع ، و اتكلمت بحب ....
ايسل:طب ما ينفعش تخليها بموت فيكي احلي ، و تبطل الكلام العبيط ده ، عشان انا ما اقدرش اعيش من غيرك
فارس:و الله العظيم بموت فيكي
ايسل بحنيه:بعشقك
فارس:...
( روايات بسوم )
___________________________________
بليل ، عند بيبرس في المستشفي .....
بعد ما خلص الدكتور الجلسات مع بيبرس ، و سابه يرتاح .. دخلت روميساء قعدت معاه ، و بدأوا يتكلموا و هي ماسكه اديه ....
روميساء:كنت هموت عليك يا بسام
بيبرس:ما تقلقيش عليا يا حبيبتي ، انا كويس
روميساء:يارب تبقي علي طول كويس ، و ما اتحرمش منك ابداً
بيبرس:يارب و يخليكي ليا يا حبيبتي
روميساء:يارب ، قولي بقي افتكرت حاجه ولا لسه ؟
بيبرس:يعني شويه كده
روميساء:ربنا يشفيك يا حبيبي و يقومك ليا بالسلامه يارب
بيبرس:باذن الله يا حبيبتي ، بس خدي بالك من نفسك عشان خاطري
روميساء:حاضر
بيبرس:حضرلك الخير يا احلي حاجه في الدنيا
ابتسمت روميساء بفرحه ، و قبل ما تتكلم قاطعها صوت خبطت الباب .. سكتت بخنقه و بصت علي الباب و اتكلمت ....
روميساء:ادخل
فتحت لوسيندا الباب و دخلت ، و اتكلمت ....
لوسيندا:خلصتوا كلام ولا لسه ؟
روميساء بضيق:احنا مالحقناش نقول كلمتين علي بعض
لوسيندا بغيظ:بس انا محتاجه اتكلم معاه في حاجات مهمه .. عايزه اتكلم معاه في شغل ، ده بعد اذنك يعني
بصت روميساء لبيبرس بخنقه ، و بيبرس اتكلم ....
بيبرس:معلش يا حبيبتي ، اخرجي و سيبيها معايا شويه ، انا بردو محتاج اعرف كل حاجه عن الشغل .. ماتزعليش
روميساء:حاضر يا بسام ، مش زعلانه .. خد بالك بس علي نفسك
بيبرس:ما تقلقيش عليا .. و شويه و هقعد معاكي تاني
روميساء:حاضر
بيبرس:حضرلك الخير
باست روميساء اديه بحب ، و قامت وقفت و اتكلمت ....
روميساء:بعد اذنكوا
( روايات بسوم )
خرجت روميساء من الاوضه ، و قبل ما تقفل الباب كانت لوسيندا هبدت الباب بغيظ ، و دخلت قعدت علي الكرسي اللي جنب سرير بيبرس ، و هي بتتكلم بعصبيه ....
لوسيندا:هو في ايه !! حبيبتي حبيبتي ، و ماتزعليش و محن و زفت و نيله علي دماغك ، في ايه ؟
بيبرس بصدمه:نيله علي دماغي !
لوسيندا بغيظ:ايوه ، هو ايه .. انت مش مراعي اني واقفه قدامك و انت بتتكلم معاها كده !!!
بيبرس:في ايه يا لوسيندا ، دي مراتي بردو ، عايزاني اتكلم معاها ازاي يعني ؟!
لوسيندا:مراتك ، يا بجحتك .. و بتقولها في وشي كده !! انت عايز تموتني
بيبرس:بعد الشر عليكي يا حبيبتي
لوسيندا:حبك برص .. انت مجنون يا ابني ، بتحب اتنين !!
بيبرس بحب:لا ، بحبك انتي .. بس هي بحب حبها ليا و طيبتها و حنيتها و برائتها
لوسيندا:اها يعني بتحبها ، قول انك ما بتحبنيش ، قول ما تتكسفش
بيبرس بعصبيه:انتي غبيه ! ما تعصبينيش بقي
لوسيندا:يعني ايه ؟
بيبرس:يعني دي مراتي ، و ماينفعش اتعامل معاها غير كده ، و بعدين هي كويسه و طيبه و بتحبني
في الوقت ده ، قامت لوسيندا وقفت ، و اتكلمت بإنفعال ....
( روايات بسوم )
لوسيندا:نعم !! طب ما انا كمان مرااااتك ، و لحد دلوقتي مش عايزه اتكلم عشانك ، عشان عارفه انك تعبان و مش حمل مشاكل .. بس اقسم بالله عندي استعداد اطلع دلوقتي اقولها علي الحقيقه
غمض بيبرس عينيه بتعب و فتحها .. بص للوسيندا بضعف و مسك اديها و اتكلم ....
بيبرس:ممكن تقعدي ، و تفهميني .. المفروض اننا مع بعض في مركب واحده ، ليه بقي انتي عايزه تغرفي المركب دي !! عشان خاطري يا لوسيندا اعقلي ، انا بحبك و انتي عارفه كده كويس
قعدت لوسيندا ، و اتكلمت بكسره ....
لوسيندا:8 سنين بنحب بعض ، و في الأخر بعد ما نتجوز ، تروح تتجوز عليا .. هو ده الحب من وجهه نظرك !!
بيبرس:و الله كنت فاقد الذاكره ، انتي مش فاهمه ليه .. انا لحد دلوقتي ما افتكرتش غير حاجات بسيطه ، يعني انتي شايفه بنفسك
لوسيندا:ايوه شايفه
بيبرس:اومال في ايه بقي .. اعقلي يا لوسيندا ، انا كنت شايفك فيها .. لما اتجوزتها كنت حاسك جواها ، قلبي اللي بيحبك ماكنش ناسيكي لما فقدت الذاكره ، عشان كده جسدك في الوحيده اللي قربت مني ، و اتجوزتها و انا في عالم تاني .. ما تزعليش مني عشان خاطري ، استحمليني لحد ما ربنا يحلها من عنده
بصت لوسيندا في الارض ، و اتكلمت بحزن ....
لوسيندا:حاضر .. هستحملك يا بيبرس ، و ده عشان بحبك بس
بيبرس:و الله العظيم انا كمان بحبك اوي
لوسيندا:ماشي .. ممكن بقي نتكلم في المهم ؟
بيبرس:ايه المهم ؟
لوسيندا:الشغل ، و الحاجات المهمه الي انا عايزاك فيها
بيبرس:ماشي ، انا معاكي .. قولي كل اللي انتي عايزاه
في اللحظه دي ، قامت لوسيندا و خرجت من الاوضه و ندهت تيسير .. دخل تيسير معاها عند بيبرس و قفلوا الباب .. و هما الاتنين قعدوا معاه ، و خرجت لوسيندا كل المستندات اللي معاها ، و خرج تيسير اللاب توب بتاعه من الشنطه ، و بدأوا يفهموا بيبرس علي كل حاجه ، و بدأ بيبرس يفتكر معاهم حاجات كتير ، و كل ما بيشرحوله اكتر و كل ما بيشوف حاجات اكتر بيفتكر .. لحد ما خلصوا كل حاجه ، و قبل ما يمشوا خرجت لوسيندا الخط اللي معاها .. اول ما شافه بيبرس ، اتكلم بإندفاع ....
بيبرس:الخط ده عليه اربع ارقام صح ؟
لوسيندا:صح
بيبرس:رقم الخط اللي زيه معايا .. و رقم عاصي رئيس التحرير .. و رقم ماهر المحامي .. و رقم والدتك ، مش كده ؟
لوسيندا:ايوه ، تقريباً
بيبرس:تمام كده ، انا فهمت .. حد فيكوا يخلي روميساء تروح تجيبلي الخط بتاعي و الميموري كارت و صوره البطاقه من البيت ، ضروري
لوسيندا:ماشي حاضر ، انا هقولها
بيبرس:ماشي ، بس قوليلها ما تتأخرش
لوسيندا:حاضر
خرجت لوسيندا من الاوضه و راحت قالت ل روميساء ، و رجعت تاني قعدت مع بيبرس و تيسير .. و مشيت روميساء مع عمار راحوا يجيبوا ل بيبرس الحاجات اللي عاوزها من البيت ....
( روايات بسوم )
___________________________________
تاني يوم الصبح .. في القاهره .....
وصلوا نضال و مادلين المشرحه ، بعد ما خبر وفاه ثروت انتشر في البلد كلها .. استلموا جثته ، و بدأوا في اجرائات دفنه ، و الظهر كان اتدفنت .. و اكبر رجال الاعمال في البلد و الدكتور عدنان و فادي و طلال ، و غيرهم دكاتره كتير ، و صحفين و محامين ، و ناس كبيره جداً في البلد ، كانوا كلهم موجودين وقت دفنته .. و بعد ما خلصوا ، روحت مادلين و معاها نضال علي طول ، عشان يستعدوا للعذاء بليل ....
( روايات بسوم )
___________________________________
الساعه 3 العصر ....
قاعد فارس في مكتب المحاماه بتاعه ، و بيقرأ الجرنال ، فجأه قام وقف و كان مصدوم جداً من الخبر اللي قرأه في الجرنال .. بعد ما استوعب الخبر ، قعد و مسك موبايله و اتصل ب ايسل ....
( روايات بسوم )
ايسل:الو
فارس:ايه يا ايسل
ايسل:انت مش لسه قافل معايا من شويه يا مجنون ، و قايلي ان عندك شغل
فارس:ايوه حصل ، بس شوفت خبر في الجرنال ، ماعرفتش اصبر ، كان لازم اكلمك و اقولك عليه
ضحكت ايسل اوي و اتكلمت ....
ايسل:خبر وفاه استشاري المخ و الاعصاب الكبير ثروت زفت
فارس:ايه ده ؟ انتي قرأتيه !
ايسل:ايوه طبعاً ، و فرحت جداا .. احسن ان ربنا اخده و ريحنا منه
فارس:لا مش احسن ، كان نفسي اواجهه
ايسل:مش مهم ، اللي اكبر منه موجودين ، و هتواجههم
فارس:ماشي
ايسل:مزعل نفسك ليه بس .. ربنا يكحمه مطرح ما راح
ضحك فارس علي كلام ايسل و اتكلم ....
فارس:مالك بقيتي لوكل اوي كده ليه
ايسل بضحك:من بعض ما عندكم يا اخويا
فارس:ههههههه ماشي يا اختي .. هروح بقي اكمل شغل ، و هكلمك لما اخلص
ايسل:ماشي يا بيبي ، مستنياك
فارس:بيبي !! اقفلي يا ايسل و النبي
ايسل:هههههههه حاضر .. بااااااي
فارس:باااي
( روايات بسوم )
___________________________________
بعد ساعه .. عند كارما و دياب في البيت ....
كارما في المطبخ بتحضر الغدا .. و دياب قاعد في الصاله .. و فجأه موبايل كارما رن ، مسك دياب الموبايل و بص علي الرقم و هو بينادي علي كارما ....
( روايات بسوم )
دياب:كارما ، يا كارماااا .. موبايلك بيرن يا حبيبتي ، يا كارما
خرجت كارما من المطبخ بسرعه ، و هي بتتكلم ....
كارما:ايييه ، ايه يا دياب .. في ايه ؟
دياب:موبايلك بيرن
كارما:مين ؟
دياب:مش عارف ، رقم غريب
كارما:طب هات اشوف مين
اخدت كارما الموبايل من دياب ، و ردت ....
كارما:الو
- الو
و فجأه !!....
........................
#بسمه_ممدوح