بركان أنشقاقي

* الفصل الرابع *

شرب بسام و ساب الكأس علي ترابيزه صغيره جنبه ، و بص ل روميساء ب إستغراب و بعد تفكير ثواني أتكلم ....
بسام:أنتي مين ؟ و انا أيه اللي جابني هنا !
روميساء :مش لما أعرف الأول أنت مين ؟
بسام بتفكير:انا ؟
روميساء:أيوه
سكت بسام ، و بعد لحظات رد ....
بسام:مش عارف
بصتله روميساء ب إستغراب ، و ردت ب عدم فهم ....
روميساء:مش عارف أيه !!
بسام بحُزن:مش عارف انا مين .. بس بيقولوا لي بسام
روميساء بحيره:انا مش فاهمه حاجه !
بسام:و الله العظيم ولا انا
بعد كلام بينهُم طال ل رُبع ساعه .. وصل عمار البيت .. فتح باب الشقه و دخل و هو مُبتسم ، و بيتكلم ب فرحه و هو بيقفل الباب ....
عمار:فوقتيه يا روميساء .. برافو عليكي
في اللحظه دي .. أتكلم بسام في باله ب شرود .. بس نطق كلامه علي لسانه ب دون وعي ....
بسام:روميساء كمان ! أسمها حلو أوي ، و لايق عليها و علي جمالها
في الوقت ده .. بصله عمار ب إنتباه و أتكلم ....
عمار:بتقول حاجه يا أبني ؟
أنتبه بسام ، و رد بسُرعه ....
بسام:ها ، لا ما بقولش .. اها بقول ، انا عايز أعرف انا فين عشان انا مش فاهم حاجه بصراحه .. أنتوا تعرفوني ؟
في اللحظه دي .. أخد عمار نفس ب حُزن ، و قعد جنب بسام علي الكنبه و أتكلم ب حيره ....
عمار:أحنا ما نعرفكش يا أبني .. بس قولي أنت مالك ؟؟ أزاي مش عارف حاجه !
بسام بحُزن:انا فاقد الذاكره .. مُمكن تحكيلي بس انا جيت هنا أزاي ، و انا هحكيلك كُل حاجه
عمار:حاضر يا أبني
بدأ عمار يحكيله كل اللي حصل ، و بعد ما خلص بصله بسام ب تفكير و ما ردش ، و عمار أتكلم بعد لحظات ....
عمار:ممكن أنت بقي تحكيلي حكايتك
بسام:أكيد .. بس انا مش عايز اللي هحكيه دي يأثر عليكوا .. عشان انا أقسم بالله ما بفكر أعمل أي حاجه وحشه ، ولا مصدق أصلاً أني عملت كده أو أني كده من الأساس
عمار بقلق:أحكي يا أبني
بسام بخوف:الكلام ده هيكون سر بينا ؟
عمار:وعد يا أبني هيكون سر
بسام بإرتياح:ماشي .. انا صحيت النهارده الصُبح لقيت نفسي في مستشفي و ...
بدأ يتكلم بسام و يحكي كل اللي حصل من أول ما فاق لحد ما الدكتور هربه .. و أول ما سكت أتكلمت روميساء ب صدمه ....
روميساء:أييييه ده ! يعني أنت تاجر مخدرات ؟!!
في اللحظه دي .. أتكلم عمار ب إندفاع ....
عمار:أسكتي يا روميساء أنتي
روميساء:يعني أيه يا بابا .. حضرتك مش سامع هو بيقول أيه
عمار:الولد ما كدبش .. بس في حد تاني هو اللي كدب
في الوقت ده .. أتكلموا روميساء و بسام ب إستغراب في لحظه واحده بعد تفكير ....
- حد مين !!
بص عمار ل بسام ، و بدأ يتكلم .. و بسام بيسمعه ب تركيز ....
عمار:بص يا بسام يا أبني ده لو كان أسمك بسام أصلاً .. انا كنت محامي علي قدي كده .. محامي الناس الغلابه هنا في الحاره و الحواري اللي جنبنا .. كنت آه صغير و علي قدي بس كنت شاطر قبل ما أتعب و أبطل شغل .. بس طول عمري بشم ريحة الكدب من علي بُعد ، و أفهم مين صادق و مين كداب
بسام بتفكير:يعني أيه ؟!
عمار:يعني كلام الدكتور ده وراه حاجه ، و مش صح و ما يدخُلش الدماغ
في الوقت ده .. أتكلم بسام ب فرحه و إندفاع ....
بسام:يعني انا ماعملتش كده !!
عمار:بإذن الله هنتأكد .. و هنقعد كتير و نتكلم مع بعض ، و بإذن الله هنلاقي حل
بسام بضعف:أمتي ؟!
عمار:الصباح رباح يا أبني ، و الأيام لسه قدامنا كتير .. المهم دلوقتي روميساء هتحضر لك لقمه تأكلها ، و بعدين تنام .. و أحنا كمان هننام علشان روميساء بتنزل كليتها بدري
بسام بإبتسامه:هي في كليه أيه !
عمار:في تانيه صيدله
بسام:ما شاء الله
بص عمار ل روميساء و أتكلم ....
عمار:يالا بقي يا روميساء يا بنتي روحي حضري ل بسام حاجه يأكلها ، و انا هدخل أظبط له أوضتي علشان ينام فيها
في اللحظه دي .. قاطعه بسام و أتكلم ب إندفاع
بسام:أوضتك أيه يا حج ! لا انا هنام هنا مكاني علي الكنبه
عمار:لا يا أبني ما يصحش مش دي أخلاقنا
بسام:انا عارف يا حج .. بس و الله ما هنام غير هنا مكاني
عمار:بس انا عايز راحتك
بسام:و انا مرتاح كده و الله
عمار:خلاص يا أبني علي راحتك
أبتسم بسام .. و دخلت روميساء حضرت له أكل ، و طلعت حطيته ليه علي الترابيزه جنبه ، و أتكلمت ....
روميساء:عايز حاجه تاني قبل ما أنام ؟
بسام:لا ربنا يخليكي تسلم أيدك .. روحوا ناموا بقي ، و انا هأكل و هنام لاني تعبان فعلاً
رد عمار قبل ما روميساء تتكلم ....
عمار:ماشي يا أبني .. تصبح علي خير
بسام:و أنتوا من أهله
مشي عمار هو و روميساء ، و وقف مع روميساء علي باب أوضتها و كلمها ب صوت واطي ....
عمار:أقفلي علي نفسك ب المفتاح و أنتي نايمه
ردت روميساء ب إستغراب ....
روميساء:أنت مقلق منه يا بابا ؟
عمار:مش ب الظبط .. هو باين عليه أوي أنه أبن ناس .. بس المثل بيقول يا بنتي حرص ولا تخون
روميساء:حاضر يا بابا .. تصبح علي خير
عمار:و أنتي من أهل الخير يا حبيبتي
دخلت روميساء أوضتها ، و قفلت الباب ب المُفتاح ، و نامت .. و عمار كمان دخل أوضته و نام .. و بسام خلص أكله و غرق في نوم عمييق ....
( روايات بسوم )
___________________________________
تاني يوم الصبح ...........
في بيت كارما و دياب .....
صحيت كارما من النوم مفزوعه و بتصرخ .. صحي دياب مخضوض علي صوتها .. و قام قعد و أتكلم ب قلق ....
دياب:مالك يا كارما ؟!
كارما:كابوس يا دياب كااابوس .. بنتي يا دياب
دياب:لا حول ولا قوه إلا ب الله .. أستهدي بالله يا حبيبتي بس
أخد مياه من جنبه علي الكومود ، و عطاها ل كارما و هو بيتكلم ....
دياب:أشربي و أهدي كده ، و أستعيذي ب الله من الشيطان
كارما:أعوذ بالله من الشيطان الرجيم
شربت كارما ، و عطت الكأس ل دياب ، و أتكلمت ب قلق ....
كارما:بنتي يا دياب .. قلقانه عليهااا
دياب:لوسيندا مش صغيره يا كارما .. لوسيندا عارفه هي بتعمل أيه كويس جداً .. و بعدين دي مش أول مره تسافر فيها
كارما بضعف:ما انا عارفه
دياب:أومال مالك بس .. فيكي أيه !
كارما بدموع:مش عارفه يا دياب بس انا تعبانه و الله
دياب:أهدي طيب يا حبيبتي ، و انا جنبك .. نامي و ما تقلقيش
كارما:حاضر .. أسترها ياااارب من عندك
دياب:...
( روايات بسوم )
___________________________________
في بيت مادلين .........
بتفتح مادلين علي چمانه أوضتها .. و السيجاره في أيديها و بتأخُد نفس منها بعد ما دخلت الأوضه و وقفت جنب السرير .. و بعد ما أخدت نفس السيجاره نفخت الدُخان في أتجاه چمانه ، و أتكلمت ب صوت مُزعج ....
مادلين:چمااانه ، چمااانه .. الساااعه 8
في الوقت ده .. قامت چمانه مخضوضه ، و أتكلمت ب دون أستيعاب ....
چمانه:إيه أيه .. في أيه
بصت لها مادلين ب إستحقار ، و بدأت تمشي في الأوضه ب هدوء و ب خطوات بطيئه ، و بتتكلم ب إستفزاز ....
مادلين:الساعه 8 ، و انا ما بحبش الدلع .. تعملي حسابك من دلوقتي انا مش كل يوم هدخل أصحي معاليكي .. مواعيدك معايا لازم تكون مظبوطه ب الثانيه .. كل يوم الساعه 8 ب الدقيقه ألاقيكي صاحيه و في المطبخ بتجهزي لي الفطار ، و نومك هيكون ب مزاجي .. وقت ما أقولك نامي تنامي و مش معني أنك بتنامي متأخر يبقي تصحي لي الظهر .. لا يا ماما لو الساعه 7 قولتلك تنامي بردو تصحي 8 .. عشان انا اللي بيقرفني ما يلزمنيش
قامت چمانه بسُرعه من علي السرير وقفت ، و ردت و هي باصه في الأرض ب كسره ....
چمانه:تحت أمرك يا هانم
مادلين بتكبُر:طبعاً .. أتفضلي علي المطبخ جهزي لي الفطار ، و ما تنسيش القهوه المظبوط .. أنتي فاهمه ؟
چمانه بإندفاع:فاهمه طبعاً يا مادلين هانم .. بعد أذن حضرتك
و قبل ما تمشي چمانه أتكلمت مادلين ....
مادلين:أستني
وقفت چمانه و بصت ل مادلين ، و أتكلمت ب هدوء ....
چمانه:نعم يا هانم
مادلين:عشر دقايق ما تتأخريش .. و لما تخلصي تعالي بلغيني في المكتب
چمانه:حاضر .. بعد أذنك
مشيت چمانه بسُرعه و راحت علي المطبخ .. و دخلت مادلين أوضه المكتب ....
( روايات بسوم )
___________________________________
في مكان تاني ..........
مكان عتمه و ظلام ، و كل ركن فيه يخوف .. و أيسل ماشيه فيه ب هدوء بس القلق مسيطر عليها ، و فجأه و هي ماشيه شافت قفص فيه بنت و معاها أسد بيأكل و بيهنش فيها .. خافت أيسل و جريت بعيد ، و بعد ما تعبت من الجري وقفت تأخُد نفسها .. و فجأه وقفت في صدمه أول ما شافت شاب متعلق في شجره من رقبته ب حبل ، و شاب تاني بيربُط الحبل علي رقبته أكتر و أكتر و بيخنقه و بيشنقه ب قسوه و هو متعلق في الشجره .. بس أيسل ما كانتش شايفه ملامحهُم .. و أول ما وشهم ظهر و شافتهُم أتصدمت ، و صرخت لما شافت الشاب اللي بيربط الحبل علي رقبه الشاب التاني ....
أيسل بصدمه:فااااااااااارررس .. ؟!!!!!
.........................
#بسمه_ممدوح