بركان أنشقاقي

* الفصل الثامن عشر *

صحيت مادلين من النوم بقلق ، و بصت جنبها علي السرير و اتكلمت ....
مادلين:ايه ده .. فين ثروت !!
استغربت انه مش نايم جنبها .. قامت قعدت و مسكت موبايلها بصت فيه ، و اتكلمت ....
مادلين:يا خبر .. ايه ده ، الساعه 5 !! اومال ثروت فين كل ده !?
قامت مادلين من السرير ، لبست الروب بتاعها ، و نزلت تدور علي ثروت ....
راحت علي المكتب ، فتحت الباب و دخلت علي طول .. اول ما دخلت وقفت مصدومه ثواني ، و فجأه اتكلمت بصوت عالي .....
مادلين:ثرووووووووووت !!!!!
( روايات بسوم )
صرخت مادلين ، و جريت علي ثروت حاولت تقومه ، لانه كان مرمي علي المكتب .. حاولت كتير تفوقه بس ما فاقش .. اتصلت بالأسعاف ، و بعد نص ساعه ، جم و اخدوه علي المستشفي ، و مادلين و نضال راحوا معاه .....
بعد ساعه ......
خرج الدكتور و اتكلم مع نضال و مادلين .....
الدكتور:انتوا تقربوا ليه ايه ؟
مادلين:انا مراته يا دكتور ، و ده ابنه
الدكتور:طيب شدوا حيلكوا
اتصدموا هما الاتنين .. و بعدين مادلين اتكلمت .....
مادلين:يعني ايه ؟؟
الدكتور:الباقيه في حياتكوا
مادلين:ايييه !! ماااات ??? ازااااي !!?
الدكتور:شدي حيلك يا هانم .. المهم دلوقتي ان سبب الوفاه من الواضح انه مش طبيعي .. و كده هنضطر ننقل الدكتور ثروت للمشرحه عشان نعرف سبب الوفاه
مادلين بحزن:لااااا .. مشرحه لا ، انا مش عايزاه يتبهدل
نضال بإنفعال:لا ازاااي يعني !! لازم يروح المشرحه و نعرف سبب الوفاه .. مادام الدكتور بيقول ان الوفاه مش طبيعيه ، يبقي مش بعيد يكون اتقتل .. المفروض بقي نعرف مين اللي قتله و قتله ازاي عشان حقه يجي .. ولا حضرتك عايزه تسيبي حقه !!!?
مادلين:لا و الله يا حبيبي مش كده
نضال:طيب خلاص ، سيبي الدكتور يشوف شغله
سكتت مادلين لثواني ، و بصت في الارض و اتكلمت ....
مادلين:شوف يا دكتور الصح و اعمله ، و نضال معاك
الدكتور:تمام .. هننقله النهارده علي المشرحه
نضال:تمام
( روايات بسوم )
___________________________________
الصبح .. في بيت عمار ......
صحي بسام من النوم ، و قام من جنب روميساء بهدوء عشان ما تحسش بيه .. دخل المطبخ و حضر الفطار ، و اخده في صينيه .. و دخل الاوضه حط الصينيه علي المكتب ، و قفل الباب بهدوء ، و قعد جنب روميساء علي السرير ، بيتفرج عليها و سرحان في ملامحها و برائتها و جمالها ، و بدأ يلعب في شعرها الناعم بهدوء و يبوسها من راسها ، لحد ما فاقت و فتحت عنيها و بصتله بحب .. و هو اتكلم .....
بسام:صباحيه مباركه يا احلي عروسه في الدنيا كلها
ردت روميساء بنوم و خجل و حب ، و هي بتبص في عينيه .....
روميساء:صباح الورد يا حبيبي
بسام بفرحه:الله علي حبيبي منك .. هموووووت
روميساء بلهفه:بعد الشر عليك ، ما تقولش كدت تاني
اخد بسام نفسه اوي ، و نام جنبها ، و بصلها و هو نايم و اتكلم ....
بسام:ليه يعني ؟ خايفه عليا !?
روميساء:طبعا
بسام:بتحبيني ؟
روميساء:اوووووي
بسام:من امتي ؟
روميساء:مش عارفه ، لقيت نفسي بحبك .. يمكن من اول ما شوفتك ، مش عارفه
بسام:ههههههههه انا بقي بحبك من ساعه ما فتحت عنيا و شوفتك قدامي
روميساء:بجد
بسام:بجد اووووي
روميساء:ربنا يخليك ليا
بسام:يارب يا روحي ، و يخليكي ليا
ابتسمت روميساء بفرحه ، و بسام كمل كلام ....
بسام:قومي بقي يالا عشان نفطر ، انا حضرت الفطار
اتصدمت روميساء و فرحت جداً ، و اتكلمت ....
روميساء:ايييه ده ! بجد ؟؟
بسام:اها و الله بجد .. هو ينفع القمر ده يدخل المطبخ بردو
روميساء:بس بقي عشان بتكسف
بسام:لا و الله
روميساء بكسوف:اها و الله
بسام:هههههههه طب يالا قومي عشان نفطر .. ولا اقولك
روميساء:تقول ايه ؟
بسام:استني
قام بسام وقف علي السرير ، و شالها علي اديه الاتنين و اخدها في حضنه اوي .. و نط من فوق السرير و هو شايلها ، و ضحكتهم مليت المكان كله .....
( روايات بسوم )
___________________________________
الساعه 10 .. في مبني الصحافه .....
قاعدين ايسل و سيرين في مكتبهم ، و بيتكلموا .....
ايسل:مش عارفه يا سيرين راح فين ولا حصله ايه .. قلقانه عليه اوي
سيرين:طب ما تكلميه
ايسل:انتي مجنوووونه !! اكلمه ازاي ؟ ابقي لسه قيلاله الكلام اللي حكيتهولك ده امبارح ، و اروح اكلمه عادي كده !! فين كرامتي بقي ؟
سيرين:الموضوع مش موضوع كرامه ، انتوا بتحبوا بعض ، مافيهاش حاجه يعني لو اطمنتي عليه
ايسل:مستحيل يا سيرين .. و بعدين ده انا قولتله انا بكرهك .. مش عارفه انا قولت كده ازاي ، انا اها زعلانه منه و مش طيقاه بس ما بكرهوش ، فهماني ؟
سيرين:فهماكي اوي .. الكلام طلع من وجعك ، بس هو اكيد اخده بجد
ايسل:ايوه طبعا اخده بجد .. عشان كده قلقانه عليه
سيرين:طب ما يمكن يكون روح عادي .. و يكون كويس يعني ما حصلوش حاجه
ايسل:ما انا عارفه .. انا بس خايفه يكون زعلان
سيرين:انتي مجنونه صح ؟ مش طبيعيه و الله
ايسل بحزن:مجنونه بحبه .. بحبه اوي يا سيرين
سيرين:طب كلميه طيب اطمني عليه ، بلاش تركبي دماغك
ايسل بتفكير:خلاص هستني كام يوم ، لو ما اتصلش انا هتصل بيه
سيرين:براحتك ، اعملي اللي انتي شيفاه صح
ايسل:....
( روايات بسوم )
___________________________________
في بيت مادلين .....
مافيش اي حد في البيت غير چمانه .. كانت قاعده في اوضتها في حيره ، و بعد تفكير كتير ، قامت لبست جوانتي في اديها .. و طلعت من اوضتها ، دخلت المكتب ، و بدأت تفتش فيه بهدوء ، بس ما لقيتش اي حاجه .. و فجأه و هي بتفتش سمعت صوت رساله علي موبايل ثروت .. فتحت درج المكتب بسرعه و اخدت الموبايل و فتحت الرساله و قرأتها ....
- بتصل بيك كتير يا ثروت بيه ما بتردش .. علي العموم الواد اللي باعتني اراقبه اللي مستخبي في حاره **** اتجوز بنت الراجل اللي قاعد في شقته ، و عرفت كمان ان اسمها روميساء .. انا كده قولتلك المهم يا دكتور ، لما تشوف رسالتي بقي ابقي كلمني
بعد ما قريت چمانه الرساله .. مسكت ورقه و قلم من المكتب ، و كتبت اسم البنت و اسم الحاره اللي في الرساله ، و شالت الورقه معاها ، و رجعت القلم مكانه ، و مسحت الرساله من موبايل ثروت عشان ما يبانش ان في رساله وصلت و اتفتح في وقت وجوده في المستشفي .. و حطيت الموبايل زي ما كان في الدرج ، و قفلت الدرج و رجعت كل حاجه زي ما كانت ، و خرجت من المكتب علي طول .. دخلت علي اوضتها و قلعت الجوانتي ، و مسكت الورقه اللي معاها بصت فيها شويه ، و شالتها تاني .. و قامت قفلت الباب ، و قعدت مع نفسها ....
( روايات بسوم )
___________________________________
في المستشفي ، في اسكندريه ....
قاعد عدنان في مكتبه ، و بيتكلم في الموبايل ....
عدنان:ايه يا طلال .. تعالي علي مكتبي حالا
طلال:خير يا دكتور ؟
عدنان:هتعرف لما تيجي
طلال:حاضر يا دكتور ، ثواني و اكون عند حضرتك
عدنان:بسرعه ، و هات فادي معاك
طلال:حاضر يا دكتور عدنان ، تحت امرك
عدنان:بسرعه مستنيكم ، يالا سلام
طلال:سلام يا دكتور
قفل طلال مع عدنان ، و راح لفادي مكتبه اخده و راحوا لعدنان .. خبطوا و دخلوا علي طول ، و طلال اتكلم ....
طلال:خير يا دكتور ؟ في ايه !!
عدنان:تعالوا اقعدوا بس الاول
دخلوا قعدوا ، و عدنان اتكلم .....
عدنان:ثروت
طلال بقلق:ماله !!
عدنان:بتصل بيه مش بيرد .. اتصلت بيه خمسين مره
طلال:يعني ايه !?
عدنان:مش عارف .. انا مش مطمن
فادي بخوف:يعني يكون غدر بينا ؟!!
عدنان بعصبيه:غدر بينا ايه انت كمان .. انا قلقان يكون جراله حاجه
طلال:لا يا دكتور بعد الشر ، ممكن يكون مشغول ولا حاجه
عدنان:مشغول في ايه يعني !! هو وراه حاجه في القاهره !? و بعدين عمره ما عملها ، دايماً موبايله في ايده ، و اول ما بتصل بيه بيرد علي طول
فادي:يعني هيكون ايه اللي حصل يا دكتور ؟!
عدنان:الله اعلم .. المهم حد فيكوا معاه رقم مراته ؟
فادي:لا مش معايا
طلال:ولا معايا
عدنان:اممممم طب هنعمل ايه !!
طلال:حاول معاه تاني يا دكتور ، و لحد بكرا لو ماردش ، يبقي حد فينا يسافرله القاهره و يشوفه
عدنان:حد فينا مين !?
طلال:انا او فادي
عدنان:اممممم ماشي هو حل .. ربنا يستر بقي
طلال:ما تقلقش يا دكتور ، خير باذن الله
عدنان:...
( روايات بسوم )
___________________________________
بعد ساعتين .. في بيت مادلين .....
قاعده چمانه في اوضتها ، و باب الفيله خبط .. قامت خرجت من اوضتها و فتحت ....
اول ما فتحت وقفت مصدومه ، و ذكريات كتير مش متربه و ملغبطه بتدور في دماغها .. و احساس غريب محاوطها و خوف مش عارفه مصدره .. و فجأه الشخص اللي قدامها اتكلم بإرتباك ....
( روايات بسوم )
- لو سمحتي ممكن اقابل دكتور ثروت ؟
ردت چمانه بخوف و قلق ، و رعشه في صوتها واضحه جداً ....
چمانه:دكتور ثروت مش هنا
- ليه ! فين ؟
چمانه:تعبان و في المستشفي
في اللحظه دي لبس الشخص ده نضارته الشمس ، و مشي بسرعه و هو بيتكلم ....
- ماشي شكرا
حاولت چمانه تنادي عليه ، بس مالحقتهوش .. طلعت تجري وراه بسرعه ، و هي بتتكلم ....
چمانه:يا استاذ .. يا استاااااذ ، لو سمحت
طلعت چمانه من باب الفيله الكبير ، و هي بتجري وراه غصب عنها و بدون وعي .. و فجأأأأأأأأه !!!!!
.........................
#بسمه_ممدوح