"مختلفة ولكن "

الفصل الرابع

الفصل الرابع
☆☆☆☆☆
كان قد بدأت جمال الرقص بتحريك خصرها برشاقة ، لتتفاجأ بيد سيف تمسك ذراعها بقوة وهو يتحدث بضيق مكتوم : اية اللي بتهببيه دا
جمال بخفوت حتي لا يلاحظ احد ماذا تقول : مستنتش ليه ادخل في الاغنية انا لسة مبدأتش اساسا كدا هيقولو عليك أهبل
سيف يشير إلي آلاء و زيزي أن يأتيا ويتحرك للخارج وهو مازال ممسكا بذراعها ...
جمال بضيق : خلاص يا بيه انتا استحلتها ايدي اتخلعت
سيف بضيق : اية اللي كنتي هتهببيه جوا دا
جمال : عجبتك صح وبعدين انا لحقت كنت عايزاك تيجي اه بس لما ابدأ شوية كدا مش قبل مبدأ...
سيف بضيق : الحركة دي متتعملش تاني خالص
جمال بانفعال: مانتا كنت هتفضحنا وتروح تزعقلها كان لازم اتصرف قبل متبوظ الدنيا وهتكشفنا وهيضيع تعبني وهتضيع الفلوس عليا كمان ...
زفر بشدة وأشاح بوجه لتأتي آلاء وزيزي ...
آلاء : قعدت اقوله استنا مسمعش الكلام
زيزي : طب يلا نروح عشان مش هينفع نخش تاني منظرنا هيبقي وحش
سيف بجدية : يلا
ليذهب ويتحركن خلفه ، تصعد آلاء وجمال السيارة وتجلس زيزي بجانب اخيها ليسوق في صمت من الجميع ...
جمال : شغلي الراديو ياست زيزي بدل النكد اللي قاعدين فيه دا
زيزي : هههههههههههه حاضر
تقوم بتشغيل الراديو بالفعل ، ليسمعن إلي احدي الأغاني (يلي تعبنا سنين في هوا عامل نفسه ميعرفناش ....)
جمال : انا بهديلك الاغنية دي يا سيف بيه انتا والست صافي انتو كدا مع بعض علي فكرة
ثم تبدأ تصفق وتغني مع الاغنية (شوفتو ازاي في قلوب خاينين شوفتو ازاي مفيهمش حنين ...ولا القسوة دا طبع حبيبي ...ولا القسوة دا طبع حبيبي ...وانا من حرتي ولهفة قلبي بظلم بس قلوب تانين حتي ازيك مستخسرها مستكترها مبيقولهاش …)
في هذه الأثناء تصفق آلاء معها وزيزي أيضا ليعلو صوت آلاء في احدي المقاطع ( سبكم بئا من قوله أه سيبو الكلمة متتعبوها دا اللي تعبنا سنين في هواه عامل نفسه ميعرفناش ...واهو دلوقت لما بقبلوه عيني في عينه منزلهاش ....)
جمال مشجعة بحماسة : الله أكبر اللهم ما صلي
ليضحك سيف علي أسلوبها ، مر الوقت في السيارة بسرعة بنسبة لهم ، ذهب كل شخص إلي غرفته وذهبت آلاء التي صمتت أن تبيت معهم اليوم أيضا إلي غرفة زيزي …
      **************************
تذهب جمال تجاه الفراش لتجلس عليه ومن ثم تمدد جسدها في تعب بين لتجد من يدق الباب ، علمت أنه سيف ، لتتأفف وتذهب تجاه الباب وتفتحه وهي تقول ...
جمال بحنق : والله مهكوي اي حاجة ليك انهاردة انا عايزة (لتصمد لأنها وجدت آلاء أمام لتكمل في خفوت ) أنام !
آلاء : مش هتوريني اوضتك
جمال : ليه محسساني اني هوريكي شقة عروسة قال مش هتوريني اوضتك قال خير ياست آلاء ...
آلاء وهي تدخل عنوة وتشيحها من امامها : طب انزاحي كدا من قدامه ، انا قلت اكلمك بادب بس شكلك ...لتصمد فتتحدث جمال
جمال : مبجيش غير بقلة الأدب فعلا خير ياستنا
آلاء بعد أن جلست في منتصف الفراش بأريحيه شديدة : تعالي اقعدي هنا خلينا نتكلم
جمال : وادي قاعدة
آلاء : بصي انا ارتحتلك من أول مرة شوفتك فيها وروحك الحلوة انا بحبها جدا ودا هيخليني انصحك واقولك فوقي كدا لنفسك عشان ولا عمو عنتر ولا خالتو شكرية ممكن يوافقوا عليكي دا طبعا اذا كان سيف بيحبك اصلا
جمال : اية ياست هانم انتي خيالك وسع اوي اية اللي خلاكي تقولي كدا
آلاء : نظراتك وطريقك كلامك
جمال : دا تمثيل في تمثيل مش حقيقي
آلاء : مش عارفة هتفهميني ولا لاء بس الحاجات دي انا اكتر واحدة ممكن تاخد بالها لأني بعملها مع نور وهو مبيخدش باله بصي انا حاسة بيكي فعلا احساس انك تحبي حد من تحت لتحت بس حتي لو سيف فكر فيكي جوازكم ...
تقاطعها جمال قائلة : متصلي علي النبي ياست هانم ومتأفورش منك كدا كل واحد ليه مقامه بردو وعمري مفكرت ولا هفكر في اللي بتقوليه دا العين عمرها مهتترفع عن الحاجب واذا كان صح اللي بتقوليه فعمري مهبين لاني عارفة انا فين وهما فين
تضمها آلاء في حنو وهي تقول : أنا أسفة بجد
جمال : هتعملي اية مع نور بيه بئا
آلاء : هاعمل اية ولا حاجة
جمال : ياست هانم البعيد عن العين بعيد عن القلب لازم تبقي نغشه و حلوة كظا عشان تعجبي
آلاء : يعني أعمل اية
جمال : رخمي بس بهداوة ، اضحكي متزعليش ولا تبيني عدي واول متضمني انو بئا يحبك اتقلي
آلاء : ازاي بردو مش فاهمة
جمال بنفاذ صبر : روحي رخمي ياست هانم
آلاء : دلوقتي لا يابنتي ليكون نايم
جمال : مهي دي الرخامة
ثم تأخذها من يداها وهي تقول : تعالي هوريكي
لتأخذها أمام غرفة نور : يلا رخمي
آلاء بتردد : مش مطمن
جمال : لاء اطمن
لتضعها جمال أمام الأمر الواقع وتدق الباب لتسمع صوته يأذن بالدخول لتنظر لجمال قائلة في قلق ممزوج بخوف : ولو كان بيكلمها
جمال بتهكم وهي ترفع احدي حاجبيها : كلميها انتي كمان
لتدخل آلاء إلي غرفة نور قائلة بمرح وبصوت مرتفع  : أبو الصحاب
نور وهو يرفع احدي ذراعيه : حبيبي اتفضلووو
آلاء بمرح : يزيد فضلك بتتكلم في الموبايل
نور مبتسما : اه
آلاء : الحتة بئا وكدا
نور : اه أماني
آلاء مازحة : أحلي مكالمة يعني ولا اية
ليضحك نور بشدة من كلامها ، لتشعر أماني بالضيق لتخبره أنها ستغلق الهاتف ويتحدثن غدا فيوافق دون اعتراض قائلا ...
نور : خلاص ماشي ياحببتي هكلمك بكرة تصبحي علي خير ، فتجيب عليه بجدية "وانت من اهله " وتغلق بعدها هاتفها
آلاء : هي قفلت ولا اية
نور : اه قفلت راحت تنام
آلاء بمرح : شكلي كدا كنت عزول عليكم
نور : عزول ههههههههههههههههههه ولا عزول ولا حاجة وبعدين انتي بتعملي دايت ولا اية
آلاء : وحياتك ابدا دا رباني ولا اقولك اسأل السؤال تاني
نور : ههههههههههههههههه اية دا انتي بتعملي دايت ولا اية
آلاء وهي تغمز له : اه يمكن الجبلة ياخد باله ويحس
عرف إلي ما ترمي إليه بحديثها ليقف ويذهب تجاهها ويمسك وجنتيها في مرح قائلا : انتا حبيبي يا ابو صلاح مهما عملت في نفسك
ومن ثم يتركها ليذهب تجاه المنضدة ليأخذ ثمرة فاكهة في حين هي التي عوجت فمها في ضيق ، يقاطع ضيقها وهو يقول : ألئوف يأبو الصحاب
لتمسك التفاحة التي قذفها لها وتقضمها بقوة
          ***************************
في هذه الأثناء عندما تركت آلاء جمال ودخلت غرفة نور ، نظرت هي إلي غرفة سيف لتجد أن نور الغرفة مضيء ، فتذهب تجاهها بخفة وتدق الباب بقوة كعادتها وتدخل ، لتجده ينظر إلي أوراق أمامه ...
جمال بمرح : الحلو لسة صاحي
سيف بجدية : في ورق مهم لازم أخلصه قبل مروح الشركة بكرة ، اعمليلي فنجان قهوة لو سمحت
جمال بخضة خفيفة : فنجان نعم ! أنا كنت جاية اقولك معنديش رجالة بتسهر للوقت دا ، تقولي اعمليلي فنجان قهوة روح صحي عم محروس يعملك انا مش عاملة حاجة سلام ياعم
ليقف سيف من مجلسه في جدية : جمال تعالي هنا
جمال وقد شعرت انها ضايقته بحديثها لتقول في حزن : يا بيه الدنيا ليل وانا تعبت
ليذهب تجاهها في صمت وعندما اقترب منها مسافة لا بأس بها قال : اومال انتي اية لازمتك هنا ، مش انتي جاية تسمعي كلام عم محروس و تأكدي علي شغل الناس اللي هنا ولا انتي عايزة ترتاحي ومتعمليش حاجة ...
جمال وقد شعرت بضيق من حديثه : اية يابيه كل دا عشان فنجان قهوة ، وانا اللي جاية بقول هدحرج التماسي عليك
اشاح بوجه بعيدا ليتنهد ثم ينظر لها قائلا : معلش مضغوط شوية الفترة دي
جمال وهي تذهب تجاه الباب : ولا يهمك يا بيه بس بردو مش هعملك القهوة ادادادادا
لتتركه وتذهب فينظر إلي الباب باستغراب ثم يحرك راسه يميا ويسارا ويبتسم ...
        ****************************
تستفيق جمال من النوم متأخرة ، لتذهب إلي المطبخ لتجد عم محروس قد أعد الفطار ...
جمال : والله ياعم محروس مهنسالك اللي بتعمله دا بتشيلني بتشيلني يعني
عم محروس : ههههههههههههههه دا شغلي بردو
جمال : طيب هساعدك بئا واودي الاطباق علي السفرة
عم محروس : ماشي
           ***********************
تدخل آلاء غرفة جمال لتجدها جالسة تتحدث بالهاتف فتشير لها أن تجلس وتكمل محادثة ( يا واد اتلم بئا واسمع الكلام ...هههههههههه ماشي كلها كام شعر وتمتحن وتساعدني ...طيب روح ياسيدي ربنا ينجحك ويسعدك يارب ...سلام ياحبيبي)
آلاء : اخوكي
جمال : اه عنتر اخويا في ثانوية عامة ربنا ينجحه يارب
آلاء : يارب يلا بس وريني هتلبسي اية في عيد الميلاد
جمال : عيد ميلاد مين
آلاء بدلع مصطنع : مني اخت أماني
جمال بنظر فخر : هلبس اية بصي اية رأيك في الفستان دا
آلاء : ومالك مبسوطة اوي كدا ليه
جمال : عشان هكيد كل الناس كلهم نيهااااا
آلاء : تعالي بس ساعديني فب اللبس وحطيلي ميكاب وهقولك هنعمل اية
            *************************
ذهبت آلاء و زيزي وجمال ارتد آلاء فستان اسود مع وضع مساحيق خفيفة وجمال فستان من اللون الأحمر الغامق مع ووضع مساحيق تجميل ليس بالبسيطة ولكنها مضبوطة...
مني مرحبة : زيزي ازيك
زيزي : الحمد لله كل سنة وانتي طيبة
مني : وانتي طيبة ازيك يا لولو
آلاء : الحمد لله يا منمن عقبال ميت سنه
مني : حببتي ازيك يا....
جمال بدلع : قوليلي جوجو كل سنة وانتي طيبة
مني : وانتي طيبة ياحببتي اتفضلو
جلست مني مع زيزي في حين ذهبت آلاء و جمال إلي الحديقة حيث الحفلة هناك ، عندما لاحظتهم أماني اخذت صافي وذهبت للسلام عليهم ولكن دقائق واستأذنت في ميوعة وذهبت إلي مصمم الأغاني وتحدثت معه ، ولحظات وتغيرت الأغنية الموجودة بأغنية " أنا طبعي كدا " أخذن يرقصن في ميوعة وينظرن لجمال وآلاء بطرف أعينيهم ...
آلاء : وهما كدا فاكرني اني هتغاظ بلعب العيال بتاعهم دا
جمال : احبك وانتا واثق اهي الأغنية قربت تخلص تعالي بئا ننقي احنا كمان اغنية ضاربة معايا ارقص
آلاء : لا طبعا مش هينفع
جمال باستغراب وهي تهزر رأسها يمين ويسار : واية اللي قل نفعه انشالله
آلاء بحدة : جمال اسلوبك في الحوار بئا ياخد  مجري مش كويس بالنسبالي
جمال : ياربي متأسفين ياست هانم خلاص خلينا قاعدين كدا عملين يغيظوا فينا
آلاء بتردد : لاء خلاص روحي شوفي هتعملي اية
لتبتسم جمال وتتركها وتذهب كانت تمشي بميوعة مبالغ فيها لتضع آلاء يداها علي وجهها وهي تقول : والله لتفضحينا بأفورتك دي...
حدثت جمال مصمم الأغاني ، بدأت الموسيقي لتتحرك جمال لمنتصف الدائرة التي يرقصن فيها  ، بدأت الموسيقي ، لتشير بحماسة إلي آلاء لتذهب لها ويبدأن يتراقصن بانسجام وتناعم علي ايقاع الاغنية " حلوة الدنيا حلوة والله حلوة طول مانتي جمبي طول العمر كله هنعيشه كله ......"
بدأت جمال بشد جميع الفتيات التي بدات علي وجوهها الحماسة ماعدا أماني وصافي ظلت ترقص وهي تنظر لهم وتدندن مع الأغنية لتغيظهم ...
لم تستطع صافي هذا لتذهب لهم وتقذف جمال في حمام السباحة التي كانت ترقص أمامه ، صرخت بصوت مرتفع كان هذا مع قدوم سيف الذي اسرع خطواته عند سماع صوت الصرخة ، ظن أنه حدث مشاحنه قوية بين صافي و جمال أدت إلي ضرب جمال لصافي بالتأكيد ، ولكنه توقف عندما رأي جمال واقعة في حوض السباحة ، تحاول الاستغاثة لعدم معرفتها العوم ! تحرك سريعا يمد يده لها ولكنها كانت بعيده تغوص وترتفع ، يتوقف سيف عن محاولته لمساعدتها ويقف بعد أن وجد زياد قد نزل وحملها ووصل إلي حافة الحوض لتستقبلها آلاء تحاول مساعدتها علي النهوض ولكن جمال لم تتحرك ليذهب سيف لها ويحملها ويذهب لتتفاجأ صافي بجمال التي قد رفعت رأسها وتسند ذقنها علي كتف سيف وتخرج لها لسانها وتحركه يمينا ويسارا ثم تسند رأسها في ميوعة متصنعة التعب ، في حين آلاء التي أطمئنت أن سيف يأخذ جمال لم تلاحظ أن جمال تتصنع الاعياء لتذهب إلي صافي في غضب لتجد أماني تقف أمامها ...
أماني ببرود : روحي الحقيها أحسن
آلاء بغضب وهي تزيح أماني من أمامها : أبعدي انتي دلوقتي يا أماني
أماني بصوت مرتفع : أنتي بتزقيني انتي اتهبلتي ولا إيه
آلاء : أماني متنرفزنيش مش وقتك خالص
أماني : انرفزك اية انتي ازاي تزقيني كدا
آلاء بغضب : ازوق براحتي يا سكر واي حد يجي قدامي كمان إن كان عجبك
أماني : مش عجبني ومش من حقك
آلاء بغضب : ليه انشالله مش من حقي يكنش السفيرة عزيزة وانا مش واخدة بالي
أماني بغيظ : بت انتي اتلمي واحترمي نفسك عشان انتي مش بتنزليلي من زور اساسا
آلاء بحدة : متحترمي نفسك يابت انتي والله أنا ماسكاني بالعافية اساسا مش عايزة امد ايدي واوريكي مقامك
أماني ببرود وقد قامت بزق آلاء بشدة من أمامها : طيب غوري كدا من وشي
آلاء بغضب : دانتي متربتيش بئا وعايزة تربية
واذا بها تمسكها من الخلف  من شعرها بقوة لتقع أرضا ، ولكنها توقفت عندما سمعت صوت نور من خلفها قائلا في حدة : آلاء
آلاء تنظر له : شوفت الزفتة دي كانت بتقولي اية
لتقف أماني وتضرب آلاء علي ذرعيها بقوة وتجري تجاه نور حاضنة ذراعه في ميوعة وهي تقول : آلاء بهدلتني يا نور ثم اجهشت في البكاء
آلاء بغضب : اه يا بنت ال....
نور بحدة مقاطعا : آلاء كفاية
آلاء تحاول الدفاع عن نفسها : نور انت جيت في الاخر مشفتهاش وهي بتقل مني
نور بجدية : سيف مستنيكي برة روحي يلا معاه
آلاء : لاء مانتا لازم تسمع....
قاطعها مرة أخري بقوة : يلا روحي معاه
لتذهب آلاء في ضيق وحزن ...
          ****************************
في السيارة وقد انزل سيف جمال أمام السيارة يأتي ليفتح الباب لكنه يتفاجأ بها تقول ...
جمال : خلاص يا بيه هفتحه أنا
سيف : انتي كويسة
جمال : الحمد لله بخير يا بيه لولاش بنت اللذينا دي ملهاش خلق مكنش حصل اللي حصل
لتفتح الباب وتركب ، ويذهب سيف ليفتح الباب من الجهة الأخرى ويصعد ...
جمال : البت غلوية زقتني حتة زقة جبتني نص البسين علي طول لولاش ابن الناس المحترم دا اللي أنقذني دا
سيف بضيق : متدعيلو بالمرة
جمال : الله يكرمه ياعم دانا كنت هموت بقولك الله
سيف : متيجي تمدي ايدك عليا بالمرة احسن
جمال : العين متعلاش علي الحاجب يابيه انا بس قصدي انها هي اللي غلطانه مش أنا وانت اللي بتزعقلي أنا وبعدين انا باعمل كدا ليه مهو عشان.....
يقاطعها صوت آلاء الغاضب وهي تأتي تجاههم : يلا أنا عايزة امشي دلوقتي
جمال : اه يلا يا بيه سوق خلينا نروح
سيف : طيب وزيزي
آلاء بضيق : أخوك هيجبها يلا عايزة اروح
سيف وهو يبدأ بالحركة : عملك اية اخويا
          **************************
في البيت تصعد آلاء مسرعة لتلاحقها جمال وهي تنظر لسيف : اخوك دا ميستهلهاش علي فكرة
سيف  : ايوة عارف
لترجع له وتقف أمامه وهي تقول : طيب متعقله انصحه المياعة مش دايما يابيه والمثل بيقول اتجوز اللي تحبك ومتجوزش اللي بتحبها …
سيف :هو مش اتجوزي اللي بيحبك المثل للست مش للراجل
جمال : وللراجل كمان
سيف : هشوف الموضوع دا روحي انتي شوفيها
جمال : ماشي
لتتركه وتذهب يظل يفكر فيما سيفعل ، ولكن سريعا ما تغير تفكيره من أخيه للعمل الذي يود أن يفعله بأمواله الخاصة ...
             *************************
في الساعة الثانية صباحا يدق باب الغرفة بقوة شديدة ، تصحو جمال بخضة قوية لتفتح الباب وتجري بالفعل وهي تقول بخضة : يااالهووووووي الحقونا البيت بيولع ....
ولكنها تقف في منتصف الطرقة عندما سمعت صوت ضحكاته ، تحاول استيعاب ما حدث لترجع له في ضيق وهي تقول : متبطل يا بيه هزارك السخيف دا
سيف وهو يضحك : مانتي هرياني بيه ولا هو حلال ليكي وحرام عليا
جمال بضيق : محسسني انك قطعت الخلف متنشف يا بيه مش كدا
سيف بجدية : بت اتعدلي
جمال بعد أن زفرت بضيق  : اتعادلت خير ، خير يا بيه ، اطلب عايز اية من الخدامة اللي ابوك اشترهالك
سيف بجدية : روحي اعمليلي فنجان قهوة
جمال بضيق : حاضر
لتتركه واقف وتذهب، ولكنها تقف مرة أخري وتذهب له تتحدث بعيون تعبه مع طريقة متوسلة ...
جمال بتوسل : يا بيه أنا تعبانه وهصحي بدري و ورايا شغل متعب
سيف : رابطة شعرك كدا ليه دا انا صارف عليه مبلغ وقدره فكيه فكيه
جمال بعد أن نزعت الرابطة وقامت بتحريكه يمينا ويسارا : اهو يا بيه وانتم شكلكم ناس جعانه كدا
سيف وهو يضحك : هههههههههههه طيب يلا روحي اعملي كوباية الشاي
جمال : مش كانت قهوة
سيف : لاء خلاص عايز شاي وهاجي معاكي لتنامي علي نفسك وتولعلنا في البيت
جمال بضيق : يلا يا بيه
بعد أن دلفن إلي المطبخ ...
سيف : استني هاعمل أنا احسن ، الا قوليلي صح يا جمال اية الفكرة في ان كل متصحي مخضوضه تقولي الييت بيولع ! ياما تجري علي اساس انو بيولع
شرع في اعداد الشاي وهو يتحدث ...
جمال : ابويا يا بيه متعود بيشرب كتير واول مرة جرب فيها الصراصير كان يوم اغبر ، حرق الستارة بتاعت الشقة وطبعا الستارة جرت الكنبة والنار وقعت علي السجاد والبيت ولع ابويا لما شرب برشام  الصراصير دا افتكر الدبدوب اللي في الستارة راجل و ابويا صمم يولعلو سجارة المشكلة انها مش مرة واحدة تلت مرات في اوقات متقاربة يولع نار في الستارة يولع في السجادة ويقول كنت بلم زبالة المحل واحرقها مرة عشان دلق ماية وعايز يتشفها البرشام بيبقي لاسح دماغه الله يجحمه قصدي الله يكرمه مطرح مهو قاعد
سيف : ههههههههه هههههههههههههه  ابوكي دا فظييع
جمال : الحمد لله جبلي لسعة والله يا بيه اي خبط جامد وبالذات وانا نايمة ميجيش في دماغي غير ان البيت بيولع ونجري بئا كالعادة الحمد لله
سيف وهو يقوم بمليء الكوب : خلاص أنا عملت الشاي اهو يلا تصبحي علي خير
جمال : وانت من اهل الخير يا بيه
          *******************************
زيزي بتسأل : يعني هتعملي اية
آلاء : هلزقله ومش هسيبه وان كان عجبه
زيزي مازحة : أحبك وانت واثق
آلاء : طب يلا سلام
زيزي : سلام
           *******************************
يركب نور السيارة ليجد من يصعد معه ...
نور وهو ينظر في الساعة : متأخر يا آلاء مش هاعرف اوصلك أي مكان دلوقتي
آلاء : لاء أنا جاية معاك
نور : نعم جاية فين ان شاء الله
آلاء : انهاردة يوم اجازتك فاكيد هتخرج فهاجي معاك
نور باستهزاء من كلامها : اه معلش
آلاء :طب سوق وانا معاك اهو عشان تعرف تقول معلش كويس
نور بجدية : آلاء
آلاء بصوت جادي  مرتفع : والله مهنزل ومش هسيبك انهاردة وهفضل معاك
نور : ودا ليه ان شاء الله
آلاء : كيفي كدا
يسوق نور وهو ينظر لها في ضيق ...
        *****************************
جمال : يا بيه العيد يوم السبت وزي مانتا شايف كدا القصر طويل عريض عايز ترويق فاتكل علي الله وهاخد انهاردة اجازة منك واروق مع عم محروس
سيف بجدية : نفسي في مرة أكلمك والقي بتقولي كلام محترم
جمال : مهو لمؤاخذة دي طرقتي
سيف : أنا هاخرجك خروجة حلوة
جمال بتفكير : مهو بردو عم محروس زعقلي وبصراحة خايفة يقول للباشا الكبير وينكشني من هنا وملقيش شغل بعد كدا
سيف : هكلم أنا عم محروس
جمال : مش هيرضي ولو رضي هيبقي غصب عنو وهيدايقني في الشغل بردو
سيف : لاء اطمني
جمال : ولو حصل العكس
سيف بضيق : يوووه أنا بزهق بسرعة
جمال : خلاص يا بيه أنا متوغوشة بس فعايزة أطمن
سيف : طب يلا روحي البسي طقم حلو من اللي جيباهم وظبطتي نفسك
جمال : اية دا ! مش انت قلت هتخرجني خروجة حلوة
سيف : وانا اخرجك ليه ان شاء الله عشان سواد عيونك
جمال بضيق : اومال
سيف : هو اية اللي أومال مش  هدفعلك فلوس علي اللي هتعمليه يلا يلا روحي البسي عايز اوصل قبلهم
جمال بضيق وهي تذهب وتحدث نفسها : ابوك لابوها يا جعانين ...
لم يسمعها سيف فقد تذهب هو الأخر بعد أن أنهي جملته ...
           **************************
ترتشف آلاء  بضع رشفات من كوب العصير الموضوع أمامها في حين لا يزال نور يرمقها بنظرات الضيق ...
لتنظر له باستغراب ممزوج بضيق ، لتعدل جلستها وهي تقول : مالك يا نور حطتني علي راسك انهاردة ليه ...
نور : واحطك علي رأسك ليه يا لولو بتعملي حاجات بتغظني مثلا
آلاء : مثلا يعني
نور : يا لولو انتي عارفاني اني لما بخرج ....
تقاطعه بعد ان ارتشفت رشفة من العصير : بتقابل مزز
نور : عليكي نور اومال صممتي تيجي ليه
آلاء : حالك مش عجبني كدا مرة تزعقلي قدام اماني ومرة ...ومين اماني دي اصلا اللي طلعالي في البخت جديد مش من عوايدك ترسالك علي واحدة فعرة طويلة كدا ...
نور : عشان دي مش زي أي واحدة ...
آلاء بسخرية : بجد ! امممم
يأتي نور ليكمل ولكنه تفاجأ بقدوم أماني ...
نور وهو يهندم نفسه : أماني جدت ياريت متعمليش أي حاجة طايشة يا آلاء
آلاء ببرود : قولي يا لولو
نور وهو يجز علي أسنانه : ياريت متعمليش أي حاجة طايشة يا لولو
آلاء برقة : حبيبي يؤمر
لينظر لها بتأمل  ويبتسم نصف ابتسامة ، لتأتي أماني عليه في ضيق ...
ليقف ويسلم عليها ومن ثم تجلس معهم ، شرد في أنه كيف نسي امر أماني ولم ينظر لها رغم علمه وريته لها وهي قادمه عليه ! ...
           ****************************
هندم بذلته الأنيقة وخرج منتظرا ايها تأتي ، يلمحها قادمة ، وضع يديه في جيبه والأخرى تركها نظرات جادة مع عيونه الضاحكة اعطت له جاذبيه من نوع أخر مع طوله الشاهر ، تظل مبتسمة حتي تقف أمامه ...
سيف : اية اللي انتي لابساه دا
جمال : دا فستان اية عجبك
سيف : دا زفت واية اللي عملاه في شعرك دا
جمال وقد تفاجأت من رده فعله : دا شانزليزيه
سيف بعدم فهم : نعم
جمال : بومبيه بومبيه
سيف : ودا اية ابوه دا
جمال : زي مانتا شايف لفيته في بكرة وبعدين رجعته لورا عمل زي مانتا شايف مرفوع وعملته علي ديل حصان
سيف : لاء غيريه مش حلو وسيبي شعرك وغيري الازرق اللي لابساه دا
جمال : معلش يا بيه مش هغير حاجة ولبسي عجبني بتسرحتي
سيف بجدية وهو ينظر لها : شكلك وحش
جمال مبتسمه لتغيظه :عجباني
سيف : افهم من كدا انك مش هتغيريه ولا حتي الفستان
جمال وقد صعت للسيارة وهي تقول : يلا بيه خلينا نوصل قبل ميوصلو هما ...
يتأفف وهو ذاهب ليصعد في السيارة فب حين تنظر هي للمرآه لتقول : قال شكلي وحش قال مش عارفة الناس اتعمت ولا اية ...
يسوق في صمت بعد أن نظر لها بضيق ...
         *****************************
تنظر لهم آلاء وهي رافعة طرف أنفها وفمها ليدل علي ان ما يفعلوه لا يعجبها ، في حين نور يتحدث بحب مع أماني وفي خفوت حتي لا تسمع آلاء التي فرضت نفسها عليهم ...
آلاء مقاطعه اندماجهم : متعلو صوتكم خليني اسمع الله علي فكرة مينفعش تتكلمو لوحدكم كدا وتسبوني
أماني ترمقها بنظرات الضيق في حين نور الذي ضحك وهو يقول :هههههههههههههه طب قولي ياستي عايزة تتكلمي في اية
آلاء : بتضحك علي اية
نور : أصل اسلوبك الطفولي بيعجبني أوي انتي عارفة
أماني وقد وقفت : أنا قايمة اشوف اصحابي
لتتركهم وتذهب في ضيق ، لينظر نور إلي آلاء وكأنه يقول لها "عجبك كدا " ...
آلاء وهي ترفع أكتافها : أنا معملتش حاجة
نور وهو يقف : طب تعالي يا أخرت صبري نتمشي شوية مدام مفيش أمل تسبيني في حالي
آلاء بابتسامة عريضة : يلا ...
           **************************
يجلسن في احدي الكازينوهات النيلية ، بعد أن أدلي بطلبه للنادل ...
سيف : قوليلي يا جمال مش هتبطلي كلمه ناس جعانة اللي كل شوية تقوليها دي
جمال : علي حسب
سيف : يعني اية علي حسب وانتي ليه بتقوليها اساسا.
جمال :بص اصل في ناس كدا من برا هلا هلا ومن جوا يعلم الله يعني شوفني انا مثلا علي لبسي والبومبيه اللي عملاه دا بس اية خدامة ، فامتا ابطل ناس جعانه دي بئا ...
لتصمت فيرد سيف : امتا بئا
جمال : لاء مش هبطلها دي جزء من شخصيتي ميغركش الهري اللي لسة قايلاه دا بس والله الكلمة في بوقي مش اكتر
سيف : ههههههههههههههههههههههههه
لينظر في الجهة الأخرى فيجد من يدلف إلي الكازينو ...
سيف : أهم جم
جمال : انتا عرفت منين انهم جايين اصلا
سيف : من زياد
جمال : زياد دا اللي انتا قولتلي عليه انها بتغيظك بيه
سيف : مهو كلمني امبارح واتفق معايا اني اغيظها عشان ترجعلي بتحبني بس بتقاوح
جمال مصطنعة الضحك بصوت مرتفع : يا سوسو
سيف : هي خدت بالها مش لازم تعلي صوتك في الضحك
جمال : احم معلش مكنتش اعرف انها شفتنا هنعمل اية بئا دلوقتي
سيف : زي مانتي عاملة دلوقتي مش هنبصلهم ونتعامل عادي وياريت برومانسية ...
جمال : نقضيها ضحك خفيف ونظرات احسن هتتغاظ اكتر وهيبقي نفسها تعرف بنقول اية انما ماسك ايد و الجو دا هنتقفش
سيف : تمام
تقضي الأمسية معه ، في صنع مصطنع ونظرات لا يعلمها غير ضمائرهم اذا كانت مصطنعة أم لا
           **************************
يأتي يوم جديد ، وخصوصا في الشركة ، في مكتب سيف يدق الباب فيأذن بالدخول يظن أنه أحد الموظفين ، ولكنه يفاجئ بأنها "صافي" ...
سيف وهو يقف من مجلسه ممدا يديه ليسلم بجدية  :  ازيك يا صافي نورتي
صافي بعد أن سلمت ولكنها ما زالت ممسكة بيديه : ازيك انت يا سيف مكنتش متصورة انو ممكن يجي اليوم ونسلم علي بعض كدا زي الأغراب ...
سيف وقد بعد يده عنها : البعد أنتي اللي اختارتيه يا صافي
صافي بضيق : وأنا اختارته ليه مش انت اللي اهملتني
سيف : وانتي مرعتيش ظروفي
صافي : طيب وهنفضل كدا كتير ، سيف أنا متعودتش ابعد عنك
ينظر لها في صمت دون حديث ، انتظرت لحظات ولكنه لم يتحدث شعرت انها أهانت نفسها عندما فرضتها عليه ، لتقف في جدية وهي تقول : عن اذنك
لتعطيه ظهرها وتذهب ولكنه استوقفها عندما قال : استني ...
تنهدت لتستجمع قوتها ، ثم لفت جسدها لتنظر له ، فتجده أمامها مباشرة ، قريب للغاية منها ، أمسك يداها في حب وهو يقول : قدرتي تبعدي عني طول المدة دي
صافي بدلع ممزوج بحزن مصطنع : مانت كمان قدرت وارتبطت كمان
سيف بصوت أجش : أنا مقدرش أعيش من غيرك فعلا
اقتربا بشدة من بعضهم ، لتتلاقي الأنفس في مشهد رومانسي واضعا هو يديه علي خصرها ،وهي ذائبة فيه ليستفيق مما يفعل فيبعد شفتيه عنها ، فيبتلع ريقة ثم يبتسم ويمسك يداها مرة اخري ويذهب تجاه الأريكة ويجلسان عليها ...
صافي بحب : أنا هونت عليك بالسرعة دي وعرفت واحدة عليا
سيف : مانتي كنتي بتغظيني بزياد
صافي وهي تقترب منه وتضع رأسها علي صدره وترفع قدمها من الأرض علي الأريكة لتمدد مسندة عليه ومن ثم تلاعب أزره قميصه : أديك قلت أغيظك بيه مش أرتبط بيه
سيف وقد وضع يديه علي شعرها ويداعبه : مانا كنت بغيظك بردو
تعدل رأسها ويصبح ذقنها علي صدره ورأسها قريبة من رأسها وهي تقول : بجد يعني مش بتحبها وارتبط بيها ...
يقرب ويداعب أنفه أنفها وهو يقول : بصي ياستي
قص عليها كل شيء فعله لكي ترجع علاقتهما كما مضي ...
صافي بتفاجأ : دا كله عملتوا
سيف برومانسية : عشان تعرفي بحبك قد اية
ثم يقبل أنفها ، فتبتسم وتداعب يدايها أزرار قميصه مرة اخري وهي تقول بدلع : مكنتش أعرف انك بتحبني كدا بس بتغظني بخدامة يا سيف
سيف وهو يضحك : بس لمضة وهتعجبك والله
لتضحك هي الأخرى ...
         **************************
في المساء تدلف زيزي المطبخ لتجد جمال تقوم بتنظيفه..
جمال : في حاجة ياست زيزي
زيزي : اه اصحابنا جم وكدا فاعملي عصير بس اتصلي بيا او بآلاء  نخدهم عشان أماني وصافي هنا
جمال : خلاص ماشي
تذهب زيزي لتكمل جمال غسل الأطباق ، ولكنها تفكر قليلا ، لتتصل بسيف ...
جمال : ايوة يا سيف بيه ...هو مفيش جديد يعني عدي أربع ايام اهو ...اممم كانت في الشركة عندك انهاردة أنا قولت بردو انكم اتصالحتم ... لاء اصل الست زيزي لسة داخلة عليا المطبخ بتقول ان الشلة بتاعت النادي كلهم هنا فقالتلي اعملي العصير وكدا وابقي اتصل بيها او بالست آلاء عشان صافي هانم واماني هانم هنا كمان ...طب كويس كنت عايزة اعرف سلام بئا عشان أعملهم عصير ...
أغلقت الهاتف ، لتنظر تجاه الباب وتتنهد في حزن ، في حين هو الذي أغلق الهاتف معها ، فكر سريعا ليقف من مجلسه ويذهب يمد في الشركة لينزل ويركب سيارته في عجلة من امره ...
يتبع^^
رأيكم مهم جدا علي فكرة بلاش المتابعة في صمت دي لو لقيت تفاعل ممكن أنزل فصل بكرة كمان رايكم رايكم رايكم✋
#هلوسات_هامستر