جينيفر "
اصبحت الساعة الثانية صباحاً والجميع خلد الى النوم الان غيرت ملابسي وخرجت من دون ان يراني احد وتسللت إلى الخارج القصر ذهبت للجبال لرؤية اليكس وعندما وصلت لم اجده كان المكان مظلم جداً التفت حولي لم اجد احد
جينيفر:وين راح هذا اليكس.... اليكس
اليكس:اني هنا
التفت ورأيته مستلقي على الارض اقتربت منه واحتضنته وثم ابتعدت عنه جينيفر:انت شتسوي هنا شلون رجعت
اليكس:اجيت على مود موضوع
جينيفر:موضوع شنو
اليكس:اريد اطلع مارك وتينا منا
جينيفر:شو
اليكس:اي واريد مساعدتج
جينيفر:لك انت منتبه جاي شتسوي تدري اذا الحاكم عرف انت عايش راح شيصير
اليكس:مراح اطول هواي بس اطلعهم وارجع
جينيفر:ليش تسوي هيج ليش تعرض حياتك للخطر على مود منو اليكساندا تريد تموت على مودها اذا صار بيك شي بسببها ما اعوفها عايشه صدكني اكتلها
اليكس:هاي شبيج شنو هذا الحجي
جينيفر:يعني اني طلعتك منا بصعوبه وعرضت حياتك للخطر وهسة رجعت على مود اخوها شنو هذا اهم من حياتك
اليكس:رادت هي تجي لعد ترديها تجي جينيفر:طبها مرض شعليه بيها اهم شي انت ليش جاي تسوي هيج
اليكس:هسة عوفي هذا الحجي تساعديني لو لا
جينيفر:ما عندي حل ثاني لازم اساعدك حتى اطلع منا بسرعة بشنو تريدني اساعدك
اليكس:اريد اطلع تينا ومارك
جينيفر:وشلون راح تطلعهم منا
اليكس:انتي راح ترحين وتحجي وياهم وتحاولين تخليهم يجون
جينيفر:تينا يم ايان ومارك يم دانيال مارك سهله يجي ويجوز دانيال يساعدني
اليكس:لا لا تدخلين دانيال ما اريده هذا خلي يولي
جينيفر:بس عندك المشكلة تينا ايان مستحيل يخليها تطلع
اليكس:لازم تحاولين تاخذها من هذا الغبي
جينيفر:راح اشوف هسة انت شلونك شخبارك
اليكس:تمام كلش تمام
جينيفر:وحياة البشريه شلونها
اليكس:احسن من هاي الحياة بهواي لكيت كلشي اريده ناس واهل يحبوني ويخافون عليه هواي بس نقص انتي
جينيفر:شنو تريدني اصير بشريه
اليكس:ليش ما تفكرين بهذا الموضوع
جينيفر:لا ما اريد هيج احسن وبعدين لمن اصير انت رحت على مود اليكساندا بس اني ما عندي احد بشري
اليكس:ليش شبيه اوسكار اكيد موجود هناك
جينيفر:واني شسوي بشبيها وبعدين انت حبية اليكساندا لان تشبه كلودي
اليكس:لا
جينيفر:بعد شكو خليني هيج احسن
اليكس:شلونه الوضع هنا صدك يردون الوحوش يهجمون عليكم
جينيفر:اي صارلهم شكد يخططون للهجم بس محد يعرف شوكت
اليكس:واكيد ابوج مرعوب
جينيفر:مو بس هو حتى الحاكم متوترين
اليكس:طبهم مرض
جينيفر:اي خل نشوف بلكت نخلص
اليكس:انتي ديري بالج
جينيفر:اني من يصير الهجوم راح اطلع منا لحد ما تخلص واجي
اليكس:خوش احسن
جينيفر:بس انت لازم تطلع بسرعة الوضع هنا خطر .....
في اليوم التالي ذهبت الى عالم ملائكة لكي اتحدث مع مارك شقيق اليكساندا
جينيفر:مارك موجود
-اي موجود
جينيفر:طالبه اشوفه روح ناديه
-انتظري هنا
تركني وذهب الى الداخل وبعد نصف ساعة عاد ومعه مارك
جينيفر:مرحبا مارك
مارك:اهلا بيج
جينيفر:اريد احجي وياك على انفاد ممكن
التفت إلى الحارس وأشار إليه بان يتركنا بمفردنا
مارك:خير شنو تردين
جينيفر:اريد اطلعك منا
مارك:شنو
جينيفر:اي اكو شخص اجه هنا حتى يطلعك انت وتينا بطلب من اختك اليكساندا
مارك:شو اليكساندا
جينيفر:اي هو هسة منتظر ردك اني بعدني ما حجيت وياه تينا كلت اشوف رأيك بالبداية
مارك:وشنو يثبت كلامج صحيح يجوز تسوين هيج حتى تكتليني
جينيفر:وليش حتى اتخلص منك شنو عندي وياك
مارك:اخاف هذا انتقام على موت اخوج لان مات بسبب اليكساندا
جينيفر:لو اريد انتقم جان اخذت حقه من الحاكم لان هو السبب بموت اخويه
مارك:منو هذا الشخص وليش تردين تساعدين اختي
جينيفر:من تشوفه راح تعرف الجواب
مارك:اها
جينيفر:هسة شنو قررت
مارك:ماشي اني هم اريد اطلع منا
جينيفر:تمام بس اسمع ما اريد دانيال يعرف بالموضوع
مارك:ماشي
تركته وذهبت الى عالم مصاصين الدماء وعاد مارك الى القصر وعنده دخوله صادفه دانيال
دانيال:مارك وين جنت
مارك:طلعت امشي شوي
دانيال:شفتك تحجي وياه جينيفر
مارك:اها
دانيال:شنو ردات منك
مارك:ولا شي بس تسئل
دانيال:تسئل عليك ليش انتو بينكم شي مارك:لا طبعاً
دانيال:لعد ليش اجتي عليك
مارك:بصراحة اجتي حتى تطلعني منا
دانيال:شو
مارك:راح تطلعني من هاي الجزيرة
دانيال:جينيفر ليش يعني ليش تريد تساعدك
مارك:تساعدني بطلب من اختي اليكساندا دزت شخص حتى يساعدني اني وتينا
دانيال:منو هذا الشخص وشلون كدر يدخل
مارك:بصراحة اني مجاي اثق بيها لان هاي شيطانه وهذول ماكو عدهم شي صحيح
دانيال:بس جينيفر غيرهم اني اعرفها زين
مارك:يعني برأيك كلامها صحيح
دانيال:ما ادري بس اكيد ما عدها شي مو زين
مارك:نشوف.....
وصلت جينيفر الى عالم مصاصين الدماء وطلبت رؤية تينا ولحسن الحظ لم يكن ايان موجود لكي تتحدث معهم من غير أن يراهم ايان
تينا:خير شكو
جينيفر:تينا بعدج تردين تنهزمين منا
تينا:شو
جينيفر:جاوبيني على سؤالي
تينا:اي بس ميصير
جينيفر:ليش ميصير
تينا:نسيتي اني هسة صرت وحدة مثلكم يعني ما اكدر ارجع مثل ما جنت
جينيفر:تكدرين تعيشين حياتج عن طريق هذا الخاتم اللي بيدج
اشارت الى الخاتم
تينا:راح ابقه عمري كله لابسه الخاتم وخايفه ما اكدر اعيش هيج
جينيفر:راح تتعودين بعدين
تينا:ليش تردين تساعديني
جينيفر:مو اني اريد اساعدج
تينا:شنو
جينيفر:اليكساندا هي تريد تساعدج
تينا:اليكساندا
جينيفر:اي اكو شخص اجه هنا حتى ياخذج وياه
تينا:منو هذا
جينيفر:من تشوفينه راح تعرفين
تينا:قصدج اليكس
فتحت عيني بصدمة
جينيفر:شو
تينا:شبيج متفاجئة عبالج بس انتي تعرفين
جينيفر:انتي جاي شنو تحجي
تينا:اني ادري اليكس عايش وايان هم يدري
جينيفر:شو
تينا:لا تخافين مراح نحجي لحد احنا ندري بيه صارلنا شكد بس محبينه نحجي
جينيفر:شلون عرفتي
تينا:من تحولت مصاصة الدماء صرت اطلع هواي على عالم البشر اشوف اهلي وجان ايان يساعدني وبيوم طلبت من ايان ياخذني على بيت اليكساندا ردت اشوفها من بعيد وهناك شفت اليكس بس بشكل بشري بوكتها تفاجأنا وعبالي شبيها بس بعدين تأكدت هذا فعلاً اليكس مو شبيه اليكس
جينيفر:وايان ليش ما حجه
تينا:اني طلبت منه يسكت وما يحجي لاحد لا تخافين محد راح يعرف
جينيفر:تمام هسة شنو قررتي
تينا:اني اريد اطلع بس
جينيفر:قصدج ايان
تينا:ما اكدر اعوفه هو ساعدني هواي
جينيفر:انتي فكري بس بسرعة اخذي قرارج لان قبل ميصير الهجوم وبعد ما اكدر اطلعكم
تينا:ليش منو راح يجي وياي
جينيفر:مارك اخوه اليكساندا
تينا:تمام
ذهبت جينيفر ودخلت تينا الى القصر في اثناء حديثهم كان احد جواسيس مادلين هناك ويسمع حديثهم وذهب الى مادلين واخبرها بما سمعه
مادلين:انت شتكول
-مثل ما سمعتي مولاتي الامير اليكس عايش واجه هسة لهنا حتى ياخذ تينا واخوه اليكساندا ويطلع
مادلين:لك هذا شلون طلع عايش اني شفته بعيني جثته جانت تحترك شلون رجع عاش لا وتحول بشري
-ماكو غير كارلا
مادلين:شنو
-هي عدها طريقه بالسحر تخليه الوحد يتحول بشر واكيد حولته
مادلين:يعني هسة اليكس موجود هنا
-اي موجود
مادلين:زين وين ما عرفت
-لا
مادلين:لازم تعرف مكانه وبس تعرف مكان اليكس راح انطيك مكافئة
-حاضر مولاتي
ذهب الحارس واصبح يوم بعد يوم يراقب جينيفر لكي يصل الى مكان اليكس وفي يوم من الايام خرجت جينيفر وذهبت الى مكان اليكس ولحق بها وعرف اين يختبئ اليكس وعاد بسرعة لكي يبلغ مادلين بمكانه
مادلين:انت متأكد هذا مكانه
-اي مولاتي هسة شفته واجيت حتى ابلغج
مادلين:عفية عليك روح خل روز تنطيك المكافئة
ذهبت مادلين الى قصر الحاكم لكي تخبره
مادلين:مرحبا
-اهلا
مادلين: اريد اشوف الحاكم
-انتظري
ذهب الحارس وبعد لحظات عاد و ادخلها الى القصر
مادلين:مرحبا مولاي
الحاكم:خير مادلين
مادلين:عندي لك خبر مهم
الحاكم:خبر شنو
مادلين:اول شي اليكس طلع عايش
الحاكم:شنو
مادلين:اي مولاي اليكس عايش
الحاكم:انتي جاي شنو تحجين اني كتلته بيدي
مادلين:اي بس بعدين رجعت عاش بفضل كارلا
الحاكم:شنو
مادلين:سوت اله سحر و رجع للحياة وصار بشري
الحاكم:شنو هاي
مادلين:والخبر الثاني اليكس موجود هنا الحاكم:وين
مادلين:ماخذ كوخ بالجبل وعايش بيه وراح يطلع اليوم
الحاكم:مراح اسمح له يطلع عايش هاي المرة
مادلين:يريد ياخذ تينا ومارك ويطلع
الحاكم:لا مو بكيفه يجي ويروح من غير ما احد يدري امشي نزور بيته......
هو كان يخطط لقتل اليكس اما من جانب الوحوش كانوا يخططون لقتله
-شوكت نبدي الهجوم عليهم
-خلال كم يوم
-مراح نخلي احد بيهم عايش
-اي الرئيس كال راح نكتل الكل واول واحد الحاكم
-ولا تنسى هاي البشريه واليكس
-هاي طلعت شلون راح ننتقم منها
-لا تخاف راح نجيبها هنا
كانوا يتحدثون مع بعض وفجأة انفتح الباب ودخل احد الوحوش
-لك وينكم انتو
-شكو شبيك
-عرفت شغله مهمة
-شنو
-اليكس عايش وهو موجود هنا
-شنو
-هاي واحد من جواسيس الحاكم بلغني وراح يروح الحاكم ياخذة
-ملازم ياخذه قبلنا احنا نكتله مو هو
-اي صح امشو عليه بسرعة
كانوا جميعهم يريدون قتل اليكس اما من جانب اليكس كان يتحدث مع جينيفر ولم يكن يعلم بما يحصل الان
جينيفر:بلغتهم واليوم بالليل راح يجون
اليكس:خوش يعني اليوم راح اطلع منا
جينيفر:اي واليكس اذا تطلع بعد لا تجي ما اريد احد يعرف بيك عايش
اليكس:لا تخافين
جينيفر:اني اللي خايفه منها مادلين اخاف تعرف مكانك
اليكس:من وين راح تعرف
جينيفر:دير بالك هاي حقيرة اذا عرفت راح تصير مشكله
اليكس:هو اليوم بالليل اني طالع يعني مراح تلحك تعرف
جينيفر:اي اني اتفقت وياهم ينتظروني بالحديقة بالليل اجي واخذهم
اليكس:خوش حل
جينيفر:يله اني هسة راح ارجع ما اريد احد يشك بيه
اليكس:تمام دير بالج على نفسج
جينيفر:اي
تركته وذهبت الى المنزل وعندما دخلت للقصر صادفتها مادلين كانت تنظر لها وتبتسم
مادلين:هلو
جينيفر:اهلا
مادلين:وين جنتي
جينيفر:اتمشى
مادلين:هاي الايام صايره هو تتمشين
جينيفر:اغير جو مو زين
مادلين:لا زين
تركتها وذهبت إلى غرفتها
مادلين:اي هسة نشوف شلون راح يتغير جوج .....
تينا كانت تحضر نفسها للذهاب من هنا وبداخلها شعور بالذنب اتجاه ايان لا تستطيع ان تتركه وتذهب بعد كل تلك التضحيات التي قدمها لها
ايان:لا تهتمين روحي
التفت ورأيته يقف امامها
تينا:ايان
ايان:اني جنت ادري راح يجي يوم وترحين وهذا اليوم اجه ومراح امنعج اذا تردين روحي
تينا:تريدني اروح
ايان:اي روحي ولا تفكرين بيه
تينا:ايان
ايان:كلتلج لا تهتمين روحي اني ما منتظر منج تردين الجميل اني سويت كل شي على مودج وما جنت منتظر مقابل
ارادت ان تتحدث ولكن قاطع حديثها احد الحراس
-مولاي
ايان:نعم
-الانسه جينيفر نتتظر برا الانسه تينا
التفت إليها
ايان:يله روحي تينا ولا تهتمين لاحد اهم شي اختاري اللي يريده كلبج
نظرت إليه بحزن وثم حملت حقيبتها وخرجت من المنزل وذهب ايان الى غرفته جلس على السرير وفجاة انفتح الباب رفع راسه وراها تقف امامه والدموع تملأ عينيها ركضت عليه واحتضنته بقوة واصبحت تبكي
تينا:اني اختاريت اللي يريده كلبي كلبي يريدك انت ايان اني ما اكدر اتخيل حياتي من غيرك اريد ابقه يمك عمري كله
ايان:اخاف تتندمين بعدين
تينا:اذا بقيت يمك مراح اندم بس اذا عرفتك راح اندم
ابتعد عنها وامسك بوجنتيها ومسح دموعها
ايان:احبج
اقترب منها وقام بتقبيلها....
اما من جانب جينيفر ذهبت لاخذ مارك من عالم ملائكة
دانيال:ديرو بالكم واذا صار شي انطوني اشارة واني اجي
مارك:لا ان شاء الله ميصير شي
جينيفر:شكراً على المساعدة
دانيال:على شنو تشكريني مسويت شي
يله روحوا ولا تتأخرون
جينيفر:يله
ذهبت جينيفر مع مارك الى الجبال وعندما وصلت لم تجد اليكس
مارك:هنا
اصبحت جينيفر تلتفت حولها وتبحث عن اليكس لم يكن هناك
جينيفر:هذا وين راح
مارك:انتي على منو جاي تدورين وبعدين وينه هذا الشخص
جينيفر:لك جان هنا وين راح
مارك:هو شنو انتي جاي تلعبين عليه مو كلتي اكو شخص راح ياخذني منا وينه
جينيفر:لك جان هنا
مارك:انتي جنتي تضحكين عليه
جينيفر:لا لك جان هنا وين راح مارك:كافي جذب اكيد تردين تسوين بيه شي
جينيفر:اي مثل شنو
مارك:تردين تكتليني انتو جذابين
جينيفز:اسكــــــــــت خليني افكر
مارك:احترمي نفسج ولا تصرخين عليه اني ادري بيها هاي لعبه منج انتي سويتها
كان مارك يتشاجر معها وهي كانت متوترة وتبحث عن اليكس الذي اختفى فجأة
مارك:اني غلطان لان صدكت بوحدة شيطانه مثلج
اقتربت منه ونظرت إليه بغضب وفجاة ضربته بوكس على وجهه قفد وعيه بالعادة ضربت البوكس لا تفقد الوعي ولكن ضربت جينيفر كانت قويه جداً ولذاك فقد وعيه ضربته لكي يصمت لانه كان يقلقها وثم تركته مرمي على الارض وعادت الى عالمها ذهبت الى غرفة مادلين فتحت الباب بقوة وهجمت عليها كانت تريد قتلها لم تتحمل مادلين دفعتها بقوة وسقطت على الارض
مادلين:هاي شبيج انتي خبله ليش تردين تموتيني
جينيفر:تعرفين ليش احجي وين اخذتيه
مادلين:منو
جينيفر:لا تسوين نفسج غبية احجي والا اكتلج خلاص
مادلين:لج انتي على منو جاي تحجي
جينيفر:اليكس وينه
مادلين:اليكس؟ شبيج جينيفر انتي مو تدرين اليكس مات شنو فقدتي عقلج
جينيفر:لا تسوي نفسج غبيه عليه اني ادري بيج انتي تعرفين بيه عايش
مادلين:شنو اليكس عايش شلون اني شفته مات
هجمت عليه وقبل أن تتقرب منها دفعتها مادلين بقوة لتسقط على السرير وثم اقتربت منها ونظرت بعينها وابتسمت لها بخبث
مادلين:شنو بس انتي تعرفين تخفين اسرار اني هم اعرف
جينيفر:اي اني كشفته عايش وعرفت وين مكانه
جينيفر:يعني بلغتيهم عليه
مادلين:هذا اقل شي ممكن اسويه
اردت أن تضربها ولكنها امسكت بيدها
مادلين:لا تحاولين احسلج
جينيفر:انتي حقيرة هذا اخوج
مادلين:بله ما تكعدين تفتحين محاضر بالاخوه لان مراح تفيدج
جينيفر:طبعاً لان اللي مثلج الحجي وياهم مضيعه للوكت بس اسمعيني زين مادلين اذا صار شي الا ليكس مراح اعوفج عايشه
مادلين:خافي على نفسج بدل ما تخافين عليه الحاكم راح يعاقبج انتي وكارلا لان نقذتوا حياته
جينيفر:ما يهمني شيسوي خلي يسوي
تركتها وذهبت الى غرفة والدها لكي تخبره بأمر اليكس
مادلين:بابا عندي لكم موضوع مهم
روبن:شنو هو
مادلين:اليكس طلع عايش
روبن:شنو
مادلين:اي والحاكم اخذه
روبن:شلون طلع عايش
مادلين:هاي قصة طويلة بعدين احجيها لك
روبن:الحاكم شلون عرف بيه عايش
مادلين:اني بلغته بالخبر
وفجاة صفعها كف على وجهه
روبن:انتي غبية شلون تسوين هيج خربتي كل شي
مادلين:شكو
روبن:جان حجيتي من البداية جان انطيت اليكس للوحوش
مادلين:شنو
روبن:لان الوحوش يردون اليكس حتى ياخذون بثار روت واذا انطيتهم اني اليكس مراح يهجمون علينا
مادلين:ما فكرت بهذا الموضوع
روبن:لان غبية هسة الحاكم راح يكتله بس مراح نستفاد شي بس اذا اخذوا الوحوش راح نستفاد بس غبائج خرب كل شي
مادلين:بس ما خسرنا شي
روبن:شنو
مادلين:راح نعقد صفقة وياهم احنا ننطيهم مكان اليكس وراح يهجمون على الحاكم ويكتلونه هو واليكس وبالمقابل يعوفونه احنا لان راح نساعدهم وضربنا عصفورين بحجر واحد خلصنا من اليكس والحاكم بمرة وحدة
روبن:وخلصنا من هجم الوحوش
مادلين:صح شنو رأيك بالفكرة
روبن:خوش فكرة هاي انتي عبقرية
مادلين:طالعه عليك بابا
روبن:ههههههه....
اليكساندا"
مر يومين على غياب اليكس لم يصل اي خبر منه وبدأت اشعر بالقلق عليه غيرت ملابسي وذهبت الى منزل لونا لعلها تساعدني في العثور على اخباره
لونا:صارله شكد من راح
اليكساندا:صارله يومين من راح
لونا:يومين
اليكساندرا:الله يخليج تكدرين تساعديني لازم اعرف اخبارة
لونا:ليش راح اني مو طلبت منكم محد يروح على هذيج الجزيرة بهاي الفترة
اليكساندا:كله بسببي راح بسببي اذا صار بيه شي مراح سامح نفسي
لونا:لا شنو هذا الحجي اكيد مابيه شي
اليكساندا:لعد ليش تأخر هو كال بس يومين وارجع بسرعة ليش ما رجع
لونا:يجوز صار شي وياه ومنعه يجي
اليكساندا:شي مثل شنو تعتقدين الوحوش هجمو وهو هناك
لونا:ما ادري بس لا ما اعتقد
اليكساندا:لعد ليش اتأخر لازم اعرف اخبارة.....
ارسل روبن احد رجالة ومعه رسالة كتب به مكان اليكس وعقد معهم صفقة يعطيهم اليكس والحاكم وبالمقابل يتركون قبيلته ووافق الزعيم على طلبه وارسل رجالة الى قصرت الحاكم هجموا عليه و حاولوا قتله ولكنه هرب وتركه اليكس محبوس في داخل القصر واصبحوا الوحوش يبحثون في القصر
-اها لكيت شي
-لا وانت
-ما لكيت
_دور عليه فوك واني راح انزل للقبو
-تمام
ذهب الى القبو وعندما فتح باب القبو وجده مرمي على الارض
-لك تعال لكيته
اقترب منه واصبح يحرك به بقدمه
-اها لكيته
-تعال شوف شلون معذبينه
-واحنا راح نعذبه اكثر بعد
-انهزم هذا الحقير
-مراح نعوفه عايش لا تخاف بس بالاول نخلص من هذا امشي خل ناخذه
حملوا اليكس واخذوا الى قصر وفي النفس الوقت كان روني هناك طائر كارلا ورأهم وهم يحملون اليكس ذهب مسرعاً ليخبر كارلا بالامر
كارلا:لك انت شنو تحجي
روني:شفتهم بعيني جاي اكلج
كارلا:راح يكتلونه اكيد لازم نبلغ دانيال
روني:بس شلون
كارلا:انت راح تروح وتكله
روني:لا طبعاً ما اكدر روحي انتي
كارلا:انا مو تدري اني ما احجي وياه دانيال
روني:بس اني ما اريد اضيع وقتي على مود هذا الشيطان
كارلا:بس لازم نساعده راح يكتلونه
روني:ماشي راح اروح
ذهب روني الى قصر دانيال....
اما من جانب اليكساندا كانت تبحث عن وسيله لكي تصل على مكان اليكس ذهبت الى تلك الساحرة لكي تساعدها
-يعني ترديني اساعدج حتى تعرفين اخبارة
اليكساندا:اي دخل على هيج الجزيرة صارله يومين ولحد هسة ما اعرف شنو صار
-انتي حامل ؟
اليكساندا:من وين عرفتي
-احنا ماكو شي ما نعرفه انت حامل منه صح
اليكساندا:صح هسة اريد منج تعرفين مكانه
نهضت من مكانها وذهبت الى الخزانه واخرجت منها ورقه كبيرة كتبه بها كلمات ورموز كثيرة لا اعلم ما معناها وضعتها على الطاوله واصبحت تتحدث بصوت عالي وتتحدث بطريقة مخيفه وفجأة توقفت ونظرت الي بنظره غريبه شعرت بالخوف
اليكساندا:شنو صار ليش تباعين عليه هيج
-حبيبيج بخطر
اليكساندا:شو
-اي حياته بخطر وراح يموت
اليكساندا:انتي جاي شتحجين
-اخذوا الوحوش وراح يكتلونه هسة وصلتني هاي الاخبار
اليكساندا:لا مستحيل اني لازم اروح عليه
-شلون ترحين عليه هو بغير عالم
اليكساندا:ميخالف ادخل على هذيج الجزيرة
-ميصير انتي حامل هذا الشي خطر على الطفل
اليكساندا:هذا قراري واني حره دخليني على هذاك العالم
-ماشي مثل ما تردين
رسمة دائرة كبيرة وطلبت من اليكساندا ان تقف بداخل الدائرة وثم بدأت تقرأ كلمات وتعويذه وفجأة صعقه السماء بقوة على الدائرة واغمى على اليكساندا وعندما استيقظت وجدت نفسها في عالم ملائكة نهضت بسرعة من الارض واصبحت تسير بسرعة الى ان وصلت لقصر دانيال طرقت الباب وفتح لها مارك
مارك:اليكساندا
اليكساندا:مارك
رمت بنفسها عليه واحتضنته
اليكساندا:مشتاقتلك هواي
مارك:واني مشتاقلج
ابتعدت عنه وامسكت بيده
اليكساندا:شلونك شخبارك صايرلك شي مارك:لا تخافين عليه اني بخير بس انتي شلون اجيتي
اليكساندا:اجيت على مود اليك...
مارك:شنو اليكس ليش هو مو مات
اليكساندا:بصراحة لا بعده عايش وتحول بشري
مارك:شو تحول بشري
اليكساندا:اي وهو اجه هنا حتى يطلعك انت وتينا بس ما رجع واني رحت على وحدة تفتهم بالسحر وخليتها تشوف شنو صاير وياه
مارك:وشنو صاير وياه
اليكساندا:كالت اليكس بخطر هسة وما اعرف شنو صايرله
دانيال:وانتي على مود هذا السبب رجعتي
التفت حولي ورأيت دانيال يقف امامنا
دانيال:ليش رجعتي انتي ما تدرين بالوضع شلون صاير
اليكساندا:رجعت على مود اليكس تأخر واجيت وره
دانيال:وعلى مود هذا السبب رجعتي
اليكساندا:طبعاً لعد اعرفه الوحدة هنا
دانيال:وانتي شنو بيدج تسوين
وفجأة جاء احد حراس الحدود
-مولاي الانسه كارلا واكفه خارج الحدود وتريد تشوفك
دانيال:كارلا
-اي نعم
صمت قليلاً وثم نظر إليه
دانيال:خليها تدخل
-حاضر
ذهب الحارس وتركتهم
مارك:شعجب اجتي
اليكساندا:همزين اجتي بلكت تساعدنه بموضوع اليكس
مارك:نشوف
دانيال:تعالوا خل ندخل للبيت
مارك:يله
دخلوا الجميع الى المنزل وبعد لحظات انطرق الباب وذهب دانيال لكي يفتح الباب لكارلا وتفاجئت برؤيته امامها
كارلا:مرحباً دانيال
دانيال:اهلا
كارلا:اني اجيت احجي وياك بموضوع
دانيال:تعالي ادخلي بالبداية ونحجي جوه
استغربت كارلا من تصرفاته كانت تظن بانه سوف يزعجها بكلامه ولكن حدث العكس دخلت إلى المنزل وانصدمت عندما رأت اليكساندا امامها
كارلا:اليكساندا انتي شتسوي هنا
اليكساندا:اجيت على مود اليكس اجه على هاي الجزيرة وبعدين اختفى
كارلا:اني ادري وين اليكس ولهذا السبب اجيت
اليكساندا:تدرين بمكانه وين هو احجي
كارلا:الوحوش اخذته
اليكساندا:شنو
كارلا:وراح يكتلوه لازم تخلصونه منهم بسرعة
اليكساندا:لازم تساعده اني كلتلي هاي السحارة بس ما صدكت بيها....
اوصل احد الوحوش الى قصر الشياطين لكي يخبر مادلين ووالدها بان الخطه نجحت واستطاعوا اخذ اليكس من بين يدين الحاكم
روبن:يعني هسة هو عدكم
-اي عدنا موجود بالقصر
مادلين:وشوكت راح تتخلصون منه
-باجر الصبح
مادلين:تماماً
كانت جينيفر تقف خلف الباب وتسمع حديثهم انصدمت من الذي سمعته مادلين ووالدها يريدان تقتل اليكس ذهبت بسرعة الى حدود الملائكة وطلبت رؤية دانيال لأمر طارق جداً وسمح لها بالدخول إلى الحدود
عندما دخلت ورأت اليكساندا امامها غضبت كثيراً
جينيفر:هاي انتي هنا
دانيال:شكو شبيج
جينيفر:اليكس راح يموت كله بسبب هاي الحقيرة
اليكساندا:شنو
جينيفر:اي الوحوش راح يكتلونه باجر الصبح
دانيال:وانتي شمدريج
جينيفر:هسة سمعت واحد من الحرس مالتهم يحجي وياه بابا ومادلين همه متفقين علينا كلنا
دانيال:يعني
كارلا:يعني احتمال يبيعونه للوحوش احنا هم
دانيال:شنو
جينيفر:راح يتفقون علينا كلنا لازم نخلص منهم قبل ما يخلصون منه
كارلا:كلام جينيفر صحيح
اليكساندا:اليكس انتو لازم تطلعوا اليكس
كارلا:اكيد راح يطلع لا تخافين
دانيال:لازم بالبداية نفكر بخطة
كارلا:عندي خطة....
مادلين"
-مولاتي
مادلين:خير شبيك
-اليوم الكل مجتمع يم عالم ملائكة
مادلين:منو
-كارلا والاميرة جينيفر والكل
مادلين:ليش مجتمعين ما عرفت
-لا ما كدرت اعرف
مادلين:شنو جاي يخططون لازم تعرف ماشي
-ماشي....
ذهب الحارس الى حدود الملائكة لكي يجلب لها الاخبار وفجأة لمح ايان وتينا وهم يدخلون للقصر
-حتى مصاصين الدماء وياهم اكيد عدهم شي
انتظر نصف ساعة وبعدها خرج ايان ومعه دانيال من القصر لحق بهم وبعد وبعد نصف الساعة وصلوا الى المكان الذي يختبئ به الحاكم....
-هذول شيسوون هنا وشلون عرفوا المكان
حلق وعاد الى قصر الشياطين وذهب الى غرفة الاميرة مادلين
-مولاتي
مادلين:خير شبيك
-عرفت فد شي مهم
مادلين:شنو عرفت احجي
-رحت اراقب قصر دانيال مثل ما كلتي بس شفت شي غريب هناك
مادلين:شنو شفت
-دخل ايان وتينا وبعد نص ساعة طلع دانيال وايان و راحوا على المكان اللي موجود بيه الحاكم
مادلين:شنو
-اي شفتهم بعيني
مادلين:معقول عرفوا احنا اللي بلغنا على الحاكم وراحوا حتى يعترفون علينا -هذا الشي اكيد
مادلين:شلون عرفوا
-يجوز من الاميرة جينيفر هسة الحاكم عرف وراح تصير مصيبه عليه
مادلين:لا تحجي شي انت اني راح احجي وياه ابويه وندور على حل
-ماشي
ذهبت مادلين الى والدها لكي تخبره
مادلين:بابا اريد احجي وياك بموضوع مهم
روبن:مشغول هسة
مادلين:لازم نحجي الموضوع كلش مهم روبن:خير شنو هو الموضوع
مادلين:الحاكم يمكن عرف بالخطة
روبن:شو شلون عرف
-هسة الحارس اجه وكال.......
روبن:مصيبه اذا يطلع كلامج صحيح
مادلين:راح شنسوي هسة
روبن:فكري هاي مو جانت خطتج.....
دانيال"
اليكساندا:اها شنو صار
ايان:الخطة جاي تمشي مثل ما نريد الحارس شافنه وراح بلغ مادلين
دانيال:راح نوكع بينهم ثلاثتهم الحاكم والشياطين والوحوش
كارلا:الحاكم من عرف شنو كال
دانيال:راح ينتقم منهم اشد انتقام
تينا:طبهم مرض
ايان:هسة اجه دور جزيرة الوحوش
دانيال:امشي خل نروح عليهم هسة
ايان:يله
مارك:اجي وياكم
دانيال:لا انت خليك هنا يمهم اخاف يصير شي
اليكساندرا:اي خليك هنا وين رايح انت
ذهبوا دانيال وايان الى قصر الوحوش هذه اكبر حرب بينهم وايضاً هذه اول مرة يجتمع الجميع مع بعض لانقاذ شخص من الشياطين وليس شخص عادي بل اليكس اكبر عدو لهم هل حقاً هم يكرهون بعضهم البعض......
وصلوا الى عالم الوحوش وطلبوا رؤية زعيم وثم سمحوا لهم بالدخول
-خير شتردون انتو
دانيال:احنا اجينه نحجي وياكم بموضوع مهم
-موضوع شنو هذا
دانيال:طبعا احنا ندري بالاتفاق اللي صار بينكم وبين جزيرة الشياطين وطبعاً احنا ندري انتو تراجعتو عن فكرة الهجوم عليهم
-صح بس منو كلك احنا تراجعنا عن الهجوم عليهم احنا راح نهجم عليهم بس نخلص من اليكس
دانيال:ليش تردون تخلصون من اليكس
-لان بسببه مات صديقنه روت
دانيال:مو اليكس السبب بالعكس روت واليكس جانوا اصدقاء وجان روت دائماً يساعد اليكس انتو جاي تنتقمون من الشخص الغلط بدل ما تاخذون حق روت من الحاكم جاي تاخذونه من اليكس
-بس بسبب منو مات روت مو بسبب اليكس
دانيال:لا روت ساعده اليكس حتى يحميه هو وحبيبته من الحاكم يعني سووه شي زين بحياتي وانتو بدل ما تكملون الشي اللي سوه صديقكم جاي تخربون كل شي
-شنو؟
دانيال:اي صديقكم سوه شي اللي محد كدر بينا يسويه وكف بوجه الحاكم هذا الحاكم اللي جاي يستغلنا وياخذ حقنا هو والشياطين كم مرة كطع على عالمكم الاكل والشرب تذكرون اليكس و روت هذول الوحيدين الي كدروا يكفون بوجهه روت على مود يسوي خير بحياته واليكس على مود يساعد حبيبته شفتوا يعني حتى اليكس امير الشياطين جاي يسوي خير بحياته وانتو تردون تخربون هذا الخير بدل ما تخلونه الخير يكمل تردون تقضون عليه
نظر إليه بحيره
ايان:لا تحتار ولا تفكر حط يدك بدينا وخل نقضي على الشر ونعيش كلنا بخير وبدون مشاكل وكلنا نحكم نفسنا بنفسنا من غير ما يجي احد يحكمنا
دانيال:صح حجي ايان انت احكم جزيرتك واني احكم جزيرتي وايان هم ونقضي على الشياطين ونبقى بس احنا عايشين بالامان
ايان:شنو قررت راح تحط ايدك بدينا
صمت طويلاً وكأنه يفكر وثم نظر لهم
-بس اليكس شياطين شلون تطلبون مني اعوفه وانتو تردون تقضون عليهم
ايان:اليكس صار بشري هسة يعني بعد ما اله علاقة بيهم واخته جينيفر صارت ويانه
دانيال:صح
-اذا ساعدناكم مراح تغدرون بينا
دانيال:احنا الملائكة يعني مستحيل نغدر بحد ساعدنا ووكف ويانه
ايان:واحنا هم مثلهم
دانيال:اني اضمن لك جزيرة ايان محد راح يتعرض الكم
ايان:ونشيل الحدود ونصير جزيرة واحد واحد يدخل على الثاني
ابتسم وثم قال
-تمام وافق راح اساعدكم
وضعوا أيديهم مع بعض و اتحدوا مع بعض لتدمير الشر من هذه الجزيرة وطلب زعيم الوحوش من رجاله بان يطلقوا سراحه اليكس....
وثم اخذوا وذهبوا الى القصر كانت اليكساندا تتحدث مع تينا وفجأة انفتح الباب ودخل اليكس
اليكساندا:اليكس
ركضت عليه واحتضنت حملها بين يديه واصبح يدور بها وكان الجميع ينظرون لهم و يبتسمون
اليكساندا:لك جاي شتسوي اوكف
تركتها وابتعد قليلاً عنها
اليكساندا:لك شبيك اجيت تموتنه
اليكس:اموتكم؟
نظرت إليه وابتسمت
اليكس:شبيج
اليكساندا:اليكس اني حامل
اليكس:شو
الجميع:واووو
اليكس:حامل
اليكساندا:اي حامل
اليكس:مجاي اصدك
همست تينا لايان
تينا:صدك شلون صارت حامل
ايان:مو اليكس صار بشري و اكيد صار بينهم شي بوكتها وجسم اليكساندا تقبل الحمل
تينا:اها
اليكس:اذا تدري بنفسج حامل شلون اجيتي
اليكساندا:على مودك
اليكس:اني مو كلتلج لا تجين ليش ما تسمعين الكلام
اليكساندا:لعد تريدني اعوفك الوحدك بهذا الوضع
اصبحوا يتشاجران حوله هذا الموضوع وكانت كارلا تنظر لهم وتبتسم وفجأة شعرت بلمسات على كتفها التفت ورأت دانيال يقف بجانبها
دانيال:شبيج تباعين عليهم هيج
شعرت بالتوتر من لمساته تلك
كارلا:ولا شي بس اكول قصتهم حلوة حبها وبعدين تحول بشري على مودها وهسة راح يجيهم ولد
دانيال:وليش قصتنا مو حلوة
كارلا:ما بقت لنا قصة
دانيال:ليش اذا خربت نرجعها من جديد كارلا:تعتقد ترجع مثل قبل
دانيال:اكيد راح ترجع مثل قبل واحسن من قبل هم
ابتسمت إليه و امسك بيدها
اليكس:يله احنا صار لازم نرجع
نظرت اليكس لتينا
اليكساندا:انتي اخذتي القرار الصحيح لازم تبقين بالمكان اللي موجود بيه حبيبج
نظرت تينا لايان وابتسمت
تينا:اي ادري
مارك:يله لعد امشوا
دانيال:خل نروح كلنا وياكم لازم نوصلكم حتى نتأكد طلعتوا بأمان
خرجوا جميعهم وذهبوا الى بوابة الخروج من هذه الجزيرة
احتضن اليكس جينيفر
اليكس:ديري بالج على نفسج
جينيفر:لا تخاف عليه انت دير بالك على نفسك
ابتعدت عنه وثم نظرت إلى اليكساندا
جينيفر:ديري بالج عليه وعلى ابنج
اليكساندا:لا تخافين هذول حياتي كلها
جينيفر:ولا تجون على هاي الجزيرة لو شو مصار لا تجون
دانيال:صح راح تطلعوا بعد لا تجون بعد
الحاكم:معقول ترحون من غير ما نودعكم
التفوا حولهم وكانوا الجميع امامهم الحاكم ورجاله و روبن ومادلين
مادلين:هلو اليكس معقول تروح من غير ما تودع اختك وابوك يصير
وقف اليكس امام اليكساندا لكي يحميها
الحاكم:حمدالله على السلامه اليكس طلعت عايش غير تكول
دانيال:خليهم يرحون
الحاكم:انت لا تدخل اصلا احسابك بعدين جاي
ايان:شتسوي مثلاً
الحاكم:شنو واتفقوا كلكم عليه من وين اجتي هاي الشجاعة عدكم
-واحنا هم وياهم مو بس همه
التفتوا حولهم وجدوا عدد كبير من الوحوش حولهم
مادلين:هاي شنو راح تسوون انقلاب علينا هذول ما محترمي احد
جينيفر:انتي خليج ساكته حسابج بعدين
مادلين:شنو لسانج صار طويل يا صغيرونه
اليكس:انت شتريد بالضبط
الحاكم:اخذ روحك
اليكس:تاخذ روحي
الحاكم:اي وهاي المرة صدك واخذ اليكساندا
اليكس:كلتلك هاي الكلمة قبل وراح ارجع اكولها مراح تاخذها مني لو على موتي
الحاكم:شوف راح نسوي تحدي بينه واللي يفوز راح ياخذها شنو رأيك
اليكساندا:اليكس لا تسوي شي عوفه
اليكس:اهدي
انظر إليه
اليكس:اني ما اسوي تحدي على حبيبتي
الحاكم:لعد جبان انت
اليكس:شو
الحاكم:اذا تحجي هيج يعني جبان
دانيال:اليكس هذا جاي يستفزك عوفه
اليكس:ماشي
كارلا:لك انت شتسوي
اليكساندا:اليكس شنو هو اللي ماشي
اليكس:موافق اتحدك بس اذا خسرت تطلع منا ومن هاي الجزيرة كلها
الحاكم:تمام وهاي اذا خسرت
اقترب اليكس منه ووقف امام الجميع وايضاً اقترب الحاكم وطلب من حرسه بان يحضروا إليه جمره
اليكس:شنو هاي
الحاكم:راح تلزم هاي الجمره بيدك لحد ما تخلص ومنو الي يتحمل للاخير راح ياخذ اليكساندا والي يخسر راح يطلع منا
اليكس:لك وحدة والي وحده
الحاكم:اي تجرب
اليكس:اكيد
وضعوا الجمر بيد الحاكم وايضاً بيد اليكس وكانت يداهم تحترك بشده لقد اصبحت اوجههم حمراء من شده الألم
طال الامر خمس دقائق واسقط الحاكم الجمرة من يده لم يتحمل اكثر فرحت اليكساندا لقد فاز اليكس بالتحدي وبعدهم رمى اليكس الجمره من يده
اليكس:شفت منو يحبها اكثر ومنو تحمل على مودها اكثر
الحاكم:انت ذكي
اليكس:طبعاً
الحاكم:بس مو اذكره مني الحجر اللي جان بيدك هسة هذا حجر سام يعني اي احد يلزمه يموت يعني انت راح تموت بعد كم دقائق مو اكثر
اليكساندا:شنو
دانيال:هذا شنو جاي يحجي
الحاكم:عبالك اعوفك تطلع بسهولة بعد كل اللي سويته
اليكس:لك انت واحد....
اراد ان يضربه وفجأة شعر بالدوار واصبح جسده يرتعش لقد شلة حركته وسقط على الارض
اليكساندا:اليكس
ارادت ان تذهب إليه ولكن امسكت بيدها كارلا
كارلا:لا تروحين
اليكساندا:عوفيني خل اروح اشوفه
جينيفر:ياحقير يالكلب اليوم اموتك
دانيال:كارلا ديري بالج على اليكساندا
كارلا:شو
هجم الجميع على الحاكم ورجاله واصبح شجار كبير بينهم
دانيال:جينيفر عوفيه الي وانت روحي على مادلين راح تكتل اليكس
التفت حولها ورأت مادلين كانت تقوم بخنق اليكس ركضت عليه ورضربتها بقوة سقطت على الارض وثم نهضت وهجمت عليها واصبح شجار قوي بينهم وثم امسكت بيدها وطلبت من مارك ان يساعدها لم تستطع عليها بمفردها لانها كانت قويه جداً وثم حملوها ورموا به في الوادي المليئة بالتماسيح وايضاً كان ايان يتشاجر مع روبن وثم رمى به في الوادي ولكنه سقطه معه صرخت تينا
تينا:ايـــــــــــان
ركضت عليه وامسكت بيده قبل ان يسقط
تينا:وينكم تعالوا ساعدوني
اقتربوا منها احد رجال والوحوش وساعدوها واخرجوا ايان من بين تلك الحفرة قبل ان يسقط
لقد مات الجميع ما عدا الحاكم الذي لا يزال يتشاجر مع دانيال وفجأة حاوطوا جميعاً واصبح يلتفت حوله وكأنه يبحث عن مكان للهروب منهم وفجأة ركض شخص من بين الموجودين ودفعه بقوة وسقط في الوادي معهم لقد اكلتهم التماسيح جميعاً
التفت الجميع الى ذالك الشخص كان اليكس يقف بعيدا ويبتسم لهم صرخت اليكساندا وثم ركضت عليه واحتضته واصبحت تبكي
اليكس:شبيج خفتي كلتلج مراح اعوفج اليكساندا:جنت راح اموت من شفتك وكعت
اليكس:حبيبتي كل هاي جانت خطه متفقين عليه كلنا حتى نخلص منهم
دانيال:والحمدالله نجحت خطتنا وخلصنا
اليكس:صح
اليكساندا:بس شلون
دانيال:عدنه واحد من جواسيس الحاكم بلغنه شنو يريد يسوي الحاكم واحنا لعبنه عليه
اليكساندا:يعني انت مجان بيدك سم ولا شي
اليكس:لا غيرنا الحجر من غير ما ينتبه هذا الغبي
اليكساندا:وليش ما حجيت خليتني اموت من الخوف
اليكس:مو اخاف احجي وتخربين الخطه
اليكساندا:شو
الجميع:ههههههههه
جينيفر:خلصنا من الكل
اليكس:اي الحمدالله
اصبح الجميع ينظر الى اليكس
اليكس:شبيكم
اليكساندا:هاي اول مرة تكول الحمدالله
اليكس:ومو اخر مرة احنا طلعنا من هاي المشكلة بفضل الله مو صح
دانيال:اي صح
اليكس:وبعدين اني هسة مو شيطان يعني ماكو بكلبي شر لاحد كافي انتو ساعدتوني مراح انسه اللي سويتوا ابدا
اليكساندا:احبك اليكس
اليكس:حبيني بس لما نرجع للبيت لان عدنا حجي هواي
ودعهم الجميع وخرجوا من تلك الجزيرة وبعد مرور سنوات طويلة كارلا ودانيال تزوجوا وانجبوا اطفال اليكس واليكساندرا وايضاً تصالح دانيال مع اخته استفانيا......
اما ايان وتينا بفضل سحر كارلا لقد اصبح لديهم طفلاً ايميلي واميليا
اما جينيفر تزوجت ابن عم دانيال هاري و ايضاً شبيه اوسكار ....
وكانوا الجميع يعيشون بخير وسعاده في تلك الجزيرة واصبحت حياتهم مختلفه تماماً ولا يوجد اي عالم للشياطين ولا حاكم كان الجميع يحكم نفسه بنفسه والخير عم على الجزيرة بأكملها....
اما العالم الخارجي مارك تزوج من تينا وانجبوا اطفال مريام وفادي...
و اليكساندا واليكس لقد انجبوا ثلاثة اطفال مايك ومايا وماريا
لقد اصبحت السعادة تعم الجميع ولقد حصل كل شخص على ما يريده...
في هذه الحياة لا يوجد شيء مستحيل وكل ما نتمنى سوف نحصل عليه بفضل الله سبحانه وتعالى....بعد كل الذي حصل لقد تأكدت اليكساندا لانه الوحوش والشيطان هم موجودون في الحقيقة وليس فقط في الروايات والاحاديث
النهاية.....
