اموت اوسكار اثر في حياة الجميع ولقد ترك اثر كبير في حياة الجميع وخصوصاً جينيفر التي لا تزال في حالة صدمة لم تستوعب ما حصل واكثر شيء كان يحزنها هو ان اوسكار قد مات بسببهم... ليس جينيفر الوحيدة في حالة صدمة حتى اليكساندا لا تزال مصدومة من كلام اليكس عن اخيها وكانت هناك اسئله كثيره بداخلها وتريد لها اجابه نزلت إلى الاسفل وجدت روت يشاهد التلفاز اقتربت منه وجلست بجانبه
اليكساندا:ممكن نحجي
روت:اي تفضلي
اليكساندا:انت من شوكت تعرف اليكس
روت:من زمان طويلة
اليكساندا:يعني تعرف كل شي عنه
روت:اي كل شي عنه جبيرة وصغيرة
اليكساندا:اها
روت:شبيج
اليكساندا:مابيه شي بس
روت:بس شنو
اليكساندا:اني خايفه يعني لشوكت راح ابقه محبوسة هنا مليت
روت:صح الموضوع ممل بس احنا مضطرين ما عدنا حل ثاني انتي تدرين اذا الحاكم عرف عن اللي جاي يسوي اليكس راح شيسوي
اليكساندرا:شنو
روت:راح يمحي عن الوجود
اليكساندا:شنو
روت:اي هذا الحاكم هو اقوة واحد بهاي الجزيرة كلها تسمع كلامه وتخاف منه حتى الملائكة ميكدرون يسوون شي من غير علمه
اليكساندا:لعد شلون راح يطلعوني منا
روت:منو
اليكساندا:اها
روت:يعني انتي جنتي مقررة تنهزمين منا؟ اكيد من غير علمه والا جان رفض الحاكم وطبعاً اليكس ما يدري
صمتت اليكساندا
روت:اسمعيني ماكو واحد يحبج ويخاف عليج هنا مثل اليكس هو جاي يخاطر بحياته على مودج وانتي لازم تقدرين هذا الشي....
حقاً اليكس يخاطر بحياته من اجلها ولكنها لا تقدر حجم الخطورة التي يعرض نفسه إليه من اجلها ولكن كل ما تريده اليكساندا هو الخروج من هذا المكان ولكن السؤال هل اليكساندا فعلاً تحب اليكس ام....
اما من جانب ايان ماذا سيفعل عندما علم بماذا تنوي اماندا القيام به...
كان يتناول الفطور ودخل عليه احد حراسه
-سيدي
ايان:خير شكو
-سمعت بخبر اللي صاير
ايان:خبر شنو
-يكولون اوسكار امير الملائكة مات البارحة
ايان:شنو
-اي هسة سمعت واجيت بسرعة حتى ابلغك
ايان:انت جاي شنو تحجي شلون مات
-جانت حالة كارلا خطير و اوسكار انقذ حياتها وانطاها روحه
ايان:شو يعني اوسكار مات حتى كارلا تعيش
-اي سيدي
-اوف شنو هاي الاخبار يعني كارلا صارت من الملائكة هسة
-اكيد هذا بفضل روح اوسكار....
ذهب مارك مع تينا الى عالم الملائكة لكي يتحدث مع دانيال بامر اليكساندا
مارك:برأي لازم نتنظر شوي يعني مو وكت هذا الموضوع
تينا:صح بس لازم نعرف شي عن اليكساندا يعني ميصير نبقه هيج
مارك:هو تعبان هسة بعد موت اخوه برأيج راح يكدر يحجي ويانه
تينا:ادري هذا الشي مو وكته بس لازم نشوف حل يعني ميصير يبقه الوضع هيج
طلبت تينا من احد الحراس التحدث مع دانيال ولكن دانيال رفض التحدث الان
مارك:اها شفتي مو كلتلج الوكت مو مناسب حتى نحجي
وفجأة انفتح الباب وخرجت استفانيا وكانت تحمل بيدها حقيبه كبيرة
مارك:هاي شنو
اقتربت منها تينا
تينا:استفانيا هاي شنو وين رايحه
استفانيا:رايحه من هذا المكان
تينا:وين تردين ترحين
وفجأة انفتح باب المنزل وخرج دانيال نظر إلى حقيبة استفانيا وثم اقترب منها
دانيال:استفانيا وين رايحه
استفانيا:رايحه منا
دانيال:وين
استفانيا:رايحه على مكان امن اكثر من هذا المكان حتى اعيش حياتي ما اريد اموت مثل كلودي اوسكار ما اريد اموت بسببك
دانيال:بسببي
استفانيا:اي كلودي ماتت بسببك و اوسكار مات بسببك تريد تموتني اني هم
دانيال:شنو اموتج استفانيا انتي ليش تحجين هيج اني ما..
استفانيا:لا تحجي شي ما اريد اسمع جذب كافي اللي صار بسببك
دانيال:ليش تحمليني مسؤولية شي مو اني السبب بيه
استفانيا:لا انت السبب بكل شي صار بسببك حتى تنقذ حبيبتك ضحيت بأخوك وسويتها ملاك حتى تجي تعيش وياك خلص عيش وياهه واتمتع بحياتك وانساني وانسى اوسكار وكلودي عيش حياتك بعد صار اللي تريده ارتاح
اخذت حقيبتها وخرجت من القصر ولا يزال دانيال واقفاً في مكانه وينظر الى بوابة القصر
اقتربوا منه تينا ومارك
تينا:لا تزعل منها هي هسة بحالة صدمة ومجاي تعرف شنو تحجي بس لما تهدى راح ترجع
دانيال:بس كلامها صحيح اني السبب كله بسببي كل شي راح مني اني خسرت كل شي
تركهم ودخل إلى القصر
مارك:راح شنسوي هسة
تينا:ما ادري بس الوضع زفت هسة....
ذهب روبن الى الحاكم لكي يتحدث معه عن اليكساندا
الحاكم:شنو يعني بعدك لحد هسة ما لاكيها احنا جاي نلعب
روبن:لا عفوا مولاي بس دورت عليها هواي بس ماكو اثر الها
الحاكم:شنو يعني ماكو الها اثر شنو طارت حتى لو طارة اريدك تروح وتجيبها راح انطيك مهله لباجر اذا ما جبت خبر عنها راح امسحك من الوجود انت و جزيرتك افتهمت
روبن:حاضر مولاي
الحاكم:روحي هسة
خرج روبن من القصر وعاد الى عالمه وطلب مادلين المجيء لكي يتحدث معها
مادلين:خير بابا
روبن:هو طول ما انتو موجودين بحياتي اشوف الخير
مادلين:شكو بابا شبيك عصبي
روبن:قبل شوي جنت يم الحاكم وانطاني مهله لباجر اذا ما جبت هيج السافله راح تصير مصيبه
مادلين:اوف راح شتسوي هسة
روبن:ما ادري بس لازم الكاها وين مجانت لازم تجيبوها روحوا دور عليها بكل مكان بهاي الجزيرة لازم تلكوها
مادلين:ماشي بس اهدى
روبن:باجر اريدها يمي افتهمتي
مادلين:راح اجيبها باجر وعد بابا
روبن:نشوف والا
مادلين:حاضر
خرجت مادلين وذهبت الى احد الحرس البوابة
مادلين:وين اليكس
-طلع
مادلين:شوكت طلع
-صارله ساعتين
مادلين:صاير يطلع هواي وعلى كيفة ولا عبالك واحد حبيبته مختفيه
قبل أن تدخل رأت جينيفر من بعيد وقفت امامها وهبطت على الارض
مادلين:جينيفر وين جنتي
جينيفر:امشي شوي
مادلين:اكلج سمعت بالخبر الحلو
جينيفر:خبر شنو
مادلين:يكولون اوسكار مات
جينيفر:اي سمعت
مادلين:وشبيج تحجين بلا مزاج
جينيفر:تعبانه اريد اروح ارتاح و كافي اسئله وعوفيني
مادلين:هاي شبيج
تركتها وذهبت إلى غرفتها
مادلين:شنو صاير احس جاي يصير شي غريب واني لازم اعرف شنو
التفت إلى الحارس
مادلين:اسمع
-نعم مولاتي
مادلين:اريد منك شي
-تفضلي مولاتي.....
وصل اليكس الى القصر وذهب الى غرفة جينيفر لكي يتحدث معها
اليكس:جينيفر اريد احجي وياج
جينيفر:شنو
اليكس:امشي نطلع
جينيفر:ما اريد ما الي واهس اطلع اليوم
اليكس:مراح نتأخر امشي
هي كانت لا تريد الخروج ولكنه كان مصر ولذاك قررت الذهاب معه وذهبوا وصلوا الى الحديقة
جينيفر:ليش اجينه هنا
اليكس:تذكرين اول ما ماتت كلودي واجينه هنا
جينيفر:اي
اليكس:تذكرين شنو كلتيلي...
جينيفر:(حزنك ماكو منا فائدة اليكس يعني انت من راح تقهر نفسك هيج عبالك راح ترجع كلودي اخي اللي يروح ما يرجع بعد وانت بعدكم عايش لا تظلم نفسك خليك قوي مثل ما اني اعرفك ولا تضعف ابدا اللي يروح ما يرجع بعد بس احنا بعدنا عايشين والحياة مستمرة)
اليكس:اذكرتي هسة؟ اني راح اكلج نفس الحجي لا تضعفين وخليج قويه ارجع اختي القديمة الي جنت اعرفها
جينيفر:ماكو شي يرجع مثل مجان
اليكس:معقول لهل درجه جنتي تحبينه
جلست على الأرض واصبحت تبكي جلس اليكس بجانبها
جينيفر:اني الشي الوحيد اللي قهرني انو راح هو وما يعرف شكد جنت احبه لو عرف يمكن مجان راح
ضمها إلى صدره وبعد لحظات ابتعدت عنه ونظرت اليه
جينيفر:احنا السبب بموته
اليكس:جيني...
جينيفر:خليني اكمل كلامي اليكس احنا السبب بموته انت تدري شنو يعني هذا يعني اذا عرف دانيال راح تصير مشكله وما اريد المشاكل ترجع بعد
اليكس:شنو يعني
جينيفر:يعني لازم تعوف اليكساندا
اليكس:شو
جينيفر:اليكس منريد مشاكل بعد
اليكس:واليكساندا شعليها
جينيفر:كل شي صار بسببها احنا سوينه هيج حتى ننقذ حياتها بس احنا تسببنا بموت شخص ثاني
اليكس:لا مستحيل اعوفها
جينيفر:اخي اسمعني انت وياهه مختلفين هواي هي انسانه وانت شيطان والشيطان والانسان مستحيل يجتمعون سوه انت اذا عفتها تروح راح تحميها لان اذا بقت هنا راح ياخذها منك الحاكم وانت تعرف شنو ممكن يسوي بيها
اليكس:مستحيل اسمح بهذا الشي اني احبها وراح احميها
جينيفر:تحميها من الحاكم ؟زين لشوكت راح تبقه بهذاك المكان محبوسة اكيد راح يجي يوم ويعرفون بمكانها و بوكتها راح نوكع كلنا بمشكلة جبيرة احسن شي تسويه تخليها ترجع على عالمها حتى نخلص كلنا
لم يقول شيئاً
جينيفر:فكر زين بكلامي....
ذهبت اماندا الى ايان لكي تتحدث معه كان نائماً دخلت إلى غرفته وجلست بجانبه اصبحت تنظر الى وجهه فتح عيني وتفاجئ برؤيتها
ايان:انت شتسوي هنا
اماندا:اجيت حتى اشوفك
ايان:تشوفيني؟ لو تحاولين تكتليني
اماندا:شنو
ايان:اني ادري شنو نواياج
اماندا:شنو هذا الكلام السخيف اني اريد اكتلك؟
ايان:كافي لعب اماندا
اماندا:اني مجاي اللعب
ايان:احجي شنو تردين
اماندا:اريدك
ايان:واني كلتلج اني مو الج
اماندا:ومراح تكون لغيري
نهضت من السرير
اماندا:معك حق فعلاً اني اريد شي منك ايان:اي خلينه نحجي الصراحة
اماندا:اني حتى انقذ نفسي لازم انت تموت
ايان:وانتي جايه حتى تكتليني
اماندا:بصراحة ما عندي حل ثاني
نهض واصبح يضحك
اماندا:ليش تضحك
ايان:لان كلامج يضحك اني اموت على يدج كولي غيرها
اماندا:ليش
ايان:انتي وحدة جبانه شلون تكدرين عليه
اماندا:لا تحاول تستفزني ايان
ايان:بس اني مجاي استفزج هي هاي الحقيقة
اماندا:انت لعبة بيه وغدرتني وتستاهل الموت
ايان:اني ما لعبة بيج ولا غدرتج انتي بقيتي وياه على مود مصلحتج يعني لا تسوين نفسج بريئة
رفعت حاجبها باستهزاء
اماندا:لا
ايان:طبعاً اني اعرف كل شي من بالبداية انتي جنتي وياي مو لان تحبيني لا حتى تحمين نفسج بيه لان اني امير هنا وعند سلطه جبيرة وانتي جنتي تردين تبقين تحت جناح السلطة مالتي بس من حسيت بالقوة هاي جاي تروح منج بديتي تلعبين وتحاولين تكتليني حتى تاخذين كل شي الج
اماندا:ومدام تدري بهذا كله ليش بقيتني يمك كل هذا الوكت
ايان:لان جنت اريد اللعب مثلج بالظبط قابل بس انتي تعرفين تلعبين اني هم اعرف اللعب ...يله هسة روحي وهاي المرة ما اريد اشوفج هنا برا بـــــــــرا
اماندا:مو بهاي السهوله راح تخلص مني هجمت عليه اردات ان تقتله ولكنه دفعها بقوة واخرجها من الغرفة سقط على الطاولة كسرتها نهضت وكانت عينيها حمراء ركضت باتجاهه ضربته بقوة سقط على النافذة وشتد الشجار بينهم امسكت اماندا برقبته كانت تحاول تكسرها ولكنه كان يمسك بيدها في اخر لحظة شعرت اماندا بضربه قويه على راسها ابتعدت عنه كانت تينا تقف امامها وبيدها كرسي مكسور نظرت إليها بغضب
اماندا:اجيتي واخيراً
ايان:تينا اطلعي من البيت بسرعة
كانت تينا تقف امامها وتنظر إليهم
ايان:تينا اطلعي
اماندا:راح اخلص منكم اليوم
نهضت اماندا وركض باتجاه تينا قبل أن تصل إليها امسك بها ايان وضربها لتقع على الارض واغمى عليها ركض باتجاه تينا واحتضنها
ايان:تينا
تينا:انت بخير صارلك شي
ايان:لا تخافين اني ما بيه شي
ابتعدت عنه
تينا:الحمدالله
ايان:شلون اجيتي هنا
تينا:تحلمت حلم مو زين بيك واجيت حتى اشوفك خفت عليك
ايان:لا تخافين ياعمري
تينا:لا تعوفني ايان خليك يمي
ايان:مراح اعوفج راح ابقه يمج
تينا:احبك
ايان:مشتاقلج
احتضنها وبعد لحظات شعر ايان بضربه قويه على راسه فقدة وعيه
تينا:ايان.... ايان رد عليه
اماندا:هسة بقينه بس اني وانتي
تينا:يا حقيرة شنو سويتي
اماندا:خليته يسكت شوي حتى نبقه اني وياج بس ونصفي حسابنا
تينا:حساب شنو
اماندا:اني من اول ما شفتج واني عندي احساس راح تخربين كل خططي
تينا:واني شعليه بيج حقدج وغيرتج همه وصلوج لهنا لا تلومين احد على اخطائك
اماندا:اكبر غلطة سويتها من عفتج عايشه بهذاك اليوم وما كتلتج بس مراح شي عليه واللي ما كدرت اسوي بهذاك اليوم راح اسوي هسة
ركضت تينا واتجاه الباب وركضت اماندا خلفها كانت سرعتها لا شيء امام سرعة اماندا امسكت بها وحاوطتها بيدها
تينا:عوفيني
اماندا:عبالج راح اخليج تنهزمين مني
تينا:ايان ايـــــــــان
اماندا:صرخي شكد ما تكدرين محد راح يخلصج مني
كانت حاول ابتعاد عنها ولكنها كانت تمسك بها بقوة وتضع يدها على رقبتها
اماندا:كولي وداعاً لايان
تينا:لا وخري مني
امسكت برقبتها وكسرتها وثم رمت بجثتها على الارض
اماندا:واخيراً خلصت منج
ايان:تينــــــــا
التفت حولها ورأت ايان يقف امامها وينظر الى تينا
اماندا:او حبيبي للاسف وصلت متأخر حبيبتك هسة ماتت على يدي
فتحت عينيه على وسعها
اماندا:ههههههههههه
عندما سمع صوت ضحكاتها اشتد غضبه والشر يملئ عينيه لم يتحمل ايان اكثر هجم عليها وضربها بقوة كبيرة لتسقط بعيداً.....وثم نهضت ونظرت له
اماندا:واجه الدور عليك حتى تروح وياهه
هجمت عليه و ركض باتجاهه واصطدموا ببعض وكان الشجار عنيف بينهم امسك ايان برقبتها وخلعها حتى فصل راسها عن جسدها وثم اشعل النيران واحترقت جثتها بالكامل لكي لا تعود مرة اخرى للحياة
نهض بسرعة وذهب باتجاه تينا كانت مرميه على الارض
ايان:تينا... تينا اكعدي تينا
كان يحاول أن يجعلها تستيقظ
ايان:تينا لا تعوفيني دخيلج اكعدي فتحي عيونج تينا
كان يحاول معها كثيراً ولكي تستيقظ ولكن لا جدوى من ذالك وثم
اقترب منها ووضع شفتيه على شفتيها وعمل لها تنفس اصطناعي لكي تستيقظ و ايضاً هذا لم ينفع
ايان:لا تعوفيني تينا فتحتي عيونج اترجاج
اصبح يلتفت حوله لعلى يجد احد يساعدة
ايان:وينكم تعالوا ساعدوني اكو احد هنا وينكم
ايان:تينا تحملي حبيبتي تحملي بس شوي....
كارلا "
لا استطيع التحمل اكثر لا استطيع أن اقف هكذا لا يمكنني التحمل يجب علي ان اذهب إليه واتحدث معه
نهضت غيرت ملابسي وخرجت من المنزل
روني:وين
كارلا:هاي انت شتسوي هنا
روني:وين رايحه
كارلا:رايحه اشوف دانيال
روني:اني مو كلتلج اصبري هسة
كارلا:ما اكدر اصبر لازم احجي وياه
روني:بس هو هسة بحالة صدمة بعد ممات اخوة انتي لازم تنطيه وكت يستوعب اللي صار
كارلا:ما اكدر اعوفه لوحدة بهاي الحالة اني لازم اكون بجانبه
روني:بس
كارلا:لا تحاول تمنعني خليني اروح
تركته وذهبت الى عالم الملائكة تسللت من الحراس ودخلت من غير ان يراني احد لم يشعر احد بالدخولي لانني الان اصبحت واحدة منهم....
اتجاه الى القصر ذهبت الى غرفة دانيال فتحت الباب ودخلت كان نائماً جلست بجانبه واصبحت تتأمل وجهه وهو نائماً
كارلا:مشتاقتلك هواي حبيبي
فتح عينيه وكان متفاجئ برؤيتي امامه
دانيال:كارلا؟
نهض ونظر إلي
كارلا:دانيال مشتاقتلك حبيبي واجيت حتى اشوفك
دانيال:ليش اجيتي
كارلا:شنو
دانيال:ليش اجيتي كارلا
كارلا:شنو ليش اجيت؟ اجيت حتى اشوفك شنو انت متريد تشوفني
نهض من السرير ونهضت وامسكت بيده
كارلا:دانيال حبيبي ليش جاي تسوي هيج اني ادري بيك انت تعبانه هسة واني اجيت حتى اكون وياك واساعدك
دانيال:ما اريد مساعدة من احد
كارل:من احد؟ شنو اني بالنسبة لك احد
دانيال:روحي كارلا
كارلا:دانيال ليش جاي تسوي بنفسك هيج انت انت تعبان خليني يمك حتى اساعدك
دانيال: ما اريد مساعدة روحي
كارلا:دانيال ارجوك
دانيال:جاي اكلج روحـــــــــــي
تجمعت الدموع في عيناي
كارلا:خلص اني رايحه مراح ازعاجك
تركته القصر وخرجت عدت إلى منزلي جلست امام المنزل واصبحت ابكي
كارلا:ليش دانيال ليش... لا تعوفني
روني:على مود هذا السبب ما جنت اريدج ترحين
رفعت راسي ورأيته روني يقف على غصن الشجرة
روني:انجرحتي؟
كارلا:هواي
روني:انتي لازم تعذرينه اخوة مات وضحى بحياته حتى انتي تعيشين
كارلا:ياريت ما سوه هيج ياريت عافني اموت اني الموت اهون عندي من فراق دانيال ما اكدر اعيش من غيره
روني :دانيال يحبج واكيد راح يرجع
كارلا:مستحيل يرجع دانيال عافني
روني:لا مستحيل يعوفج بس هو هسة متاثر بموت اوسكار بس بعدين راح يرجع....
اليكساندا "
كنت نائماً واستيقظت على لمسات يدان فتحت عيني وجدت اليكس يجلس بجانبي على السرير نهضت مفزوعة
اليكساندا:اليكس شوكت اجيت
اليكس:صارلي نص ساعة
اليكساندا:شلون دخلت
اليكس:من الشباج
اليكساندا:شنو
اليكس:اي شبيج ما تعودتي زين اذا طلعتج من جوة اللحاف جان شنو صار بيج
اليكساندا:شنو
اليكس:انسي الموضوع شلونج انتي
اليكساندا:بخير اكلك انت من وين تعرف مارك
اليكس:منو مارك
اليكساندا:شبيك اخوة انت مو كلت شفته شلون شفته
اليكس:اي لان هو موجود
اليكساندا:وين موجود
اليكس:هنا
اليكساندا:على هاي الجزيرة
اليكس:اي
اليكساندا:شلون اجه
اليكس:قصة طويلة بعدين من تشوفينه راح تعرفين
اليكساندا:شنو يعني راح تخليني اشوفه
اليكس:اي
اليكساندا:مجاي اصدك يعني راح اطلع منا
نظر إلي
اليكس:انت بعدج تردين تطلعين منا
اليكساندا:اكيد
اليكس:اها
اليكساندا:شبيك
اليكس:ما بيه شي
اليكساندا:اليكس اني ادري انت تضوج من تعرف اريد اطلع منا بس اني ما اكدر اعيش طول حياتي بهاي الجزيرة ...اني غيركم حياتي غير حياتكم ما اكدر اعيش نفس حياتكم حتى لو جنت اريد
اليكس:انت تحبيني
اليكساندا:شنو هذا السؤال
اليكس:سألتج سؤال انتي تحبيني
اليكساندا:ليش تسئل وانت تعرف شنو جوابي
اليكس:لا اني مو متأكد من جوابج
اليكساندا:شنو
نهض اليكس
اليكس:ماشي اليكساندا
اليكساندا:شنو ماشي
اليكس:تردين تطلعين منا راح اطلعج منا
اليكساندا:شنو
اليكس:جهزي نفسج باجر الصبح راح ترجعين على عالمج
اراد ان يخرج من الغرفه ولكني امسكت بيده
اليكساندا:انت وين رايح
اليكس:طالع
اليكساندا:وين رايحه هسة اجيت
اليكس:باجر الصبح اجي اخذج منا
تركني وخرج من المنزل
اليكساندا:الله منك اليكس انت مجاي تفهمني
ذهبت ووقفت امام المراة واصبحت اتحدث مع نفسي
-شلون تردينه يفهمج اذا انتي مجاي تعرفين شنو تردين انتي فعلا تحبين اليكس انتي فعلا تردينه
اليكساندا:اكيد احبه
-مو واضح هذا الحب بعيونج انتي يمه بس للامان
اليكساندا:شو
-اي لان هو الوحيد اللي يكدر يحميج هنا ولهذا السبب انتي باقية يمه لحد هسة لان هو قوي ويكدر يحميج بس مو لان، تحبينه لان لو تحبينه مجان تردين تعوفينه وترحين اذا متردينه عوفيه اليكساندا ولا تخلينه يضيع حياته بسببج
اختفه الوهم من على المراة
اليكساندا:شسوي ياربي ساعدني
ليست اليكساندا الوحيدة التي كانت تريد المساعدة ايضاً ايان كان يطلب المساعدة
ايان:وينكم ساعدوني لك وينكم ماكو احد هنا
نظر إليها
ايان:اني ما جنت اريد اسوي هذا الشي بس اني مضطر تينا سامحيني بس هاي الطريقة الوحيدة حتى انقذ حياتج بيها
اقترب من رقبتها وغرس انيابه بها واصبح يمتص دمائها لقد امتص كثيراً وبعدها حملها واخذها الى القصر وضعها على السرير وثم ذهب إلى الخزانه واحضر حقنه كبيرة وضعها بيده وسحب دماء منه وثم حقنها في قلبها تحرك جسدها وكأنها تستجيب للحقنه
ايان:اي تينا استمري عفيه استمري اصبحت تتحرك كثيراً وقد تغير لون بشرتها وثم توقفت عن الحراك ...
جلست بجانبها ينتظر الى ان تستيقظ وبعد نصف ساعة فتحت عيناها كانت حمراء اللون واصبح لون البشرتها بيضاء جداً كانت ترتعش كثيراً
ايان:تينا انتي بخير
تينا:لا مو بخير جسمي ما ادري شبيه جاي احس بنفسي مو طبيعية ايان شنو صار
ايان:اهدي واسمعيني تينا اني سويت بيج شي
تينا:شنو سويت بيه ايان
ايان:حولتج مصاصة دماء
تينا:شو
ايان:اهدي واسمعيني...
