ستيلا "
لا اعلم ماذا حدث لها اصبحت تتصرف بغرابه عندما رأت الدكتور اغمى عليها وسقطت بين احضانه
ركضت عليها
ستيلا:اليكساندا شبيج
نورس:شنو صارلها
حملها الدكتور ووضعها على الاريكة
-جيبي كلاص ماي
ذهبت وطلب من السكرتيرة بأن تحضر كوب من الماء
ستيلا:جيبي ماي بسرعة
وضع عليها قطرات من المياه لكي تستيقظ لا اعلم ماذا حدث لها ولماذا اغمى عليها فجأة ولماذا امسكت بالطبيب من وجنتيه ونادت عليه باسم اليكس
نورس:شبيها
ستيلا:ليش تخربطت
-انتظرور شوي خل تكعد
بدأت تستعيد وعيها فتحت عيناها ونظر إلينا وثم نظرت الى الطبيب بطريقة غريبة
ستيلا:اليكساندا انتي بخير صارلج شي
لم تركز معي كان كل تركيزها على الطبيب
اليكساندا:اليكس
-اها
كان الطبيب مستغرباً منها
اليكساندا:انت كدامي مجاي اصدك
-عفواً ؟
اليكساندا:شلون... انت.. اني مجاي اصدك شلون طلعت عايش لا وتحولت بشري
ستيلا:شنو
كنا مستغربين من طريقة كلامها وتصرفاتها الغريبة
-متت وبشري وتحولت شنو هاي مجاي افهم شي؟
اليكساندا:شبيك اليكس
-اليكس
اليكساندرا:شنو اليكس انت هم فاقد الذاكرة
-اليكس؟ اليكس منو
اليكساندا:شبيك
ستيلا:اليكسان...
قبل أن اكمل كلامي اشار لي الدكتور نورس بأن اصمت وادعها تتحدث
-اليكس منو؟ اني أوليفر
اليكساندا:أوليفر منو شبيك اليكس انت هم فقدت الذاكرة شنو
أوليفر:اني مجاي افتهم كلامج
اليكساندا:لك شبيك انت مو اليكس امير الشياطين
أوليفر:شياطين اعوذ بالله هاي شنو
ستيلا:شياطين ؟
اليكساندا:لا تسوي نفسك غبي
أوليفر:اني مجاي افتهم شي
اليكساندا:ماشي راح استمر وياك وافهمكم القصة من وكعت الطيارة اني....
وسرت لنا اليكساندا ما حدث معها بالكامل انصدمنا من القصة ولم نستطع تصديق ما كانت تقول اليكساندا لنا
أوليفر:هاي القصة مو وين جايبتها؟
اليكساندا:شنو؟
أوليفر:قصدي هاي من اي فلم لو من مسلسل اخذتها
اليكساندا:انت جاي تسخر من كلامي
أوليفر:بصراحة القصة مجاي تتصدك
اليكساندا:انت شنو تحجي يعني انت ما مصدكين بيه
ستيلا:بصراحة كلام الدكتور صحيح القصة هاي ما تتصدك
اليكساندا:هسة مجاي تصدكين لعد انتي مو قبل كلتيلي موجودين بالحقيقة
ستيلا:اي صح بس محد يشوفهم مو نروح على عالمهم ونعيش وياهه لا ويعتدي عليج شيطان وهاي من وين تتصدك
اليكساندا:لك شبيكم انتو اني مجاي اجذب حتى مارك هناك وتينا هم
نورس:اهدي اليكساندا
اليكساندا:لحد يكول اهدي اني مجاي اتخيل هاي القصة صدك
اصبحنا ننظر الى بعضنا البعض
اليكساندا:ماشي براحتكم لا تصدكون
نهضت من الاريكة وتركتنا وخرجت
ستيلا:اليكساندا... اليكساندا
لحقت بها وكنت احاول التحدث معها
ستيلا:اليكساندا انتظري خل احجي وياج
اليكساندا:ما اريد اسمع شي عوفيني
تركتني وذهبت الى المنزل...
اكثر شي يزعجنا عندما نقول الحقيقة ولا احد يصدق كلامنا ويسخر الجميع منا وهذا اكثر شيء كان يزعج اليكساندا لانها تقول الحقيقة ولا احد يصدقها او يصدق كلامها
نورس:انت صدكت القصة
أوليفر:والله ما ادري بس وين اكو هيج شي
نورس:اذا جذب لعد وين جانت كل هاي السنوات
أوليفر:ما ادري بس كلامها محير شوي
نورس:لا وتكول الشيطان يشبهك يعني عبالك انت
أوليفر:اي بس هذاك عنده ذيل واني
اصبحت يلتفت حوله
أوليفر:وين راح الذيل مالتي ههههههههههه
نورس:ههههههههه
أوليفر:اكلك هاي البنيه اريدها اريد اني اتابع حالتها
نورس:شنو ليظ
أوليفر:اي حولها عليه
نورس:شنو شكلك وكعت
أوليفر:وانت شعليك حولها وبس
نورس:ماشي هاي اذا قبلت تجي بعد
أوليفر:لا راح تجي
نورس:ليش متأكد هيج
أوليفر:لان اني شبيهه حبيبها اقصد الشيطان
نورس:اي يصير خير
نهض اوليفر من مكانه
نورس:وين
أوليفر:وين يعني اروح للبيت لك ما شايف اهلي اجيت من الطيارة عليك
نورس:ماشي سلم عليهم
أوليفر:يوصل يله سلام
نورس:سلام ....
وصلت اليكساندا الى المنزل وعندما دخلت رأت والدتها تنتظرها
-اليكساندا اجيتي
اليكساندا:ما اريد احجي شي هسة
-شكو شبيج
اليكساندا:مبيه شي تعبانه واريد اصعد فوك ارتاح
-صدك رجعت ذاكرتج
اليكساندا:اي رجعت وما اريد تسأليني اي سؤال اريد اصعد ارتاح
-ماشي
تركتها وذهبت الى غرفة دخلت واقفلت الباب وجلست خلف الباب تبكي
اليكساندا:معقول هذا اللي شفته اليوم مو اليكس يعني اليكس راح معقولة
احتضنت نفسها وازداد بكائها
اليكساندا:ليش اليكس ليش عفتني اني محتاجتك هسة ارجعلي وين راحت
واصبحت تبكي كثيراً الى أن غفت عينيها ونمت على الارض من دون أن تشعر ...
اصعب شيء عندما نفقد من نحبه تصبح الحياة فارغه وليس لها أي طعم ونشعر بأنه وجودنا ليس مهم ونتمنى الذهاب إليهم....
هكذا كانت تشعر اليكساندا اصبحت الحياة بالنسبة لها ليس لها اي معنى مر 15 يوم ولا تزال على حالتها تبكي طوال الوقت واصبحت حالتها تسوء كثيراً وكانت كل ما تريده هو الذهاب الى اليكس لقد ذبلت بشرتها واصبح سواد تحت عينيها بسبب قلة النوم لم تستطع النوم لانها كل ما كانت تنام تتحلم احلام مخيفه باليكس وكانت والدتها وستيلا يحاولون مساعدتها ولكنها ترفض المساعدة من احد
-شنسوي هسة لشوكت راح يبقه الوضع هيج
ستيلا:والله ما ادري خالة مثل مجاي تشوفين شكد حاولت وياهه بس هي
-اكلج شنو رايج ناخذها للدكتور نفساني يشوفها
ستيلا:ما ادري بس خوش اقتراح بس اليكساندا راح تقبل
-لازم تقبل
وفجأة سمعوا صوت باب غرفة اليكساندا يقفل وبعد لحظات نزلت من السلم
-اليكساندا شبيج حبيبتي
االيكساندا :مابيه شي اني طالعه
-وين
اليكساندا:رايحه مشوار
ستيلا:اجي وياج
اليكساندا:لا ماكو داعي
تركتهم وخرجت من المنزل
-شلون راحت الوحدها وهي بهاذا الوضع
ستيلا:لعد ما شفتيها ما تقبل اجي وياهه -يمكن لان مجاي نصدك بالقصة
ستيلا:بس اني جاي افكر بكلامها
-شنو يعني
ستيلا:يجوز كلام اليكساندا صحيح يعني يجوز هي فعلاً جانت بغير عالم
-شنو شبيج انتي تخبلتي
ستيلا:فكري بكلامها شوي اذا جانت تتخيل لعد وين جانت كل هاي الفترة ومارك وتينا وين
-ما ادري بس لا تكليلي هيج شغلات شيطان ومصاصين الدماء وما اعرف شنو هاي ممعقول تكون صحيح ماكو شي يثبت
ستيلا:وهم ماكو شي يثبت انو كلام اليكساندا مجرد وهم....
لم تستطع اليكساندا التحمل اكثر لا احد يصدق كلامها والجميع كانوا يظنون بأنها تتخيل وكل ما تقوله مجرد أوهام وقررت بأن تكشف الحقيقة بنفسها وذهبت الى مكان عملها
-اليكساندا
اليكساندا:اهلا
-شلونج شخبارج حمدالله على سلامتج سمعت باللي صار وياج شلون طلعتي
اليكساندا:مو مهم شلون طلعت المهم اني اجيت اليوم حتى احجي وياك
-خير كولي
اليكساندرا:اريد مساعدة منك اني اجيت عليك لان ادري انت الوحيد اللي ممكن تساعدوني
-اي كولي بشنو تردين اساعدج
اليكساندا:انت مخلص شغل هسة
-اي ما عندي شي
اليكساندا:تمام لعد شنو رايك نطلع نشرب شي وهناك نحجي
-انتظريني برا بس اغير ملابسي واجي
اليكساندا:اوكي
خرجت اليكساندا تنتظره وبعد ربع ساعة خرج وذهبوا معا الى احدى المطاعم
-خير اسمعج شنو تردين
اليكساندا:شوف بالبداية الحجي اللي راح احجي ما اريد احد يعرف بيه بس اني وانت
-اي اكيد
اليكساندا:تمام اسمعني زين وركز بكلامي اول شي تذكر الطيارة اللي طلعت بيها وصار الحادث
-اي اذكرها
اليكساندا:تمام زين تكدر تعرف اسماء الركاب
-اي بس
اليكساندا:بس شنو
-هاي مو بسهوله اكدر اطلع الاسماء لان القصة طويلة
اليكساندا:حاول شكد ما تكدر بس لازم تعرف اسماء الركاب هذا اول شي وثاني شي تكدر تراقب مسار الطيارة يعني بالتفصيل من اول ما طلعت لحد ما انقطع الاتصال
-ليش
اليكساندا:اريد اعرف وين انقطع الاتصال بالضبط
-بس هاي لازم نتدخل على التسجيلات ونشوف وهاي صعبه لان المراقبين الخطوط الجوية ما يحركون من مكانهم اليكساندا:هذا الموضوع عوفه عليه بس المهم تكدر
-اي اكدر
تنهدت وابتسمت له
-بس ليش يعني شنو عندج
اليكساندا:اريد اعرف شي ...
انتهت من التحدث معه وعادت إلى المنزل كانت والدتها في المطبخ تعد الطعام
اليكساندا:مرحباً
-اهلا حبيبتي شوكت اجيتي
اليكساندا:هسة
-وين جنتي
اليكساندا:مشوار مهم
-شنو هذا المشوار
اليكساندا:مراح يفيدج اذا عرفتي
-احجي يمكن اساعدج
اليكساندا:ماكو داعي اني اساعد نفسي -حبيبتي اني ادري انتي ضايجة لان مجاي ان صدك بكلامج بس
اليكساندا:ماكو داعي تحجي شي لان اللي راح احجي انتي مراح تقتنعين بيه ولا اني راح اقتنع بكلامج خلينه هيج احسن تصبحين على حير
-تركتها وذهبت الى غرفتها اقفلت الباب وجلست على السرير تفكر
اليكساندا:اتذكر مرة اليكس كال كل انسان بهذا العالم اله شبيه ملاكي و شيطاني يعني اللي شفته كان بشري واليكس شبيها الشيطاني
فتحت عينيها بصدمة
اليكساندرا:يعني هذا...
بعد مرور ثلاثة أسابيع استيقظت اليكساندا صباحاً جهزت نفسها وخرجت من المنزل وبعد نصف ساعة وصلت الى العياد
اليكساندا:مرحباً
-اهلا
اليكساندا:الدكتور موجود
-حضرتج الانسة اليكساندا
اليكساندا:اي نعم
-تفضلي الدكتور منتظرج
اليكساندا:شكراً
فتحت لي الباب ودخلت كان يجلس على مكتبه
اليكساندا:مرحباً
رفع راسه ونظر لي وثم نهض من المكتب ومد يده لي للمصافحه
أوليفر:اهلا الانسه اليكساندا
اليكساندا:اهلا بيك دكتور شكراً لان قبلت تشوفني بعد هذاك اليوم
أوليفر:لا شنو هذا الحجي اصلا اني جنت منتظر زيارتج
اشار لي بان اجلس
اليكساندا:اها
أوليفر:طبعاً كلت اكيد راح تجي تشوفني لان اني اشبه حبيبها السابق
اليكساندا:صح تشبه اليكس كلش هواي لدرجة فكرتك اليكس
أوليفر:اسمه اليكس
اليكساندا:اي نعم
أوليفر:اسمه يشبه اسمج
اليكساندا:اي صح هو هم كال نفس الشي
أوليفر:يمكن لهذا السبب حبيتيه
اليكساندا:لا الاسم ما اله علاقة
أوليفر:معناتها ممكن يجي يوم تحبيني لان اني اشبها
اليكساندا:شنو
أوليفر:شبيج اشاقه ههههههه
ابتسمت بخفه له
أوليفر:ليش طلبتي تشوفيني
اليكساندا:بصراحة اني اريد اطلع اخويه من هذاك المكان
أوليفر:يا مكان
اليكساندا:هذيج الجزيرة
أوليفر:بعدج تفكرين بهذا التفكير
اليكساندا:بصراحة اني ما يهمني اذا اكو احد مصدكني او لا بس كل اللي اريده منك تساعدني
أوليفر:اساعدج بشنو
اليكساندا:بعد التفكير طويل اكتشف انو كل اللي صار بيه جان بسبب وحدة دجالة
أوليفر:شنو
اليكساندرا:وحدة مريه عجوز جانت تشوف المستقبل واني صرت احجي عليها وما صدك بكلامها وهي سوت لي سحر حتى تعاقبني
أوليفر:شنو
اليكساندا:اي
أوليفر:وين اكو هيج
اليكساندا:اني هم مثلك مجنت اصدك بس من صارت بيه صدكت
أوليفر:زين شلون عرفتي هي السبب
اليكساندا:بنفس اليوم اللي شفتك بيه شفتها بالشارع وصارت تحجي حجي غريب
أوليفر:مثل شنو؟
اليكساندا:صارت تكول... صدكتي بوجودهم عرفتي هم موجودين بعالمنا وانو كلامي جان صحيح ... واني ربطت كلامها باللي صار وياي وتأكدت بان كل شي صار وياي بسببها هي
أوليفر:والمطلوب مني شنو
اليكساندا:تروح وياي عليها واحجي وياهه واكلها رجعت ذاكرتي وهذا حتى تساعدني ادخل على هذاك العالم
أوليفر:وليش تردين ترجعيني
اليكساندا:لان اخويه هناك وهي تكدر تدخلني
أوليفر:بس اني شنو علاقتي بالموضوع مجاي افتهم دوري
اليكساندا:اني رحت عليها قبل كم ويوم وكلتلها رجعت ذاكرتي وكلتلها شفت شبيها اليكس وطلبت منها ترجع تدخلني بس هي طلبت تشوفك حتى تساعدني
أوليفر:تشوفني؟ ليش
اليكساندا:ما ادري بس كالت اريد اشوف شبيه اليكس حتى ادخلج
أوليفر:شنو ليش
اليكساندا:ما ادري بس لازم تجي وياي
أوليفر:ماشي بس هاي الفترة عندي شغل انتظريني يومين بس وبعدين اجي وياج
اليكساندا:تمام يله صار لازم اروح هسة
أوليفر:ماشي مع السلامة
اليكساندا:مع السلامه بشوفك
أوليفر:اكيد
تركت وخرجت من عيادة وذهبت الى منزل ستيلا لكي تتحدث معها....
اما من جانب أوليفر اتصل على نورس وطلب رؤيته
نورس:خير شبيك
أوليفر:قبل شوي جانت اليكساندا موجودة عندي
نورس:اي وشنو
أوليفر:ما ادري بس طلبت مني طلب
نورس:شنو
أوليفر:ما ادري بس طلبت مني اروح وياهه على وحدة تسوي سحر
نورس:سحر؟
أوليفر:اي تكول تريد ترجع تدخل على هذاك العالم حتى تطلع اخوها
نورس:انت مصدك بقصتها هاي
أوليفر:هو بصراحة مجاي اصدك بس خلينه نمشي وياهه ونشوف....
وصلت اليكساندا الى منزل ستيلا طرقت الباب وفتحت لها والدة ستيلا
اليكساندا:مرحبا خالة
-هلو حبيبتي شلونج
اليكساندا:الحمدالله ستيلا موجودة
-اي فوك بغرفتها
اليكساندا:اني رايحه احجي وياهه
-اي اتفضلي
ذهبت اليكساندا الى غرفة ستيلا
اليكساندا:هلو اني اجيت
ستيلا:هلا حب تعالي شوكت اجيتي
اليكساندا:هسة
ستيلا:اها رحتي
اليكساندا:اي رحت
ستيلا:وشنو كال وافق
اليكساندا:اي وافق بس بعد يومين
ستيلا:مو مشكلة المهم وافق
اليكساندا:اي
ستيلا:وشنو راح تسوي هسة
اليكساندا:لازم انتظر ما عندي حل ثاني
وفجأه رن هاتف اليكساندا كان رقم غريب
اليكساندا:الو
-الو مرحباً
اليكساندا:اهلا
-اليكساندا اني نورهان اخت تينا
اليكساندا:نورهان هلو شلونج
نورهان:الحمدالله وانتي شلونج شخبارج
اليكساندا:بخير
نورهان:ممكن اشوفج اليوم
اليكساندا:اي طبعاً شوكت
نورهان:انتظرج بالحديقة اللي يم بيتنا
اليكساندا:ماشي نص ساعة واجي
نورهان:واكي
اقفلت الخط ونظرت إلى ستيلا
ستيلا:شكو
اليكساندا:اخت تينا تريد تشوفني
ستيلا:اكيد تسئل على اختها
نورهان:اي راح اروح اشوفها
ستيلا:ماشي واني باجر امر عليج
اليكساندا:اوكي انتظرج يله هسة اروح
ستيلا:مع السلامة
خرجت اليكساندا من منزل ستيلا وذهبت الى الحديقة وعندما وصلت كانت نورهان تنتظرها هناك
اليكساندا:مرحبا
نورهان:هلو اليكساندا شكراً لان اجيتي
اليكساندا:لا عادي
نورهان:بصراحة اني اتصلت بيج لان صارت البارحة شغله وكلت لازم اكلج عليها
اليكساندا:شنو صار
نورهان:انتي مو كلتي اختي بقت هناك وما كدرتي تطلعيها وياج
اليكساندا:اي صح
نورهان:اني البارحة شفت تينا
اليكساندا:شنو
نورهان:اي بارحة جنت بالسوق اني وصديقتي جنت احس اكو شخص جاي يراقبني بس ما كدرت اعرف منو بس فجأة شفت تينا واكفه بمكان بعيد وتباوع عليه وجان واكف يمها شخص بس من شفتها انهزمت بسرعة حاولت شكد بس ما لحكت بيها واختفت مثل بسرعة
اليكساندا:شنو تينا معقول؟
نورهان:اني هم مثلج مصدكت من شفتها كلت هي مو هناك شلون طلعت
اليكساندا: شلون طلعت
نورهان:ما ادري بس انتي مو كلتي الباب انقفل بعد سنة يله يرجع ينفتح
اليكساندا:اي هذا اللي سمعته منهم
نورهان:لعد تينا شلون طلعت
اليكساندا:اكلج شلون جان شكله الشخص الي جان وياهه
نورهان:ما ادري ما شفته زين بس جان طويل وبشرته بيضه وشعره اشقر شوي ما ادري بس هيج شفت منه
اليكساندا:هاي مواصفات ايان اكيد ايان لان هي يمه
نورهان:هذا هو نفسه مصاص الدماء اللي حجيتي عنه
اليكساندا:اي هو نفسه
نورهان:زين تينا شلون طلعت اذا ميصير تطلع
اليكساندا:اكلج تعالي وياي
نورهان:وين
اليكساندا :امشي بسرعة
اخذتها وذهبت الى منزلها دخلت إلى غرفتها واقفلت الباب وثم واحضرت جهاز الكمبيوتر فتحته وجلست تتصفح النت
نورهان:انتي جاي شتسوين
اليكساندا:جاي ادور بالكوكل معلومات عن مصاصين الدماء
بعد نصف ساعة من البحث اكتشفوا اشياء غريبة
نورهان:شنو يعني هذا
اليكساندا:حسب ما شفنا محد يكدر يطلع بس مصاصين الدماء وعدهم شي يحميهم من الشمس يعني يكدرون يطلعون من غير ما يصير بيهم شي
نورهان:اي زين تينا بشريه شلون طلعت اليكساندا:ماكو اله طريقة وحدة
فتحت عينيها على وسعها
نورهان:قصدج اختي صارت مصاصة الدماء
اليكساندا:ماكو غير هذا الحل والا شلون كدرت تطلع منا
نورهان:ياربي يعني اختي صارت مثلهم لا
اليكساندا:ماكو غير هذاك الحقير هو حولها مثلهم
امسكت نورهان بيد اليكساندا واصبحت تتوسل بها
نورهان:ارجوج اليكساندا ساعدي اختي الله يخليج طلعيها من هذاك المكان اترجاج
اليكساندا:اهدي حبيبتي ولا تخافين تينا راح تطلع اني راح اطلعها
نورهان:شلون وانتي متكدرين ترحين هناك
اليكساندا:لا راح ارجع على هذاك المكان نورهان:شنو
اليكساندا:اي لازم ارجع
نورهان:شلون تردين ترجعين وانتي مصدكتي خلصتي
اليكساندا:لازم ارجع اخويه هناك بسببي واختج هم لازم اطلعهم مثل ما طلعت....
وبعد يومين ذهبت اليكساندا مع أوليفر لرؤية تلك المرأة في منزلها
أوليفر:هذا هو المكان
اليكساندا:اي هذا هو المكان تعال
طرق اليكساندا الباب وبعد لحظات فتحت لهم الباب
-انتي
اليكساندا:اي اني وهاي المرة ما اجيت الوحدي جبتلج شبيه اليكس الدكتور أوليفر مو طلبتي تشوفينه
-ما اكدر اساعدج
اليكساندا:شنو
-ما اكدر اساعدج روحوا
اليكساندا:انتي جاي....
قبل أن اكمل كلامي اقفلت الباب في وجوهنا نظرت إلى أوليفر كان ينظر إلي باستغراب
اليكساندا:شبيك تباوع عليه هيج
أوليفر:هي هاي اللي تريديها تساعدج خل تساعد نفسها بالبداية
اليكساندا:لك شبيها هاي ليش تصرفت هيج
أوليفر:بصراحة لان هاي وحدة جذابه مراح تسوي شي
اليكساندا:لك هي واعدتني تساعدني
أوليفر:اي بس من صار الموضوع صدك بطلت لان متكدر تسوي شي
اليكساندا:ياربي راح شتسوي هسة
أوليفر:امشي نرجع
اليكساندا:واخويه وتينا لازم اطلعهم مناك
أوليفر:شلون تطلعيهم وانتي ما تكدرين
اليكساندا:ياربي شسوي هسة
أوليفر:امشي اخذج على بيتنه ترتاحين وبعدين ترحين
اليكساندا:لا شكراً ماكو داعي
أوليفر:لا تخافين مراح اسويلج شي اني عايش وياه اهلي
اليكساندا:لا اني مو هذا قصدي
أوليفر:شبيج ادري بس جنت اشاقه وياج يله امشي نروح
ركبت بالسيارة أوليفر وذهبوا الى منزله كان منزل كبيرة طرق الباب وبعد لحظات فتحت الخادمة لهم الباب
أوليفر:تعالي اليكساندا اتفضلي
دخلت إلى المنزل واصبحت تنظر حولها إلى المنزل
أوليفر:شبيج
اليكساندا:لا ولا شي
أوليفر:تعالي اتفضلي اكعدي
جلست على الاريكة واصبحت تنظر حولها
اليكساندا:لعد اهلك وين
-هذا منو عدنا
أوليفر:ليندا تعالي عدنا خطار
ليندا:خطار؟ اهلا وسهلا
اليكساندا:اهلا بيج
أوليفر:ليندا هاي اليكساندا صديقتي
ليندا:اهلا بيج حبيبتي نورتي شنو تحبين تشربين
اليكساندا:لا ماكو داعي
ليندا:لا شلون لازم تشربين شي
ذهبت ليندا الى المطبخ
اليكساندا:هاي اختك
أوليفر:اي هاي اختي الصغيرة
اليكساندا:الله يخليها لك
أوليفر:شكراً
ليندا:اتفضلوا هذا العصير
اليكساندا:تعبتي نفسج حبيبتي
ليندا:لا ولو
أوليفر:امي وين
ليندا:ماما طلعت تكول عدها شغل مهم
أوليفر:شغل شنو
ليندا:والله ما ادري مكالت
أوليفر:اها
ليندا:اي اليكساندا انتي شنو تشتغلين
اليكساندا:مضيفة طيران
ليندا :اها حلو يعني انتي تسافرين هواي
اليكساندا:اي صح بس اني تركت الشغل من فترة طويلة
ليندا:ليش
اليكساندا:صارت عندي ضروف وما كدرت اكمل وتوقفت هاي الفترة
ليندا:ان شاء الله تتحسن ظروفج
اليكساندا:ان شاء الله اريد اروح للحمام ليندا:اي اكيد تعالي اخذج
ذهبت اليكساندا مع ليندا الى الحمام
ليندا:هذا
اليكساندرا:شكراً
دخلت اليكساندا وذهبت ليندا وبعد لحظات خرجت اليكساندا اصبحت تلتفت حولها ولم تجد احد اصبحت تتجول في المنزل وفجأة رأت غرفة مرسوم على الباب علامة أكس اقتربت من الغرفة وامسكت بمقبض الباب ارادت ان تفتح الباب وامسك بيدها أوليفر
أوليفر:انتي شتسوين هنا.....
