ايان "
بدأت اشعر بالوحده عندما ذهبت تينا من هنا لا أستطيع البقاء في المنزل لوحدي لقد تعودت عليها ويوم ستذهب من هنا لا استطيع رؤيتها حتى وان استطاعت هي لا تريد رؤيتي ماذا افعل اماندا:بشنو
التفت ورايت اماندا تقف امامي وهي تنظر إلي بغضب
ايان:اماندا
اماندا:خنتني ايان؟
تبا لقد قرأت افكاري
اماندا:جاوب انت خنتني
ايان:اني ما خنتج لان اني اساساً بعد ما احبج
رفعت حاجبها
اماندا:شو
ايان:اي بعد ما احبج اني احب تينا
هجمت عليه دفعتني بيدها وسقطت على الحائط وضعت يدها على رقبتي
اماندا:تذكر شنو كلتلك قبل اذا غدرت بيه راح ادفنك
دفعتها بعيداً عني
ايان:اني بعد ما اريدج
اماندا:مو بهاي السهولة ايان اني مو لعبه عندك
ايان:كل شي انتهى بينه
اماندا:لا مو كل شي اني حامل
ايان:شو؟
اماندا:اي حامل واجيت حتى ابلغك هذا الخبر بس انت انطيتني اخبار احلى
جلست على الاريكة لكي افكر
ايان:بس لا تفكرين هذا الطفل راح يخليني اتراجع عن قراري
اماندا:واني ما اريدك بعد ما خنتني بس هم مراح اسكت على خيانتك لي وراح ادفعك الثمن وغالي
ايان:انتظري شوي انتي شلون طلعت حامل
اماندا:شلون يعني مثل الناس
ايان:انتي تعرفين شنو قصدي احنا مو مسموح لنا الاطفال
اماندا:صح كلامك بس هذا اذا بقيت مصاصة الدماء
ايان:شو؟
تركته وذهبت لم يفهم ايان ماذا كانت تقصد اماندا ولكنه لم يفكر كثيراً في كلامها تذكر تينا مؤكد من ان اماندا ستفعل شيئاً ما لها و نهض ذهبت بسرعة الى حدود الملائكة وطلب التحدث مع دانيال
دانيال:ايان خير
ايان:اجيت اسئل عن تينا شلونها
دانيال:تمام اليوم راح تطلع منا
ايان:تمام لازم تطلعوها اليوم
دانيال:شبيك متوتر
ايان:تينا وجودها هنا خطر
دانيال:شكو شنو صاير
ايان:اماندا راح تحاول تسوي بيها شي
دانيال:لا تخاف هي هنا بخير محد يكدر يدخل على هذا المكان من غير ما اسمح اني
ايان:ادري بس حبيت ابلغك
دانيال:تريد تشوفها
ايان:لا
دانيال:ليش ما تريد تودعها
ايان:لا خليها هيج احسن
دانيال:براحتك مراح اجبرك
ايان:راح شتسوي على موضوع اليكساندرا
دانيال:راح ناخذها اليوم
ايان:عندك خطة
دانيال:اي
ايان:اذا حتاجيت مساعدة اطلب مني
نظر لي وابتسم
ايان:ليش تباوع عليه هيج
دانيال:عجبني تغيرك هذا
ايان:مو زين
دانيال:اكيد كلش زين لازم اشكر تينا
ايان:على شنو
دانيال:لان هذا التغيير صار بسببها صح؟ ايان:اني صار لازم اروح
دانيال:ماشي سلام
ذهب ايان وعاد دانيال الى القصر وطلب من الحرس ان ينتبهوا جيد ولا يسمحون لأحد بدخول من غير علمه
اوسكار:اخي
دانيال:تعال
اقترب منه اوسكار ووقف بجانبه
اوسكار:شكو شنو هاي الحراسة
دانيال:لازم ننتبه على هاي البشرية لان اماندا راح تحاول تسوي شي
اوسكار:شنو
دانيال:اجه ايان وحذرني منها
اوسكار:مراح توصل مستحيل تسويها
دانيال:احنا لازم ناخذ الاحتياطات احسن
اوسكار: طبعاً اكلك شوكت راح نبدي بالخطة
دانيال:اصلا بدت الخطة هسة....
ذهب روني لكي يجد طريقة لاخراج اليكساندرا من ذاك المكان وامسكت به كارلا
كارلا:،هاا شفتها
اليكساندرا:اي شفتها بس تريد تطلع تشوف اليكس
كارلا:لا لازم ناخذها من غير ما تشوفه هيج راح تخرب الخطة
روني:ماشي راح انفذ اللي طلبتي مني كارلا:ماشي
ذهب روني وجمع اصدقاء وطلب منهم أن يثيرون اشمئزاز الشياطين ودخلوا جميعهم الى القصر كانوا حوالي 3000 طائر هجموا عليهم وقد اصبح ضجيج كبير في المكان وخرج الجميع وكانوا يحاولون أن يوقفون هذا الضجيج ولكن لا جدوى لانهم كثيرون
جينيفر:هاي شنو شلون دخلوا هنا
هجم احد الطيور على مادلين وجرح يدها
جينيفر:مادلين انتي بخير
مادلين:لا.. هاي شنو طلعوهم بسرعة
في اثناء ذالك الضجيج وكان الجميع الحرس يحاولون اخراج الطيور تسللت كارلا الى المكان الذي يضعون فيه اليكساندرا فتحت لها الباب
اليكساندرا:كارلا
كارلا:امشي بسرعة راح اهزمج
اليكساندرا:شنو
كارلا:اي امشي بسرعة راح اطلعج منا وترجعين على عالمج
امسكت بيدها وخرجوا من النفق وفجاة توقفت اليكساندرا
كارلا:ليش وكفتي امشي
اصبحت تنظر الى غرفة اليكس
كارلا:شبيج امشي راح نتأخر
اليكساندرا:مراح اروح
كارلا:شو
اليكساندرا:مراح اروح منا
كارلا:شنو يعني مراح ترحين منا
اليكساندرا:مراح اطلع منا واليكس بهاي الحالة
كارلا:مو وكت الحب مالتج امشي خل نطلع منا بسرعة
اليكساندرا:ما اكدر اطلع واعوف اليكس
كارلا:هاي اخر فرصه بعد ما اكدر اساعدج لا تضيعها عليج
اليكساندرا:روحي ارجعي لمكانج احسن اني مراح اطلع قبل ما يتحسن اليكس
كارلا:بس...
قبل ان تكمل جملتها تركتها وذهبت تركض و باتجاه غرفة اليكس فتح الباب ودخلت اقتربت منه كان نائماً ووجهه شاحب اللون وشفتيه زرقاء نزلت دموعها وامسكت بيديه
اليكساندرا:لا تروح وتعوفني اليكس اكعد اترجاك انت مو كلت راح تبقه يمي وتحميني؟ شلون راح تحميني وانت نايم اني خايفه وانت الوحدك الي تخليني احس بالأمان لا تروح وتعوفني الوحدي سوي كل شي تريده مراح امنعك بس اكعد لا تروح
وضعت راسها على صدره واصبحت تبكي بصوت عالي
اليكساندرا:اكعد اليكس كافي تعذبني
وفجأة انفتح الباب رفعت راسها كانت جينيفر تقف امامها
جينيفر:انتي شلون دخلتي هنا
اليكساندرا:اترجاج خليني ابقه يمه بس شوي
جينيفر:روحي كارلا منتظرتج
اليكساندرا:كلتلها مراح اطلع منا لحد ما يكعد اليكس
جينيفر:عوفي كافي لي صارله بسببج روحي اطلعي من هذا العالم
اليكساندرا:ما اكدر اروح قبل اطمئن عن صحة اليكس
جينيفر:ماكو داعي روحي
اليكساندرا:كلتلج ما اروح
جينيفر:لج غبية اذا بقيتي هنا راح ياخذج الحاكم مارت
اليكساندرا:شو
جينيفر:راح ياخذونج اليوم روحي انهزمي قبل ما تندمين
اليكساندرا:مستحيل روح قبل ما يكعد اليكس مراح اسمح لهم يسوولي شي
نظرت إليها قليلاً وثم تركتها وذهبت لكي نتحدث مع كارلا
كارلا:اها قنعتيها
اليكس:ماكو فائدة ما تقبل تروح
كارلا:شنو يعني هاي شبيها تخبلت اني ما صدكت لكيت فرصة راح تضيعها هاي الغبية
جينيفر:امشي نحجي وياهه يمكن نكدر نقنعها مع بعض
كارلا:يله امشي
ذهبوا الى غرفة اليكس وعندما فتحوا الباب لم يجدوها في المكان
كارلا:وينها
جينيفر:جانت هنا
كارلا:اخاف طلعت
جينيفر:شلون طلعت من غير ما نشوفها
اصبحوا يبحثون عنها في كل مكان
كارلا:اها لكيتيها
جينيفر:لا
كارلا:وين راحت هاي .....
تينا "
ذهبوا جميعاً لكي يجلبوا اليكساندرا الى هنا وانا كنت خائفة جداً من ان يحدث معهم شي ويضيع كل ذالك التخطيط علينا لا استطيع الخروج لوحدي من غير اليكساندرا
استفانيا:شبيج خايفه راح تجي لا تخافين
تينا:اخاف يصير شي وما توصل بخير
استفانيا:لا ان شاء الله ميصير شي وترجع بخير
تينا:يارب يكون كلامج صحيح لان اني كلش خايفه عليها
اوسكار:هلو
استفانيا:هلو اخي شوكت كعدت
اوسكار:قبل شوي كعدت اجه ايان وحجه وياه دانيال
تينا:ايان؟
اوسكار:اي اجه قبل شوي
تينا:وراح
اوسكار:اي راح
شعرت بالحزن عندما تذكرته كم انا غبية لا زالت احبه بعد كل الذي حصل لا زالت احبه واشتاق لي ولكن سوف اتخلص من هذا الحب عندما اذهب بعيداً عنه لا اريد رؤيته مجدداً
اوسكار:راح اروح اني
استفانيا:تمام
ذهب اوسكار ونظرت إلي استفانيا بطريقة غريبة
تينا:ليش تباعين هيج
استفانيا:بعدج تحبينه
تينا:شو
استفانيا:اي اسألج عن ايان بعدج تحبينه
تينا:لا
استفانيا:متكدرين تجذبين بهذا العالم لان ممنوع الجذب
تجمعت الدموع في عيناي
تينا:اي احبه شكد اني غبية بعدني احبه برغم من كل شي سواه بيه
استفانيا:بس هذا مو غباء بالعكس
تينا:لا المفروض اكرها مو احبه
استفانيا:محد يكره احد جان يحبه انتي زعلانه منه بس مستحيل تكرهي
تينا:جان يستغلني
استفانيا:بس اكيد تغير مدام وصلج هنا وهنا احسن مكان بهاي الجزيرة وهذا معناه هو يحبج وجابج هنا حتى ما يصير بيج شي
تينا:بس هذا ما يدل على مدى ستغلاله لي
استفانيا:انتي لازم تنسين كل شي وتبدين من جديد
تينا:صح من ارجع على بيتي راح اكون احسن بهواي....
دانيال "
ذهبت الى المنزل كارلا لانني اتفقت معها بانني سوف اخذ اليكساندرا من منزلها وعندما وصلت لم اجد احد في المنزل
دانيال:وين راحت اشو تأخرت هواي
وفجأة سمعت صوت في الخارج خرجت من المنزل ورأيت كارلا تعود الى المنزل بمفردها
دانيال:كارلا وين اليكساندرا
كارلا:ما ادري
دانيال:شنو يعني ما تدرين
كارلا:ما قبلت تجي وكالت تريد تبقه يم اليكس ورحت احجي وياه جينيفر حتى تقنعها بس من رجعنا ما لكيناها يم اليكس
دانيال:شنو وين راحت
كارلا:ما ادري شكد دورنا عليها بس بدون فايده
دانيال:شنو يعني هذا الحجي كارلا اني اعتمدت عليج ليش ما انتبهتي
كارلا:حاولت شكد بس هي اصرت
دانيال:شنسوي هسة وجودها هنا خطر
كارلا:واليكس حالته خطيرة كلش
دانيال:طبه مرض شعليه بيه اهم شي اليكساندرا لازم ناخذها منهم
كارلا:جاي اكلك اختفت شلون ناخذها منهم
دانيال:لازم ندور عليها وجودها هنا خطر جاي اكلج....
مادلين"
مادلين:شنو يعني اختفت
جينيفر:ماكو دورت عليها وما لكيتها
مادلين:شنو يعني ماكو شلون طلعت من النفق منو طلعها
جينيفر:ما ادري شلون طلعت
مادلين:لازم تدورون عليها قبل ما بابا يدري بيها انهزمت وتصير مشكله
جينيفر:تمام
ذهبت جينيفر ومعها احد الحراس للبحث عن اليكساندرا في احدى الغابات المجاورة للجزيرة
جينيفر:اها لكيت شي
-لا كلشي ماكو وانتي
جينيفر:ما اتوقع ابتعدت عن عالمنا هواي
-اذا راحت مشي ما اتوقع طلعت منا بهاي السرعه
جينيفر:لعد امشي خل نكمل يجوز نشوفها
-انت روحي وراء الغابه دوري واني راح ادخل للغابه
جينيفر:اوكي
ذهبت جينيفر تبحث عنها خلف الغابه ودخل الحرس الى الداخل وكان المكان مظلم ولا يستطيع ان يراى شيئاً بسبب تلك الظلمه وفجأة وجد ذئباً ياكل شيئاً تفاجئ ذالك الحرس من رؤية ذالك الذئب لان هذا الجزيرة لا يوجد بها مكان للذئاب ولكن من اين جاء هذا الذئب الى هذه الجزيرة ابتعد عن المكان بسرعة قبل أن يراى وخرج من الغابة وذهب ليبحث عن جينيفر التي كانت تحاول الخروج من تلك الشجرة التي علق أجنحتها بها ولا تستطيع جينيفر ان تخلص نفسها من الشجرة وفجأة سمعت صوت شخص يضحك بصوت عالي رفعت راسها ووجدت اوسكار يجلس في اعلى الشجرة وكان يضحك عليها
جينيفر:كبر هاي انت خوفتني
اوسكار:اذا ما تعرفين تطيرين شكو جايه هنا احسلج هسة
جينيفر:بدل مجاي تتمسخر تعال ساعدني
اوسكار:وليش بله اجي اساعدج
جينيفر:اي لعد انتو مو تساعدون الشخص اذا واكع بمشكلة
اوسكار:اي بس احنا نساعد الخير مو الشر وانتي شر ما اكدر اساعدج
جينيفر:بس هاي القوانين مالتكم وانت جاي تخالفها
اوسكار:لا مجاي خالف القوانين لان همه ما كالو ساعد الشياطين وبعدين حتى لو مساعدتج محد راح يعرف اني شفتج وما ساعدتج لان ماكو احد هنا
جينيفر:اني اروح واحجي
اوسكار:اي روحي بس هاي اذا طلعتي منا وعلى العموم محد راح يصدك بشيطانه مثلج
جينيفر:شنو يعني مراح تنزل تساعدني
اوسكار:لا طلعي نفسج بنفسج
جينيفر:مو وكتك غبائك تعال طلعني اريد اروح بسرعة
اوسكار:لا والله و تأمرين هم ابقي هنا بلكت يجي صقر لو نسر وياكلج ونخلص منج
نهض اوسكار من اعلى الشجرة
جينيفر:وين رايح
اوسكار:راح اروح ارجع
جينيفر:شنو يعني راح تعرفني الوحدي هنا
اوسكار:واني شعليه بيج
حلق اوسكار في السماء وذهب تاركاً جينيفر تصرخ عليه وتطلب منه ان يعود ويساعدها ولكنه لم يكترث لها وتركها وذهب كانت تشعر بالخوف من ان يأتي نسر او صقر وياكلها اصبحت تلتفت حولها لعلها تجد من يساعدها على الخروج من تلك الشجرة وفجأة وصل إليه ذالك الحارس
-هاي شنو شتسوين هنا
جينيفر:تعبت واني جاي ادور عليها وبعدين كلت خل اللعب شوي انت غبي وما تشوف حالتي تعال ساعدني
اقترب منها واخرجها من بين الشجرة
جينيفر:واخيراً خلصت جنت راح اموت من الخوف
-انتي شلون وكعتي هنا
جينيفر:مو مهم شلون وكعت المهم شنو الاخبار عرفت شي عن اليكساندرا
-لا بس شفت شي مهم بالغابه
جينيفر:شنو شفت؟
- ذئب
جينيفر:شنو
اصبحت تضحك عليه
جينيفر:شكلك بديت تخربط من التعب وين اكو ذئب هنا
-مجاي اخربط شفته بعيني جاي ياكل غزاله
جينيفر:هاي شبيك انت اصلا ماكو ذئب هنا
-اي صح كلامج بس اني شفته بعيني
جينيفر:اخاف تخيلت شكله بسبب الظلمه
-جاي اكلج شفته هاي شبيج
جينيفر:امشي هسة خل نرجع لان شكلك من التعب بديت تخربط
-لا تصدكين بكيفج
لم تصدق جينيفر كلام الحارس ولكن هل حقاً ما رأئ ذئباً ام انه فعلاً يتوهم كما قالت جينيفر ...
اما مادلين ذهبت لكي تتحدث مع والدها الذي كان ينتظر وصول احد حراس الحاكم لكي ياخذون اليكساندرا
مادلين:بابا ممكن نحجي
روبن:اي تعالي
اقتربت منه وجلست امامه
روبن:ما اجه الحارس حتى ياخذ هاي البشرية
مادلين:ليش هي مو راحت
روبن:لا وين راحت بعده مجاي
مادلين:صدك تحجي
روبن:لعد اجذب عليج شبيج
مادلين:اذا ما اخذها الحاكم لعد وين راحت
روبن:شنو يعني وين راحت ليش هي مو بالنفق
مادلين:لا ما موجودة بالنفق
نهض من مكانه مفزوعا
روبن:شو
مادلين:اي مموجوده بالنفق اني عبالي اخذها الحاكم
روبن:شنو يعني ما موجودة شلون طلعت منو طلعها
مادلين:اذا مو الحاكم اخذها لعد منو اخذها......
كان الجميع يفكر اين ذهبت اليكساندرا على عكس ايان الذي كان يفكر كيف تكون اماندا حامل وهي مصاصة الدماء وبالعادة مصاصين الدماء لا يمكنهم الحمل او الانجاب طفل
ايان:اني من خوفي على تينا نسيت هذا الموضوع شلون صارت حامل
قاطع تفكير ايان صوت الباب التفت ليجد اماندا تقف امامه
اماندا:ادري بشنو جاي تفكر انو شلون صرت حامل واني مصاصة الدماء
ايان:صح شلون اريد توضيح
جلست بجانبه على الاريكه التفت إليها كانت بشرتها غريبه ليس مثل العادة
ايان:هاي شنو اشو بشرتج غريبه اليوم
اماندا:اي هذا الشي طبيعي
ايان:شنو
اماندا:هيج بشرة الخالدين
ايان:اها؟
اماندا:اي اني صرت خالده عيني نص بشريه ونص مصاصة الدماء ولهذا السبب صرت حامل
ايان:انت جاي شنو تحجين
اماندا:اي مثل ما سمعت بليل اتحول مصاصة الدماء و بالنهار بشريه
ايان:يعني هسة انتي بشربه
اماندا:اي بشريه بس محد يكدر يمص دمي لان مراح يفيد بشي لان اني مو بشريه كامله
ايان:شلون اقصد شلون صرتي هيج
اماندا:من رحت على المدينة تعرفت على شخص صيد مصاصين الدماء
ايان:شنو
اماندا:اي بيوم جنت طالعه اتمشى بالشارع وفجأة صار كدامي حادث سيارة ونجرح شخص وصار ينزف واني من شفت الدم توترت حاولت شكد اسيطر على نفسي ما كدرت و رحت بعيد عن المكان قبل ما اسوي شي يكشفني ابتعدت هواي عن المكان واني امشي اصطدمت بشخص...
-شبيج انسه
جانت عيوني حمراء وجنت احاول ما اباوع عليه حتى ما يكشفني
اماندا:بخبر
-شكلج تعبانه تعالي اوصلج للبيت
اماندا:لا شكراً اني اروح
-بس انت تعبانه ما تكدرين تمشين امشي اخذج للبيت مالتي قريب اخذج حتى ترتاحين
اماندا:لا ماكو داعي ما اريد ازعجك
-لا ماكو ازعاج ولا شي امشي وياي
وحاولت شكد اتهرب منه بس هو اصر عليه ورحت على بيته
ايان:جان عايش الوحدة ؟
اماندا:لا جان عايش وياه امه
ايان:وشلون كدرتي تستحملين
اماندا:وصلنا للبيت وفتحت لنا امه الباب جانت كبيره بالعمر
-مارك ويي...
مارك:ماما عدنا ضيف
-منو هاي
مارك:خل ندخل واشرح لج
-اي تفصلوا ....
اماندا:جانت امه متفاجئة من شافتني وبعدين دخلتني للبيت
مارك:ماما جيبي كلاص ماي
-اي دقيقة
ذهبت والدته الى المطبخ وبقينا بمفردنا رفعت عيناي قليلاً ورأيت الوشم على يده ذاك الوشم الخاص بصيادين مصاصين الدماء في ذالك الوقت عرفت بانه صياد مصاصين الدماء اصبحت ارتجف خفت من ان يكتشف امري حاولت الخروح من المنزل ولكنه منعني وطلب مني ان ارتاح قليلاً ولكن الخوف كان مسيطر عليه عندما علمت بانه صياد مصاصين الدماء
-هذا الماي
اخذت الماء من يدها ويداي ترتعش من شدت الخوف منه
مارك:انتي بخير
اماندا:اي بخير
مارك:انتي ليش جنتي تمشين مستعجه هيج
اماندا:لا بس صار حادث قريب مني وخفت
مارك:حادث شنو
اماندا:سيارة ضربت شخص
مارك:وليش خفتي قابل انتي ضربتيه
اماندا:لا طبعاً بس خفت
مارك:لا تخافين هذا الشي طبيعي
نهضت بسرعة من مكاني
اماندا:اني صار لازم اروح
مارك:وين ترحين ارتاحي شوي
اماندا:لا شكراً بس لازم اروح
خرجت من المنزل بسرعة وعدت إلى المنزلي كنت اعتقد بانني قد تخلص منه ولكنني لم اعتقد بانني سوف التقي به مجدداً في يوم من الايام كنت ذاهبه إلى السوبر ماركت ورأيته امامي اقترب مني
مارك:هاي انتي
توترت كثيراً عنده رؤيته
اماندا:اها اهلا وسهلاً
مارك:شلونج شلون صرتي
اماندا:بخير اشكرك
مارك:اجيت اشتري غراض ومصدكت من شفتج
اماندا:ولا اني
مارك:عندج شي هسة
اماندا:لا
مارك:زين ممكن نروح نشرب شي
اماندا:اوكي
لم يكن لدي خيار اخر سوء الذهاب معه وذهبت معه إلى احدى الكوفي شوب لنحتسي شراب ونتحدث
مارك:انتي شنو تشتغليني
توترت كثيراً لا اعلم بماذا ارد عليه
اماندا:اني مهندسة ديكو
مارك:اها صدك
اماندا:اي
مارك:خوش والله اني عندي مكتب وجنت اريد اغير الديكور مالته شنو رأيج تساعديني حسب خبرتج
اماندا:اها
مارك:اي شبيج توترتي
اماندا:لا بس اني هاي الفترة ما اشتغل
مارك:ليش
اماندا:لان اسافر هواي يعني بعد يومين اطلع منا
مارك:صدك وين ترحين
اماندا:على فرنسا لان عندي شغل هناك
مارك:اها اوكي لعد من ترجعين نحجي
اماندا:اي طبعاً
حاولت كثيراً التخلص منه ولكني في كل مرة كنت ارى امامي وكنت خائفة من ان يكتشف امري ولكن حدث شيء لم اتوقعه....
اصر مارك عليه ان اذهب معه إلى الغابه لانه يريد ان يريني شيء ولم يكن بوسعي الرفض وقررت الذهاب معه....
مارك:هم تجين للغابه
اماندا:لا شسوي جايه
مارك:حلو تمشين بالغابه هيج جو
اماندا:صح
وفجأة شممت رائحة الدم قوية وبدأت افقد توازني رويداً رويداً لقد انتبه علي مارك
مارك:اماندا شبيج
لا استطيع التحدث معه
مارك:اماندا انتي بخير
انزلت راسي ورأيت الدم اسفل قدمي التفت إليه كان الدم يخرج من جسده حاولت السيطرة على نفسي
اماندا:انت مجروح
مارك:اي شوي
اماندا:شلون شوي ما تشوف الدم
مارك:بسيطه بس انتي شبيج عيونج صار حمر
بدأ جسدي يرتعش اصبحت اتراجع الى الخلف هو كان يقترب مني
مارك:انتي مصاصة الدماء
لم ارد عليه
مارك:اي لان عيونج صاروا حمر ومن شفتي الدم هيج صارت حالتج
حاولت الهروب ولكنه انقض علي وامسك بيدي وحاوطني بجسده لكي لا اتمكن الهروب منه ولكنني دفعته بقوة للتراجع عني ونهضت بسرعة كنت اريد الهروب ولكنني توقفت حين رأيت الدماء وازدادت شهوتي لامتصاص دمه ذهبت إليه مسرعه و رميت بيه على الأرض وامسكت بيديه بقوة لكي لا يتمكن من الابتعاد عني وغرسة انياني في عنقه واخذت دمائه بالكامل وبعدها تركته في الغابه وذهبت وفي اول فرصة عدت الى هنا ....
ايان:هم ما افتهمت انتي اخذتي دمة كله شلون تحولتي بيه خالده ما افتهمت اماندا:لان اخذت دمه كله ومو بس هيج اني اخذت دم صياد مصاصين الدماء يعني عنده قدرة قويه من اخذ دمه اصير اقوه
ايان:اها
اماندا:اي هذا كل الموضوع
ايان:زين شلون صرتي حامل
اماندا:مو من سافرت وتعرفت عليه مصارلي هواي من نمت وياك يعني جانت فرصة حملي قويه
ايان:تمام
اماندا:بس انت لعبت لعبه حلوة عليه
اراد النهوض ولكنني امسكت بيده
اماندا:وين رايح
ايان:امشي شوي
اماندا:شنو تتهرب مني
ايان:وليش حتى اتهرب منج
اماندا:لان متريد تواجهني بخيانتك لي
ايان:اني ما اخاف من احد حتى اتهرب منج
اماندا:وهو هذا الشي اللي مخليني احبك
تسللت يدي لكي تفتح زرار قميصه ولكنه وامسك بيدي
ايان:انتي جاي شتسوين
اماندا:شسوي يعني مشتاقتلك
ابعد يدي عنه
ايان:لا راحت هذيج الايام
اماندا:ايامي مستحيل تروح واذا راحت راح ارجعها حبيبي
دفعته بقوة ليستلقي على الاريكة واقتربت منه واستلقيت عليه امسكت بيده بقوة لكي امنعه من التحرك لقد اصبحت اقوه منه بكثير عندما تحولت الى نصف خالده
ايان:انتي جاي شتسوين وخري مني
اماندا:حياتي صرت اقوة منك بهواي وبعد ما تكدر تقوم حبي
ايان:اماندا بله لعب كومي اني ما اريدج
اماندا:بس اني اريدك
فتحت السحاب الفستان ليسقط الفستان مني ونظرت إليه وابتسمت
اماندا:معقول ما اشتاقيت لهذا الجسم
ايان:اماندا بله سخافات وكومي مني
اماندا:هاي المرة راح نستمتع اكثر
ايان:اماندا
اماندا:كافي كل شوي تكول اماندا واماندا دوختني
مزقت ملابسه وقمت بتقبيله كثيراً الى أن جعلته يستسلم لي بالكامل يجب أن اقيم علاقة معه لكي يتحول الجنين الذي في احشائي الى مصاص الدماء لانه والد الطفل ليس مصاص الدماء وطفلي سيكون بشري مثل ابيه وان بقيه في احشائي سيقتلني وبهذا الطريقه سيتحول الطفل الى مصاص الدماء.....
العودة الى الماضي....
لم اقص القصه بأكملها الى ايان لقد قطعت اهم جزء منها عندما ذهبت مع مارك الى الغابه واكتشف امري كنت حاول الفرار وعندما امسك بي
اماندا:عوفني اروح
مارك:تروحي؟ مو بهاي السهوله صارلي اسبوعين واني افتر وراج وهسة تردين اخليج ترحين هيج
اماندا:شتريد مني
مارك:انتي مصاصة الدماء عرفتج من اول شفتج بيه كشفتج من الكلاده مالتج هاي
نظرت الى القلاده التي كنت ارتديها
مارك:هاي الكلادة ما يلبسوها بس مصاصين الدماء حتى تحميهم من الشمس مو صحيح
اماندا:انت شتريد مني هسة؟
مارك:اريد اعرف مكان اختي
اماندا:اختك؟
مارك:اي اختي الصغيرة حسب ما عرفت هي موجودة بعالمكم
اماندا:شنو اختك شنو مجاي افتهم شي انت شتريد مني بالضبط
مارك:اختي اليكساندرا تشتغل مضيفه بالشركة طيران وبيوم من الايام جانت عدها سفر على ايطاليا واختفت الطيارة اللي جانت راكبه بيها وبعد بحث طويل اكتشف انو الطيارة وكعت قريب من مثلث برمودا وطبعاً راح تختفي الطيارة لان الكل يعرف انو شكو شي يمر من مثلث برمودا راح يختفي
اماندا:بس عالمنا مو بمثلث برمودا
مارك:ادري بس انتو قريبين منه واكيد الطيارة اذا ما وكعت بالمثلث اكيد وكعت بعالمكم
اماندا:صحيح
مارك:يعني الطيارة وكعت عدكم
اماندا:هو بصراحة اني ما ادري اذا جنت تقصد هاي الطيارة او غيرها بس فعلاً اكو طيارة وركعت بعالمنا بس
مارك:بس شنو
اماندا:اكو بنات ثنين طلعوا عايشين بس ما ادري اذا اختك وحدة منهن او لا بس اني اعرف وحدة منهن
مارك:منو
اماندا:اسمها تينا وهي موجودة بعالمنا
مارك:تينا هاي صديقة اليكساندرا
اماندا:الثانية ما اعرفها ولا شايفتها بس هي موجودة عند الشياطين
مارك:شياطين؟
اماندا:اي
مارك:لازم اطلع اختي
اماندا:شلون تريد تطلعها مستحيل تكدر انت بشري وبس تدخل هناك راح تموت
مارك:بس اني مراح ادخل على عالمكم بشري
اماندا:ما افتهمت شنو قصدك
مارك:يعني راح ادخل مثلكم
اماندا:شلون
مارك:شوفي عندي صفقه وياج
اماندا:صفقة شنو؟
مارك:عندي طريقة راح اساعدج وتساعديني اني اعرف واحد يحول مصاصين الدماء الى مستذئب
اماندا:شنو
مارك:اي
اماندا:بس اني ما اريد اتحول مستذئبه
مارك:لا تخافين مو انتي راح تتحولين اني راح اتحول عن طريقج دمج ومن بعدها راح اصير مستذئب حتى ادخل على هاي الجزيرة
اماندا:عن طريقي واني ليش حتى اساعدك شنو المقابل
مارك:اني ادري بيج انتي تردين تتحولين بشريه وهذا الشي عندي
اماندا:عندك
مارك:راح اخليج تتحولين بشريه واني اتحول مصاص الدماء عن طريقج
اماندا:شو
مارك:اي بس ديري بالج ممكن تصيرين حامل مني
اماندا:شنو يعني تريد تسوي وياي علاقة
اصبح يضحك بصوت عالي
مارك:الواحد مو شرط يقيم علاقة وياه وحدة حتى تصير حامل اكو الف طريقة وطريقة وبعدين اني كلت يمكن يعني لا تخافين
اماندا:هم ما افتهمت انت شنو تريد تسوي بالضبط
مارك:اكو شخص اعرفه راح يسوي سحر حتى يحولني عن طريق دمج ودمي يعني راح ياخذ من دمي ودمج ويدمجهم مع بعض ويجيب مادة يخليها بدمي وبدمج وراح نشرب منه احنا الاثنين وبهيج اني راح اتحول مستذئب وانت راح تتحولين بشريه
اماندا:وليش تريد مستذئب يعني ليش ما تصير مصاص الدماء
مارك:اذا صرت مصاص الدماء راح تصير اسئلة هواي شلون تحول وليش وعن طريق منو يعني راح تصير مشاكل هواي بس اذا مستذئب محد راح يسئل بان اساساً بعالمكم ماكو وجود المستذئبين ومحد راح يسئل اي سؤال عني
اماندا:زين شوكت تريد نبدي
مارك:اليوم
اماندا:اليوم؟
مارك:اي اريد انهي الموضوع بسرعة هسة اريد منج تمصين دمي على النص لا تحاولين تاخذين لا اكثر ولا اقل لازم على النص
اماندا:ليش على النص
مارك:لان لازم نسوي هيج حتى يصير التحويل
اماندا:تمام اني موافقة
اقترب مني ومد يده لي
مارك:انتي جاهزة
اماندا:تمام
اقتربت منه وغرسة انياني بيده واصبحت امتص دمه بقوة كان يشعر بألم ولكنه كان يحاول أن يتحمل كنت امتص الكثير والكثير من دمه
مارك:خلص كافي
كان يطلب مني أن اتوقف ولكنني لا استطيع التوقف
مارك:اماندا كافي راح تاخذين هواي اكترث إليه كنت احاول ابعد نفسي ولكن دمائه كانت تشدني الى اخذ المزيد منه وفجأة دفعني بقوة لكي ابتعد عنه اسقط على الارض واصبحت اتنفس بعمق
مارك:انتي شنو سويتي كلتلج اخذي اقل مو تخلصين دمي
اماندا:اسفه بس صارلي هواي مشاربه دم ولهذا السبب صار هيج
مارك:تمام هسة امشي نروح على هذا الشخص حتى يكمل المهمة
اماندا:يله
نهضنا وخرجنا من الغابه ذهبنا الى ذاك المكان كان مكان مخيف مليئ بأدوات السحر والشعوذة دخلنا إلى الداخل النفق وصل الى باب خشبي طرق مارك الباب ودخلنا
-تعالوا
مارك:شلونك جون
جون:مارك هذا انت تعال اتفضل
دخلنا وجلسنا امامه كان رجل كبير في السن ولديه شعر ابيض طويل وذقنه بيضاء طويله عندما جلست نظر لي وقال
جون:هاي هي البنيه لي حجيت عنها
مارك:اي هي
جون:تمام وشوكت تردون نبدي
مارك:هذا الوقت المناسب لان الجو مناسب برا
جون:تمام لعد امشو نروح
اخذ اغراضه وخرجنا ركبنا في
سيارة مارك وذهبنا الى الصحراء وقد عم الظلام علينا
اماندا:صارت الدنيا ليل
مارك:هو هذا انسب وكت والجو مطر
اماندا:والمطر شعليه
مارك:الصاعقة تفيد لازم موجودة حتى يكمل كل شي
اماندا:اها
كنت احاول ان ابين بأنني قويه ولكنني كنت خائفة جداً ولكن لم اريد اظهر خوفي لاحد وكنت اتمالك نفسي بصعوبه رسم ذاك الرجل دائرة كبيرة على الارض وطلب مني أن اجلس بداخلها وسم دائرة اخرى وطلب من مارك ان يجلس بداخلها
جون:انتي اخذتي دم من مارك
اماندا:اي اخذت
جون:تمام
اقترب مني ونظر لي وطلب مني ان امد يدي له اعطيته يدي واخرج سكين وجرج يدي اصبح دمائي تجري بشكل كبير على الارض وايضاً فعل نفس الشي مع مارك واختلطت دمائي مع دماء مارك واحضر شي كان شكله مثل البيضة كان يمسكها بيده ويقرأ عليه كلمات غريبة لا اعرفها وفجأة اصبحت السماء تصعق بشكل وازداد الرعد علينا و ازداد المطر
وضع شيء في القدح وطلب مني ان اشربه كانت رائحته كريهة جداً
اماندا:شنو هذا ريحته مقرفه
جون:ميخالف لازم تشربونه يله بسرعة قبل ما يوكف المطر
شربته بصعوبه لانه رائحة كانت كريهة للغاية وفجأة شعرت بألم كبير في رأسي كان الم فضيع جداً وفجأة اغمى علي ولم اعد اشعر بشيء وعندما استيقظت وجدت نفسي مرميه على الأرض ولم يكن بجانبي احد لا مارك ولا ذاك الرجل اختفئ كل شيء من حولي كنت اشعر بشيء غريب في جسدي
اماندا:وين راحوا.... اني وين
اصبحت التفت حولي لم اجد شيء
نهضت وخرجت من تلك الصحراء كنت اشعر بشيء غريب بداخلي ذهبت الى المنزل صديقتي روز طرقت الباب وفتحت لي الباب كانت متفاجئة من منظري
روز:اماندا شبيج شبيه شكلج
اماندا:شكو
روز:لج شكلج غريب انتي وين جنتي
اماندا:خليني ادخل حتى نحجي
روز:اي تعالي
دخلنا إلى المنزل وجلست في غرفة المعيشة وشرحت لها كل شيء
روز:انتي غبية شلون تسوين هيج
اماندا:ليش
روز:هذا مارس السحر عليج واخذ من دمج والله يعلم شنو سوه بيج
اماندا:انتي جاي شنو تحجين يعني اني مو بشريه هسة
روز:لا طبعاً شكلج مو مال بشريه
اماندا:لعد شنو سوه بيه جاي احس شي غريب بجسمي
روز:انتظري شوي
اخذت القليل من دمائي وفحصت دمي
اماندا:اها شنو
روز:انتي هسة خالدة
اماندا:خالدة
روز:يعني نص مصاصة دماء ونص بشريه
اماندا:شو
روز:وبدمج لي اخذه منج تحول بيه الى مستذئب يعني استفاد بدمج بس انتي لا
اماندا:انتي شنو جاي تحجين يعني اني هسة مو بشريه كامله
روز:لا ومو بس هيج انتي حامل
اماندا:شنو
روز:الشراب لي اخذتيه خلاج تصيرين حامل والطفل الي بداخلج هسة بشري يعني خطر عليج
اماندا:انتي جاي شنو تحجين شلون صرت حامل
روز:شوفي انتي من اخذتي الشراب واغمى عليج تحولتي الى بشريه ومارك تحول مصاص الدماء وهذا الشي صار بسبب الشراب هذا
اماندا:شنو
روز:وانتي من اخذتي الشراب صارت عندج قوة يعني دمج اقوة من مارك صار لان انتي بالاصل جنتي مصاصة الدماء وبهاي الحالة لازم مارك ياخذ قوتج حتى يتحول للمستذئب وطبعاً ميكدر ياخذها من طريق الدم لان مراح يستفاد منه بشي ولهذا السبب اضطر يمارس الجنس وياج حتى ياخذ قوتج وبيه تحول إلى مستذئب
اماندا:يعني اغتصبني
روز:اي حتى ياخذ قوتج ماكو غير هاي الطريقة
اماندا:الحقير ...زين شلون صرت حامل
روز:لان مارس الجنس وياج وانتي بشريه وجسمج جان متقبل الحمل
اماندا:اذا اني صرت بشريه شلون رجعت مصاصة الدماء
روز:لان اذا مصاصة الدماء تحولت بشريه وبنفس اللحظة مارسة الجنس وياه مصاص الدماء راح ترجع بسرعة ولا تنسين هو اذا قوتج يعني طبيعي ترجعين بس انتي صرتي خالدة بسبب الطفل لان صرتي حامل وانتي بشريه
اماندا:مصيبه
