نظرت الى الساعة كانت تشير الى الثامنة صباحاً
اليكساندا:الساعة بالثامنة
-اي طلع الصبح اني راح سوي ريوك جهزي نفسج وتعالي
تركتني وخرجت اخذت هاتفي واتصلت على اليكس كان هاتفه مغلق بدأت أشعر بالقلق اتصلت مرة اخرى لا يزال مغلق نهضت من مكاني ودخلت إلى الحمام استحممت وخرجت واتصلت به ايضاً لا يزال مغلق جهزت نفسي وخرجت من الغرفة
اليكساندا:ماما اني رايحه
-وين
اليكساندرا:صار عندي شغل
-والاكل
اليكساندا:اكلي انتي لا تنتظريني
تركتها وخرجت استأجرت تاكسي وذهبت الى منزله وبعد نصف الساعة وصلت طرقت الباب ولم يفتح لي انتظرت ربع ساعة في الخارج وثم عاودت الإتصال به وما زال هاتفه مُغلق
اليكساندا:وين راح
وفجأة سمعت صوت الباب ويفتح فتح لي وكان شكله مريض
اليكس:اليكساندا
اليكساندا:حبيبي شبيك
اليكس:تعبان شوي
امسكت به ودخلنا الى المنزل وضعته على الاريكة وضعت يدي على جبينه كانت حرارته مرتفعة جداً
اليكساندا:حبيبي حرارتك مرتفعة
اليكس:اي شوي
اليكساندا:شنو شوي اصلا صاير نار راح اسويلك شي دافي
ذهبت الى المطبخ اعددت له شوربة خضار وضعتها في الصحن واخذتها إليه وعندما وصلت وجدته نائماً وضعت الطعام على الطاولة
اليكساندا:اليكس حبيبي كوم سويتلك هاي الشوربه راح تتحسن عليها شوي
فتح عينه ونظر إلي لا يستطيع أن يتحرك بسبب المرض
اليكساندا:كوم اكل هاي راح تتحسن عليها
الكيس:لا ما اشتهي اكل شي
اليكساندا:لازم تاكلها حياتي حتى تصير احسن
امسكت به لكي يستطيع الجلوس وثم جلست بجانبه وقمت بطعامه الشوربه وعندما انتهى من تناول طعامه اخذته الى غرفته لكي يسترح قليلاً اخذت هاتفي واتصلت على والدتي واخبرتها بأنني لن اعود الى المنزل اليوم وثم ذهبت الى المطبخ احضرت له مياه دافي ومنشفه وذهبت الى غرفته جلست بجانبه على السرير وضعت المنشفه في الماء وثم وضعتها على جبينه اصبح يتحدث كثيراً بسبب درجة الحرارة التي في جسده
اليكس:اليكساندا.... اليكساندا
اليكساندا:اها حبيبي اني يمك
اليكس:خليج يمي
اليكساندا:اني يمك حياتي
اليكس:احبج
اقتربت منه وطبعت قبله صغيرة على شفتيه
اليكساندا:احبك موت
اغمض عينيه ونام بقيت طوال الليل مستيقظة كنت قلقة عليه وخائفة ان يحدث له شيء لم اتحرك من جانبه ولا للحظه اصبحت الساعة الحادية عشر فتح عينيه ونظر إلي
اليكساندا:حبيبي شلون صرت
اليكس:انتي بعدج هنا ليش ما رحتي للبيت ترتاحين
اليكساندا:وين اروح اعوفك
اليكس:لا تخافين ما بيه شي روحي ارتاحي
اليكساندا:لا اني راح ابقه يمك اليوم
اليكس:لعد تعالي نامي يمي
اليكساندا:انت مريض
اليكس:اي بس اذا اجيتي يمي راح اصير زين
اقتربت منه و استلقيت بجانبه حاوطني بيداي واحتضني بقوة
اليكس:النومه بحضنج تخبل
اليكساندا:اي لعد نام يله
اغمضت عيناي وغطيت في النوم
وفي اليوم التالي استيقظت على صوت اليكس
اليكس:اليكساندا.... اليكساندا
نهضت مفزوعة رأيت يجلس امامي على السرير وهو يرتدي ملابسه
اليكساندا:هاي شنو وين رايح
اليكس:مو رايح قصدج رايحين
اليكساندا:وين رايحين وبعدين انت مو مريض
اليكس:انتي طيبتيني
اليكساندا:لا صدك وين رايحين
اليكس:انتي مو تردين تطلعين اخوج وتينا
اليكساندا:اي
اليكس:واني لكيت الحل
اليكساندا:حل شنو
اليكس:بس امشي واني اكلج بالطريق
نهضت من السرير رتبت نفسي وخرجنا من المنزل ركبنا السيارة وذهبنا وفي الطريق
اليكساندا:ما كلتلي وين رايحين
اليكس:اكو شخص راح يساعدنا حتى انطلع اخوج من غير ما تدخلين على هذيج الجزيرة
اليكساندا:شلون
اليكس:صديقي يفهم بالسحر راح يساعدنا
اليكساندا:صديقك منو هذا وشوكت تعرفت عليه
اليكس:هو مو صديق صديقة
اليكساندا:مو هاي
اليكس:هاي البنيه الي طلبت مني كارلا اروح عليها هي تفتهم بالسحر وراح تساعدني حتى نطلع اخوج
اليكساندا:يعني تعرف هاي
اليكس:اي طبعاً اني حجيت وياهه بهذاك اليوم وكالت افكر بس اليوم الصبح اتصلت وكالت موافقة اساعدكم
ابتسمت بفرح
اليكساندا:صدك
اليكس:اي طبعا
اليكساندا:الحمدالله واخيراً راح يطلع مارك
اليكس:بس كون ما تصير مشاكل
اليكساندا:مشاكل شنو ممكن تصير
اليكس:شبيج خايفه ماكو شي بس يعني جاي اكول يجوز يصير شي
اليكساندا:لا ان شاء الله متصير اي مشاكل
وبعد ثلاث ساعات من التعب والإرهاق وصلنا الى المكان
اليكس:هذا بيتها
اليكساندا:واخيراً وصلنا تعبت
اليكس:اي صدك تعب يله امشي خل ننزل
نزلنا من السيارة وطرقنا الباب وبعدها فتحت لنا كانت فتاة جميلة عمرها 25 تقريباً
-اليكس
اليكس:لونا شلونج
لونا:الحمدالله وانت شلونك شخبارك
اليكس:بخير
نظرت إلي
اليكس:هاي حبيبتي اليكساندا
لونا:اها اهلا وسهلا
اليكساندا:اهلا بيج
لونا:تعالوا اتفضلوا ليش واكفين
دخلنا إلى المنزل وجلسنا في غرفة المعيشة
لونا:شنو تحبون تشربون
اليكس:ماكو داعي لا تتعبين نفسج احنا جايين نحجي وياج بالموضوع اللي حجيتلج عليه
لونا:هو بصراحة اني ما اعرف شكول بس
اليكس:بس شنو شكو
لونا:وصلني خبر من الجزيرة
اليكس:خبر شنو
لونا:الوحوش يخططون للهجم على الجزيرة كلها وخصوصاً جزيرتكم والحاكم
اليكس:شنو ليش
لونا:على مود موت روت يردون ينتقمون اله من الحاكم ومن اهلك لان همه السبب وخصوصاً انتو الاثنين لان كل المشاكل صارت بسببكم
اليكس:شنو يعني
لونا:يعني راح تصير مشكلة جبيرة وما اتوقع احد يطلع سالم منها والدخول هناك خطر بهاي الظروف
اليكساندا:واخويه مارك هناك
امسك اليكس بيدي
اليكس:اهدي حبيبتي مراح يصير شي
اليكساندا:شلون مراح يصير شي انت ما تشوفها شنو كالت اني لازم اروح هناك واطلع اخويه
لونا:لا تفكرين ترحين الدخول هناك خطر وخصوصاً انتي
اليكساندا:ما يهمني شيصير خلي يصير المهم اخويه يطلع ما اكدر اعرفه هناك
نهضنا وخرجنا من منزلها وعدنا الى منزل اليكس
اليكساندا:راح شنسوي هسة اخر امل لنا راح
اليكس:ماكو شي راح اكيد اكو طريقة ثانية
اليكساندا:اي ماكو طريقة بس دخولي
اليكس:لا اكو طريقة
اليكساندا:شنو
اليكس:اني اروح على الجزيرة اجيب اخوج واجي
اليكساندا:تريد تروح الوحدك
اليكس:اي هذا احسن شي
اليكساندا:لا مستحيل اخليك تدخل الوحدك على هذاك المكان
اليكس:لعد اخليج ترحين الوحدج مستحيل هذاك السافل راح ياخذج
اليكساندا:لعد اعوف اخويه هناك ما اكدر
اليكس:كلتلج راح اساعده
اليكساندا:شلون وماكو حل وراح تصير مشاكل هناك
اليكس:اني راح اروح واطلعه
اليكساندا:لا مستحيل انت تروح الكل عبالهم ميت شلون تروح
اليكس:اني راح ادبر الموضوع
اليكساندا:لا مراح تروح انت ومارك بنفس المكان لا ما اتحمل
اليكس:لا تخافين اني اعرف الاماكن زين واكدر اطب واطلع عادي
اليكساندا:واذا واحد من جماعة الحاكم شافوك
اليكس:لا تخافين جينيفر راح تساعدني من غير ما يصير شي
اليكساندا:لا لا لا تروح
اليكس:مراح طول كلش كلش يومين
اليكساندا:يومين
اليكس:اي على ما اشوف اخوج واحجي وياه يعني ياخذ وكت
اليكساندا:بس انت ما مجبور تروح وتعرض حياتك للخطر
اليكس:هذا كله على مودج ما اريد اي شي يزعجج
اليكساندا:اني خايفه عليك هاي الايام جاي تصير بيه اشياء غريبه
اليكس:اهدي بس ولا تخافين من اي شي
اليكساندا:شوكت مقرر تروح زين
اليكس:باجر
اليكساندا:باجر شنو شبسرعة
اليكس:لازم اروح بسرع وكت لان ما ندري شوكت مقررين يهجمون
اليكساندا:ويجوز صار الهجوم وانت هناك راح شسوي اني
اليكس:محد راح يعرف اني هناك وبعدين راح اطلع بسرعة قبل ميصير
اليكساندا:كلبي مو مرتاح بهاي الروحه
اليكس:يخليه يرتاح احسن ههههههه
وضعت راسي على كتفيه واغمضت عيني
اليكساندا:اريدك ترجع بخير اوعدني راح ترجع
اليكس:وعد حبيبتي يله هسة امشي اخذج للبيت لان تعبتي اليوم
اليكساندا:لا اليوم اريد ابقه يمك
اليكس:وامج
اليكساندا:دزيت لها مسج وكلتلها اليوم ما اجي
اليكس:خوش يعني راح نسهر اخر سهره
نظرت إليه بغضب وضربته على يداه
اليكساندا:شنو هذا الحجي
احتضني واصبح يضحك
اليكس:اشاقه وياج حبيبتي شبيج
اليكساندا:لا تحجي هيج
اليكس:احبج
اليكساندا:واني اموت عليك
نهض وحملني بين ذراعيه وذهبنا الى غرفة النوم...... قضينا ليله رومانسية مع بعض كان هناك شعور مخيف بداخلي كنت خائفة من ذاهب اليكس الى ذالك المكان كان هناك شعور بداخلي يمعني من ذهابه الى ذالك المكان اشعر بانني ارمي به الى الموت وتلك الكوابيس التي كانت تراودني هل هذه اشارة ارجوك ياالهي ساعدني أرشدني الى الطريق الصحيح.......
في الصبح التالي استيقظت من النوم التفت حولي ولم اجد اليكس بجانبي
ارتديت ملابسي ونزلت الى الاسفل بحثت عنه في المنزل ولم اجده
عدت إلى الغرفة التفت حولي ورأيت ظرف يضع على الطاولة اخذته وتفتح الظرف كانت رسالة من اليكس
اليكس:حبيبتي اني رايح جنت اتمنى اسلم عليج وبوسج من خدودج الحلوات بس جنتي نايمة واني ما حبيت اكعدج لان ادري بيج راح تزعلين من تشوفيني واني رايح وطلعت من غير ما تدرين اضوجج ادري بيج راح تبجين من اروح وهم ادري بيج راح تبجين هسة
نزلت دموعي ومسحتها بيدي
اليكس:بس اني ما اريد اشوف دموعج اريدج دائماً تضحكين ابقي اضحكي لو شو مصار خليج مبتسمة خليني اذكرج هيج على طول ديري بالج على نفسج ولا تخافين عليه احبج.....
رميت الرسالة السرير واصبحت ابكي
كم كنت اتمنى رؤيته قبل ذهابه لماذا لم اودعه كم كنت اتمنى رؤيته وفجاة شعرت بألم كبير في معدتي كانت تؤلمني كثيراً نهضت من السرير غيرت ملابسي وخرجت من المنزل ذهبت الى المستشفى اجريت التحايل والفحوصات الطبية وكنت انتظر النتيجة وبعد لحظات خرج الطبيب
اليكساندا:اها دكتور طلعت النتيجه
الدكتور:اي طلعت
اليكساندا:اي شبيه ليش صار عندي ألم هيج
الدكتور:طبعاً راح يصير عندج ألم لان انتي حامل ومجاي تعتني لا بنفسج ولا بالطفل
اليكساندا:شو طفل
الدكتور:اي انتي حامل شنو ما تدرين
اليكساندا:لا
الدكتور:اي انتي حامل صارلج اسبوعين
مازلت لا اصدق ما اسمعه انا حامل سوف أنجب طفلاً من اليكس لا اصدق
وضعت يداي على بطني
اليكس:طفل هنا
اخذت النتيجة وذهبت الى المنزلي....
وصل اليكس الى الجزيرة وكان يبحث مع طريقة لكي يراى جينيفر ويتحدث معها من غير أن يعلم احد بوجوده وفجأة لمح روني طائر كارلا يتجول في المكان كان يريد ان يراى حمل حجر و رمى الحجر عليه فزع روني واصبح يبحث عن الشخص الذي رمى الحجر عليه وفجأة ظهر اليكس امامه انصدم روني عنده رؤية اليكس امامه
روني:هاي شنو شبح اليكس
اليكس:شبح ؟
روني:صرت من شيطان لشبح
اليكس:شكلك مشتاقلي
روني:لا طبعاً اصلا ارتاحيت منك بعد محد ينتف ريشي
امسك به من يرشه واصبح روني يصرخ بصوت عالي ويتوسل إليه بان يتركه
روني:لا عوفني عفية مراح احجي عليك بعد
اليكس:هسة تأكدت اني مو شبح
روني:اي صح لان الشبح ما يكدر يلزمني عوفني هسة
اليكس:خوش خليك هيج احسن
تركه وابتعد عنه قليلاً
اليكس:وين كارلا
روني:وين يعني بالبيت
اليكس:شنو مراحت تعيش بعالم ملائكة
روني:اي خل ترجع لدانيال بالبداية يله تروح
اليكس:ليش همه بعدهم متعاركين
روني:من موتت اوسكار لحد هسة
اليكس:اها اكلك
روني:كول
اليكس:اريد منك طلب
روني:شنو مني؟
اليكس:اكو غيرك هنا
التفت حوله
روني:لا ماكو
اليكس:لا تسوي نفسك غبي وإلا
روني:خلص كول شنو تريد
اليكس:اريد اشوف جينيفر بس ما اريد احد يعرف بوجودي هنا
روني:ليش
اليكس:وانت شعليك روح صيح جينيفر وتعال
روني:وين الكاها هسة عالمكم صايرين هوسه بهاي الايام تدري ليش
اليكس:اي ادري الوحوش يردون يهجمون
روني:هاي شنو انت ميت وتوصلك الاخبار
اليكس:لا تظل تحجي حجي تافه روح وخلاص
روني:ماشي بس راح اطول شوي لان الدخول لكم صعبه صارت
اليكس:اني مراح اروح هسة
روني:تمام لعد رايح هسة اني
تركه وذهب الى عالم الشياطين فعلاً كان الدخول إلى عالم الشياطين كان امر صعب جداً كانوا الحراس يحاوطون القصر تسلل روني الى داخل القصر من غير أن يراى احد وذهب إلى غرفة جينيفر كانت نائماً ودخول روني عليها جعلها تستيقظ مفزع
جينيفر:هاي انت خوفتني
روني:اسف بس ما ردت احد يشوفني من الحرس مالتكم
جينيفر:شلون وصلت على غرفتي من غير ما احد يشوفك
روني:بصعوبه يله دخلت
جينيفر:وليش اجيت
روني:شبح اليكس يريدج
نهضت من السرير بفزع
جينيفر:شو
روني:اني هم مثلج اخترعت من شفت الشبح كدامي
جينيفر:اليكس هنا شلون اجه وليش رجع
روني:يعني انتي تدري بيه شبح صار
جينيفر:لك يا شبح وين هو هسة
روني:منتظرج هناك يم الجبل
جينيفر:يم الجبل ما اكدر اروح هسة اخاف احد يشوفني لازم انتظر لليل
روني:تمام لعد اني رايح
جينيفر:اسمع لا تكول لاحد شفت اليكس هنا افتهمت
روني:ماشي
جينيفر:اذا سمعت احد يدري باليكس عايش راح اخليهم ياكلوك هذول الشياطين
روني:لا تخافين مراح احجي اصلا محد يصدك بيه
جينيفر:تمام روح هسة
خرج روني من النافذه وذهب الى منزل كارلا كانت نافذة غرفتها مفتوحه دخل من النافذة
كارلا:وين جنت صارلي شكد ادور عليك روني:جنت افتر شوي
كارلا:وين رحت
روني:يم الصخور وشف.....
كارلا:شنو
روني:اوف مني غلطت بالحجي
كارلا:شنو ضام عليه
روني:ما اكدر احجي كالوا راح ياكلوني اذا حجيت
كارلا:ولك تضم عليه احجي لا اموتك
روني:ماكو سر يبقه عندي يوم كامل
كارلا:اي لان مثل البومه دائماً تحجي حلكك ما يسكت احجي شنو عندك
روني:اليوم شفت اليكس
فتحت عينيها
كارلا:شو
روني:اي شفته قبل شوي
كارلا:شلون رجع هذا
روني:شنو هاي حتى انتي تدرين بيه عايش
كارلا:شنو راد منك
روني:راد يشوف جينيفر ورحت عليه و بلغتها وكالت اذا احد عرف اليكس موجود راح اخليهم ياكلوك
كارلا:واني هم اذا احد عرف راح احولك ضفدع افتهمت
روني:شنو هاي حتى انتي
كارلا:حلكك هذا لا تفتحه لاحد افتهمت
روني:اي شبيج مراح احجي
كارلا:نشوف
صمتت قليلاً
كارلا:هسة هذا شيسوي جاي شعنده رجع دخل لهنا.....
اليكساندا"
عدت إلى المنزل واتصلت على ستيلا وطلبت بان تأتي الى منزلي وبعد نصف ساعة وصلت الى المنزل
ستيلا:خير شكو خوفتيني
امسكتها بيدها وابتسمت ابتسامة عريضة
اليكساندا:لج ستيلا اني حامل
ستيلا بصدمة:شو حامل
اليكساندا:اي اليوم سويت تحليل وطلعت حامل ستيلا، مجاي اصدك راح يصير عندي طفل
ستيلا:لج طفل شنو من الشيطان
اليكساندا:كلتلج لا تكولين عليه شيطان
ستيلا:اليكساندا هذا الطفل لازم ينزل
اليكساندا:شو
ستيلا:اي لازم تنزلينه
اليكساندا:انتي مخبله ترديني اكتل ابني
ستيلا:اليكساندا انتي حامل مو شيطان تعرفين شنو يعني.. يعني ابنج يجوز من يجي بي لعنه
اليكساندا:مستحيل وحتى لو بي مستحيل اكتل ابني
ستيلا:بس
اليكساندا:خلاص اني ما حجيتلج حتى تنطيني هيج حجي
ستيلا:اني خايفه عليج
اليكساندا:ماكو داعي تخافين عليه وهسة اريد ابقه الوحدي
ستيلا:ماشي
تركتني وخرجت انزعجت كثيراً من كلامها انها تكره اليكس وتعتبره شيطان ولكنه قبله طيب جداً اطيب قلب عرفته في حياتي وانا لست نادمه على حبي له ولن اتخلى عن ابني واليكس مهما كانت الظروف وان لعني العالم بأكمله لن اتخلى عنهم.....
